رواية يعقوب والغرباء الفصل الثامن بقلم جمانه السعيدي
اخذت ام يعقوب الحبايه الثانيه
زاد الالم وهي تصيح على سحر راح اموت اتصلي على يعقوب
بس سحر كانت تتظاهر هي جاي تتصل
ومن وراها حسن يااشرلها لا تتصلين
وهي تسوي نفسها جاي تدور على الرقم
سحر... يبوووو التليفون خلص شحن
بلمقابل هبه بنت يعقوب كانت شاهده على هذا الموقف
وهنا كان عمرها خمس سنوات ونص
قررت هاي الطفله هلكد ما تحب بيبته هي تتصل على ابوها من الايباد مالته
دخلت للغرفه ورا سحر حتى تكله اني راح اتصل اني عندي شحن
طبعا هي ماعدها خط تتصل على ابوها
بس تتوقع تكدر تتصل من خط النت مثل ما بلبيت تتصل علي
وهي تحاول تتصل على ابوها تمشي باتجاه الغرفه الي دخل بيها حسن وسحر حتى يتفقون على موت هاي المسكينه
هنا فتحت الكامرا
وهي تمشي طبعا مجرد صدفه
بس اني اتوقع ابد موصدفه رب العالمين راد يكشف
ذوله الاثنيين وموت ام يعقوب ما يضيع بلاش
دخلت عليهم للغرفه وهي فاتحه الكامرا وتمشي
على اساس تريد تتصل من جهازها على ابوها
او تنطي الجهاز السحر تتصل
هنا الكامرا اخذت لقطه سريعه
الحسن وهولازم سحر ويسئلها كم حبايه انطيتها
سحر...ثنيين مثل ما اتفقنا
تم تصوير مقطع فديو قصير الهاي اللقطه
هنا سحر انتبهت هبه بلغرفه
أشرت الحسن يسكت
هبه...اني اتصل على بابا من الايباد
سحر..مايصير حبيبتي مابي خط
راسا ام يعقوب اتخربطت حالتها بلزايد
كامت تتقى وتصرخ بنفس الوقت
لان ضغطها صعد حيل
هبه عافت الايباد وركضت على بيبيتها تحاول اتساعدها
حسن من شافه وصلت الهاي المرحله
اتأكد هاي هي بعد انتهى كلشي
حسن.. اتصلي على يعقوب
واني طالع اشوف تكسي لازم انبين احنا متاثرين
طلع حسن وسحر اتصلت على يعقوب
سحر...يعقوب عيوني فدوه الحك عمتي اتخربطت
حتى جاي تتقئ
الحك بسرعه فدوه
جمانه السعيدي
اما حسن طلع بس مااجر تكسي بقه ينتضر يعقوب من يجي
يعقوب اجر تكسي حتى يوصل بسرعه
من دخل بداية الشارع شاف حسن واكف
صاح علي هااا حسن
حسن...همزين اجيت صار ساعه واكف اريد تكسي حتى اخذ الحجيه للمستشفى وماكو
يعقوب...تعال اصعد وكفت التكسي وصعد
حتى يبين هو متأثر عليها
حسن...بسرعه رحمه الاهلك بسرعه
يعقوب....ياربي سترك ياربي
وصلو للبيت لكو ام يعقوب شبه فاقده الوعي
سحر...يعقوب فدوه الحك علينا عمتي فدوه
اهيي اهي اكتل روحي كون عمت عيني عليها
يارب مااريد شي بس عمتي تكوم بلسلامه
عمتي الحنينه اهيي اهي
اروح وياك مااعوفك
راسا يعقوب حضن امه وطلعها وجها كام ينطي اللوان يعقوب حس امه مو تمام
كلش خايف عليها امبين وضعها موزين
طلعو كلهم يعقوب وسحر وهبه راحو وياها
وحسن بقى بلبيت
لان التكسي ماتكفي الهم كلهم
حسن...اني شويه واجي وراكم
جمانه السعيدي
وصلو للمستشفى المره شبه ميته
دخلوها للطوارء
يعقوب...الحك دكتور فدوه امي موزينه امي عدها ضغط
تعبانه
بدا الدكتور يفحص
راسا صاح على الممرضه كانونه بسرعه
جابو ابره براستول وخلوها بلمغذي بس المره لا حس ولا خبر
حاولو ينعشوها الدكتور راح جاب دكتور ثاني اكبر منه
التمو عليها لان مبين وضعها مو تمام
بهاي اللحظه كلبها وكف حاول ينعشون الكلب بس بدون فايده
المره سلمت روحها للباري
صار عدها نزيف بلدماغ بسبب ارتفاع الضغط
يعقوب وسحر واكفين يعقوب يراقب كلشي
وهو مصدوم من الموقف
الدكتور...اسف ماكدرنا نسيطر على الموقف
المريضه وصلت متاخره
البقيه بحياتكم
يعقوب....شنو يعني امي ماتت انتم تحجون صدك
اكيد تتشاقون
اني هسه أخذه الأحسن مستشفى
انتم ماتفتهمون هو وين اكو دكتور زين يداوم بمستشفى حكومي
راسا حضنها يريد ياخذه الغير مستشفي
يمه حبيبتي لا تخافين اني ابيع الدنيا واشتريج
حبيبتي هسه اخذج الأحسن مستشفى
شايل الجثه وهو متأكد هي ماتت بس مايريد يصدك
باسها من وجها
يمه ووين اخذج ووين نروح اعيوني انتي
طلع برا وهو شايله يريد يشرد بيها
يعقوب...يمه عيوني حبيتي مابيج شي انتي بس من التعب وكعتي
هسه اشوف دكتور زين
لازم تصيرين زينه اني مااعرف اعيش بدونج
انتي اهلي كلهم انتي اخواني وخواتي واصدقائي
حاجيني
امي الغاليه امي الحنينه
طلع برا المستشفى يمشي وشايله والناس كلها تباوع علي
سحر وهبه يمشن ورا
سحر...العن الشيطان المره ماتت وين ماخذها
راسا طبكت تكسي اجا حسن وراهم
حسن...شكوووو
سحر....ماتت اهييي اهيي ماتت عمت عيني ماتت امي
يعقوب شايلها بحظنه ويمشي
حسن...ووين ماخذها
يعقوب... شبيك هاي امي اريد اخذها احسن مستشفى
حسن...اوكف إكرام الميت دفنه
يعقوب...لا تكول ميت امي مو ميته
امي انت حقك ماتعرفها امي قويه اشتغلت وتعبت وكبرتنا شنو الموت يكدر عليها
هي بس تعبانه
حسن.. استغفر الله شبيك تخبلت المره ماتت خل نرجع للمستشفى نطلع شهادة وفاه
ووين ماخذه المره ميته وانت تفتر بيها
يعقوب...عوفني انت شنو دخلك هي امي لو امك
اني مستحيل اطلع الها شهادة وفاه
انتم تردون تموتونها بلكوه يااخي اني مااكدر اعيش بدونها
راسا وكفت سياره منى وزوجها
نزلت منى من السياره
منى ...يعقوب امي شبيها
يعقوب...لاتخافين مابيه شي هسه اخذها للمستشفى وتصير زينه
حسن التفت على زوج منى دخيلك قنعه خل نرجع للمستشفى
منى..حضنت امها وكامت تعيط لان عرفت امها خلاص ماتت
بس يعقوب مايقبل يرضى بهذا الواقع
جمانه السعيدي
الناس الي بلشارع كلها تجمعت عليهم
زوج منى...خل نرجع للمستشفى
يعقوب...همه قتلوها بلمستشفى
....اي خل نرجع انت هيج جاي تعذبها حرام عليك ارحمها
بلكوه حسن وزوج منى قنعو يعقوب يرجع للمستشفى
مايقبل يعوف امه
حاضنه ويحجي وياها
يعقوب....امي ياروحي انت حاجيني كلهم يكولون عليج ميته بس اني اعرف انت عايشه
حاجيني وكسري خشومهم
حاجيني لا تعوفيني حبيبتي انتي
رجعو للمستشفى وحسن وزج منى سلمو الجثه
للطب العدلي حتى يطلعون شهادة وفاه
ويعقوب ومنى كاعدين يبجون
وهبه وسحر كبالهم يبجن مثلهم
طلعت شهادة الوفا والناس الأقارب كلهم عرفو اجمعو واخذ ام بعقوب يدفنونها
يعقوب ومنى على طول الطريق يبجون على امهم
حقهم ماكانت بس ام الهم كانت الام والاب بلنسبه الهم
حسن كان اكثر من أخ بلفاتحه واكف وكفه
وكانو الفاتحه فاتحته
عرف يمثل الدور باتقان ومحد حس بي هو وسحر
بعد الفاتحه يعقوب تمرض مابكدر يصدك
امه ماتت وعافته
منى بقت وياا بلبيت الحد يوم السابع ورجعت البيتها
خطيه حالته النفسيه حيل اتئزمت
لان متعلق بيها حيل
بقى شهر كامل ينام بغرفة امه هو وهبه
على ريحته وبنفس مكانها
كاعد يلوم على نفسه ليش عافها بذاك اليوم زطلع
ليش مابقى بلبيت حتى يمنع الموت منها
جمانه السعيدي
يعقوب...راسي مصدع ماكو بندول
سحر...لا ماعدنا
وهو جاي يدور لكه الحب الي كانت سحر تنطي الامه
يعقوب...شنو هذا العلاج
سحر....هاا خل اشوفه ماادري اني مااعرف انكليزي
يعقوب....اني خل اقرا
وهو يقرأ اسم العلاج سئل سحر
منوجاب هذا العلاج اني مااذكر مشتري هيج علاج
سحر...مااعرف ايجوز حسن
يعقوب...وليش بغرفتنا اذا حسن يستعمله
سحر...مااعرف ابجوز اني من عزلت اللبيت بلفاتحه
خليته بلكنتور
كعد يعقوب يريد يشوف هذا علاج مال شنو
راسا اجت هبه كعدت بحضنه
هبه...اني اعرف اقرا
يعقوب...اسكتي بابا خل اشوف هذا علاج شنو
هبه..اني اعرفه هذا علاج بيبي
يعقوب...لا مو علاج بيبي
هبه...لا اني شفت سحر تنطيها منا كل يوم
هو هذا علاج بيبي
يعقوب...لان اني عندي بس الشريط الورقه الي مكتوب بيها دواعي الاستعمال ولا ستطباب
وموانع اخذ هذا العلاج ما موجوده
جبت التليفون ودخلت اسم العلاج
طلع دواعي الاستعمال العلاج بي نسبه عالي برروفين
واسيتلايبن هذا العلاج يودي إلى احتباس السوائل
بلجسم وياثر على عمل الكلى
وممنوع الأصحاب الضغط
بي خطوره على كبار السن
من قريت ممنوع الصحاب الضغط
كلت لا مستحيل امي كانت تاخذ من هذا العلاج
هبه طفله وماتعرف شنو هذا العلاج
جمانه السعيدي
رجعت كعدت بغرفة امي صحت على سحر اريد جاي
حسن سمعني من المحل
صاح اني هم اريد جاي
فتحت كنتور امي حنيت الريحته الطيبه
كمت اكلب بملابسها
طلعت عطرها الفوطه الي جانت تلبسها
عدها بخور عرب تحبه علبه زغيره فتحته اريد اشمها
وكعت من ايدي جوا الكنتور
مديت ايدي اطلعها سحبت وياي شريط علاج
باوعت هذا علاج الضغط مالته بس ما ماخذه منه ولا حبايه
مديت ايدي طلعت الشربط الثاني
هم ماماخذه منه ولا حبايه
شنو القصه هذني الاشرطه اني جبتهم الها اخر شي
اذا ما ماخذه منهن
منيين جانت تاخذ حب ضغط
بعدني اكلب بيهن راسا حجاية هبه رنت ابالي
ذاك الشربط باقي بي بس حبايتين
وهذي الاشرطه مال حب الضغط محد ماخذ منه ولا حبايه
اجت سحر خلت الجاي وطلعت
راحت تسولف هي وحسن بس ماركزت بكلامهم
راسا هبه اجت يمي
بابا...اني عندي صوره البيبي
يعقوب...وينها حبيبتي
طلعت الصور الي بلايباد وبدت تشوفني
شكد ماخذه صور النفسها والبيبي والسحر
والحسن
الحد ما وصلت للمقطع الي مصورته يوم الحادث
