رواية قصتي في الموصل الفصل الخامس بقلم زينب نور
ي مكدرت انام ضليت افكر بشاهين كوه نمت
ورا ايام كلت لازم اني هم اعترفله ميصير اضل ساكته
الساعه 8:00 صباحاً
كعدت الصبح لكيته هوه وجدو كاعدين لأن هوه يشتغل ويا جدو كال مااكدر ابقى ببيتكم وماشتغل لازم الگي شغل جدو گله اشتغل ويايه
كلتلهم اسويلكم ريوگ واجي ماشي
سويت اكل وحطيت الريوگ كدامهم
جدو گلي اكعدي اكلي اني كلتله لا مو هسه وياهم اتريك فد مره كعدت مقابيلهم واباوع على شاهين شلون ياكل
كملو اكل وراحو للشغل واني غسلت المواعين وسويت ريوگ مره الثانيه البيبي والعمو واليه اتريگنا وكمت كملت شغلي وصار الظهر اجه جدو وشاهين واتغدينا سوا
طبعاً اني قررت اليوم خلص اريد اعترف الشاهين بحٌبي
كعدنا بالحديقه كولنا ناكل كليجه وچاي نضحك ونسولف
بنفس اليوم بليل طلعت برا بالحديقه لكيته ديدخن الوحده
لمى :شاهين
شاهين اندار عليه
لمى :احبك وركضت قبل لا ادخل انداريت لگيته يباوع عليه ومبتسم
دخلت الغرفتي وخجلانه مدري شلون طلعت مني
ثاني يوم العصر كاعدين كولنا جدو كلي
الجد :جدو شاهين اليوم طلب ايدج مني شتكولين اني عن نفسي موافق وبيبيتج وعمج هم بس اكيد هذا القرار قرارج واحنا نريدج تختارين الشخص الي تريدي لأن باجر عگبه احنا جوا الگاع واهم شي سعادتج
لمى :لا اسم الله جدو من عمري على عمركم بس اذا انتو موافقين اني موافقه وابتسمت
بيبي هلهلت وكالت منلگى احسن منه
فرحنا كولنا وگمنا نضحك
الجد :هل اسبوع الخطوبه والعرس بعد شهر .....
رحنا اني وبيبي اختاريت فستان لون ماروني طويل مخصر على الجسم للخطوبه
وورا كم يوم صارت الخطوبه ورحت للصالون مكيجتني ولبست الفستان وطلعت كولش حلوه انصدمت بشكلي وحبيته لأن عمري ممتمكيجه هيج مكياج ورجعت للبيت وبدت حفلة الخطوبه واجه شاهين لابس بنطرون اسود وبدي صحراوي جان كولش حلو شكله ولبسه بدت الحفله ولبسنا الحلقات وقرينا الفاتحه واخيراً صار خطيبي
طبعاً فترة جانت كولش حلوه
ورا شهر صار زواجنا
بيوم عرسنا طلعنا ملائكه فرحانه كولش وشاهين اول مره اشوفه فرحان هيج
واتزوجنا الحمدلله
وكعدنا ببيت الوحدنا لأن شاهين اشتغل هوايه حتى يكون نفسه ويشتري بيت النا واكيد بيت جدو ساعدونا بمبلغ لأن مجانت عنده فلوس كامله
بعد شهرين من زواجنا حبلت ببنيه وولدت طبعاً احلى شي انو طلعت تشبهني بالبياض والملامح تقريباً وتشبه ابوها بالعيون
قررنا نسميها موصل لأن قصتنا بدت بالموصل صح قصتنا حزينه جانت بالبدايه بس اشكر ربي واحمده انو اتعرفت على شاهين وهسه احنا عايشين سوا الحمدلله والشكر مره الثانيه
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
