رواية مزيونة الشيخ الفصل الرابع بقلم شهناز العلالي
عود رفعي راسنا اليوم ....
هاي الوصل البيض شتمليها يالخام......امج وام العريس يردون يشوفون شرف بنتهم وعروس ابنهم ....وكللللوششششش
عقجت وجهي....اختي عافتني ومشت ...الكل فرحان واني ملل بداخلي ...غمضت عيوني جريت نفس ...كل دقيقة تجي وحدة من الكرايب تاخذ صورة وياي ....لدقيقه وحدة تخيلت فؤاد هو الي جاي بالقاط عريس ....الشي الوحيد الي قطع سلسلة تفكيري هي هورنات السيارات والطلق والهوسات الي بعتبه الباب،اجت أمي ركضت خلت البركع وغطت وجهي توترت اه لو اكدر اهرب واروح ويه حبيبي... الهلال طرشت اذني ...والجكليت ترس حضني ....دخل صكر بقاطه النفطي اللون ...و الرباط الاسود مقفل برصاصي ستن،طولة الراهي ولحيته الي مايلة للشكار وابتسامه الخفيفة ،عطرة الي سبقه بالخطوات ...واكفه واختي مقابلين من بعيد جان غمتني ...غمه سريعه ....عود كدام الكل صكر وكف يمي باسني من راسي وهوسوا النا...وطلعنا للفندق عود يتزوجني هنا بالناصرية وراها بيوم نطلع للعمارة ....والزفه والسيارات ترسوا المكان ...
....
وصلونا للفندق وصعدت ...دخل صكر باسني من راسي ..وتعشينا سوة ...وسالفه النيشان كال عوفيها عليه ... سحب دم بالسرنجه وخلاه بالقطعه البيضه ...وبعد ساعه نطاه ل اهله
ماجاني اكو فرحه ولهفه وخوف مثل اي ليله من ليله الزفاف الي تعيشها اي بنت ....
....هذا الوقت اني كله ساكته..جنا تعبانين من تجهيزات العرس نمنا وكعدني الفجر مشتاق ...مشتاق لهذا الجسد الي صار ملقى كدامة بكل مفاتنه...سعيد بزواجه مني ...
ويه طلوع الشمس بعد الريوك تحركنا للعمارة ...ساعات ووصلنا هناك بس وصلنا اني بقيت بالسيارة والزلم كلمن يعبر عن حبه ل صكر بفمك...لو ولايم ودبجات عربيه...مارضى انزل من السيارة دخل السيارة للكراج والهلاهل ترست المكان واول مانزل ذبيحه جودة رجلي انذبحت مجرى دم ......
دخلت للبيت كلش كبير هاي ماعدا الحديقة عبارة عن عواميد وأشجار و ورد ...ريحه الثيله والماي من تمتزج تفك النفس ....
خلصن السبع ايام مالعروس ...اخت زوجي حسناء كلش هادئة من تجي ...ومرت حماي مازن بعد وحدة فطيرة صح اكو غيرة بس هي فترة وتتعود علية...اخخخ بس معدتي تكلب من فترة ومدري شنو السبب اه.....
هنا وصكر بالليل يكعد على الابتوب مدري شيسوي ويمه اركيله وفواكه....رحت هندمت حالي وكعدت يمه .. ياوع عليه ....شمرلي بوسه هوائية ضحكت...كتله"
_اكلك حبيبي ....
_كولي عمري ...
_حبيبي وضعي مو تمام وبطني جاي تكلب ....
_اخاف العذر الشرعي؟
_لا مادري خلي احد يوديني احلل ...
_اني اكلها ل امي توديج باجر .
....وثاني يوم ...الصبح على الريوك .....
_صكر:اكلج يوووم .
_كول يمه خيرك ؟
_يمه هاي ايمان جتي تشكي من بطنها عادي توديها للدكتورة اليوم؟
_اي يمه تدلل ...
ختمها صكر ب "الحمدلله سفره دايمه وكام للشغل...كمت وراه ...
_حبيبي
_ها عمري شتردين اجيبلج؟
_الي يعجبك يعجبني كلبي ...
_ماشي ديربالج على نفسج ولاتيهين امي خليج وياها ...
صكر تيسر لشغله ورجعت دخلت للبيت ...هاي اول مرة من بعد الزواج ابقى لوحدي يمهم....دام خلصت السبعة يعني يتوجب عليه اكنس وامسح واخبز .....اييييييه
باوعت عليه امه كالت"
_يله بنيتي بسج صفنات ودالغات كومي خل اوديج للدكتورة نشوف شبيج مابيج؟
...
يله راح اجهز نفسي......رحت لبست كملت ونزلت ...طلعنا للدكتورة حللت بالمختبر ....ضليت انتظر النتيجه كعدت على جهه .....صاحوا اسمي ...عمتي ام صكر راحت ....اجت و ب ايدها ورقة نتيجه التحليل عاقجه وجهها ....من شفتها هيج كمت على حيلي كتلها"
_خير عمه.
_خير.....
لزمتني من ايدي قوي...
كالت:
_لاتتحركين.....
خابرت على صكر بعصبيه حجت"
_هسه تجي....هسه
صكر ورة ٢٠دقيقه اجه ..مافهمت السبب الي خلته يجي للمختبر ..والي من اجه اخذته على جهه وجهها معقوج ...وبس حاجاها رجعت تضحك وياه...
اني سكتت ابد ماسئلت ...بس بطريق الرجع من صكر جاي يوصلنا للبيت وهي كاعدة لكيدام كالت"
_والله لو ماجاي ياصكر جان صارت الك فضيحه بالسلف
صكر باوع عليه من المراية الاماميه وغزلان
ابتسمت ....بس هو شكوووو...
وصلنا للبيت ..امه ضلت تهلهل كللوششش...ومشت خبر حملي بين النساوين واني ضليت هيج فاكه حلكي ...صكر ضحك سحبني من ايدي للغرفه ...
_احبج يم وليدي ...
_ها.....شبسرعه ولد ....واساسا اخر وحدة اعرف بروحي حامل؟وين اكو هيج حجي ...لالا تشتاقون وبعدين ليش اجيت انته للمستشفى ...وانت شفت امك شلون خزرتني ...
_ههههههه لج انتي حامل بشهرين....؟ واحنه متزوجين من ٧ايام بس....
_ويعني ؟
_يعني لو ما اتلاحك للموقف تصيرلج فضيحه...عبالها موبنت ونايمه يم غيري ...اني هم اخذتها ركن مثل ماشفتي وحجيتلها
_شحجيتلها؟
_كتلهاعلى هذيج الليله مباشرتا ورة عقد المؤمن اخذتج .......لاتخافين ماكتلها انتي الي غويتيني
_ها صكر هههه
_المهم اتفقت وياها ماتحجي لان اذا تحجي تصير سالفه وطلابه ماتخلص ...كتلها الولد يجي سبيعي تكول للكل ..
هسه عوفج ...تعالي نسوي مثل سالفه السطح ههههه .....
بعدين كتله"
_حبيبي اكلك
_اي كولي كلبي ....
_اربد اخابر امي ابشرها بحملي حتى تفرح .
_هههههه وانتي كل عقلج امي ماكالتلها .....بس يله هاج
التليفون خابري على راحتج ....
اخذت تليفون صكر واتصلت ب امي .......مالحكت ابشرها وكالت"
_اي يمه عمتج خابرت وحجت ديري بالك على نفسج خصوصا هالفترة ......
صكر د/بهاي الفترة اني بديت اتدخل بسوالف العشيرة واحل مشاكل والعالم تحب سوالفي وتاخذ رايي ،بكل مشكله وعرس ،كعدة،فاتحه اني احضر ...جان علية لود كلش قوي بين العالم واهلي وزوجتي الي حملها متعبها ودخلت ب الشهر الخامس ....
من جهه ثانيه ايمان صايرة نحسه وماتتحمل حجاية وبس تبجي لو تتقيئ لو يغمى عليها ،وتتنسى عليى اشياء مامطروقة مثلا تريد تاكل خشب ...
ايمان دخلت بنهايه الشهر الثامن من حملها وهي الها من زواجها لا شافت اهلها ولا اهلها شافوها ....
بيومها صكر طالع وي جماعته ...من رجع تلكفته ...كتله "
_صكر الله يخليك اريد اولد يم اهلي ماريد هنا وحدي ...
_الف مرة كتلج تردين اهلج يجون هم يداروج امج ..اختج ...بعدين ماجاجه امي وحسناء مايقصرون بشي ترة كفو ....
_والنعم بس اريد اهلي وبعدين الأصول انه هناك اكضي نفاسي وامي هم مجهزة ملابس الطفل ووو...
_من كل عقلج تحجين؟اهلج كوه مدبريها العيشه وانتي تجين تكولين مجهزين ملابس طفل وتحضيرات خاصه؟
وانتي تدرين غرفته للطفل من الابرة للكنتور جاهزة هنا ؟
بس انتي جاي تتحججين حتى ترحين؟زين ودكتورتج....؟
_اي مو مهم هناك.....الحك عند الي ولدت اختي ...اقلها احس ب امان بوسط اهلي .
_شبيج ايمان هنا مو اهلج ؟
_لا ...لاموهيج
_على العموم ميخالف اوديج لاتشيلين هم بس بعد الولادة ماتطولين
_ماشي........
وهيج ارتاحيت...وفعلا ورة يومين وداني صكر لبيت اهلي ....ورجع للعمارة وصلت هناك افيششش ياريحة هلي ثاني يوم من جيتي
..اجت اختي تباوعلي وتضحك كالت"
_عاش من شافج ....ماشايفتج من زمان
_بعد دربي بعيد
_بالخير عليج حملج تولدين بالسلامة
_الله يسلمج ....
اجت كعدت يمي ...وتدك رجلها بالكاع ....
_ان شاءالله عقلتي .
_شقصدج؟
_انتي فاهمه قصدي ...
_لا مافاهمه ..بس انتي شجاي تلمحين؟خلي ببالج اني متزوجه وحامل وعلى وجه ولادة ...
_تعرفين كلش زين انتي حتى جيتج هنا مو علمود ولادتج لو تشوفينا ...
_كافي ..اني صوجي اجيت ...
