رواية يعقوب والغرباء الفصل الرابع بقلم جمانه السعيدي
يعقوب...بدلت وطلعت للدوام وهي بقت بلبيت هي وامي
بقيت طول النهار واني افكر بيها
واحجي بكلبي على ابوها
شنو من أب هذا اني بنتي زغيره واذا بجت شكد اضوج وانقهر عليها
وهو مدخل عليها واحد حيوان ويسمعها تعيط
وعادي عنده ياريت لو مغصوب لو مايدري
علمود المخدرات يضيع حياة هاي المسكينه
كنت منتضر الدوام يخلص حتى ارجع للبيت واشوف شنو الوضع
بس كمل الدوام رجعت للبيت
دخلت من برا البيت يلمع حتى الباب من برا مغسول
سلمت على امي
دخلت البيت نضيف
وريحة الطبخ طيبه اسمعها تلعب هي وهبه
وهبه تضحك
دخلت بس شافتني وكفت وكالت اهلا استاذ يعقوب
يعقوب...اهلا وسهلا
حضنت هبه وبستها هااا بابا حبيبتي شلونج
هبه...نلعب اني وسحر
سحر....خلصت شغلي وشفتها ضايجه لعبت وياها
اذا ما تقبل اعتبر هاي اخر مره
يعقوب...ليش مااقبل اني من اشوف هبه فرحانه افرح
راسا دخلت امي
امي...بدل حتى نتغدا لان جوعانيين
نزلت هبه شنو الغده اليوم
سحر...تبسي وتمن
يعقوب...شكد صار ما ماكل تبسي امي اصوج لان تكعد اتكلي كل شغله وحدها ماتطبخ تبسي
سحر...اني سويته على طريقتي انشاء الله تعجبكم
امي...من الصبح لسه تشتغل نفضت البيت نفض ماخلت شي ما غسلته
يعقوب...عفيه مبينه نادره يله اطلعو اريد ابدل حتى نتغدا
سحر...اروح ومن تخلصون اكل ارجع
يعقوب...وين ترحين
سحر...مااعرف بس حتى تاخذون راحتكم
امي... دروحي حضري الاكل وخل نتغدا سوا وووين ترحين
سحر.. حاضر
يعقوب.. بدلت ملابسي وطلعت غسلت ورجعت
لكيتها محضره الاكل
كعدنا ناكل وامي صممت تكعد تاكل ويانه
كعدت وكعدت هبه كدامها لكمه بحلك هبه ولكمه بحلكها
تاكل قليل وعلى كيف
مبينه مستحيه
كامت قبلنا خلة القوري على الطباخ
طبعا نفس ملابسها لا بدلت ولا نزعت حجابها
خلت القوري على النار ورجعت شالت هبه صعدتها على المغسلة وغسلت وجها
ونزلتها بعدين دخلتها بلغرفه وبدلت ملابسها
اسمعها تسولف على هبه وتحجيلها قصه
جمانه السعيدي
اني كمت غسلت وكعدت اشرب جاي
طبعا طبخها كلش طيب والجاي رهيب
شويه وطلعت من الغرفه كالت نامت هبه
بعدين شالت المواعين وغسلتهن
سحر...استاذ بعقوب وين ملابسك اغسلهن
يعقوب...اني اغسلهن ارتاحي انتي تعبتي اليوم
سحر...لا ماتعبت اني اغسلهن
جمانه السعيدي
دخلت للغرفه وجابت ملابسي الي كنت لابسهن
ودخلت للحمام
اني اذكرت اكو فلوس بلستره
دخلت للغرفه لكيت الفلوس على الميز والسبحه والمحبس
نفس ماهنا ما ناقصات اي شي
اني تعبان نمت كعدت العصر لكيتها بلمطبخ تحضر بلعشى
جمانه السعيدي
سحر...احضرلك جاي
يعقوب..اذا ما اتعبج
سحر...لا ماكو تعب
خدرت جاي وجابتلي اخذت الامي جاي
سحر...اني اترخص قبل لا صير الدنيا ليل ارجع الاخوي
خاف يبقى بقلق عليه
وباجر اجيكم
يعقوب...اوصلج
سحر...ما يحتاج اني اروح وحدي بلخط
يعقوب..دخلت جوا ونطيتها ٢٥ هاي من احسابج
سحر....لا ماأخذ اله تشوفون شغلي وتتاكدون مني
يعقوب.. لا مايصير اخذيهن واعتبريها من الحساب
سحر...تسلم الله بحفظك باجر مز الصبح تلكاني هنا
راحت سلمت على امي وطلعت
اني شخصيا مرتاح الوجودها شاطره ونضيفه وخفيفه
بلشغل
وشغلها سكته بدون صوت
امي...هاا كملت العشى
يعقوب.. اي كملت وراحت خوش بنيه لله يرضا عليها
ثاني يوم نفس الموعد الساعه بلسبعه اندكت الباب
طلعت فتحته لكيتها هي
سحر...صباح الخير
يعقوب...صباح الخير تقضلي
دخلت واني طبكت الباب
دخلت لكيتها تحضر بلريوك وامي كاعده على الصوبه
كملت الاكل وجابته
راسا كعدت هبه على صوتنا وكامت تبجي
سحر...هااا هااا ليش تبجين حبيبتي
شالتها وغسلت وجها هبه بقت نايمه على جتفها
سحر... ترجعين تنامين لو تتريكن
بقت هبه حاضنتها ومغمضه عيونها
كعدت ونومتها بحضنها
بعدين شويه كعدت هبه
بدت سحر توكلها شويه شويه
يعقوب...اني كملت ودخلت ابدل طلعت لكيتها جاي تمشط الهبه وترتب شعرها بعدين بدلت ملابسها
طلعت للدوام فرحان لان هبه لكت احد يهتم ببها
رجعت لكيت الببت يخبل كلش نضيف
سحر...هلو استاذ يعقوب
يعقوب....هلو سحر شنو الغده اليوم
سحر...الحجيه كالت دجاج وتمن شعريه
يعقوب...تمام حضري الاكل علما ابدل
طلعت كعدنا كلنا نتغدا سوا
اسبوع على نفس الحال تطبخ وتنضف وتعتني بهبه
تحضر العشى وترجع للفندق وياا اخوها
كملت اسبوع واجا يوم الجمعه كنت كاعد بلبيت
اجت الساعه بلسبعه
بدت تحضر ريوك
يعقوب....ليش ماتغيربن ملابسج من اول يوم اجيتي وهنا نفس الملابس
سحر... اني ماجيت ملابسي لان انهزمت من البيت
وهسه بس استلم اشتري ملابس
انشاء الله لمن استلم الراتب اشتري ملابس جدبده
اني صح ملابسي تعبانه
بس نضيف اني كل يوم اغسلهن بليل والبس تراك اخوي
والصبح البسهم واجي
لا تخاف استاذ يعقوب اني نضيفه
يعقوب....اني موقصدي انتي مو نضيفه بس ملابسج حيل تعبانات
سحر...اشتري غيرهم انشاء الله
جمانه السعيدي
بيومها امي كالت انريد مسواك للبيت
وبدربك سدد الفلوس مال مسواك المحل وجيبلي غراض للمحل وياك سجلتها بورقه
من اسدد خل يسجل ذني الغراض الجدد مكانهن
طلعت بلاول رحت اسوكت للمحل وسددت الدين
دزيت المسواك بستوته للبيت قبلي
بعدين رحت جبت مسواك للبيت
شفت دشداسه حلوه معروضه على المليكانه برا
لونه كلش حلو وشغلها مرتب
اذكرت سحر ماعدها ملابس
رحت اشتريتها واشتريت حجاب خليتهم بعلاكه
رجعت للبيت
لكيتها كاعده بلمحل وتسفط بلمسواك وامي كاعده
بس تنطيها اوامر خلي هاي هنا وجيبي هاي هنا
وهي تشتغل
يعقوب....السلام عليكم
امي.. هله يمه هله بيك
يعقوب...روحن ادخلن بلبيت واني اكمل
سحر....اني اكمل انت تعبان
يعقوب...وانتي مو تعبانه هاج هاي العلاكه اللج
يله ادخلن بلبيت حضرن الاكل اني جاي وراجن
اخذت العلاكه فتحتها شافت الدشداشه راسا ضحكت
اول مره اشوفها تضحك
ضحكتها كلش حلوه
سحر....هاي اليه
يعقوب....لا الامي طبعا اللج ومن استلم الراتب
اجيبلج بعد
سحر...يارب يفرح كلبك مثل ما فرحت كلبي
امي.. امين يارب العالمين
دخلن هي وامي جوا واني بقيت ارتب بلغراض واصعد بلرفوف
ربع ساعه واجت هبه
هبه...بابا تعال نتغدا
يعقوب...اي اجيت
دخلت لكيت سحر لا بسه الدشداشه والحجاب الجدد
بس شافتني دنكت
يعقوب...بلعافيه
سحر...شكرا
كعدنا نتغدا وهي كل شويه تباوع للدشداشه وتبتسم
جمانه السعيدي
فات الاسبوع الثاني وهي كل يوم احسن من اليوم الي قبله
هبه تعلقت بيها
واني كمت احس اكو فرق بلبيت من تكون موحوده
مرات حتى الكاها تبيع بلمحل بمكان امي
واكثر من مره اختبرتها بموضوع الفلوس وتنجح بلاختبار
ابد ماتمد ايدها على الفلوس
استلمت الراتب
ورحت اشتريتلها رداء جديد وحجاب وياا
وجبت الامي دشداشه والهبه نفنوف
وصلت وزعت الغراض عليهن
هبه طلع الثوب عليها يجنن
وسحر دخلت لبست الراء كلش حلو
بس امي كالت ليش تكلف على تفسك
يعقوب....من زمان ما اشترينا شي جديد
افرحوا الله كريم
الشهر الثاني وهي تشتغل عدنا وكعت هبه مريضه وصخنت حيل
بس تبجي سحر شايلتها وتفتر بيها
تريدها تسكت
ردت اخذها للمستشفى لازمه سحر من ركبتها وماتقبل تنزل
سحر...اروح وياك مااعوفها مااكدر اشوفها تبجي
اجرنا تكسي ورحنا للمستشفى ضربوها ابره
وسجلو علاج نشتري من برا
مريت اشتريت العلاج ورجعنا وهي حاضنه هبه وشايلته
رغم هبه جبيره وثكيله
بس ماتقبل تعوفها
بيومها باتت عدنا سحر ما رجعت الاخوها
كاعده وتحضر كمادات الهبه
امي تعبت ونامت واني وسحر كاعدين
شويه نزلت حرارتها
سحر....استاذ روح نام
يعقوب...لا تنتي تعبتي نامي واني كاعد
سحر....انت ماتعرف شسوي اني اعرفلها
يعقوب....خل نبقى ثنيينه
شويه غمضت عيوني لان تعبت حيل
باوعت لكيت سحر كامشتها من ايدها ونايمه
نايمه بحجابها ونفس الرداء
جبت غطا وغطيتهن ثنيينهن رحت الغرفة امي نمت
يمها زحمه انام بنفس الغرفه وياا ها
الصبح كعدت على صوت هبه تبجي
طلعت لكيت سحر شايلتها وجاي تفور الها حليب
يعقوب...انطينياها اني اشيلها
بس قربت عليها كامت هبه تبجي
سحر.. عوفها مريضه خطيه
جابت الحليب وكعدت تشربها بعدين صعدتها على الكاونتر
سحر... تعاي نحضر بيضه تعرفين اطكين بيض
هبه.. لا
سحر... تعاي اني اعلمج
جابت الطاوه ودهنتها دهن قليل وخلتوهبه تطك البيضه والطاوه بارده خاف تحترك
رجعت الطاوه على النار
وهبه نست المرض وكامت تضحك
كعدن يتربكن ثنيبنهن
واني وامي حضرنا ريوكنا وكعدنا ناكل
جمانه السعيدي
بيومها ما داومت طلبت اجازه علمود هبه
الساعه تسعه اندكت الباب
امي من المحل منو يعيوني
ولد شاب لابس ملابس عمل يمكن يشتغل ورشة تصليح سيارات لان ملابسه كلهن دهن
امي...هاا خاله تفضل
حسن...اني حسن اخو سحر البارحه مارجعت وقلقت عليها اجيت اطمن
امي.. اهلا وسهلا هله بيك
اي البارحه البنيه الزغيره تمرضت وتبجي بقت علمودها
راسا امي صاحت يمه يعقوب تعال
يعقوب.. طلعت سلمت علي
امي...يمه اتفضل جوا
يعقوب...اتفضل اشرب جاي اعذرني التأخير بسبب
بنتي مريضه وتبجي على سحر
انت لا تخاف عليها بيتنا
حسن...لا ولله مااخاف عليها انتم ناس اصل وفصل ومعروفين
اني اول ما اشتغلت يمكم اجيت سئلت عنكم
كل الناس تحمد بااخلاقكم
يعقوب...ادخل سحر جوا
دخلته للبيت
سحر....هاا حسن البارحه هبه مريضه وماكدرت ارجع
حسن... اجيت اطمن عليج
يعقوب... انطيني رقم تليفونك اذا صار شي اتصل عليك
حسن...اي ولله حتى لا ابقى بقلق عليها
يعقوب ...اخذت رقم التليفون وودعته
