رواية تبديل عريس الفصل الثالث بقلم جمانه السعيدي
محمد....اذا ما تكدرين تكعدين بلبيت وحدج روحي يم اهلج
سميره... مراح اكدر اكعد وانت ما موجود
محمد...اني راح اتصل اطمن عليج
سميره...تتاخر لو تجي بسرعه
محمد...مااعرف حسب شغلي بس اكيد راح اجي يوم الجمعه
اطمن عليج
لا تتصلين على البيت لان مراح اكون موجود
اني اتصل عليج من ارجع او يكون عندي وقت
سميره...انتى جاي أصعب الوضع عليه اكثر
محمد...اني كتلج من البدايه تعاي وياي انتي ما تقبلين
سميره...اريد اتعرف على اهلك لان اني ماشفت اي احد منهم لابلمهر ولا بلزواج
اريد اتعرف على عائلتك
محمد...ميخالف بس اني احتمال مااكدر ارجعج
لايوم ولا يومين ايجوز عشر ايام لان اكو مشكله انريد نروح انحلها اني واخوي
سميره...شلون اجازتي تخلص بعد اربع ايام
محمد...خليها غير وكت تاخذين اجازه وتجين وياي
سميره...شعجب اهلك ماعدهم فضول يشوفون العروس
معقوله هيج الموضوع بلنسبه الهم عادي
محمد...منو كال عادي اصلا هسه بس ارجع راح يسوون احتفال علمودي بعدين اني ماعندي احد
اختي مزوجه بغير محافظه وزوجت اخوي كتلج عدها انزلاق
ماعدنا نسوان يجن اكيد هما حابين يتعرفون عليج
بس هما مايردون يضغطون عليج على راحتج
الايام جايه هواي وراح تتعرفين عليهم اكيد
سلسبيل...كدر بابا يقنع ماما ويااكدلها راح يكون التعارف بااقرب وكت ممكن
بعد ماا بابا ودعها وطلع حست بحسره وضيق
اخذت جنطة ملابسها ورجعت بيت اهلها
بس شافتها بيبي
بيبي...يااا شو جايبه ملابسج وجايه
سميره...محمد.رجع المحافظته لان عنده شغل
بيبي...يااا هو هذا عرسج ٣ ايام ورجعتي
سميره...يمه الرجال ما غشني هو كال هذا وضعي وعرض عليه اروح وياا المخافظته بس كال نبقى عشر ايام
لان هاي الفتره ماعنده شغل بغداد
بس اني رفضت لان اجازتي تخلص بعد اربع ايام
بيبي...اكعدي اني عرفت هاي السالفه من اول ما خطبج
وين اكو ابن عشائر ومعروف ومركز
ماياخذ زوجته تسكن يم اهله
شنو يبقى رايح جاي علمودج
جمانه السعيدي
سميره...لان يحبني وافق هسه لو اتصل اكله ارجع اريد اروح اسكن وياك
يكيف يرجع ياخذني بس اني ماأحب عيشت اهل الجنوب
عدهم قوانيبن واحكام والمره تمشي بيكفهم
على مزاجهم وخاصه هما شيوخ
يعني المره عدهم خدامه مالها قيمه
شلون اروح اعيش وياهم مستحيل اكدر اكمل
حياتي بهاي الطريقه
بيبي.... خوش خلي يجيج خطار اكعدي واسكتي
سلسبيل...كلام بيبي ضوج امي اكثر ما هيه ضايجه
بليل اتصل عليها بابا وبقا يحجي وياها
يريد يخفف عنها شويه
محمد...اعرف انتي ضايجه حبيبتي بس اوعدج لازم نلكه حل
لان اني هم مااكدر على بعدج
اتحملي فتره وتعدي
سميره...امي تحجي عليه تكول كتلج من الاول هاي الزواجه مراح تكمل
محمد...لا انشاء الله تكمل اني اهلي هم يحجون عليه
يكولون شلون انت بمكان وزوجتك بمكان
بس اني وياج راح نعبر كل التحديات
وراح نستقر بمكان ونربي جهالنا
سميره...شكد جنت ضايجه بس كلامك طمني
اني ليش احبك لان انت الوحيد الي يكدر يخليني اعبر
واعدي كل الازمات
وجودك قريب مني يريح نفسي
محمد حبيبتي مو بكدي اني اختاريتج دون كل البنات
رغم اني عندي أقارب ومعارف وزميلاتي عمل
بس كلبي مايرضي بوحده غيرج
سلسبيل....قبل لا تخلص اجازت امي بيوم واحد رجع عليها وخلص هذا اليوم وياها
بعد اربع ايام رجع عليها لان صادف يوم جمعه
من بعدها ماكدر يجي اله يوم الجمعه يوصل الصبح
ويطلع يوم السبت الصبح
يعني يوم واحد
هذا الوضع ازم امي ودهور حالته النفسيه
تتصل علي للبيت يكولون بلدوام
رغم هو محذرها تتصل على البيت
بس ماتكدر
بدا الملل يتسلل الكلبها
الوضع مو مريح بلنسبه الها هي ماكانت متوقعه
راح يعيشون كل واحد بمكان وتبقى اسبوع كامل منتظرته
يجيها يوم ويرجع يغيب اسبوع
هي جانت متوقعه بعد الزواج راح يكدر يحسن وضعه
ويسكنون هو وياها بنفس البيت
فات شهرين على هذا الوضع
بدت امي تتملل وكلما تشوف ابوي تتعارك ويااا
لان ماتكدر تتحمل هذا الوضع
بس هو جان يصبرها ويهديها يكدر بحبه الها يمتص غضبها ويحوله الهدوء
بالأخير يكول اذا ماعاجبج هذا الوضع تعاي وياي
اكعدي يم اهلي
جمانه السعيدي
سميره...مااكدر شغلي هنا اهلي هنا مااكدر اعيش
على تقاليد واطباع اهلك
انت الرجال انت الي لازم تتكيف على وضعي
يخلص هذا اليوم عرك ومشاكل ومايقبل اي واحد منهم يتنازل للثاني
امي ماتقبل تروح ويا محافظته
وهو مايكدر يعوف ناسه وشغله وأهله علمودها
بعد شهرين امي اكتشفت حملها هذا الخبر بمكان مايفرحها وترها اكثر بهاي الفتره محتاجه ابوي يكون وياها
يطمنها ويساعدها
بدت النساوه تعبها ووضعها حيل اتخربط
اتصل عليها بابا مثل كل يوم
بس سمعت صوته كامت تبجي
محمد...ليش تبجين حبيبت كلبي
سميره...اني حامل
محمد...مبروك هذا الخبر يخليج اضحكين لو تبجين
سميره...ما تكمل فرحتي اله تكون انت وياي
محمد...بس هاي باجر جايج وجايبلج هديه
سميره...مااريد هديه اريدك يمي
محمد...باجر جايج مو تدللين باجر لا اطلعين للدوام
لان اني راح اوصل من الصبح
راح ابقى يمج يومين
سميره...يومين بس
محمد....هااا تردين تتعاركين مثل كل مره
هواي يومين كافيات اصالح حبيبتي
فعلا اليوم الي بعده الساعه ثمانيه الصبح بابا كان
موجود بيت بيبي اخذ امي وطلعو يتريكون برا
سميره...همزين اجيت صاريومين بس ابجي
محمد...ليش تبجين حبيبت كلبي اني موجود وانتي تبجين
هذني اليومين انسيج الدنيا كلها
سميره...ليش ما تبقى يمي
محمد...راح نرجع نحجي بهذا الموضوع مره ثانيه
سميره...اي شلون راح نبقى هيج طول العمر
محمد...لا اكيد راح يصير حل ترا هنا شهرين
مو سنيين
سميره...مااكدر اتحمل بعدك عني
محمد...مابيدي شي هذا العمل سبب رزقي عايش منه
واصرف على البيت منه
مااكدر اعوفه اني شغلي خير من الله
سنيين بقيت يله سويت اسمي والناس كامت تعرفني
جمانه السعيدي
بيومهابابا اخذ امي تريكو بمطعم بلكراده
وبعدين اخذها اشترالها محبس ذهب هديه خبر الحمل
بلرجعه قبل لا يوصلون المكان السياره
اكو واحد صادف ابوي وسلم علي بحراره
السلام كان شلونك ابو عدي شلون الحال
ابوي ارتبك وحاول يلخص الكلام حتى امي لا تنتبه
بس هذا الشخص بقى لازك ويسئل عن أفراد العائله
وواحد واحد
بلكوه يله كدر بابا يتخلص منه
سميره...منو ابو عدي
محمد....مااعرف يمكن مشتبه
سميره...شلون مشتبه ويا هذا السلام الحار
وذكر اسماء العائله وواحد واحد
محمد....مااعرف ايجوز مشبه بيني وبين محامي ثاني
سلسبيل...امي حست اكو شي ابوي جاي يحاول يضيع الكلام وما يقبل ينطيها اجابه واضحه
قررت تسكت بس مو للابد
لازم تعرف ليش هذا الرجال كال البابا ابو عدي
وليش ابوي ارتبك وحاول يضيع الموضوع
اكيد اكو شي هيه ما تعرفه
بقت بقلق ذني اليومين رغم ابوي كان مهتم بيها اخر اهتمام ويحاول يعوضها ايام بعده عنها
مجرد خلصت الاجازه وبابا رجع المحافظته
امي رجعت للدوام وبدت تحقق بهذا الموضوع
تسئل بدون ما تبين الموضوع
اربع ايام وهي تسئل هذا وذاك ومالكت الجواب الشافي
بلنسبه الوضعها ويا ابوي طبيعي جدا
يتصل عليها وترد علي
بس هي حاسه اكو شي موطبيعي بلموضوع
لحد مااجا رجال جبير لابس عكال وعبايه
هذا الرجال من نفس محافظة بابا
بس شافته امي قررت تستجوبه بطريقتها الخاصه
اولا اتاكدت هو من نفس المحافظه
ثانيا سئلته على بيت عمي وعلى بابا
سميره...اريد اسئلك عمو
...اي اسئلي
سميره...اسئلك على بيت شيخ سعد ابو قائد واخو محمد المحامي
....اي اعرفهم شبيهم
سميره...خوش ناس لان خطبو من عدنا مره
...اي ياعمي ناس حموله والنعم منهم
بس المن خطبو مره
سميره.. لمحمد المحامي
....فوك مرته يريد ياخذ الثانيه
سميره...هو مزوج
....اي مزوج وعنده اطفال ثنيبن ولد
ماخذ بت عمه صار خمس سنيين تقريبا
سميره...انت متاكد
....اي عمي شلون ما متاكد هما جيرانه بلشارع الورانا
ناس معروفين مو كل ناس الهم سمعتهم وصيتهم
سمير ....حسيت راسي يوجعني والنفس ضاك عليه
كمت مااشوف كدامي من الهبطه
كعدت على الكرسي وصحت الحكو عليه راح اموت
