رواية سر تحت الجلباب الفصل الثالث
كريم: بقولك ايه يا تيم
تيم: جول يا كريم
كريم: نفسي ازور بلدكم
تيم: بعدين بعدين، خلص اللي وراك بس وربنا يسهل
نورا: اسمع المثل ديتي يا كريم، حبيبتي وريتها مالي وحيطان بيتها
كريم: افندم
تيم: يا بتي سيببه يروح يشوف حاله
كريم: اكيد بتشتمني بالصعيدي
تيم: لاء، هيا قصدها إن خطيبتك معاك مالك ومال بلدنا
كريم: اعوذ بالله منكم، انا ماشي
ليتركهم كريم وينصرف.
نورا: وبعدين يا اخوي، كريم كل شويه يزن ف موال البلد
تيم: مسيره يزهج
ونتركهم ونذهب الي الصعيد حيث أن زاهر يتصل علي العمده.
زاهر: انا جاي عنديكم زياره عشان اشوف العروسه
العمده: تنور الدنيا كلها يا زعيم
زاهر: انته مخك تخين ليه، مش جولنا بلاش زعيم، اسمي مصطفي النحاس
العمده: خلاص يا معلم مصطفي، تشرف وتنور
زاهر: انا ف الطريج، جدامي ساعتين واكون عنديكم
العمده: ف انتظارك
ليغلق العمده الهاتف وهو فرحان.
العمده: يا وهيبه
وهيبه: عاوز ايه وفاتح صوتك علينا كده ليه
العمده: عريس بتك جاي ف الطريج
وهيبه: صح حديتك
العمده: اه، وضبو غدا يشرف
وهيبه: دابحين شرشار
العمده: طلعي كام كيلو لحم، اخلصي ياله
وهيبه: حاضر
وهيبه: ناعسه
ناعسه: نعم يا ست الكل
وهيبه: طلعي لحم كتير اطبخيه ووضبي غدا يشرف، عريس بتي جاي ف الطريج، وخلي الحريم يساعدوكي
ناعسه: الف بركه، ربنا يفرحكم بيها
وهيبه: انا هطلعلها عشان اذوجها
لتصعد وهيبه الي غرفه ابنتها.
وهيبه: هملي النت ديتي وجومي اتذوجي والبسي احلي لبس عندك، عريسك جاي ف الطريج، والبسي دهبك كله
جليله: طاب شيعيلي ناعسه
وهيبه: ناعسه مفضياش، بتجهز الوكل
جليله: ما الحريم كتير، انا عاوزه ناعسه تساعدني، ذوجها حلو
وهيبه: امري لله، هروح اخلي خيك يجطفلنا فاكهه من الجنينه، وعاوزاكي تجعدي عاجله جدام العريس، وعلي الوكل تأكلي نص بطن عشان يجول عليكي عيونك مليانه
جليله: طيب، هجوم جعانه عشان خاطرك
وهيبه: يابت، عاوزاه يجول عليكي شبعانه من بيت شبعان
جليله: انتي ناسيه اني بت عمده البلد كلها، يعني يحمد ربنا اني هوافج بيه
وهيبه: ماهو عشان الكبر اللي فيكي ده حدش واخدك، لما عنستي ندادتك معاهم عيال
جليله: انا مافيش حد زيي ولا واحده ف جمالي، انا جليله ابو الحمد
وهيبه: طيب، هندلي انا واشيعلك ناعسه
اما عرفه فكان يجلس مع والده.
عبدالغني: انته ولدي الوحيد ولازم تعرف اللي بيجري
عرفه: خير يا أبا
عبدالغني: الزعيم هيتجوز خيتك
عرفه: بفرحه بجد يا أبا
عبدالغني: بجد، بس اسمع، هو مغير اسمه ودلوك اسميه مصطفي النحاس، تاجر فاكهه كبير
عرفه: ليه يعني
عبدالغني: هو كده كده محدش ف البلد يعرفه ولا شافه
عرفه: فعلا يا أبا، ده انا نفسي معرفوش
العمده: تصدج يا ولدي، اني انا عمري ماشفت شكله الحجيجي، دايما لابس وش علي وشه، يعني النهارده اول مره هشوفه علي الطبيعه، حتي نظمي بردك نفس الشيء
عرفه: له نظمي انا عارفه علي الطبيعه عشان بشوفه عند الغجر
عبدالغني: بس بردك محدش يعرف انه دراع الزعيم اليمين
عرفه: صدجت يا أبا، ولاد شياطين، بس يعني ليه عاوز يتجوز خيتي بالذات
العمده: عشان بت العمده، بس بردك محدش يجدر يعرف ف راسه ايه
عرفه: يعني هو مجالكش
العمده: والله مجال، ده كمان عاوزني اعزم البلد كلها
عرفه: غريبه دي
عبدالغني: امال لو عرفت انه عاوزني أوكل البلد كلها وافرج لحم ني وطايب
عرفه: ليه يعني ده كله
عبدالغني: مش بجولك محدش يعرف اللي ف راسه ابدا، بس اسمع، اوعا يعرف انك عارف انه الزعيم، هو دلوك مصطفي النحاس
عرفه: فاهم يا أبا، وكمان هيسكن معانا ف البيت يعني نتجلعو براحتنا
عبدالغني: عاوزك دايما تخلي كتفك بكتفه
عرفه: طبعا، اومال ايه
ونذهب الي الجبل.
نظمي: غبار
توفيج: غبار مش هنا، طلع مع الزعيم
نظمي: راحو علي فين
توفيج: معرفش، وهو الزعيم من ميته يعني بيجول رايح فين وجاي منين
نظمي: طاب غور اعملي شاي وهاتلي جرجوشتين
توفيق: حاضر
ليعتدل نظمي.
نظمي: يكون راح فين ده، بس ياله انا هوجع نافوخي ليه، لما ياجي هعرف
ليتصل نظمي علي ونيسه.
نقاوه: ايوه يا نظمي
نظمي: انتي بتردي بدالها ليه يابت انتي
نقاوه: بت ف عينك، ونيسه نايمه
نظمي: نايمه لدلوك ليه، امال خير، كفا الله الشر
نقاوه: مافيش، اصلها بتسهر طول الليل ترجص وتغني
نظمي: طاب خلاص، بس لما نجوم خليها تكلمني، وغوري شوطه تاخدك
اما زاهر فها هو قد وصل الي منزل العمده ولكن بشكل غير الذي يعرفه العمده، ليجد البوابه مفتوحه ليساءل أحد الغفر عن العمده.
الغفير شواف: نجوله مين
زاهر: جوله المعلم مصطفى النحاس
شواف: حاضر، عن اذنك دجيجه
ليتركه شواف ويدخل الي المنزل.
شواف: يا حضرة العمده، في واحد باين عليه الجيمه عاوز حضرتك برا
العمده: مجالش، هو مين
شواف: جال اسميه مصطفى النحاس
العمده: حرج ابو اللي جابك، ده عريس ستك جليله، غور خليه يخش، مشغل عندي شويت بهايم
شواف: حاضر يا حضره العمده
ليخرج شواف حيث يقف زاهر ليبلغه بأن العمده سمح له بالدخول.
زاهر: طيب، ساعد الرجاله ودخل الحاجه ديه جوه
ليخرج من محفظته ٥٠٠ جنيه.
زاهر: خد يا غفير، هاتلك حاجه حلوه
شواف: كتر خيرك يا باشتنا، الله اكبر، ده باين عليه تجيل جوي، طبعا العمده ميوجعش غير واجف
ليدخل زاهر المندره ليجد العمده في انتظاره، لينظر إليه العمده وهو في حاله ذهول لأنه يراه علي طبيعته اول مره.
العمده (في نفسه): ده شاب صغير، بس الله اكبر، الهيبه لايجه عليه جوي
ليقترب منه العمده.
العمده: اهلا بيك يا معلم مصطفي، نورت
زاهر: اهلا بيك يا حمايا العزيز
العمده: تشرب ايه علي ما الغدا يجهز
زاهر: فنجان جهوه ساده
عبدالغني: وليه الفال العفش ديتي
زاهر: جولت جهوه ساده
العمده: أوامر
العمده: ناعسه
ناعسه: نعم يا حضرة العمده
العمده: اعملي فنجان جهوه ساده بوش، واوعي الجهوه تفور منك
ناعسه: حاضر يا حضرة العمده
العمده: اه، وخلي ستك جليله تندلي هيا وامها
ناعسه: حاضر
لتصعد ناعسه الي غرفه جليله.
جليله: عاوزه حاجه
ناعسه: له، حضره العمده عاوزك انتي وست الكل
جليله: عارفه، بعد ما ذوجتيني ببص ف المرايا لجيت نفسي زي الجمر
ناعسه: انتي من غير ذواج اجمل بنات البلد
جليله: متعرفيش ابويا عاوزني ليه
ناعسه: هو طلب مني فنجان جهوه ساده، وعنديه ضيف
جليله: يبجي هو عريسي
ناعسه: ربنا يتمملك علي خير
جليله: بعد كده هتيجي الخدامه الخصوصيه بتاعتي
ناعسه: وانا ف ديك الساعه ده انا اخدمك برموش عيوني
جليله: طاب ياله نندلو، وابجي خشي معايا عشان تشوفي العريس وتجوليلي رءيك فيه
ناعسه: اكيد سيد الرجاله عشان يستاهل ست البنات
لتنزل جليله وتدخل المندره علي والدها.
عبدالغني: تعالي يا بتي وسلمي علي عريسك
لتنظر اليه جليله بانبهار.
جليله (في نفسها): هو ده عريسي، ده زي الجمر، الله اكبر عليه، راجل ملو هدومه
عبدالغني: اجعدي مع عريسك، اتعرفي عليه، وانا طالع فوج ونازل كمان شويه
ليتركهم العمده ويصعد الي غرفته، حيث يجد زوجته كانت تهم أن تنزل.
وهيبه: طلعت ليه؟ انا كت هندلي
عبدالغني: له، خليكي شويه، انا هملت جليله تجعد مع عريسها عشان تتعرف عليه
وهيبه: هملتهم وحديهم
عبدالغني: له، جولت لناعسه لما تدخله الجهوه تفضل واجفه خشم الباب
وهيبه: عافيه عليك، بس اياك علي الله يعجبها
عبدالغني: متخافيش، عجبها
وهيبه: منين جالك
عبدالغني: كانت واجفه تطلعله كأنها بتطلع لجمر
وهيبه: ربنا يفرحك يا بتي ويهدي سرك
اما ناعسه فها هيا اعدت القهوه ودخلت الي المندره لتقدم القهوه لزاهر.
ناعسه: اتفضل حضرتك
جليله: شوفتي عريسي، راجل ملو هدومه كيف
ناعسه: جد الدنيا، ربنا يكملكم علي خير
ناعسه: عن اذنكم، انا هوجف خشم الباب عشان لو عوزتو حاجه
ليخرج زاهر مبلغ من محفظته.
زاهر: خدي
جليله: يا اسمك ايه
ناعسه: ياباشتنا اسمي ناعسه، هيا بتخدم هنا ف البيت، لكن انا جولتلها بعد الجواز هتبجي خدامتي الخصوصي، اصلنا هعنيشو ف الدور الثاني
زاهر: طيب عال، خليها تخدمك وانا اللي هجبضها من جيبي
جليله: لكن مجولتليش، انته شوقتني فين جبل سابج
زاهر: شفتك كذا مره حدا معروف الصائغ
جليله (ضاحكه): اه، كت بشتري منيه دهب، اصلي بحب الدهب جوي جوي، خصوصي عيار ٢٤
