 |
رواية رحيم الفصل الرابع بقلم جيجي
الاخير...وطلعو اوضتهم...
رحيم... ايه الهبد ده جوزك ايه.. هنقعد سوا فى نفس الاوضه ازاى.. وانتى مش مراتى...
جورى... يا ابنى احنا اساسا كنا قاعدين في بيت واحد البيت كله على بعضه قد اوضه هنا... انت مش شايف الاوضه واسعه ازاي.... بعدين احنا هننجز مش هنطول بأذن الله... المهم دلوقتي انت شكلك كده يالا ابن الست اللي كانت قاعده على الكنبه عليا دى.. وحنان دى غيرانه منها فهي اخدتك ورميتك منها عند الملجأ... دى غيرة ستات ونفسنا انا عرفاها...
رحيم... لا انا شاكك ان انا ابنها هي.. اقصد الزفته اللى اسمها حنان دى...
جورى... احنا مش عارفين مين فيهم امك بص احنا للاحتياط هنعمل تحليلين من شعر الستات اللي فوق من الامشطه بتاعهم.. انا هدخل انضف الاوض وهاخد شعره من الفرشه بتاعت كل واحده... وهنوديهم المعمل لو طلعت ابن عليا يبقى كلامى صح لان انا حاسه انها بتغل منها كده... ولو طلعت ابن حنان ساعتها نبقى نشوف رميتك ليه بقى... بس انت لو ابنها هترميك ليه...
رحيم بوجع... يمكن جابتني في الحرام ورميتني لانها بنت عيله وخايفه على سمعتها...
جورى... ممكن بردك.. بص استنى.. انت زي ما قلتلك اول ما اطلع الاوضه انضف هجيبلك الشعر على طول تطلع بيه على المعمل مش هنضيع وقت... احنا مش هنقعد هنا كتير...
رحيم... انتى عارفه اللى هيحصل لو مسكونا..
جورى... اه هيفسحونا... عشان كده هم مش لازم يمسكونا تعال بقى...
ونزلو يجهزو الغدا.. ورحيم كان بيدخل حجات للمطبخ.. وحنان وعليا كانو قاعدين على السفره.. وجيه راجل فى ال 50 قعد جمب عليا وقال...
حبيبتى عامله ايه النهارده..
عليا... كويسه الحمد لله احسن بكتير قوي يا روحي لما شوفتك.. ايه اخبار الشغل..
.. تمام.. ازيك يا حنان..
حنان.. ملهاش لزمه يا تقولها من وانت داخل قبل ما تسال مراتك... يا توفرها ليك يا حامد..
حامد.. امم.. شوفت بنت بترتب دى خدامه جديده...
عليا... اه جات هي وجوزها بتدور على شغل وشغلناها
حامد.. عشان اول مره اشوفها.. بقول ايه متطلعوش البنات الجداد الاوض ليكون اديهم طويله لحد ما نعرفهم بس..
جات جورى بسرعه على الجنينه ونادت لرحيم
ايه عايزه ايه..
جورى.. جبت الشعر خد.. حطيتلك على الكيسه دي حط خط احمر دي بتاعه عاليا.. وعلى الكيسه دى خط ازرق دي بتاعه حنان تمام كده..
رحيم.. يا قرده بالسرعه دى.. تمام يا جورى هروح اوديهم المعمل وارجع على طول..
ومشى وهى رجعت بس لقت حنان فى وشها وقالت...
ايه واقفه مع جوزك ليه وسايبه شغل البيت.. انتى جايه تشتغلى ولا تتسنكحي هنا..
جورى.. لا حضرتك مش جايه اتسنكح جايه اشتغل.. بس اصل في حد حوللنا فلوس فكنت بقولو عشان يروح يجيبها نمشى بيها يعنى..
حنان.. ماشي يلا ادخلي كملي شغلك ممنوع تطلعى من البيت من غير اذن وجوزك لما يجى يطلع يبقى يجي يبلغني ويقوللي انا عايز اطلع مش يطلع من دماغه مش تكية ابوه هى...
جورى.. حاضر يا ست حنان من تانى قبل ما يطلع من البيت هيجي يبلغ حضرتك احنا اسفين..
حنان.. طيب قلبى كبير وده عيبى.. روحى لمى السفره احنا اكلنا خلاص..
جورى... بالهنا والشفا
ودخلت مع الخدم... بالليل كانت قاعده على السرير جمب رحيم اللى بيقول...
بقول يا بت هو مين جوز حنان.. يعني لو ابن عاليا هيبقى حامد ده ابويا.. لو انا ابن حنان مين ابويا...
جورى.. ودى تفوتنى.. سألت الخدم اللى تحت فى المدارى كده وانا بنضف معاهم... قالوا ان حنان دي كانت متجوزه واحد من زمان اسمو عمر راجل ابن عز وقعد معاها فتره كده وفلق...
رحيم.. اكيد مين يستحملها دي انا متاكد ان انا ابن عليا هى طيبه وغلبانه ان شاء الله هكون ابن عليا..
جورى.. ان شاء الله.. بقولك ايه هو انت لما تطلع ابنهم هتسيبنا خلاص يعني مش هنشوفك تانى..
رحيم بصلها وقال... من غيرك ما كانش هيبقى فى الشخص الجديد ده ابنهم يعنى.. انا ما قدرش انساكم ابدا انا لو عليا ما سألش فيهم بس انا عاوز اسمى عشان اكمل.. بكره ان شاء الله هتظهر كل حاجه وهنواجه مش هنخبى..
جورى.... وانا دايما معاك للاخر فى اى ظروف..
وفضلو صاحين للصبح لان رحيم ما كانش عارف ينام.. والصبح اول ما فتح المعمل كان واقف قدام بابه واخد النتايج ورجع.. جورى تلقتو عند الباب وقالت..
ها ايه..
بس جات حنان وقالت.. هو مش انا قولت ما تطلعوش من البيت من غير اذن منى.. فى ايه.. انتو بهايم..
بس جات عليا وقالت...
في ايه يا حنان بالراحه عليهم سيبيهم هم جداد في الشغل...
حنان.. خليلك انتى الطيبه بتاعتك على جنب قلتلك 100 مره لما انا ادي أمر انتى ما تقفيش في وشه..
حامد... يا جماعه في ايه كل شويه تمسكوا في بعض ليه..
عليا.. انا مش عارفه ليه حاطه الاتنين دول فى دماغها من امبارح بس مشغلينهم عملت معاهم كذا مشكله..
حنان.. تعال شوفو طالع من البيت من غير ما يقول طالع ولا رايح ولا جاي وهي واقفه معاه في الصاله وعمالين يتوشوشوا وسايبين الشغل.. احنا هندفعلهم فلوس على اساس يشتغلو.. بس مش هينفع كده يلا يلا خدوا بعضكم وامشوا انتوا اساسا مش بتوع شغل..
رحيم قال بزعيق... غورى بشغلك.. انتى ايه انا اصلا مش جاى اشتغل عندك... انا كنت جاي عايز امي.. اللي انتى رميتيني منها من 25 سنه قدام الملجأ.. مش عايز شغلك ولا فلوس انا تبهدلت قوي عشان الاقيها.. بس ما كنتش اعرف ان امى نفسها هى اللى رمتنى..
بس عليا اتقدمت عليه بدموع وقالت.. لا انت ابنى انا لو هى رميتك تبقى ابنى.. هى ابنها مات وهو بيتولد..
رحيم.. لا هى امى مع كل الاسف امى..
وجاب الهدوم والصور وحطها قدامهم.. وقال...
ده كان شكلى وده كان لبسى...
حامد اتقدم عليها وقال.. حنان انتى فعلا رمتيه فى الملجأ ليه..
حنان قالت ببكى... انا اسفه حقك عليا... بس انت مش ابنى انت ابن عليا.. انا من زمان اتجوزنا سوا.. كمان حملنا سوا حاجه مش بتحصل كتير بس حصلت معانا.. ولما خلفنا كمان كنا سوا.. هى جابت ولد.. وانا ابني مات... وهي كان ابنها معاها بتشيله وتلعب معاه.... حتى جوزي بعدها بفتره مشي وسابنى لوحدى... انا كنت محروقه على ابنى وصوتك كان بيضايقنى.. رميتو عشان كان بيفكرني بابني.. ما كنتش قادره اسمع صوته.. سامحنى يا حامد انت اخويا وهتعديهالى...
حامد قال.. لا انتى اللى تسامحينى اللي انتى ما تعرفوش اللى رمتيه يبقى ابنك انتى..
حنان.. ايه اللي انت بتقوله ده..
حامد.. عليا وهى بتولد مش تعبت وشالة الرحم.. جات الدكتوره وقالتلي واحد في الاولاد مات... روحت لقيت ابني انا وعليا هو اللي مات... وابنك عايش بدلته من السرير وحطيت ابني اللي مات لحنان وابنك يا حنان لينا..
حنان.. يعنى عشان ما توجعش مراتك وجعت اختك..
حامد.. طب ما انتى رميتيه وكنتى فكراه ابنى ايه ما كنتيش بتوجعى اخوكى وقتها..
حنان.. يعنى ايه...
رحيم..... يعنى اللى رمتيه وكنتى فاكره نفسك عمتو كنتى انتى امو..
حنان جريت عليه وقالت ببكى.. حبيبي انا زعلانه قوي عشان انت روحت مني... انا كنت كنت تعبانه قوي وقتها انا مش وحشه تعالى هنضبط كل حاجه سوا.. هعوضك عن كل حاجه انت عشتها..
رحيم.. انا عايز اسمي بس...
حنان.. اكيد اكيد انا هروح لعمر ابوك وهقوله وهنكتبلك ه اسم حبيبي انت ابني...
رحيم.. انا عايز اشوف ابويا...
حنان اخدتو وراحو عند عمر اللي رفض انه يصدقه لان حنان كانت بتحاول ترجعله باي طريقه طول السنين اللي فاتت بس هو ما كانش راضي.... بس لما سمع الحكايه من الولد عمل تحاليل ابوه وطلعت ايجابيه وطلع فعلا ابنه... كان واقف معاه عند المعمل وقال....
انا اسف قوي ان انا مصدقتكش وحطيتك فى الموقف ده سامحنى... بس يعني انت حط نفسك مكاني سهله يعني بعد كل العمر ده يجي ابنك اللى تكون دفنتو بايدك.. ويقولولك انه عايش يعني بصراحه غريبه قوى...
رحيم.. صح صعبه طبعا عارف. ده حقك وانا مش زعلان منك بس عايز اسمى..
عمر... اكيد اسمى وانا وفلوسى وبيتى وكل حاجه بملكها بقت بتاعتك انت كمان يا حبيبى.. انا متجوز يعني وعندي اولاد بس انا عايزك معانا يعني انت اخوهم برده.. انا هستناك عشان اعرفك عيلتك واعمامكم واهلك واخواتك ومراتى وكده...
رحيم.. طب هوصل جورى وارجعلك واتعرف على عيلتي وعلى اهلي وعلى كل حاجه وهعيش معاك كمان.. عند ابويا انا ما ليش غيرك اصلا...
عمر بفرحه.. يا قلبى انت نتشرف طبعا وما تقلقش كل حاجه هتعجبك ان شاء الله...
بس حنان قالت بزعيق... تروح معاه يعنى ايه.. انا امك انا قلبى اتحرق عليك كل ده وعايز تعيش معاه هو...
رحيم... عادي انتى كنتى هتحرقي قلبها كل ده ما اللى ترضاهوش لنفسك ما ترضاهوش للغير...
حنان.. هم اللي بدلوك منى هما اللى وجعونى...
رحيم.. بس انتى ما كنتيش تعرفى.. وهما اتحرق قلبهم 25 سنه على اللي فاكرينه ابنهم... انا مش عايزك اصلا الست الانانيه عمرها ما تكون ام كويسه لابنها.. ولا تريحه وانا عايز ارتاح.. ده عقابك على اللي عملتيه لو في يوم بقى قدرت اسامحك هاجى ازورك.. سلام
وراح لجورى وقال.. تعالى اروحك..
وركبو العربيه وقال... شوفى قال ما كنتش فكرانى ابنها لما رمتني ياه على العذر... يعني كده خلاص بقى هي مش غلطانه...
جورى... سيبك منها ركز فى حياتك الجديده ان شاء الله تتعرف على اهلك وتعيش بقى ...
رحيم.. يارب يطلعو كويسين..
جورى... كويسين ان شاء الله ومش هتشوف غير كل خير انت تعبت وخلاص ربنا عوضك.. وعوضو ما فيش اجمل منو...
رحيم.. انا عديت كل اللي فات بيكي مش عارفه هعدي اللي جايه من غيرك ازاي...
جورى.. مين قال من غيري انا دايما معاك.. على التليفون وهشوفك وهقف فى صفك دايما... تعال بقى سلم على بابا قبل ما تمشي..
رحيم نزل وسلم عليهم كلهم وحكالهم على اللي حصل وكلهم واقفين متاثرين وبيودعوه بحزن.. قال...
هاجيلكم كل فتره اكيد باي...
بعد شهر عدى عليه وسط عيلته الجديده وجورى كانت كل يوم بتكلمو وفي التليفون باستمرار واهله كمان كانوا بيكلموه... جورى كانت مع عيلتها بتتفرج على التلفزيون .. والباب خبط قامت تفتح وتفاجئت بيه واقف.. قالت بفرحه...
حمد لله على السلامه تعالى ادخل.. ايه ده..
بس كان معاه عمر ابوه و٣ شباب وست.
عمر.. اهلا وسهلا يا بنتي...
رحيم.. ده احمد اخويا اللي اصغر مني الوسطاني.. وده محمد اصغر منه.. وده حماد الصغير...
جورى.. ما شاء الله الله اكبر اهلا وسهلا اتشرفنا..
رحيم.. ودى الست كريمه مرات بابا..
جورى.. اهلا وسهلا اتشرفت اتفضلي اتفضلي... ادخلوا
دخلو وبقو بيسلموا على اهلها..
جورى.. ايه ده مش تقولى انك جايب عيلتك تعرفهم علينا
رحيم.. هم مش جاين يتعرفو...
جورى.. ايه مش جاين يتعرفو على العيله اللي انت كنت عايش معاها قبل ما تشوفهم وكده...
رحيم... لا خالص.. مش فارقلهم.. احنا جاين نرد السلام واخليكى المدام..
جورى.. ايه انت قولت ايه..
رحيم.. احم قلت جاى اكسب ثواب في البشريه واخلصهم منك.. وتاجى بيتى بقى... انا عديت كل اللي فات بيكي وعايز اكمل اللى جاى بيكى.. الشهر اللي عدى من غيرك ده مش عارف حتى عدى ازاي... مش عارف افرح باي حاجه انا ما فيش حاجه ناقصاني.. الحمد لله معايا اهلي ناس كويسين ومعايا تلفوني زي الفل الدنيا وشغل الحمد لله كلو تمام.. بس مش حاسس بطعم حاجه عشان نقصانى اهم حاجه... والحاجه دى انتى.. انتى اللى نقصانى...
جورى.. مين قلك انى هوافق كده تجيب اهلك وتخلينى اضطر اوفق عليك...
رحيم.. بقى كده.. لا وعلى ايه ناخدهم..
ولسه هيرجع بس مسكت دراعه بسرعه وقالت..
انت فاكر بيبان الناس لعبه تخبط عليها وتجرى يلا خش هنقرا الفاتحه...
رحيم.. ايه مش كنتى..
جورى.. لا ما بردش اللى يخبط بابى..
رحيم.. ههه طب تعالى نقرا الفاتحه ربنا يجعلها فاتحت خير علينا كلنا 🥰🥰
كدا تمت بحمد الله
