رواية كسرة روح جميلة الفصل السابع بقلم مصطفى جابر
بكرا الصبح نصيبي يكون في حسابي في البنك يجمال والا هتشوف وش مش هيعجبك وهبلغ عن كل حاجه اعرفها عن تجارتك وشغلك اللي من تحت التربيزة.
جمال بغضب: انتي بتهدديني يا رحمة دي اخرتها.
رحمة ببرود: اه بهددك وهنفذ لو معملتش اللي بقولك عليه.
جمال بغل: ماشي استنيني وانا هبقي اجيلك البيت الصبح لما المحروس جوزك يخرج وهديكي نصيبك كاش.
رحمة ببرود: ايوا كدا يلا سلام..
قفلت السكة وبصت وراها لاقت حسام واقف
رحمة بصدمة: ح حساام؟ انت هنا من امتي؟
حسام بجمود: لسه حالا. كنتي بتكلمي مين في التليفون.؟
رحمة بخوف: دا بابا كنت بحاول اتكلم معاه اصله عرف اننا اتجوزنا وقالب عليا.
حسام بشك: وهو عشان قالب عليكي تكوني خايفه كدا.
رحمة بهدؤء تمثيلي: اه عشان هو كان بيقول عنك كلام وحش فا مكنتش عاوزاك تسمع وتزعل يعني.
حسام بابتسامة: ماشي يا حبيبتي انا هنزل اجيب اكل من اقرب مطعم تحبي تاكلي اي.
رحمة بهدؤء: اي حاجه المهم ناكل البيت مفهوش اكل خالص.
حسام بحزن: هتتعدل بإذن الله هشوف شغل كويس وهبني نفسي من الاول وجديد.
رحمة بخبث: طب ما تاخد قرض من البنك بضمان الشقة دي و اصحاب البنوك عارفينك ف اطلب منهم.
حسام بسخرية: القرض دا مش سهل كدا وبعدين لازم يكون معايا حاجات كتيره.
رحمة بخبث: انا هسألك حد قريبي و نشوف الحوار دا متقلقش واهو الفلوس نعمل بيها مشروع.
حسام بهدؤء: تمام هروح اجيب الاكل مش هتأخر عليكي.
رحمة بدلع: ماشي يا حبيبي هستناك متتأخرش.
عند جميله كانت طالعه تبص علي امجد لاقيته واقف قدام الباب ومعاه بنت..
..
البنت بدلع: لو تعرف انت واحشني قد اي يا أمجد امتي ترجع لعقلك وتوافق اننا نتجوز
امجد لمح جميله : ياريت يا سوزي بس انا ورايا حاجات كتيره جداً مش عارف هتخلص امتي.
سوزي بدلع: سيبك من اي حاجه تشغلك عني بص احنا نتجوز و نعدي اي حاجه سوا.
امجد بهدؤء: لا انا معنديش دماغ للجواز دلوقتي و بصراحه مش قادر احب.
سوزي بخبث: انا هخليك تحبني ولا انت لسه متعلق ب حبك القديم؟ سيبك منها وخليك معايا وانا هنسيك كل حاجه.
جميله بغيرة: هو مش قالك مش عاوز يتجوز؟ بترمي نفسك عليه لي ولا انتي مسمعتيش عن حاجه اسمها كرامة قبل كده.
سوزي باستغراب: وانتي مالك يحبيبتي راميه ودنك معانا كده ليه..تطلعي مين انتي.
جميله بغضب: حبك برص يعنيا.. انتي واقفه معاه كده ليه يلا انزلي غوري.
سوزي بغضب: انتي أنسانه قليلة الادب انتي متعرفيش انا مين ودادي مين .
امجد بهدؤء: أتكلمي بأدب يا سوزي بدل ما ازعلك علشان دي جميلة
سوزي بصدمة: تزعلني انا عشان خاطر دي حتي لو بتحبها المفروض متكلمنيش كده ولا تزعلني عشانها
امجد ببرود: وازعل الدنيا كلها لأجل أنها تكون مبسوطه وفرحانة
سوزي بخبث: ليه يعني مهي مش معبراك ولا شيفاك حتي بعد وقفتك معاها خليك معايا انا.. انا اللي عارفه قيمتك
جميله بغيرة: قيمة مين يحبيبتي انتي معندكيش قيمة اصلا ومين دي اللي مش شيفاة..هو امجد مقلكيش اننا اتخطبنا؟ ولا اي؟ يلا مشوفش خلقتك هنا تاني.
سوزي بغضب : نعمم خطيبته؟ هو الكلام ده بجد يا أمجد؟اه يخاين علشان كده بتتجاهلني ومبتردش عليا وعامل حجة الشغل
امجد بهدؤء: الحب مش بالعافيه يا سوزي انتي عارفه ان قلبي متعلق بي جميلة من سنين
سوزي بحزن: طب اتجوزني انا وهديك كل اللي انت عايزو بس متروحش لغيري.
جميله بزعيق: هو بالعافية يا بت انتي ما تخلي عندك كرامه وتغوري بقولك انا خطيبته.. ده اي البلاوي دي يارب.
سوزي بغضب: ماشي يا امجد انا هوريك.. سلام
بصت له بغيظ وقامت مشيت..
.
امجد باصص لجمبلة بأستغراب: اي اللي حصل ده؟
جميله بتوتر: امجد انا اسفه علشان قولت اني خطيبتك... انا بس اضايقت من لازقتها فيك كده .
امجد ببرود: واي اللي يخليكي تضايقي اوي كدا يا جميله مش انتي مبتحبنيش وراكنتي قلبك عشان واحد زي حسام اي اللي خالاكي تعملي كدا ها ردي.
جميله بحزن: عشان انا بحبك بس خايفه..اه قلبي متعلق بيك بس انا مريت بتجربة مش سهلة
امجد بأبتسامة وفرحة: يااااه أخيرا نطقتيها.. ده الليلة عيد زي ما بيقولو
جميلة بكسوف: عن أذنك هنزل لماما تحت وعلشان الحق اكمل تخطيط.. واه البس علشان هتنزل معايا دلوقتي
امجد بأستغراب: هنروح فين؟
جميلة بأبتسامة: شوية وهتعرف
بليل عند رحمة.... الباب بيخبط..
رحمة بخوف: م مين اللي علي الباب.
جمال ببرود: افتحي يارحمة دا انا مالك خايفه لي كدا.
جريت تفتح.
رحمة بطمع: مش قولتلي هتيجي الصبح يا جمال؟اي اللي جابك دلوقتي وفين الفلوس!
جمال بقرف: لقيت جوزك خرج قولت اجيلك اتكلم معاكي
في موضوع كده
رحمة باستغراب: موضوع اي؟
جمال بأبتسامة: كنتي بتهدديني في الفون صح.
رحمة ببرود: انا مش بتاعة تهديد يا جمال انا بنفذ علي طول.
جمال شدها عليه بخبث: وانا كمان مش بتاع تهديد اتشهدي يا قطة علي روحك.
كتم صوتها وكان هيخنقها الباب اتكسر والبوليس دخل..
جمال بعد بخوف: في اي انتو جايين لي.
الظابط ببرود: انتو متهمين بقضية دعارة وانه الست دي بتجيب رجالة البيت والجيران اشتكوا عليها.
رحمة بصدمة: كدابين انا لسه ساكنه جديد هنا اصلا ودا طليقي.
الظابط ببرود: وطليقك بيعمل اي هنا يا مدام هاتوهم يلا.
رحمة بخوف: لا سيبوني دا كدب الحقني يا جمال.
جمال بغضب: مانا متزفت جاي معاكي اتفو علي ابو معرفتك الهباب ياريتني ما قابلتك في يوم يا شيخه اتفوو.
خدوهم علي القسم..
كانت جميلة راكبه جنب امجد ومبتسمة: يلا بالشفاء يا رحمة وريني هتخرجي منها ازاي ولسه حبيب قلبك لما يحصلك.
امجد بهدؤء: خطتك ذكيه اوي دا انتي طلعتي مش سهلة خالص.
جميله بهدؤء: ياويلك من الست اللي ادت كل الحب اللي في قلبها لشخص ويغدر بيها ساعتها ابليس نفسه مش هيقدر يقف قدام مكرها وجبروتها
.. في القسم..
رحمة بدموع: انا مش بتاعت المشي دا يا باشا دا هو اللي جه الشقة يهددني انه هيفضحني قدام جوزي عشان عاوز فلوس مني.
جمال بغضب: البت دي كدابة يا بيه هي اللي كلمتني اروح ليها وقال اي تعبانه ومعهاش حد وجوزها رماها وانا صعبت عليا قولت اروح ليها اساعدها واجيب ليها دكتور حتي حضراتكم اول ما جيتو لقيتوني ساندها وكنت هخرج بيها.
رحمة بغضب: كداب محصلش دا بيكدب عليك والله العظيم يا باشا .
جمال طلع تليفونه: ادي مكالمتها ليا اهي من ساعتين و باقي مكالمتها وانا مليش دعوه مكنتش اعرف انها ست مش كويسة.
رحمة بغل: اخرس قطع لسانك انا أشرف منك ومن اهلك.
جمال ببرود: انتي بقيتي أشرف فعلا بشكلك ده
الظابط بزعيق: بسس اخرسوا انتو الاتنين مش عاوز اسمع حسكم يا عسكري ارميهم في الحجز.
رحمة بخوف: حجز اي يا باشا انا ست متجوزه والله هاتوا لي جوزي.
الظابط ببرود: هنجيبهولك يا ام عين بجحة خدهم يلا يا بني من هنا.
.. العسكري خدهم وهي عمالة تعيط..
زقها في حجز الستات..
رحمة بصت للستات اللي هناك بخوف وقعدت.
الست بغضب: انتي قعدتي لي المفروض تاخدي اذني يا روح امك.
رحمة بغيظ: اخد اذنك لي كنتي امي وبعدين احنا في سجن مش بيت ابوكي.
الست بصدمة: بيت ابويا وكمان قليلة الادب دا انتي ليلتك سودة... نسوان ربوا لي البت دي عاوزاها تقول حقي ب رقبتي.
رحمة جريت علي الباب: اللي هتقرب مني هصرخ وانادي البيه الظابط.
الست بخبث: صرخي وريني صريخك دا هيوصلك لحد فين.
مسكوها ونزلو فوقها ضرب..
عند جمال..
الراجل ببرود: اهلا بالوارد الجديد..اقلع هدومك الحلوه دي والساعه وطلع كل اللي في جيبك والبس لبس الاستقبال ده
جمال بخوف بيقلع وبيديهم كل حاجه وبيلبس هدوم تانيه
الراجل بابتسامة: يالله شيل فرشتي دي وامسح الارض كويس عوزك تشوف وش اهلك فيها عاوز اقعد علي نضافة.
جمال بخوف: حاضر همسحها بس مفيش مكنسه هنا ولا قماشه
الراجل بخبث: لا مفيش... اقلع التيشرت اللي عليك وامسح بيه.
جمال بخوف:
