 |
رواية اشباح عيلة مدكور الفصل الرابع بقلم كوابيس الرعب
فاكرين إني خرجت؟
لا…
محدش بيخرج من بيت مدكور
هو بس بيبعد شوية
لحد ما الاسم يناديه تاني.
العلامة اللي على دراعي
كانت بتوجع
مش وجع جرح
وجع ذكرى
كأن حد بيشدني من جوا جلدي.
حاولت أعيش
أرجع شغلي
بيتي
مراتي.
بس في كل مرة أبص في المراية
كنت أشوف وشي
ونص تاني مش بتاعي
ملامحه قديمة
عيونه سودا
وعنقه مايل
زي عم مدكور.
في ليلة
صحيت على صوت خبط على باب الشقة ولما قمت اشوف مين لقيت طين على الأرض ، طين كأن حد طالع موالترعة
ونقطة دم
ورا التانية
لحد باب البيت.
الصوت جه ورايا:
– «جه الوقت.»
لفّيت
وما شفتش حد
بس شفت الشقة بتبعد
والحيطان بتطول
وأنا راجع تاني
لنفس الطريق
نفس العبّارة
نفس المقابر.
الناس ما بصّتش عليا المرة دي
ولا حد استغرب
كأنهم كانوا مستنيّني.
بيت مدكور كان مفتوح
من غير باب
ومن غير نور
بس شايف كل حاجة.
دخلت
والبيت كان هادي
هدوء ما قبل الدبح.
سمعت صوت عمتي رتيبة
مش صريخ
ولا بكا
صوت أم
بتحن:
– «لو كنت جيت بدري… مكنش ده كله حصل.»
دخلت أوضة الجد
لقيت السكينة
محطوطة
نفس السكينة
اللي بدأت بيها اللعنة.
مدكور ظهر قدامي
بس المرّة دي
وشه هادي
مفيهوش جنان
ولا دم.
قال:
– «البيت مش عايز شر… البيت عايز حد يشيله.»
قلتله وأنا بعيّط:
– «طب وليه الدم؟»
رد بهدوء قاتل:
– «علشان محدش يشيل غير اللي اتوجع.»
الحيطان بدأت تقرب
والأصوات تعلى
والبيت بيتنفس
مع نفسي.
ساعتها فهمت.
مش مطلوب مني أموت ولا أقتل
مطلوب مني أكمّل.
مسكت السكينة
وقرّبتها من العلامة اللي على دراعي
والدم نزل
مش كتير
بس كفاية.
قلت بصوت ثابت:
– «أنا محمد… مش مدكور… مش عبد… أنا آخرهم.»
الأصوات سكتت البيت وقف والحيطان رجعت مكانها.
مدكور ابتسم ابتسامة ارتياح
وقال:
– «كده الدائرة اتقفلت.»
البيت بدأ يتهد ، مش يقع
يختفي
زي حلم وحش بيخلص.
فتحت عيني
لقيت نفسي على ضفة الترعة
الشمس طالعة
والبيت
مش موجود.
رجعت بيتي
العلامة اختفت
والكوابيس وقفت.
بس…
لو عدّيت من حلوان
بالليل
وعدّيت جنب المقابر
وحسّيت إن في بيت بيبصلك
من غير ما تشوفه…
اعرف
إن في حد
لسه شايل الحمل.
مش شبح
ولا شيطان.
واحد
قرر
يحبس اللعنة
جواه.
وأنا؟
عمري ما حكيت الحكاية دي
غير مرة واحدة…
علشان
البيوت
اللي اتشربت دم
لو اتنست
بتدور
على اسم جديد. 😈🩸🔥
النهاية. 😈
