رواية إخفاء فضيحة الفصل الرابع بقلم جمانه السعيدي
بقه امير كل شويه يتصل يطمن عليه
وحتى يطلعني من حالة التوتر الي اني بيها
كلش مهتم بيه
بيوم الحنه اجا الصبح اخذ جنط الملابس
امير هااا حبي ما بقه شي ونكون سوووا
رهف تسلملي عيوني انت
امير يله طلعي الجنط خل اخذهن تردين اني ارتبهن بلكنتور وغمزلي
رهف لا نور فد شويه تجي وراك هي وامي ويرتبنهن
امير راح تبقين وحدج بلبيت
رهف لا زيد وعلي وياي بلبيت ومن ترجع امي نروح للصالون
جمانه السعيدي
امير زين اذا تحتاجيني شي اتصلي عليه
رهف اوكي تمام
امير اني راح ارتب شعري يم الحلاق واشتري كم شغله وارجع
اخذكم للصالون
رهف اني راح اسبح واحضر نفسي وابقى انتضرك
امير يله مع السلامه
رهف الله وياك
امير وصلت الجنط للبيت وطلعت للحلاق اريده يرتب شعري
رتب شعري ووجهي وطلعت للسوبر ماركة اشتري شويه
شغلات
بس طلعت من الحلاق متجه على السوبر ماركة اريد اعبر الشارع ودك التليفون باوعت رهف
جمانه السعيدي
التهيت افتح الخط ومآ انتبهت للشارع
اجا ابو دراجه طاير بحيث بس رفعت عيني صعد هو ودراجته فوك راسي بعد ما حسيت غير طرت ونركع راسي بلرصيف
رهف اتصلت بأمير لان اتاخر عليه راح الوكت على الصالون بس فتح الخط سمعت صوت قوي واني اصيح
الووو الووو امير تسمعني سمعت الناس تصيح لا وللك الولد مات
كمت اصرخ بصوت عالي امير حاجيني امير ليش ماترد
اميرررر
ولد اخذ التليفون وكال الوووو
رهف امير وين امير
...عيوني هذا الولد ضربته دراجه وجاي ينزف من راسه
راسه انضرب بلرصيف
رهف واني كمت اصرخ واصرخ بدون وعي امي اجت تركض شبيج
ااشر على التليفون واصرخ امير امير
امي أخذت التليفون ورجعت اتصلت
....خاله فدوه شكو شصاير
...صاحب هذا التليفون ندعم
...وين اندعم
...خاله كبال سوبر ماركة الخيمه قريب التقاطع
امي عافتني وراحت تركض تركض بلشارع وتصرخ امير امير اندعم
سيف اني واكف بلشارع جبت مسواك علمود العرس وجاي انزل بي
واجت ام رهف تصرخ امير اندعم
عفت المسواك وكتله شجاي تكولبن
ام رهف خاله سيف الحك علينا اخوك اندعم
سيف وين اندعم وين احجي
ام رهف يم التقاطع كبال ماركة الخيمه
سيف شغلت السياره وصعدت ام رهف وياي ورحنا لكيت الناس ملتمه وبعدهم ما شايلينه للمستشفى
وصلت لكيته سابح بدمه
قربت علي ماكو نفس شلته بحضني وكمت اصيح ابتعدو عني ولكم اخوي الله لايرضا عليكم تتفرجون ومخلينه سابح بدمه
صعدت بلسياره واخذته للمستشفى
دخلت بلمستشفى كبل على باب الطوارئ يله وكفت السياره
شلته بحضني واني ملابسي كلهن دم
دخلت واني اصرخ
الحكولي اخوي ينزف الحكو عليه اخوي راح يروح مني
خليته على السديه واجا الدكتور فحصه وكال ميت
صار اكثر من ربع ساعه من مات
سيف لزمت الدكتور من ياخته وكتله انت ستكول
امير مات
امير عريس اليوم الحنه مالته انت اكيد متوهم
ارجع افحصه مره ثانيه
الدكتور انا لله وانا اليه راجعون البقاء لله
سيف التفتت على امير
خويه كوم خويه حزام ضهري ليش هيج يبعد خوك
اديك اليوم كلهن دم لا اليوم اديك اريد احنينهن بديه
لا تكولها ليش هيج
ياريتني اني ابدالك
امير كوم يابعد اخوك هاي النوم مو الك ليش هيج
ولك كوم شراح اكول الامك
ابوي شراح اجاوبه من يكول وين امير
عمت عيني عليك ليش هيج هذا الجمال ينزف للمكبره
بس اليوم عرسك
جمانه السعيدي
ولك كوم مو شلعت كلبي
من جنت زغير وانت شالع كلبي بس ولله احبك
كوم فدوه ابوي هسه يجي وشلون يلكاك هيج نايم وسابح بدمك
سيف نزعت التيشيرت الي لابسه وكمت امسح بلدم الي بوجها
رجعت الدكتور وكتله دكتور ايجوز نايم خاف غيبوبه
دكتور فدوووه راح يجي ابوي ولله ما يتحمل يشوفه هيج
فدوه دكتور على بختك
امير عريس اليوم عرسه
جمانه السعيدي
الدكتور الله يصبركم على ما ابتلاكم
سيف دكتور شبتلانه مو جاي اكلك اليوم الحنه
شوفه شلون حلووو راح للحلاق
يحضر نفسه للحنه
هنا وصل ابوي يوكف ويوكع عمي ابو رهف لازمه
جمانه السعيدي
ابو سيف بويه سيف شبيه اخوك
سيف ما ادري بويه امير نايم مايقبل يكعد
ابو سيف كام يهز بلجثه ويصرخ بويه امير بعد وكتك
بويه اني ادفنك
غير انت الزغيرون وانت تدفني
جاااا توازيت يابعد ابوك اني اليوم عود احنيك بديه
النوب هذني اديه يدفننك
ليش باباه اخذني وياك بويه
وصلت ام امير ورجت المستشفى رج بلعياط والصريخ
ام امير اريد ابني ولكم اليوم عرسه الله واكبر
اريد ابني حضنته وتبجي
...ليش يمه مافكرت بيه ماكسرت كلبك ليش اموري
يمه الحنيين ماكلت امي شلون تعيش بعدي
ولك اكعد اني امك
جمانه السعيدي
سيف المستشفى كله التم على الصريخ والبجي
رهف بس سمعت الولد يكول هذا ابنكم اندعم وجاي ينزف
حسيت كلبي انقبض
حرت وين اروح امي راحت وعافتني
رحت البيت خالتي اركض حافيه مثل المخبله
ما ادري بنفسي اركض بلشارع ولا عبايه ولا شال
وحافيه
دخلت اصرخ وين امير
لكيتهم كلهم طالعين والخبر اكيد
دخلت غرفت النوم لكيت الفرشه البيضه مفروشه
رهف امير وينك ليش هيج عفتني ولله هان عليك فراكي مو تكول حبيبتي
اكو واحد يحب واحد يفاركه
الله واكبر عليك شلون اعيش بدونك
وللك احنا نولدنا سوا اني اسمع اسمي ويه اسمك
اكثر ما اسمع اسمي ويه اسم ابوي
كعدت بلكاع وخليت ركبتي بحضني وسديت اذاني ما اريد اسمع اي صوت
بلكت يطلع حلم وهسه يرجع
اكيد راح يطلع حلم امير ما يعوفني ابد
مغمضه واصيح هسه يرجع هسه يرجع هسه يجي من الحلاق ويكول شوفي شلون طلعت اخبل
هسه يجي يحضني ويكول هله بمريتي
امير ما يعوفني
هم مفتهمين غلط مو امير هذا المات واحد غيره بس همه عبالهم امير
هسه يجي ويكول ليش تبجين اني مابيه شي
بهاي الأثناء سمعت صوت عياط بلشارع
كمزت وركضت بعدين وكفت كلت لا لا مو امير
امير اليوم الحنه مالته ما يسويها ابد
كب الصريخ بصوت عالي
سديت اذاني وكرفست نفسي وكمت ابجي واون
دخلو الجنازه للبيت
كالو دخلو بغرفة عرسه خل تطلع من نفسه الغرفه راح محروم من العرس
اني شفتهم دخلو للغرفه واني ماكدرت الزم نفسي
كمت اصرخ بصوت عالي
امير لاتموت فدوووه امير
حضنته وكمت ابجي واشهك يردون يشيلونه يشيلوني ويا
ما اكدر اعوفه
اصيح ادفنوني ويااا
اني عروسته ادفنوني وياااا
كلما يشيلون الجثه يشيلوني ويااا
منا لمن حسيت واحد صخم شالني بكل قوته
باوعت سيف
رهف سيف لاتدفنون امير خل اليوم عرسه
اني كلت هيج وهو كام يبجي مثل بجي النسوان
بقه لازمني واني ادفع بي اريد اروح احضن امير
جمانه السعيدي
سيف اهدءي يمعوده مايصير هيج
رهف كمت اضرب بي واكله انت شعليك عوفني عوفني
اريد اروح وياااا
طلعو الجثه وخلوها بتابوت واني بعد ماحسيت باي شي
اغمى عليه من الصدمه
فتحت عيوني شفت امي اني نايمه بحضنها وهي تبجي وتقرا عليه آيات قرائنيه
رهف ماما وين امير رجع من الحلاق
امي يمه سمي بالرحمن اسم الله على كلبج حبيبتي
