رواية صدفة عشاق الفصل الاربعون
حازم مسح على وشه بغضب ./لو زين اللي عملها مش هخليه عايش المره دي يا ايهم .
و قفل التليفون في وشه . ريماس بصتله بقلق ./في ايه يا ايهم .
ايهم مسح على وشه بهدوء ./ليلي اتخطفت .
ريماس شهقت بخضه ./اتخطفت يعني ايه يا ايهم .ازا...
ايهم قاطعها بضيق ./اتخطفت يا ريماس . زين اللي خطفها . انا مش عارف لحد امتي هنفضل في التوتر ده بسبب اخوكي . مكفهوش اللي عملوا فيهم زمان . في حياة بنت دلوقتي بقت في رقبته . والله اعلم ممكن يعمل فيها ايه .
ريماس قعدت بدموع ./انا معرفش هو ليه بيعمل كده معرفش .
ايهم اتنهد بهدوء ./الغلط في جوازهم من الاول يا ريماس . خلينا نستني حازم و نبقي نفكر هي ممكن تكون فين .
_______________________________________
فات يومين من غير اي احداث جديده .
ليلي مختفيه و محدش عارف يوصلها . و حازم مسبش مكان غير و دور فيه . و راشد و نعمه هيموتوا من الخوف أن يكون حصلها حاجه .
عند بيت ليلي .
حازم قعد و معاه حنين . اللي شالتها نعمه بلهفه . راشد بصله بخوف ./مفيش اخبار عن ليلي .
حازم هز رأسه برفض ./انا بحاول ادور عليها في كل مكان . بس محدش عارف يوصلهم .
نعمه قعدت بدموع ./و بعدين هنفضل كده لحد أمتي . احنا لازم نبلغ البوليس .
حازم اتنهد بهدوء ./ماهو مفيش واحد بيخطف مراته . مهما كان اللي بينهم بس هي في القانون لسه مراته .
راشد اتنهد بدموع ./يارب رجعها يارب .
حازم قام بهدوء ./انا هسيب حنين معاكم انهارده . و لو وصلت لحاجه هكلمكم .
راشد هز رأسه بهدوء . و سكت . و حازم بص عليهم بهدوء و مشي .
__________________________________________
عند ايهم .
ايهم قام يفتح الباب . و اتنهد بهدوء . لما شاف حازم ./ تعالي يا حازم ادخل . مفيش اخبار عن ليلي .
حازم هز رأسه برفض . و مسح على وشه بضيق و هو بيقعد ./مش قادر يا ايهم ابص في عين حد من أهلها . حاسس اني كنت مسؤول عن حمايتها و فشلت في ده .
ايهم اتنهد بهدوء ./متحملش نفسك فوق طاقتها يا حازم ..انت بتعمل اللي عليك . اكيد هو مش هيعمل فيها حاجه . دي مرا...
حازم قاطعه بضيق ./مش مراته يا ايهم . و اه هو ممكن يعمل فيها حاجه . ده مجنون يا ايهم . عنده استعداد يعمل اي حاجه عشان اللي عايزه يحصل .
ريماس قطعت كلامهم و قربت منهم بهدوء ./وصلته لحاجه .
ايهم هز رأسه بهدوء ./ تعالي اقعدي .
ريماس قعدت و هي بتحاول تهرب من نظرات حازم ليها .
حازم اتنهد بضيق . و هو عينه علي ريماس ./ و هو زين اشمعنا كرر يخطفها اليومين دول بالذات . بعد ما عرف اني عرفت أن حنين بنتي .
ايهم هز رأسه بهدوء ./معتقدش أنه عرف يا حازم .
ريماس رجعت شعرها وره ودنها بتوتر . و هي بتضغط علي تليفونها . حازم كمل بهدوء ./لا زين عرف . و كرر يخطف ليلي في التوقيت ده بالذات عشان عرف . لو كان عايز يخطفها كان خطفها من بدري . انما هو خطفها بعد مع أتأكد اني عرفت كل حاجه . فـ فهم ان مبقاش قدامه حاجه يضغط بيها علي ليلي .
ايهم اتنهد بهدوء ./المهم نعرف هما فين دلوقتي .
و كمل و هو بيبص لـ ريماس ./يعني انتي متعرفيش مكان يكون زين بيتردد فيه كتير . او لو عنده بيت او فيلا بعيد .
ريماس هزت راسها بتوتر ./لا معرفش .
حازم اتنهد بضيق ./طلعي تليفونك .
ريماس بلعت ريقها بتوتر ./أطلع...
حازم صرخ بغضب ./بقولك هاتي تليفونك .
ايهم وقف بغضب ./في ايه يا حازم . عايز تليفونها ليه . و ازاي تتكلم معاها كده .
حازم مسح على وشه بغضب . و هو بيسحب منها التليفون بسرعه . /هنشوف دلوقتي .
لف التليفون بغضب ./افتحي الباسورد .
ريماس هزت راسها بتوتر و هي بتفتح التليفون . حازم فضل يقلب فيه لحد ما ابتسم بسخرية ./مش الرقم اللي مكلماه من ساعه ده رقم زين بردك و لا ايه .
ريماس هزت راسها بتوتر ./لا مش هو .
ايهم بص عليها بهدوء و هو خايف اللي في دماغه يبقي صح .
حازم اتنهد بسخرية . و هو بيرن عليه ./هنشوف .
زين بص علي التليفون بهدوء . و رد ./ايه يا ريماس في جديد عندك .... زين سكت باستغراب و كمل . /ريماس انتي معايا .... و بعدين اتنهد بضيق و قفل تليفونه .
ايهم بص علي ريماس بصدمه . ريماس دموعها نزلت بخوف .
حازم اتنهد بسخرية و هو بيرمي التليفون علي الارض ./ قولتلك يا ايهم مش هتسيب اخوها . هتختاره حتي و هي عارفه أنه ظالم .
ريماس وقفت بغضب ./زين مش ظالم . زين حب ليلي و هي حبته . انت اللي دخلت حياتهم و دمرتها تاني . انت لو كنت بتحب ليلي كنت هتسيبها سعيده في حياتها معاه . انما أنت فتحت مواضيع قديمه . و محدش فيكم حس بـ اخويا اللي عمل كل حاجه عشانها . كنت سبلها فرصه تكمل حياتها صح . زين اكتر واحد أحق بـ ليلي يا حازم . هو حبها اكتر منك . انت كل اللي همك مصلحتك و بس .
حازم مسح على وشه بسخرية . /مش انا قولتلك يا ايهم . اخوات بقي لازم يبقوا نفسه العينه . اختارت الظلم و هي عارفه قد ايه ليلي عانت في حياتها . انتي لو كنتي بتحبي ليلي بجد . و كنتي شوفتيها صحبتك زي ما هي شافتك . مكنتيش هتأذيها يا ريماس . انتي ضحيتي بيها عشان سعادة اخوكي .
ريماس ابتسمت بسخرية ./ليلي سعادتها مع زين يا حازم . انت اللي مش قادر تفهم ده .
ايهم بص عليها بقرف ./انا ازاي مكنتش شايفك يا ريماس . ازاي مكنتش عارف انك كده . سبتك تربي ابني و انتي جواكي واحده بتيجي علي اي حد . حتي لو روح بني ادم عشان مصلحتها ..انا كنت بدافع عنك يا ريماس . لاخر لحظه .
ريماس مسكت ايده بدموع ./ايهم احنا ملناش دعوه بالحاجات دي . احنا عايشين لوحدنا . بلاش نخسر كل حاجه بينا عشان خاطر حاجه متخصناش يا ايهم . احنا غيرهم .
ايهم سحب ايديها بضيق ./بس اسكتي يا ريماس اسكتي . يا خسارة علي كل حاجه يا ريماس يا خساره .
حازم اتنهد بضيق ./ انا عرفت مكانهم فين .. سلام انا ماشي . خليك هنا أتأكد انها مش هتكلمه يا ايهم . لو حصل اي حاجه لـ ليلي ذنبها في رقبتك يا ريماس انتي فاهمه . و وقتها مش هرحمك .
و سبها و مشي بسرعه . ايهم سحب تليفونها بغضب ./ تتطلعي فوق و مش عايز اشوفك و لا اسمع صوتك .
ريماس مسكت ايده بدموع ./ايهم عشان خاط...
ايهم صرخ بغضب و هو بيسحب أيده ./بقولك اطلعي .
__________________________________________
حازم ركن عربيته و نزل بسرعه . و من الناحية التانيه نزل علي . حازم بص حواليه ./ الوكيشن كله صحراء . مفيش غير البيت ده .
علي بص علي البيت باستغراب ./ده مخزن يا حازم و قديم كمان .
حازم سحب مسدسه و دخل . /مفيش غيره يا علي .
علي اتنهد بضيق و دخل وراه . و هما بيدوره في كل مكان .
حازم مسك الدبله اللي علي الارض . و اتنهد بقلق ./ كانت في ايد ليلي . اكيد ليلي هنا .
علي اتنهد بهدوء ./ يا حازم المخزن مفيهوش حاجه . و جراج العربيات مقفول بـ قفل . يمكن جابه...
حازم قاطعه بسرعه و هو بيمشي ناحية جراج العربيات ./ او يمكن هي هنا .
حازم طلع مسدسه و ضرب القفل و فتح الجراج بسرعه . و جري بقلق لما شاف ليلي مرميه علي الارض . حازم بص عليها بصدمه و علي اثار الضرب اللي علي وشها و جسمها . حازم خبط علي وشها بقلق ./ليلي ليلي .
علي مسك ايديها بسرعه . /في نبض يا حازم يلا علي المستشفى .
حازم هز رأسه بسرعه و هو بيشيلها . و ركبها العربيه و ركب جمبها . و علي ركب من قدام بسرعه . حازم اتكلم بغضب و خوف ./يلا يا علي بسرعه .
علي هز رأسه و كمل سواقه .
__________________________________________
حازم فضل واقف قدام اوضة ليلي . و هو بيبص علي الدكاتره اللي معاها جوه . رجع لوره بسرعه و غمض عينيه بغضب .
لحد ما الدكتوره طلعت . حازم قرب منها بسرعه ./ ليلي عامله ايه .
الدكتوره اتنهدت بهدوء ./ واضح انها متعرضه لـ اعتداء و في آثار ضرب علي وشها و جسمها . و كمان في اثار حروق علي ضهرها . واضح انها من ماية نار . كل حاجه ليها علاج بس الاهم العلاج النفسي في حالتها .
حازم مسح على وشه بضيق . و اتنهد بهدوء ./هتفوق امتي .
الدكتوره هزت راسها بهدوء ./في خلال ساعتين . بس زي ما قولت لحضرتك العامل النفسي اهم . عن اذنكم .
علي قرب من حازم بهدوء ./الحمدلله يا حازم انك اطمنت عليها . و أنها كوي...
حازم قاطعه و هو بيمشي بسرعه ./تقدر تمشي يا علي شكرا .
علي مشي وراه ./استني يا حازم رايح فين .
حازم ركب عربيته بسرعه و مشي . علي اتنهد بهدوء و ركب عربيته هو كمان و روح .
__________________________________________
ايهم فتح الباب بهدوء .. و لسه هيتكلم . قاطعه حازم اللي دخل بغضب ./هي فين ..كلمته صح . خلته يسيب المكان قبل ما نروح .
ايهم وقف قصاده بضيق ./ ممكن تفهمني ايه اللي حصل .
حازم ضحك بسخرية ./اللي حصل أن ليلي في المستشفى بسبب المدام و اخوها . و انت لسه واقف بدافع عنها .
ايهم اتنهد بضيق ./حازم انا مش بدافع عنها . بس دي مراتي و تليفونها كان معايا . يعني مكلمتوش .
ريماس نزلت بتوتر و قربت منهم بدموع ./هي ليلي كويسه .
حازم قرب منها و هز رأسه و هو بيبصلها بقرف ./ كنت عارف انك هتعملي كده ..و كنت عارف انك هضحي بيها عشان سعادة اخوكي المريض .
ريماس هزت راسها بدموع ./لا والله انا بس كنت عايزاها مبسوطه .
حازم صرخ بغضب ./ملكيش دعوه بـ ليلي تاني مهما حصل متقربيش منها . انا مش هعرفها حقيقتك مش عشانك عشانها . لو عرفت انك بتقربي منها انا مش هعمل حساب لاي حد مهما كان .
و سابهم و مشي ..ايهم مسح على وشه بغضب و سحب تليفونه من علي الترابيزه . ريماس مسكت ايده بدموع ./ايهم عشان خاطر رحيم خلينا نتكلم و نتفاهم .
ايهم سحب أيده بضيق ./عشان خاطر رحيم خلاص بقي . كفايه يا ريماس كفايه . انا دافعت عنك كتير و كنت بقول مستحيل . انا عارف أنه اخوكي . بس هي كمان اعتبرتك اختها ..كانت مأمنالك يا ريماس . انتي فعلا ضحيتي بيها . مفكرتيش فيا و لا في نفسك . انا مش عارف اصدق اي حاجه .
ايهم ابتسم بسخرية ./انتي ريماس اللي انا حبيتها و اخترتها . ازاي يا ريماس ازاي . ليه تبوظي شكلك قدامي . ليه تخليني اقف مكسوف قدام ابن عمي بسببك . انتي مستحيل تبقي نفس البنت اللي حبيتها مستحيل يا ريماس .
و سابها و مشي . ريماس بصت علي أثره بندم . و قعدت علي الكنبه و دموعها بتنزل بخوف أنها تخسر ايهم .
__________________________________________
حازم اتنهد بهدوء و ركن عربيته قدام المستشفي . و دخل المستشفي بس قاطع تفكيره الممرضه اللي قربت عليه بسرعه ./دكتور حازم مدام ليلي فاقت . و محدش عارف يتكلم معاها خالص .
حازم همس بقلق ./ ليلي .
و مشي بسرعه عند اوضتها . حازم فتح اوضتها و دخل بسرعه . بس وقف بتوتر و هو شايفها حاضنه رجليها و دافنه وشها بخوف . حازم قرب منها و قعد قدامها بقلق ./ليلي انت...
ليلي رفعت وشها بسرعه و مسكت أيده بخوف ./ حازم انت كنت فين اتاخرت ليه يا حازم .
حازم حرك ايده علي كتفها بخوف بيحاول يداريه ./كان غصب عني والله ..انا اسف والله اسف .
ليلي دموعها نزلت بانهيار ./ده مجنون يا حازم مجنون . فضل يضرب فيا ..و جسمي حطلي ماية نار علي ضهري . كان عايز يشوهلي وشي يا حازم . و انا كنت خايفه .. كنت خايفه اوي .. كان هياخد...
حازم حضن وشها بين أيديه . و هو بيمسح دموعها بايديه ./ ششش خلاص اهدي . مفيش حاجه هو مشي . انا معاكي دلوقتي . اهدي و كل حاجه هتبقي كويسه .
ليلي هزت راسها برفض . و دموعها بتنزل بخوف ./ مش هيسبني يا حازم ..هيجبني تاني . انا خايفه منه . فاكرني انا اللي موت ابنه .
حازم مسح على شعرها بحنان ./مش هيقدر يعملك حاجه من انهارده . انا بوعدك هعمل كل اللي اقدر عليه عشان احميكي . مش هخليه يقربلك تاني مهما حصل .
ليلي دموعها نزلت بخوف و هزت راسها . حازم سحبها لحضنه بحب ..و شدد علي حضنه ليها كأنه بيطمن نفسه انها بخير .
ليلي دفنت وشها في حضنه بدموع ./كنت خايفه متجيش . كنت خايفه اموت قبل ما تسامحني .
حازم اتنهد بحب و هو بيحرك ايده علي شعرها ./انا موجود عشانك يا ليلي . مهما حصل انا موجود عشان انتي تبقي في امان دايما .
ليلي اتنهدت بدموع و لفت ايديها حوالين وسطه . لحد ما راحت في النوم .
ووووو....
