رواية ضحية امي الفصل الثامن بقلم جمانه السعيدي
بديت اتعود على حياتي الجديده
رغم كلشي روتيني وينعاد كل يوم
يوميه اكعد الصبح نتريك اني وياسين وهو يطلع للدوام واني ابلش انظف واطبخ واغسل ملابس
منا لمن يرجع نتغدا ونام
للمغرب نكعد هو يطلع
يشتريلنا شغلات من السوبر ماركة بعدين نتعشى
لو يطلع يروح لخوانه لو الأصدقائه
لو نكعد نكنك
وخلاص ينتهي اليوم
بين جمعه وجمعه اروح البيت خالي اشوفهم
ياسين ماعندا حس الدعابه والضحك تحسينه انسان عملي كلش
واني راضيه وساكته واريد الأمور تمشي وبس
الايام تعدي كلش بطيئه
وكل شهر ابقى انتضر بلكي اطلع حامل وماكووو
جربت كل الطرق للحمل على الانترنيت
وبدون فايده
ردت اغير الروتين وارجع ادرس لان كاعده وساكته
لقاء ياسين ممكن اطلب طلب
....اي كولي
...ولله امل النهار كله كاعده خل ارجع للسادس
اريد امتحن خارجي
...لا وشسوين بلامتحان
...بلكت احصل شهاده
...وشنو يعني شهاده الحمد لله ازوجتي وعندج بيت اهتمي ابيتج ماكو دراسه
...ليش خليني عاد احصل شهاده السادس الزمن مابي ضمان
...الحمدلله عدنا راتب وعايشين ومستورين ماكو مدرسه
وسدي الموضوع ولاترجعين تفتحينه ابد
الوحده العايشته ترجعني للذكريات الصعبه
ولايوم نسيت امي
الله اعلم شنو سوا بيها هذا النذل
ضيعها وضيعني
وحتى البيت ضيعه دائما اعتب عليها بيني وبين نفسي
واكول حرامات ضيعت كلش علمود نزوه تعبر وتخلص
كل ما اشوف بنيه تمشي ويه امها ويسولفن اضوج بلزايد
ليش اني من دون البنات بدون ام
امي مو جوده واني محرومه منها
مرت سنه على زواجنا واني مثل الإنسان الالى
ماكو اي تقدم بحياتي
حتى طفل ماكو يسليني وافرح بي
يملي عليه الزمان والمكان
قررت افاتح ياسين نراجع علمود الاطفال
لقاء ياسين ماتشوف موضوع الحمل اتاخر حيل
ياسين الله كريم كلشي بوكته حلووو
لقاء انت ماتريد اطفال
ياسين اكيد اريد اطفال شنو قابل اني زغير
لقاء لعد خل نراجع ونشوف دكتوره لو دكتور زين
ياسين اني ما اراجع متأكد من نفسي روحي انتي شوفي دكتوره نسائيه زينه وروحيلها
قررت بلجمعه اروح للدكتوره
خابرت زوجت خالي وكتلها تعاي وياي
وفعلا رحت للدكتوره
وسويت كل الفحوصات والتحاليل
الدكتوره اكدتلي اني سليمه ١٠٠/١٠٠واي خلل مابيه
والرحم نشط كلش
يعني ابسط محاوله يصير حمل
تعجبت صارلي سنه وماكو حمل شلون
طلبت ياسين يسوي تحاليل وارجع عليها تشوفهن
رجعت للبيت وحجيت كلشي الياسين
ياسين هاي الدكتوره ما تفهم رجال قوي والحمد لله
كلشي مابيه
لقاء هاي الحالات مالها علاقه بلقوه الجسميه فدوه الخاطري تروح تسوي تحليل
يجوز اكو خلل بسيط ونعالجه ولله طك كلبي على طفل
النهاركله كاعده وحدي مليت من الوحده كلش
ياسين خلاص باجر اروح للدكتور واسوي تحليل
وشوفي شلون راح اطلع كلشي مابيه
ياسين ثاني يوم رحت سويت تحليل وأخذته ودخلت على الدكتور
الدكتور شكد صارلك مزوج
ياسين سنه وشهرين
....مع الاسف انت عندك ضعف ونسبته كلش قويه
ما اتوقع تصعد هاي النسبه
احتمال جبير مايصير عندك أطفال
بس مانكدر نكول غير الله كريم
الله موجود وهو قادر على كل شي
ياسين حسيت واحد وذب ماي بارد عليه
طلعت بدون ما احجي اي كلمه
معقوله اني عقيم ومايصير عندي اطفال ابد
لا هذا الدكتور مايعرف باجر اعيد التحليل يم دكتور غيره
لقاء طلع ياسين وكال رايح اسوي تحليل واني كاعده على نار انتضره
رجع واني واكفه منتضره يبشرني
لقاء الله يساعدك
...اهلا وسهلا
...هااا سويت تحليل
...هاي شبيج خل اخذ نفس
...اي مو اني كاعده على نار
...اليوم مالحكت اسوي تحليل باجر ارجع مره ثانيه
...هااا خير ان شاء الله
لقاء كاعده واحسب الدقايق والساعات يمته يروح يسوي تحليل واعرف النتيجه
ياسين ثاني يوم رحت عدت التحليل
واخذته ورحت الدكتور باطنيه صديقي
وصلت ودخلت على الدكتور
ياسين دكتور اسعد شلونك
... الحمد لله انت شلونك شعجب بينت علينا اليوم
من ازوجت وبعد ما شفناك ابد هيج الزواج حلووو
ياسين ولله مشاغل
...هسه بيش اكدر اخدمك
..صار اكثر من سنه على زواجنا وماصار حمل ابد
واني سويت تحليل واريدك تشوفه
...اي تدلل
ضل الدكتور يباوع علي التقرير وبين على وجها علامات
الانزعاج
ياسين كول دكتور مستعد اسمعك
...ولله ما ادري شكووول بس انت عندك ضعف ونسبته عاليه كلش
بس نكول اكو رحمة الله موجوده
ياسين وهسه دكتور شلون
....اذا تريد اسجلك مجموعة منشطات وانت وحظك بعد
ياسين صارت الدنيا سوده بعيني اني جنت متوقع الصوج بلقاء هسه هاي شلون أقنعها تبقى وياي وماكو اطفال
ذابحه نفسها تريد طفل
ترخصة من الدكتور وطلعت
اكو حديقه عامه رحت كعدت بيها واني افكر شلون راح احل الموضوع هذا وياها
احتمال اذا اكللها مايصير عندي اطفال تعوفني
اي بعدها زغيره اكيد راح تطلب الطلاك وتبدي حياته ويه واحد غيري
شنو الحل ياربي كلشي متوقع بس هاي الشغله ما متوقعها ابد
يعني اني بعمري مراح اصير اب ابد
استغفر الله ياربي هاي شلون مصيبه وحلت على راسي
رجعت للدكتور
دكتور اسعد هااا ياسين شو رجعت اكدر اخدمك بشي
...زين دكتور ماكو علاج حتلو غالي او اطلع للخارج
....ولله اذا تريد حاول بس النسبه كلش ضعيفه على نجاح هيج شغله
ايجوز تصرف فلوس وتتعب ومايصير شي
ولو رحمة الله موجوده
ياسين اريد اطلب منك طلب باسم الصداقه
.. اي كول تدلل
...باجر اجيب زوجتي واجيك اريدك تفهمها اني مابيه
شي ابد وتأخر الحمل مو بسببي
وهذا الشي بيد رب العالمين مو بيدنا ابد
....ميخالف بس تريد نصيحتي هذا مو حل اكيد راح يطول الوكت وتعرف
ياسين بلكت ويه مرور الوكت تايئس وتبطل تلح على هذا الموضوع
...ميخالف اني اساعدك بس مو هو هذا الحل
ياسين رجعت للبيت ولكيتها منتضرتني
بس كعدت سئلتني شكال الدكتور
ياسين سويت تحليل بس ما لحكت على الدكتور باجر نروح اني وياج انتي جيبي تحاليلج واني اخذ تحليلي ونشوف الدكتور شيكول
لقاء حضنته وبسته من فرحتي ما مصدكه ابد
ثاني يوم طلع للدوام واني اشتغل وفكري كله يم التحاليل
وادعي رب العالمين ما يكسر خاطري ابد
اجا ياسين اتغدا وكال انام ساعه واكعد ونطلع
لقاء اني ماكدرت انام ابد متحمسه كلش
رحنا ودخلنا على الدكتور
ياسين هاذا تحليلي وتحليل لقاء ممكن تشخص الحاله
الدكتور باوع بلتقرير شويه وبعدين كال
ماعدكم اي مانع اثنيينكم سليمين ١٠٠/١٠٠ وإنشاء الله
يصيرون عشره مو واحد
هسه راح اسجللكم شوية فتيامينات ومقويات
وإنشاء الله يصير يخير
بس هذا العلاج تستمرون علي وماتكطعونه ابد منا لمن رب العالمين ياذن بلحمل ان شاء الله
طلعنا واشتيرنا العلاج من الصيدليه
ودخلنا للمطعم تعشينا
لقاء كلش فرحانه ومآ مصدكه ابد
بس حسيت ياسين مو فرحان مثلي
يله هن النسوان عواطفهن جياشه يفرحن كلش ويحزنن كلش
رجعنا للبيت واني مامصدكه ابد واتخيل من الشهر الجاي اني حامل
لقاء اني لازمه العلاج واخذه على الساعه وحتى ياسين اني انطي العلاج بايدي لان هو مهمل ومايهمه ياخذ العلاج
ما محترك كلبه على الأطفال مثلي
احسه مايهمه الموضوع
طبعا علاج ياسين يختلف عن علاجي
الله كريم رحمة الله موجوده
