رواية مزيونة الشيخ الفصل السابع بقلم شهناز العلالي
اجت ام صكر حتى تشوف خالد ....ابتسمت..عدلت كعدتي شالت الطفل ...جنت لازمه التليفون ب ايدي ذبيته بكل هدوء
باوعت عليه كالت"
_يمه ايمان شمعتازة كولي اني بحسبه امج ..اذا صكر قصر عليج لو ضوجج بس احجي لاتتسكتين...
_لاعمه مامقصر بلعكس ...انتي بحسبه امي الثانيه وحسناء هم اخيتي الثانيه ...
باوعت على ام صكر....
كالت"
_سمي بسم الله الرحمن الرحيم واخذي ...
_بسم الله الرحمن الرحيم.........اخذته منها...طلعت من الغرفه باوعت على خالد ...جان يدك صكر عليه ...
_الو حبيبتي
_هلاحبيبي
_محتاجه شي راح ارجع بعد شوي اجيبلج شي؟
_لاحبيبي ارجعلي سالم.
_مشتاقلج
_مشتاقتلك ...
_امممممحححح
سديت الاتصال من صكر واني افكر اتصل لو لا ...
والله اني هم لزمت التليفون ودكيت على فؤاد ...
دك دكه اولى ثانيه ...ثالثه...سديت كبل شمرت التليفون...على المخدة ووكفت بعيد كان وحدة منتظرة مصيبه تحط على رأسها...
درت وجهي خليت ايديناتي على راسي ....اه ربي شصخمت درت وجهي على مراية الكوميدي لكيت ضوة الشاشة مشتغل ... خالته التليفون صامت مشيت عل كيفي كاني اتسلل لفد مكان ..هوه اي هوه دك....اكيد عباله اني خدمه توصيل اريد منه ،اكل......اي لان مستحيل يعرف اني اتصل ....دك مره مرتين سكت التليفون ....
اجه صكر بعد ساعه ...مدري شبي مشتاقلي كبل مارس العلاقه الزوجيه وياي بدون اي مقدمات وراها تعشينا ...
لبس دشداشته وسبحت وطلع ...وين طالع وين ؟يمعود موجنه سوه هسه...
_حبيبتي اجوي زلم من بغداد معارفنا ولازم اادي واحب وياهم انتي ديري بالج على نفسج ...
_شنو شكو ....؟يازلم ساعه ١٠ونص بالليل ...
_مع السلامه حبيبتي الشباب اجوي....
طلع صكر وي صحبانه حسب ماكال واني ضليت الوب.....يربي شنو هاي هففف....
اتصلت ب ابوي سلمت عليه وحاجيت امي ....ومن بين الكلام ...
_شنو شو جاي تحجين براحتج....صكر وين ؟
_مدري يمه وين طالع وي صحبانه ...
_ب١٠ونص ياصحبان ولج اخاف يعرف وحدة عليج لو متزوج ....
_هههههه لالامستحيل ...
واستمر صكر على هالحال فترة ٣ايام ...وصلت لمرحله انام وأكعد والكاه بصفي هالصكر ....اسئله يكول صحباني راحو ...اجوي...والد صاحبي نطاج عمره...
يوم يجر يوم لحد ما اني زهكت
وبيومها نزلت لعمتي سويتلها جاي وكعدت يمها اني وبحضني خالد مبين عليه الضوجه ...باوعت عليه كالت"
_شبيج يمه امونه شو ضايجه...؟
_عمه صكر اله كم يوم كافيهات برة البيت وهم مالحك اشوفه اني ميصير هيج انعاف ...عمه تتوقعين صكر متزوج ؟لو وحدة بباله؟عليج النبي عمه احجي الصدك اني ادري بي صكر يحبج ومايضم عليج شي ...
_ههههه يمه الغيرة يمه الحبيبه .... لج بنيتي صكر فرحان بيج ويحبج ويتمنى رضاج ...لج يمه طلعي وساوس الشيطان منج ...الشيطان جاي يخرب بينج وبين وليدي ....لج اني اختاريتج اله ...وكلبه اختارج ...وشحلاتج عندج هذاك الوليد جنه العافيه ...كومي يمه كومي تعطري وتمكيجي جايج رجالج....تره الرجال هم ينرادله الملكه الحلو كومي يمه كومي ....
كلامها ريح كلبي ...كمت تعطرت وسويت كل الي كالت بي...بس صكر عصبي هالايام مدري شي ينهر بيه كل مااكله شي يكولي اي وراها ماينفذة مليت .. صل صكر على هالحال شهر ....هنا والشيطات لعب براسي ورديت اتصلت ب فؤاد والمره هاي جاوب....
_الو
_الو
_اتفضلوا؟
_فؤاد اني ايمان ...
_الو....الو ايمان تسمعيني ...
_اي اسمعك ..
_مشتاقلج لج وينج هالمدة كلها . لج دانتظرج ...وين جنتي ليش مااتصلتي ...ليش مااجيتي للناصرية ...
_على كيفك اني لاتنسى متزوجه وعندي طفل وو...
_كوليلي ليس ماجيتي للناصرية وووشوكت تجين؟؟
_غير زوجي يجيبني ....زين الطريق بعيد ...
_ضروري تجين مشتاقلج احبج ولج .....ايمان
_ها
_كولي احبك ....
هنا وصكر سيارته طبكت ...سمعت الصوت....لان غرفتي على الشباك ...كتله:
_اجه....
_شنو؟
_اجه
_زوجي.....ديربالك تتصل بيه الا اني اتصل بيك باي....
....
سديت الاتصال وذبيته التليفون بالكوميدي ...
دخل صكر للغرفه تعبانه كال"
_جيبيلي ماي....شبيج صافنه جيبلي ماي...
_صكر شبيك وياي بس تنهر بيه شمسويتلك هاي فوكاها ماعايفني وحدي ملتهي بروحك ....
_اسف ...اسف بس ضغط شغل ومشاكل احبج اني....
صكر لزم ايدي وباسها ..
رجت جبتله ماي اشو هذا ذب روحه ونام .......
اني هم نومت خالد وخليت راسي بالمخدة وما احس اله صوت هزاز بالكوميدي....فتحت الكوميدي لكيته فؤاد ....فزيت كمت من مكاني صكر نايم والغرفه هدوء شسوي وين اولي ...فؤاد ضل يتصل واني اسد الاتصال ....
دز رساله"
^جاوبي لااحرك شيب الخلفوج....
يربي وين اولي .....دخلت للحمام فتحت الدوش ورديت على فؤاد بصوت ناصي خاله ايدي على حلكي حتى مايظهر صوتي قدر الامكان....
_الو ها فؤاد ...
_شنو الو ...ها شنو الو ...لج ...ادب سز تسدين التليفون بوجهي اذا ماطيحت حضج..
_لالا بس زوجي اجه ...وهسه اني بموقف ما انحسد عليه بالحمام جاي احجي وياك ...لان زوجي نايم
_ها بعد ماأخذ المقسوم..
_انت شلون تحجي هيج وياي....
_اششش انجبي .....كولي احبك
_لاماكو...متزوجه
_انجبي انتي الي اني احبج تفهمين شنو احبج ...
_فؤاد لازم اروح ...لازم اروح فؤاد
_لج كولي احبك
_احبك بس خل اروح
_لا بوسيني يلا
_لافؤاد شجاي تحجي ...
_يلا
_باي فؤاد ....
سديت الاتصال...ضميت الموبايل بالخاولي.....سديت الماي ...فتحت باب الحمام ...مديت راسي...صكر نايم هففففف...رجعت فكيت الخاولي وضميت التليفون
نمت ...كعدت ثاني يوم لكيت صكر شايل خالد ويناغيه ويضحك ...اليوم فرحان ومرتاح شكله شابع نوم....
باوع عليه شمرلي بوسه من بعيد...
كمت واني منزعجه مصدع راسي اه...باوعت عليه اخذت الخاولي اريد اغسل ...سحبني من ايدي كال"
_ادري بيج زعلانه حبيبتي حقج عليه يا ام وليدي ..
_لاعادي مقدرة ظرفك ...
زحت ايدة عني ...ورحت غسلت ...صكر مستغرب....دخلت للحمام غسلت باوعت بالمرايه ...
اني شسويت ...شلون احاجي فؤاد وشلون اصد زوجي صكر ...اخاف يزعل لو يركز بموضوعي ...بين ما افكر دك باب الحمام صكر كال"
_تليفونج ديدك...
هنا ووووووجفلت كلت بس لا هذا فؤاد كبل فتحت باب الحمام ...
صكر مستغرب"
_شبيج بنيتي شجاج ؟
_بطني جاي تتقطع...اه...منو متصل ...
_ماعرف ...
سويت نفسي مامهتمه ..رحت للتلفون لكيت اختي متصله...
ابتسمت كتله:
_اختي...مو بحاجه اجاوبها هسه خل ننزل..
_لاعيب ...
_لا اختي وداءا تحاجيني للمغرب ماتفكني نص ساعه اني نص ساعه خالد .....
_ههههه اي هيج فكيها ....
نزلنا تريكنا ونظفت البيت وصعدت ارضع ابني ...اسمع هزاز التليفون ..كلت اهو هاي اختي هففففففف....
رحت شفت التليفون هذا فؤاد.....ابتسمت جاوبته بدون تردد فؤاد شغل بالي طول الليل رديت عليه كال"
_لج ......مرتين تسويها مره ثالثه اطيح حضج ...
يلابوسيني
_شنو؟
_اش كافي شنو ومنو وليش ومتزوجه احبج تره ...احبج لج لاتنكرين ولاتكولين انتي ماتحبيني ...اني احبج ايمان اممممممم من شفايفج....
هنا وعمي وابو صكر صاحني"
