رواية الزوجة الاولي الفصل الرابع 4 بقلم جيجي

عبله بخبث... لا يا اخويا استنى شويه  بصراحه ما ينفعش كده في الشارع الناس تقول عليك ايه دي بتطين سمعتك انت بس بالراحه يعني العيال احسن يزعلو على امهم ويمشو وياها ولا حاجه

حنفى قال... يغورو.... ونزل لسميحه وقال... بتعملى ايه عندك 

سميحه... هكون بعمل ايه على الصبح يا حنفى مش واعينى شغاله

حنفى... رقم مين اللي في يدك ده 

سميحه... زبون في المحل 

حنفى... وانتى من ميتى بتاخدي رقم الزباين

سميحه... جرى ايه يا حنفى هو تحقيق ولا ايه انت اللي من ميتى بتنزل اصلا وتعبرني في الشغل 

حنفى.... اه وانا عشان ما بنزلش في الشغل معاكى تلوفي على حل شعرك

سميحه... واه ايه الجنان  اللي اللى بتقولو ده 

 حنفى... انى مجنون  يا قليله الحياه يا قليله الربايه  انا اتجنيت من يوم ما سبتك على حل شعرك 

سميحه... لا كده زادت قوى 

حنفى...  واحده زيك اساسا ما ينفعش تبقى مرتي 

سميحه... هي لحقت دى جات اول امبارح

حنفى.... انت برضك دخلتيها في الموضوع ايه يمكن عايزه تتجوزي عليا  كمان ولا عايزه تعشقيه في الضلمه

سميحه..... يخرب بيتك يخرب بيتك ايه اللى بتقولو ده احنا في الشارع انى ام عيالك

حنفى... الشارع ده هترجعي ليه من تاني ما هتقعديش في دارى دقيقه واحده انتى طالق يلا امشي وورقتك هتحصلك

مختار.. انت بتعمل ايه يا ابوى دى امى ليه بتكلمها كده هتمشيها هنروح معاها 

حنفى... فى داهيه احدفيلها هدومها يا بت من عندك 

عبله رمتلها شنطه الهدوم بتاعتها من البلكونه

مختار.... هنروح فين دلوقتي ياما

سميحه... هنرجع عند جدتكم بس انتو ما تتكلموش انا اما نقعد كده هقولها  

عمار..... السلام عليكم 

سميحه.... انت تاني خير 

عمار....  كل ده عشان اديتك الرقم  تعالي وياي انا هروح لجوزك واشرحله الموضوع

سميحه...  ما تشرحش حاجه واصلا انت ما ليكش صالح روح انت كمل شغلك 

عمار.... ما ليش صالح كيف انتى ماشيه من بيتك بسببي انا خربت بيتك 

سميحه.... لاه مش بسببك انت ما ليكش صالح كده كده  كان هيمشينا 

عمار... طب انا بيتى قريب من هنا تاجى معايا 

سميحه... امم وده ليه بقى ان شاء الله بئمارة ايه يعني 

عمار.... تحطى حاجتك لحد ما تشوفي هتروحي فين 

اسميحه... امشى من هنا ياض حد قالك انو جايبنى من الشارع انى عندى ناس وراجعه بيت ابويا جاتكم البلا شبه بعض 

عمار.... والله انتى فهمتينى غلط انا بس 

سميحه..... ولا غلط ولا صح توكل على الله يا عم

 ورجت على بيت ابوها ونيمت الولاد وكانت قاعده في الصاله مع امها 

امها..... ما انتى غلطانه برضك يا بنتي ما كانش ينفع تقعديلو بعد كل اللي عمله ده يتجوز ويرميكى كده برضو 

سميحه بدموع..... عشان العيال ياما ما كنتش عارفه انو هيعامل العيال كده  وما يسألش فيهم انا يتيمه وطلعت من غير ابو ما كنتش عوزاهم يطلعو زى  

امها.... حجه قديمه ربنا اللي بيرزقكم عشان العيال مش جوزك وكانو هيطلعو من غيره عادى ما انتو طلعتو 

سميحه.... هيطلعو ياما بس مش هيبقالهم اب ولا ضهر 

امها....  هو ده اب ده قلتو احسن على راي المثل مش كل راجل راجل وده ما يتعدش من الصنف واصل انا بعت خوالك هناك هيجيبوا عفشك وهيجيبوا من الدكانه بتاعتك كل اللي فيها المكنه والحاجات  شغل ب شغل تشتغلي هنا وتربي عيالك على الاقل يطلعوا بكرامتهم 

الناس لما تقول ابوكم طلق امكم هيقول عادى حاجه ححللها ربنا. وناس كتير بتعملها بس لما يقولولهم ابوكم بيهين امكم ضرب امكم دى اللى عيبه سكوتك فيها انيل والرجل بيستقوى على الست اللى ضامنها يلا ما فيش نصيب لحد كده 

بعد ايام عدت كانوا خلصوا أجرائات  الطلاق وكانت سميحه قاعده في الدكانه بتاعتها بتشتغل 

مختار... هو انتى خلاص ما هترجعيش تاني عند ابوي بيسألنى عليكى وقال انو عاوز يرجعك 

سميحه... لا يا مختار هو لما يعوزكم يجيلكم وانتو لو عايزين تروحواله روحوا عايزين تقعدو هناك كمان براحتكم

مختار.... احنا ما نسيبكيش واصل عمى عمار قابلنى فى الدرس وسأل عيكى 

سميحه... مين عمك عمار 

مختار... عمار اللى معاه البتين الناعمين اللى عملتيلهم فساتين يوم ابوى ما مشانا بيودى بته الدرس معاى

سميحه... سال على ايه 

مختار... عليكى وقال ليه ابوكم زعل وانا قولتلو مرتو سلطتو 

سميحه... يه عيب كيف تقول كده 

مختار قال... جدتى قالت انو مشانا عشان مرتو سلطتو 

بس جيه عمار وقال...  السلام عليكم

سميحه..... و عليكم السلام خير 

مختار مشى وعمار قال... انا  بصراحه  روحت لجوزك وكلمته وهو قال عايز يرجعلك وكانت لحظت غضب 

سميحه.... برضك روحت انت مين طلب منك تروح انت قولتلو ايه 

عمار... انا فكرت مشيتي بسببى يعني حاجه تضايق بصراحه وروحت بس قولتلو ان انا بس كنت عاوز شغل 

سميحه... قولتلك انت ما لكيش صالح انت ما ليكش دعوه انت حاجه اتلكك بيها فى سبب اساسي اصلا غيرك 

عمار... طيب انا انا مره تانيه بقول لو احتجتى اي حاجه تقدري تتصلي بيا 

سميحه... اتصل بيك بمناسبه ايه واصلا مستوره الحمد لله ولو احتجت حاجه هكلم حد من ناسى مش هكلم حد غريب متشكرين على العرض اتفضل واه ما تفتكرش ان انا بكلمك كده عشان انى زعلانه منك ولا انك السبب لاه واصل انى بتكلم كده مع اي رجل غريب انت لو مرتك عايشه كنت قلتلك ابعتها هي بس كمنك ما لكش حد انا مضطره اتكلم معاك ما تاخدش على خاطرك ولا خد براحتك 

عمار ببتسامه.... تمام اسف على الازعاج 

ومشى... مختار... ليه الراجل ده كل شويه ينط هنه 

سميحه..... عادي حاسس بذنبنا يا عيني حاسس ان هو السبب

مختار.... ما قلناله ما لوش صالح

سميحه..... يلا سيبك منه يلا خلينا نشتغل انا وانت في الدكانه انت خد كتابك اهو واقعد فى  الزاويه وذاكر وانا هشتغل هنا جارك ولو في حاجه قولى 

مختار.... حاضر يا اما 

وبقت تعدى الايام وكانت سميحه بتشتغل

...

عمار... السلام عليكم 

سميحه.... يا اهلا وعليكم السلام اتفضل فساتين بناتك 

عمار...  شكرا اتفضلي لو عوزنا حاجه تانى هناجى تانى 

سميحه... قصدك تالت دى تالت مره عموما نتشرف.....  ايه واقف ليه في حاجه 

عمار... لاه ولا حاجه... ومشى شويه ورجع 

وقال... سميحه... بقولك ايه تتجوزيني

سميحه..... معلش ارجع عيد تانى قولت ايه اصل وداني مصفره 

عمار..... بقول تتجوزيني انى طالبك بالحلال 

سميحه.... ما يحكمش مين قالك ان انا عايزه اتجوز اصلا لو فاكر ان المراه ما تقدرش تربي العيال من غير راجل لا يا حبيبي بنقعد عادي من غير رجاله شكرا وبنربى واحنا بمية راجل 

عمار...... مين قال انو انتى ما تقدريش تربيهم لوحدك او من غير راجل بالعكس والله انا اللي محتاجك مش انتى انى عندي بنتين الصراحه امه ماتت وقعدت لوحدي معاهم ما عارفش اقعد في البيت ولا عارف اشتغل بصراحه فكرت اتجوز بعد المرحومه امهم بس مش لاقي واحده مناسبه تعاملهم زين خايف اجيبلهم واحده تبهدلهم وانتى ما شاء الله جدعه وكويسه وهتعاملى البنات زين وانا اعامل الولاد زين نتجوز ونكمل حياتنا انا وانتى لسه صغيرين 

سميحه..... مين صغيرين انا عندي 35 سنه

عمار... صغيره وحلوه كمان 

سميحه.... سيبك من الكلام ده جبته من فين الله يجازيك اني بصراحه مش بفكر في موضوع الجواز ده دلوكتي يعني انا لسه مطلقه من فتره

عمار... عادي وفيها ايه انا هستناكى تخلصي عدتك ونتجوز وبراحتك عايزه تقعدي فاتحه المكان ده اقعدي فاتحه عايزه تقفلي وتقعدي في البيت على راسى انا مهندس ويشهد ربنا عيالك في عيني كيف بناتي بالظبط وامانتك البنات تعامليهم كيف اولادك بالظبط انا ما عنديش غيرهم اصلا لا عندي ام ولا عندي اب ولا عندي اي حد خالص اخوى بس  متجوز وقاعد هو مرته بعيد ها نقول على بركه الله 

سميحه.... ايه ده انت هتاخدنى كده على مشمي اما افكر الاول لو عليا ماشي بس انت عارف الولاد غير البنات دول لسه ماعدوش جواز امهم وانى اجبلهم راجل تاني معاهم برضك مش هيبقى زين انت عارف يعني  موضوع طلاقى من ابوهم كسرهم

عمار... لا ما تقلقيش ان شاء الله هيوافقوا هما عيال يعني لسه ما فهمتش حاجه يدوب ١١ سنه

سميحه.... انت سألت على السن كمان 

سميحه.... انا عرفت كل حاجه انتى كمان فكرى براحتك يا ست الناس مش هتديني  الرقم انتى بتتصلى من تليفون المحل انا عاوز تليفونك انتى 

سميحه.... تلفونى بمناسبه ايه بقى ان شاء الله 

عمار... مش هنتجوز 

سميحه.... خلاص كده انت قررت 

عمار... فكر براحتك انا على العموم قاعد ومستني تليفون منك انا صليت استخاره ولقيتها خير ان شاء الله السلام عليكم

سميحه... وعليكم السلام  

وطلعت عند امها ... الحقى يا اما اتقدملى وقال هياخد عيالى يعيشو معانا هناك 

امها... زغرطت... لولو 

سميحه... بس يا وليه ايه الكلام ده انا لسه ما وافقتش  هفكر 

امها.... هتفكرى  ليه الراجل جاي  شاري وجاي بالحلال انتى  عندك ولدين وهو عندو بتين حطوا الاتنين على الاتنين وعيشوا حلوين 

 مختار... هتتجوزى هيعمل معانا كيف الحربايه مرت ابوي دي ما عملت معانا....

سميحه... لاه يا روحى انا ما هسيبهوش يعمل كده فيكم   طبعا يا حبيبي اكيد انى عمرى ما اسيبو يزعلكم 

مختار... تمام بدام هناجى معاكى 

سميحه فرحت وكانت تانى يوم بتخيط بس جيه 

حنفى وقال...  عايزه تتجوزيه يا سميحه اعملى فى  محسوبك انتى لو اتجوزتى انا هاخد عيالي ما هسيبهمش لجوزك يلطش فيهم