رواية خادمة الفصل الرابع بقلم جمانه السعيدي
بشرى... بيوم رجعت من الشغل
مثل كل يوم سعدون بلباب ومانزل عينه عني ابد
دخلت للبيت سلمت على امي
بشرى....هلو امي
امي....هله يمه تعاي ولج انتي يحجي براسج جني
بشرى...ليش شكوووو
امي...اليوم ام سعدون اجت تخطبج السعدون
بشرى...تحجين صدك لو تشتاقين
امي...لا احجي صدك
العصر طبت عليه هي وعكازتها تتدهرب
من شفتها استغربت
لان هي من زمان ما تطلع ولا شايفيها بلشارع
حتلو تصير مناسبه بلشارع تطلع جنتها بمكانها
تكول مااكدر اطلع
بشرى....اي شكالت
امي...اني من شفتها استغربت شعدها جايه علينا
كتلها هله باام سعدون زارتنا البركه
دخلتها جوه وخدرت الجاي
جان تكول تعاي مااريد جاي عندي حجايه وياج
امي... اي بس اجيب الجاي واجي ونحجي للصبح
اني اليوم مامصدكه انتي جايه علينا
صار شكد ما شايفتج
تم سعدون....اي ولله الدنيا تلاهي كلمن ملتهي بضيمه
امي......اني هم ملتهيه بلدوام وبشرى مو بلبيت مااكدر اطلع
مثل كبل
ام سعدون...اني عاذرتج تعاي اريد احجي وياج
امي.. اي كولي
ام سعدون.. انا اليوم جايه اخطب بشرى السعدون
امي...السعدون
ام سعدون...اي السعدون الله هدا ويريد يعرس
ويكول ذوله أهلنا ونعرفهم ويعرفونه
يكول اني اعرف اخلاق بشرى خوش بنيه ومحترمه
ماشفنا منها ومن امها شي موزين
صار سنيين جيرانه
امي....بس سعدون جبير
ام سعدون...بشرى هم جبيره مو زغيره البنات الي بكدها وازغر منها كلهن عرسن
امي...بس هو أكبر منها بهواي اضن عمره ٤٠
ام سعدون...لا مو أربعين ٣٨ سنه
امي...جبير وكاعد لا شغل ولا عمل
ام سعدون...غير راتب ابو عده هو هم اشتغل هواي كبل
ماقصر بشبابه
وهسه هو مايحتاج الشغل
الله يسلم مسلم قايم بعيشتنا من شغل الستوته
امي...مدري شكول
ام سعدون...هو عده راتب ابووو وهي هم عدها راتب
يعيشون احسن عيشه
وهو مراح يقصر وياها بشي
امي...مو بكيفي من تجي بشرى احجي وياها
جمانه السعيدي
امي...هااا شكلتي
بشرى...ماادري شكول
امي...اني اكول لا تقبلين سعدون كاعد لا شغل ولا عمل
وجبير بلعمر
بشرى...يعني انتي شايفه العرسان واكفين على الباب
سعدون اول واحد يفكر يخطبني
امي.. كاعد وساكت لا شغل ولا عمل
بشرى...عنده راتب على حجي امه ليش يشتغل اذا عنده راتب
امي...بكيفج بس اني سعدون ما عاجبني
بشرى...ولله ماادري اني محتاره خاف ارفضه وبعد محد يخطبني واضل هيج طول عمري
انت يايمه مادايمه اليه
واني بنفسي اصير ام خاف ارفض وابقى عايشه وحيده طول عمري
البنيه كلما تكبر تقل فرص الزواج
واني البنات الي بكد والي ازغر مني والي ازغر منهن
والأزغر مني بعشر سنوات
عرسن واني محد دك بابي
امي...بس سعدون جبير
بشرى...يعني اني زغيره الي بكدي سجلن جهالهن
بلمدرسه
امي...بكيفج انتي حره اني مااجبرج على شي
اني هم افكر ليل نهار خاف اموت وتبقين وحدج
بهاي الدنيا
بشرى...خل افكر وبعدين اقرر
امي...براحتج فكري على كيفج
هو سعدون ياهي الترضى بي جبير مو زغير
بشرى...من تجيج اطلبي منها مهله جم يوم الحد ماافكر زين
جمانه السعيدي
بشرى...بليل بقيت اتكلب بفراشي كلش خايفه ارفض سعدون وبعد ما تجيني غير فرصه
اني جاي اكبر وفرص الحمل جاي تقل
كلشي يصير امي تعبانه خاف تموت واضل وحدي
اني المشكله الحد الان محد تقدملي
بعدين شبي سعدون
جبير هو زين الجبير احسن من شباب هذا الوكت
مايشتغل عنده راتب ابو يصرف منه
ما محتاج يشتغل عنده راتب يعني مامد ايده الاحد
ايجوز بعد الزواج من يصير عدنا اطفال ويحس بلمسوليه
يشتغل هسه هو ما يشتغل لان ماعنده مسوليه
اخو متكفل بزوجته وجهاله هو مامسؤل عنهم
وامه عايشه ما ناقصها شي
ليش يشتغل ويتعب نفسه
ولله ماادري محتاره خاف ارفض واتندم
وخاف اقبل وهم اتندم
بس ندم عن ندم يختلف
اذا ازوجت سعدون وصار عندي اطفال
اذا ما عجبني اعيش ويااا انفصل واعيش اني وجهالي من شغلي
على الاقل يصير عندي اطفال اعيش علمودهم
يردون الوحشه عليه تصير عندي عائله حالي حال البنات
بمكان مااعيش وحدي
بقيت كاعده النص اليل فكره اجيبني وفكره توديني
مااعرف أوافق لو ارفض
بس اني اريد اوافق خاف اضيع مني هاي الفرصه
وماتجيني فرصه غيرها
ثاني يوم طلعت للشغل اسحل بروحي سحل
هم قلق وهم قلة نوم
بس شافتني الدكتوره حست اكو شي
امال...شكووو اليوم وضعج مو طبيعي صاير شي
بشرى...اي صاير شي
امال...شكووو
بشرى.. اتقدملي ابن جيرانه ومتردده
امال...لا عفيه لا تكولين راح ازوج واعوفج
بشرى...مستحيل اعوف الشغل هنا حتلو ازوج
امال...ليش ضايجه
بشرى...الولد حبير وما يشتغل
امال...شنو الي جابرج علي
بشرى....اني لحد هذا عمري محد متقدملي
ابد ولا واحد دك بابي
هذا اول واحد خاف ارفضه واتندم
امال...مايشتغل شلون تعيشون
بشرى.. عنده راتب ابووو ما محتاج شغل
امال...اذا تحسين نفسج مقتنعه وافقي
بشرى...اكثر شي اريد اوافق لان اخاف اخلص عمري وحيده اني جبيره خاف تموت وابقى وحدي
بعدين ايجوز يتغير بعد الزواج اذا صار عنده اطفال
تتغير شخصيته
امال...انتي جبيره وتفتهمين وهو جاركم يعني تعرفين عنه كلشي اخذي وقت وفكري زين قبل لا توافقين
اني مااكدر انطيج رائي لان مااعرفه
انتي الي تعرفي
بشرى....كلشي مقسوم مضموم اذا قسمتي راح اخذه
امال....ماعلينا اليوم نريد تمن مطبك باكله ولحم
كثري لحم حتى يطلع طيب
بشرى...صار من عيوني
جمانه السعيدي
اليوم من دون الايام اشتغل بدون واهس
عقلي مو يم الشغل ابد
افكر بهذا الموضوع حيل شاغل فكري
مانضفت مثل كل يوم البيت نظيف بس طبخت
وغسلت الملابس
من خلصت نضفت المطبخ الدكتور كالت اليوم وضعج ماعاجبني روحي للبيت من وكت احنا نجيب عشى
من برا ويانا
بشرى ... كيفت اي همزين اني اليوم مالي واهس للشغل ابد
من رجعت العصر للبيت سعدون جان واكف بابهم
وكانما منتظرني
اني دنكت عبالك مااشوفه
دكيت الباب دكيت محد اكوووو
انحرجت ادك بلباب الضاهر امي طالعه
اني اليوم راجعه من وكت
اني ماعندي مفتاح لان دائما ارجع الكه امي عايفه الباب
مفتوح ادخل كبل
سمعت سعدون من وراي يكوول
سعدون...امج طلعت قبل شويه
بشرى...ليش ماعافت الباب مفتوح
سعدون....اجي افتحلج الباب
طبعا احجي وياا بدون ماادور وجهي علي
بشرى....اي ولله مااكدر ابقى واكفه هيج بلشارع
رجعت ليوره وهو اجا يمشي برهاوه على كيفه
لابس تراك رصاصي وماروني
هو طوله تقريبا ١٧٠ عنده كرش اسمر شعره مجعد اسود
هاي اول مره اباوع علي هيج بتركيز
قبل شايفته من بعيد استحي اباوع علي
قرب من الباب سحب السركي الفوك ودفع الباب
انفتح التفت عليه جنت مركزه بتفاصيل شكله وكال تفضلي
دنكت وكتله شكرا
دخلت وطبكت الباب
شويه واجت امي
امي...هااا اليوم من وكت جايه شلون دخلتي
بشرى....سعدون فتحلي الباب
امي...سعدون
بشرى...اي شافني واكفه وادك احا فتحلي الباب
امي..وليش اليوم جايه من وكت
بشرى...اليوم تعبانه البارحه مانمت زين
كملت شغلي ورجعت للبيت
امي...تاكلين اني حضرت العشى ماعدنا ملح رحت اشتريت
بشرى...لا مو جوعانه اريد اتمدد ارتاح
جمانه السعيدي
رحت للغرفه بدلت ملابسي وتمددت
اجت وراي امي
امي...شبيج ليش هيج ضايجه
بشرى....ماادري
امي....ضايجه علمود سعدون
بشرى...امي افتهميني اني ماعندي هواي فرص
اريد ازوج حالي حال باقي البنات
امي...خلاص من تجي ام سعدون اكلها احنا موافقين
بشرى....يعني انتي مقتنعه
امي...انتي الي راح تعرسين مو اني
يايمه الزواج مثل الركيه حظ يانصيب
لو تطلع حمره لو تطلع بيضه بس محد يعرف بطنها حمره لو بيضه اله يفتحها
وهسه سعدون مراح نعرف أطباعه شنو اله نعاشره
ايجوز الناس ضالمته
ايجوز خوش انسان ايجوز من يزوج يصير خوش انسان
مرات العريس يكون ابن ناس ودارس ومثقف
ومن يزوج يطلع غير شكل لو شكاك لو بخيل
لو صاحب علاقات
البشر ما تعرفه اله تعاشر
بشرى...بس اني عدي شروط
امي...شنهي هاي الشروط
بشرى...اول شي نكعد وياج هنا بيتنا اني مااكدر اعوفج ابد
وثانيا...مااعوف شغلي ابد
اني شغلي خير من الله وهو اصلا كاعد وساكت
حتى راتب ابو يله يكفيله مصرف جكاير وناريكله
امي....وبعد عندج شروط
بشرى...اني سمعت عنده سوالف نسوان يبطل كل ذني السوالف اذا ازوجنا
امي.....نسيتي اهم شي لازم يساعد بمصرف البيت
خوما ياكل ويشرب وينام بلاش
بشرى.. اي هذا اهم شرط
امي...باجر من تجي امه اكعدي كبالها وكولي كلشي
الي تردي واشرطي عليها براحتج
اني مااريد اطيج الهم هيج كبل
لا زم يحسون بقيمتج شويه حتى يحسبولج الف حساب
اني مادايمتلج
بشرى...تمام اتفقنا
وكفت على حبلي يمه اروح للصالون
اكص شعري واصبغه اشكر ولله عاجبني شعر دكتوره امال
يخبل اللون عليها
امي.. بكيفج بس امال بيضه وانتي سمره خاف مايلوك عليج اللون
بشرى...اسئل ام الصالون يالون يلوك عليه
اريد اكص شعري بس مو هواي شويه
واريد اشتري خلطه تبيض اريد اصير كيمر
وبعد اشتري مكياج وعطور
امي...خل ام سعدون تجي ونشوف يقبلون تبقين
بلشغل لو لا
بشرى...مااعوف شغلي ابد اني ماشفت الخير والنعيم
اله لمن اشتغلت اني مرتاحه بشغلي ومااعرفه
امي...باجر انشوف ام سعدون شتكول
ثاني يوم من طلعت الصبح ماشفت سعدون
من وصلت دكتور امال سئلتني هاا شنو الاخبار
بشرى...وافقنا اليوم يجون ونتفق على كلشي
امال...انتي خوش بنيه وتستاهلين كل الخير
الصالون بلمهر عليه راح ادزج للبنيه الي اشتغل
يمها اطلعج غير وحده
بشرى...فدوه العينج دكتوره لو ما انتي مااعرف شسوي
من رجعت لكيت سعدون واكف منتضرني هاي مرتين
من ارجع واكف بلباب
وحده بدون اصدقائه وبدون مايدخن نركيله
سابح ومبدل طالع حلو
مدري اني جاي اشوفه حلو لان خطبني
بس باوعت علي ابتسم
يمكن هو حس هاي النضره موافقه مني
اني ماعندي خبره ابد بس هو صاحب علاقات
عنده خبره بلبنات
بس دخلت الببتنا بعدني ماغيرت ملابسي
اندكت الباب
راحت تمي تفتح الباب
سمعتها تكول هله باام سعدون تفضلي
هله بيج
بشرى...حسيت كلبي طار من مكانه
