رواية إخفاء فضيحة الفصل التاسع بقلم جمانه السعيدي
شويه واجا سيف دخل شافني واكفه بلمطبخ
سيف السلام عليكم
رهف عليكم السلام
سيف شني هاي ريحة الطبخ الطيبه
رهف جبت خبز عمي يتغدا عدنا
سيف اي جبت هسه اروح اجيب ابوي واجي
سيف لأول مره احس نفسي فرحان من دخلت وشميت ريحة الاكل وحسيت اكو بشر وياي بلبيت
من ماتت امي صار ٢٣ سنه واني وحدي
ومن عشت بهذا المشتمل اكثر شي اكلي بيض لان ما اعرف اطبخ
واذا اشتهي تمن ومرك لو سمج لو كباب اروح اكل بلمطعم
اليوم بيتي يختلف بيه ريحه طيبه
وبي انسانه تنتضرني ولله اني محروم عشت احلى سنيين عمري وحيد
عسى الله يديم هاي النعمه عليه
جمانه السعيدي
رحت لكيت ابوي متمدد
سيف يله يابه نروح نتغدا رهف منتضرتك
ابو سيف اي اجيت
رجعنا للمشتمل ولكينا رهف محضره السفره
سيف ولله بدون مجامله طبخها يخبل
تغدينا هي كعدت اكلت كلش قليل وابوي كام يحجي عليها
بعدين اني ساعدته ونقلنا المواعين للمطبخ
وهي خلت القوري على النار
وبدت تغسل بلمواعين
سيف عوفيهن اني اغسلهن انتي تعبتي بلطبخ
رهف لا اني متعوده
رهف اني لابسه دشداشه سوده ولافه الشال الأسود على راسي
ومن احجي ويه سيف ما اباوع بعيونه ابد
هو سحب مني الماعون وكال انتي كملي الجاي واني اغسل المواعين
الماعون بايدي بي زاهي
سحبه وزلك ووكع بلكاع ونكسر
جمانه السعيدي
سيف لاتنجرحين ارجعي ليوره
رهف اكو كزازه زغيره طفرت وجرحت اصبع رجلي الجبير
اني بلبدايه ما انتبهت
عفت سيف يجمع بلكزاز
ورحت خليت جاي وقللت النار
سيف انتبه اكو شويه دم بلكاع
سيف هاي شنو انجرحتي
رهف باوعت على رجلي طالع دم
اي انجرحت بس جرح بسيط
سيف راح جاب لفاف وديتول ودنك يضمد رجلي
رهف لا عوفه اني اضمدها
سيف خلي بس اشوف خاف اكو كزازه دخلت رجلج
خله اصبعه على الجرح وضغط
سيف هااا تحسين اكو شي برجلج
رهف لا ماكو شي
راسا ضمد اصبعي ورجع يكمل غسل مواعين
اني اخذت الجاي ورحت كعدت يم عمي وصبيت جاي
عمي كام يصيح يله سيف تعال اشرب جاي
سيف اي اجيت
كعد عمي يسولف ويانه ويتشاقه
بعدين كال اروح اتمدد ساعه واطلع للشغل
وصل للباب والتفت عليه وكال عمو خاف بنفسج شي
اتصلي عليه واجيبلج
قصده اذا اتنسى على شي
رهف عساك سالم عمي الله يوفقك
جمانه السعيدي
بس طلع عمي ركضت للغرفه وقفلت الباب
سيف بقه كاعد شويه واسمعه يغني ولله صوته حلووو
صوته ريفي حزين
اني توني كاعده ما كدرت انام
فكرت اطلع واخلي سيف يكنكلي اريد اخابر امي واطمن عليها
فتحت الباب شفت سيف امدد ويصفح بلوبايل
تقدمت علي
رهف سيف ممكن تنطيني رمز الشبكه
سيف كعدت وأخذت الموبايل منها وكتله اني مكنك على الشريحه
باجر اجيب راوتر وانصبه دخلت الرمز وانطيتها الموبايل
رهف رجعت الغرفتي بسرعه
ما اعرف ليش اني خايفه احسه يركض وراي
دخلت للغرفه وراسلت امي ردت عليه نور كالت امي نايمه
اليوم تعبت حيل وراحت الخالتي انشاء الله العصر تجيج
ماكدرت انام ابد سمعت الباب الخارجي انسدت اكيد سيف طلع
جمانه السعيدي
طلعت لكيته ماكووو
سبحت وغسلت ملابسي وكنست وبخرت المشتمل
اذا نطبخ او نخدر جاي بسرعه تصير بي ريحه لان زغير
كلت خل احضر العشى خاف تجي امي والتهي وياها
طلعت لحم مثروم وسويت كباب عروك
وخليته بلثلاجه
العصر اجت امي وكعدنا نسولف
وحجتلي على حالت خالتي تكسر الكلب
ومن سمعت اني وسيف ازوجنا ضاجت بلزايد
اتوسلت بيها تبقى للعشى ما قبلت تكول ابن خالتج وبتها عدنا وابوج عزم عمج للعشى
اروح احضر العشى
واذا احتاجيتي شي اتصلي عليه
طلعت ورا شويه اذن المغرب صليت وبديت اكلي كباب
وحضرت الزلاطه وكليت بيذنجان
شويه واجه سيف
جايب صمون حار وببسي
اني ما اكدر اكل وياا استحي
حضرت الصينيه وخليتها كدامه
سيف تعاي ناكل سووو
رهف اني مو جوعانه
سيف اني هم مو جوعان ما اكل
رهف ليش
سيف لا تتوقعين اني ما اعرف اطبخ ترا مو مهم الاكل اهم شي اللمه الحلوه
رهف ما اريد اكل
سيف بكيفج شيلي الاكل ولو ريحة الكباب تخبل
رهف اكل بلعافيه
سيف جبت عمري كله اكل وحدي وهسه لمن اجيتي يمي هم اكل وحدي
ولله ما احس بطعم الاكل اكل وبس لان وحدي
رهف خلص راح ناكل سوا
سيف باجر العشى عليه حتى اشوفج شلون اعرف اكلي بيض
ترا اني ما اعرف بس اكلي بيض
جمانه السعيدي
رهف قصدك الريوك عليك لان البيض للريوك مو للعشى
سيف جبت عمري كله واني بس اجوع اكلي بيض
مو مهم الوقت اهم شي شي يسد جوعي وخلاص
بدينا ناكل
رهف زين انت شتريد باجر غدا
سيف ايباه احس نفسي سلطان زماني يعني اني اكدر اطلب الاكل الي يعجبني
رهف ترا مراح اطبخلك قوزي كله مرك وتمن
سيف ولله مشتهي تشريب باميه
رهف باجر غداك تشريب باميه بعد شتريد
سيف ولو زواجنا موحقيقي بس اني سعيد انتي موجوده
المكان صار اله حس من انتي دخلتي بيتي
اني لو مزوج من زمان هسه ابني بلمدرسه
رهف بعدك زغير تلحك تزوج ويصير عدك فريق ولد وبنات
سيف الله يسمع منج وبمناسبة هذا الكلام ااحلووو غسل المواعين عليه
رهف خاف تكسر الماعون مثل الضهر
جمانه السعيدي
سيف فداج الف ماعون على طاري المواعين احس اكو نقص شغلات هواي بلمطبخ
تعرفين اني جنت بس اكلي بيض وطماطه فما احتاج بس الطاوه بيها اكلي بيها اكل
من يكون عندج مجال نطلع للسوك واشتري اي شي يعجبج
رهف انشاء الله كمت اخدر جاي وهو غسل المواعين
ونضف السنك اني صبيتله جاي رحت لكيته يدخن
والمكان متروس ريحة جكاير
كمت اكح وفتحت الشباك وجبت معطر وكمت ارش
هو راسا طفا الجكاره
رهف ليش ماتعوف هذا السم احسلك
سيف انشاء الله اعوفه
انطيته الجاي واني اخذت الكوب ورحت الغرفتي
سيف ياربي ديم هاي النعمه عليه لمن يكون وياك بشر بلبيت الاحساس مختلف هواي
كمت اكل اكل طيب واشرب جاي يخبل
والأهم اكو وحده تكعد كبالي وتسولف وياي
ثاني يوم كعدت الصبح ورحت اشتريت راوتر محمول
بس دخلت ريحة الباميه ترست خشمي
اووو يالاهي ماهذا
سيف هلو رهوفه
رهف سمعت اسمي حلو وهو يدلعني
هلووو
سيف جبتلج راوتر بعد كنكي براحتج شوفي هذا
رهف شو زغير
سيف شوفي هذا الزغير بي كل البلا وين ماترحين اخذي وياج اكو شبكه
رهف يعني مراح تربطه فوك
سيف لا مانربطه هو هيج ياربي ؤريحة الباميه تخبل
رهف يله بدل وصلي وتعال بعدين اذكرت هو ما يصلي
واني انحرجت حيل منه
هو راح سبح وبدل واجه خله ملابسه بلغساله وكعدنا نتغدا
اني كملت قبله ورحت طلعت ملابسه من الغساله
هو ماقبل كال عوفيهن اني متعلم اغسلهن واشرهن
لا تعبين نفسج بيهن
كملنا غدا وهو جمع المواعين هنه ٣ مواعين وراح غسلهن
واني حضرت الجاي
ونطيته موبايلي يدخل الرمز الجديد
دخلت تمددت وكنكت وهو بقا برا
خابرني بابا كال مشتاقلج اريد اجي اشوفج بليل
شكد فرحت ياربي الحمد لله كلشي عدا على خير
بليل اجا بابا وعمي وامي وخواني وبقينا كاعدين ونسولف
ونضحك النص اليل
بعدين اني كلت العمو خل نرجع خاله هناء
عمي لا عوفيها اربدها تتادب
رهف ساعة عصبيه ومحروك كلبها
كلنا كمنا نحجي على عمو كال باجر اروح اجيبها
طلعو واني رحت غسلت ودخلت غرفتي ابدل
البس ثوب قصير من انام
اندكت الباب يمه خفت منووو
سيف اذا تشتهين شي اكتبي بورقه وخليها على الكاونتر اروح اجيبه
لا اطلعين ابن اخوي مشوه
رهف تسلم
سيف تصبحين على خير
رهف وانت من اهل الخير
ثاني يوم كعدت مالكيته يوميه اكعد متأخره والكا طلع
ومآ يرجع اله بلوحده الضهر
كلت عليمن لابسه دشداشه طويله وافتر قابل منو راح يجينا خل انضف بهذا ثوبي وبعدين ابدل
نضفت المشتمل وخليت الجراجف والمخاد بلغساله
وشويت صينيه دجاج وبتيته
اني واكفه بلمطبخ بهذا ثوبي المشلتح اطلع بلجراجف من الغساله
الساعه ١١ونص الصبح ما احس غير سيف فوك راسي
هو عندا مفتاح فتح الباب ودخل واني من صوت المجفف
ما سمعته
بس شفته فوك راسي حرت شلون اضم روحي اخذت الجريف وغطيت نفسي
هو ارتبك وطلع من المطبخ
واني ركضت للغرفه وقفلت الباب ولله عيب شراح يكول عليه
سيف اني جبت غدا جاهز وكلت االحك عليج قبل لاتطبخبن هذا عفته بلمطبخ واني طالع
