رواية خطايا واجتثاث الفصل التاسع 9 بقلم نور البصري

اني الزرعت الطيب موش بمكانه

وشمايصير وياي استاهل أنه 

          ســــــــــــــــــــــــــــــؤدد

امي من الخوف ظلت تطكطك بسنوننها زمنا نخاف من اهلنا بهيج امر مو بعد جوارين.. 

ايدين حسن.. التتراجف من لملم الكتب وهو يترخص. تبعته واني كوة اتنفس عفت صاحباتي كلهم وتبعته 

دخل غرفته ودار عليه

ـ راح يعتقلني شتكولين؟ سؤدد.. ما اريد اموت! زغير انه

شهكت واني احضنه كاسرة الحواجز.. 

ـ انت بشنو متورط؟ بس كلي! 

ـ ابد والله ولا متورط كتاب صاحبي قنعني اقراه ولد متدين وكال دير بالك تحجي وثق بيه سؤدد.. وهو كتاب عادي عقائدي وبس والله بس تفوت سلامات حتى حميد.. خلاص انهي علاقتي بي

ـ ولك ممنوع تعرف شنو ممنوع تداول هاي الكتب وهذا صاحبك راد يستميلك شمدريك منو وراه وشنو هو لا تصير اثول وغبي وتنجر لطريق الموت عقائدك هنا بقلبك ما يحتاج للكتب تعلمك شنو عقيدتك و انتماءك.. 

حجيتها واني مخلية ايدي على قلبه واجس نبضه شوي اجت امي وكالت.. 

ـ راحو حسن.. عندي حجي وياك

ـ عمة والله مالي شغل مجرد كتاب وانعرض علي اطلع عليه وهو كتاب بعيد عن السياسة. 

ـ مؤلف الكتاب منو؟ 

هنا اني حجيت من امي ظلت ساكته بس ترجف وتبجي رجعت عدت السؤال الي اعرف جوابه

ـ مؤلف الكتاب منو...؟ 

حجيتها واني امسح دموعي بساعد الايد واشهك 

ـ يا حسن.. مؤلف الكتاب ودراساته الفقهية شخص ممنوع ومطلوب تعتبره الحكومه شخص اله اغراض سياسية المشكلة مو الكتاب و لا العقيدة اليتكلم عنها ولا الفقه الي بي ولا ولا ولا المشكلة مو الدين المشكلة بصاحب الكتاب منو وممنوع تقراله او تداول كتبه بالوطن.. 

ـ باجر ارجعه

ـ شترجع؟ حتى تنلزم متلبس الي بيتنا تعرف منو؟ هسة راح من غير ما تحس جواسيس تتبعك عليك بدراستك انت جاي هنا تكمل دراستك والله يفكنا من شر الجانوا برى وشافوا الكتاب. 

هنا امي تدخلت.. 

ـ والله يحسيون اذا ما تنردع و تمشي عدل ما اعرسلك لبنتي واردنك لديارك وحتى طب ماكو اكولن لأبوك ترى. فخليك بدراستك هو وينك وين هاي السوالف

سؤدد.. ربيعتج ماجدة.. راحت لأن تعاركوا ابوها وي رجل امها بس مريم.. وشيلان.. بقن البنات مرعوبات روحيلهن يمة. 

عيون حسن.. مدمعة واني اباوعله بخزرات اي خلي يعرف وراه بنات حوك مو هيته هي رفعت خشمي اريد اطلع 

ـ سؤدد 

التفتت اله ابتسم 

ـ لمي شمسيتج الطايرة شعريش هذا طوليه وضفريه ولا ام شويبا المطلعتها الي يمتى تتحجبين؟ 

رفعت عيوني للسكف ونزلتهن بنفخه يصنف الاخ و توه بسالفته من الرعبه ردت ..... على روحي من وراه 

طلعت مرديت وهو مبين قلق رغم يحاول يأخذها بالتصنيف والضحك

وليلتها حسن... ما نام..  

المهم لكيت مريم.. و شيلان.. بت خالتها 

ـ بنات لاتحجن الصار يم اهلجن مريم.. خاف يمنعوج من صحبتي حاجيت حسن.. ويحلف الكتاب مو اله ولا اله علاقه بهيج امور.. 

وغلطه صارت واخذه من ولد وبعد ما تتكرر فدوة سترن علينا لا تحجن مريم.. اني ما اعرف شيلان.. اذا تحجي انتي فدوة التزميها

شيلان بخوف : لا لا شكول غير اذا امي عرفت اويلي تمنعني حتى من بنت خالتي.. 

شوي و ترخصن واني احس شيلان.. واكعة بمطب بين الاخوان من سوالفها فهمت تحب ابن عمها الي هو بالحقيقة ربيب بيت عمها وحتى تسولف عمها كولش يحبه متعلق بي هواي... 

لليل منمنا و خاصة حسن.. امي تكف شغلها حتى تتفرغ للخبز والطبخ للموضفات الي اوقات يردن يدلعن نفسهن وميطبخن 

واكو من جوارينه اصلا بدت تنتكل على طبخ امي وهي طبيبة عجبها نظافة طبخ امي وترتيبها و حلاوة نفسها وهي فقط طلبت الغدا وتدز مسواك غداهم مع اجرة طبخ امي..

ظليت اتكلب و كل تفكيري بحسن.. شلون يردون يجرجروه لسوالف بيها هلاك..  

هسه انتم شباب جاي تدرسون شعليكم بالممنوع عليكم بمستقبلكم. 

ادري بي منايم من ضوة غرفته الي مبين من تحت بابه بس مرحت اله ليل و شيطان ميكعد راحة. 

صوت جرس الباب فتحت باب غرفتي فتح حسن.. باب غرفته وهو مرتبك..

ـ اجو ياخذوني راح انعدم؟ 

رديت بخوف

ـ إسم الله عليك 

امي تلبس شيلتها و هي كوة تلبس نعالها وبس تقرأ ايات 

(وجعلنا من بين ايديهم سدا ومن خلفهم سدا... الخ) يارب استرنا بسترك.. 

لبس حسن.. شحاطته و طلعلها 

ـ وين جاي وراي بس كون الله يفكنا الا اردنك لهلك تريد تصخمنا منهو... منهووو بالباب

ـ خليني افچ الباب شنهي موش زلمه عدجن؟  

من الخوف نسى التصنع اليرضيني بي من يحاول يحجي مدني مو ريف

ورجع يتكلم اصوله بس امي دفعته.. 

ـ لا مامش عدنا أزلمه.. روح للسطح بس تحس يچفتون ازلام الحكومه انت اطفر على سطوح الجوارين واشرد لهلك هناكه يعرفون يضموك.. يلة يمه يلة بالسبع علاش صافن بوشهي. 

اراقب اللكنه الي حتى امي من تتوتر تخاف تعصب ترجع لجذورها..باوع الي ورجع لامي.  

بخوف باس راسي وراس امي وهمس

ـ اودعناجن خافن ما اشوفنجن بعد من اشردن اقصد اشرد.. 

صعد هو ركض واني وامي لازمه بدشداشتها من جهة الظهر وهي تفك الباب قبلها صاحت

ـ منهوو.. منهوو بالباب

صوت هاديء.. وعميق..يهمس

ـ اني فتحي الباب... 

فتحت الباب تلفت ودخل وهو يهمس

ـ جيبي الكتاب و اريد كلمتين انطيهن لحسن.. 

رديت بساع

: يااا حسن مو هنا حسن.. راح لأهله.. عمو صاير شي 

بس هو توجه لأمي بالكلام ونصايح وطلب ضروري يشوف حسن.. بين ثقة وبين خوف ليوكعنا بفخ اعتراف لأن وجه امي اصفر بخوف كلتله 

ـ فضل ما انساه خوية 

بس ما وثقت بي كرصت امي من ورى وكتله

ـ شعليه كتاب مو اله مدري منو ذابه بلفكسه وصاير وي كتبه عمو ما تجيب مفرزة وتعتقله مو؟ 

ابتسم الابتسامه الهادئة دوم يبتسم ويتصرف بهدوء وياي.. 

ـ تطمني ودربالكم على نفسكم انتم نساوان وحدكم وحسن.. شاب طايش ام سؤدد.. اذا الولد ميوله معارض و كتب ممنوعه نصيحه رديه لأهله لا يندرج هنا مع مخربين البلد

ردت امي

ـ صار صار بعد ميعيدها والله. 

ـ احسنتم..  

واكف بالحديقه ويباوع لنقط بالحايط ورجع لهاي الابتسامه..

ـ سويت العليه بما يرضى الله وحذرتكم من هذا الشيطان وشاف الكتاب واحد متزمت لمباديء النظام فانتم حذروا وخلي يتوب لا يتورط ويورطكم يلة اترخص ولتحجون بجيتي لهنا هذا يكدر حتى اني يمحيني انسان مؤذي بلا ضمير. 

ـ صار سيدي صار استاذ

ظلت امي تخبط خبط رجع يباوع للحايط وهم الابتسامه... 

ـ دجيبي الكتاب اتخلص منه لتبقوه يبات بيتكم.. 

ركضت نطيته الكتاب واني ارجف.. 

باوع للحايط وكال

ـ خلي ينزل من السطح واصلا خاتل بمكان الغلط الي ينعكس الضوء عليه ويتوزع ظلاله على حايط سياج سطح البيت البصفكم.. 

اخذ الكتاب وضمه جوة ملابسه وطلع بكل هدوء كعدت على ركبي

ـ يا يمة ردت من الخوف اموت گلبي تك تاك لاهو قلب لا ساعه تك تك ولك شيفكك مني حسيون على هلدكه... 

امي بقت تمسح دموعها بشيلتها  

ـ خايفة يسؤدد.. اردنه لأهله ولا اتورط... 

نزل حسن.. وهنا باع شجاعه

ـ ما اروحن. اقصد اروح شني عمه موش ازلمه 

باوعتله وصفكت ايديها و غمته 

ـ هاي فاتت الجاية متفوت تفهم... 

كمت واني اصرخ زئير اسد هيج زئرت عليه و جلبت سنوني بزنده 

ـ تووووووووووب لا يموتونك اموت وارك.. 

امي انصدمت برد فعلي ابجي من كل گلبي وراها جلبت بي احضنه الي بكل قوتي واني اتنفس بركبته عطره اجر النفس حيل واشمه هو حضني يهدأ الهستريا الي اجتني 

وامي هنا بس دردم

ـ يا.. يا.. فلك فلك شنهاي النوب واذا ازلمتج حلالج زحمه محاضن علاش ولج ميلي عنه 

تجر بيه توخرني وتركز بكلامها اخليلي شويه حياء ومستحى هو دنك مستحي من امي وكال 

ـ نفوت ننام..  

رديت بثول : اي يلة نام.. 

امي بالنعال على راسي

ـ خمدي يلة بغرفتج وانت لا تطك فج تنطيها وجه والله هيج ما يرهم اعرسلكم لو اشوف حل موش امان انتم..

 

شـــــــــــــــــــــــــــــــيلان         

ما كدرت اضم على ماما خبرتها بالصار وبس صار الصبح نبهت خالتي خلي تعوف هالبنية وراها مشاكل لا تجركم ورى الشمس

خالتي استغربت لان حسب قولها تعرف بيت سؤدد.. عالم بحالها

المهم رجعنا لديرتنا وقت عدنا عرس اقارب مرت عمي و لزكلي هذا آدم .. وتلميحاته حيل حيل ضجت منه 

وهذا بروان.. شكد احاول ابين حبي اله بس مطنشني اعرفه يفكر بأخوه يحبني شلون يتجاوز على حب اخوه بس اني ما احب أخوه

ركضت لحضائر الاغنام الجبلية و اني ادري هو هناك يشتغل يشرف على الشغل لكيت آدم.. ابن عمي ..لفيت اريد اطلع صاحني يضحك

ـ شنو شفتي وانهزمتي تعالي ما اغتصبج 

دوم كلامه ما احسه موزون عبالك مهبول ميثمن لفظه وسعت عيني من جرئته 

النوب اكو شباب ظلوا يتهامسون ويتمضحكون وهو ولا يمه صفيق.. 

بس اني الك مكروه هيج بداخلي توعدت بي واني اهد و ارفع ايدي انطيته راشدي 

خلاه يرجع ورى و بنفس اللحظه ابوية و عمي وبروان دخلوا للمكان صاح بابا. 

ـ ادب سز..  

عبالة اتجاوز على ابن عمي و عود ماتقبل مني هذا 

اما هذا الشاغل عقلي و فكري بالعادة يسكت ميدخل بهيج امور ودوم مخليله حد انو هو مجرد ربيب مو ابن العائلة.. 

ـٓ قبل لا تحجي عليه دسألة شكلي كدام العمال اكيد شارب وجاي.. 

عمي صاح ابنه

ـ انت ليش دوم تعصبها وهاي تهيج 

وسعت عيني شوف الحظ اريدها من تجفص الابن لو الابو

ـ عمو شنو اهيج شقصدك؟ مو ثور اني

كلتها وركضت اطلع واني ابجي رحت صوب السهل وشفت شجرة وكعدت جواها شوي و بروان .. كعد يمي 

- تبعتني شنو اي هم انت هم ذب عليه حجاية 

سكتت من رفعت راسي لكيته ضام ضحكته بالكوة.. ضربته بجتفه 

ـ تافه هم اكفخني بكلمه

ـ انتي هواي حساسه... 

ـ مو حساسه بس ما اقبل بكلام مموزون و لا مؤدب.. 

صفن بوجهي و سألني..

ـ لا صدك ليش ضربتي آدم .. 

وهنا ضحك بكل قوته.. 

ـ ترى آدم .. فقير وفطير اخوي وما احب تضربيه.. 

رجع ضحك من شاف وجهي عصب و كفخته بكتفه... 

ـ لا تكركر رجاءا لو تعرف شكلي لذا ضربته  

سكتت هنا سأل باهتمام 

ـ شكالج

ـ حجاية عيب..  

خجلت اكولة وهو لح اخذت عود و اني اسطر احرف الكلمه بلغتنا الكردية.

شفته عصب و كام راد يروح يعارك آدم.. بس ابن جيرانه وهم ناس عرب مرو سلم علينا و تحول هنا حوارنه وياه بالعربي

ـ بروان ما قنعت ابوك يشاركني ببيع الكرزات و بلوط والعسل نصدرهن للمحافظات 

ـ ما قبل يكول وراهن تعب و لازم موافقة الحكومة..  

ضاج الرجال و ترخص وراح رجع كعد و خط بغصن عالكاع بلغتنا كلمة احبج 

خجلت وكتبتله اعترافي

ـ مو اكثر من حبي 

جر نفس وكتب 

ـ خايف اخسرج مينطوج لدخيلكم.. 

كتبتله 

ـ انت مو دخيلنا انت حبيبي.. 

رجعت حجيت بلغتنا..

ـ ربيت ويانه وعمي يموت عليك عبالك ابنه اكولك بروان.. حلمت لابسه حجاب

ـ خوش حلم لبسيه 

باوعتله متردده وصراحه اني افكر بيوم من ايام البس الحجاب... 

مديت ايدي اله باوع لأيدي ولزمها واحنا نتمشى دنك و اقتطف وردة خلاها بشعري

هو من قريه منكوبه بالثمانينات و اني من محافظة قريبه من احدى الدول الي متحررة و تعتبر تابعه لأوروبا رغم هي بآسيا جزأ منها

لذا تنوعت عاداتنا بمحافظتي اكو عوائل بيهم عادات من اكراد ذيج الدوله لذا اشوفه يميل للحجاب عكس عائلتي متهتم اتحجب او لا.. 

ـ الورد للورد.. يا اجمل حلم.. خايف اصحى منه

ـ ان شاء الله الحلم يتحقق حبيبي.. 

         مــــــــــــــــــــــــــــــــاجدة

من يوم الي لكفنا بابا سهيل.. التقي ببابا لؤي.. وهو متشدد وياي يوصلني و يجيبني من المدرسة ومنع روحاتي لصاحباتي يخاف التقي ببابا 

وظليت بالبوكات اخابر ابوي ليش هذا الظلم ابوي انسان رغم مكانتة بس فقير ما مأذي احد 

ليش امي تطلكت منه لو باقية وياه جان هسة احنا احلا عائلة بس كلشي بسبب بابا سهيل.. يوم على يوم بديت اضوج من رجل امي. 

اجت امي سألتني 

ـ سؤدد يمتى تزوج

ـ ما بقى شي بس سمعت يسون العرس بمحافظه العريس 

ـ يمكن ام سؤدد.. ما قابلة حقها تخاف لا يبطلون بتها و يخلوها هناك مترجع لدراستها 

ـ ما اعرف بعد وين قرروا يكون العرس الي اعرفة يم اهل الولد.. 

ـ اذا سوته هنا ابوج كال هواي عاقبتها و منعتها تطلع وقبل ترحين عرس صاحبتج اذا سوه هنا مو هناك

صفكت واني اكمز فرحانة 

ـ اييي... اييي 

ضحكت امي 

ـ حجيت وياج بخصوص المايسمى وان شاء الله كلامي قنعج

ما سكتت امي من عقلها تريد تقنعني اترك ابوية.. 

كالعادة من تطلع امي و رجل امي

الزم تلفون اخابر بابا لؤي.. انطاني ارقام الاماكن الي يتواجد بيها. 

         مــــــــــــــــــــــــــــــــريم

ما بقى شي على زواج سؤدد.. نحسها متوترة.. 

ـ ليش ضايجة و احسج متوترة 

ـ ما ضايجه خايفة من الزواج 

ـ يا وليش تخافين قابل شنو هو زواج

ـ اي هو زواج صدك ليش اخاف

ـ احلا مطابك سويتي بالزوري مو مثل مطابكج قبل فروخ سمج حتى كد ما ماردته يبين نقاط سود.. 

ابتسمت سؤدد.. و بعيونها مشاكسة

ـ بس هم حلو 

ضحكت 

ـ صراحة طيب بس ماجدة.. ما تقبلته حبت الي بالزوري كبار 

ـ جابهن حسن.. الي ذني اما قبل جنت اصيد هسه ميقبل اطلع ترى صرت مملوجة و عندي زلمة بس صدك سمج الي اصيده جان عاجبج مو!

حجتها وضحكت و طكت كصتها

ـ يا يا يا سويدة ولج ليش تغمين كصتج فال مو زين

ـ لا تذكرت موقف من صدتلجن السمجات و شكلي حسن.. من شافهنوضحكت ميتة ضحك الفطيرة والله يا سؤدد.. تالي طلعنا احنا الفطاير مو انتي 

ـ تدرين امي تكولي ما اريدج ترحين بيت سؤدد.. 

ـ يااا وشمسوين؟ بايكينكم كاتليكم مفشخيكم.. 

ـ هاي بت خالتي فتنت على الكتاب بس امي هسه نست وسكتت..  

ـ شعدنا يمعودة ترى حسن.. ماله علاقة ابد..  

ـ اي بس عبالج عمو سهيل.. يسكت هذا بعثي عنده وفاء للبعث

تلكينه ساكت لغاية او يجوز يردونه طعم يوكعون الخلية المعارضة.. 

وسعت سؤدد.. عينها وضاجت فضربتني

ـ انتي منين تجيبين هذا الحجي ها منين؟ النوب خلية ومعارضة تردين تبلينا انجبي معلينا ولا حسن.. عليه بأي جهة 

شلون من سالفه كتاب اجه بالغلط سوت اشاعه عود طشيها ما اوصيج و خلي يكرفوني اني وحبيبي وامي كبر لفج

عافتني وركضت هزيت ايدي

ـ يا شبيها هاي شكلت اني.. 

وصلت للمدرسة لكيت سؤدد.. عيونها حمر مبينة تبجي و ماجدة.. تهدأ بيها

ـ لا تخافين مدام قطع علاقته بالولد صاحب الكتاب اكيد اذا مراقبيه راح يعرفون ماله علاقة والله سؤدد.. اني يومية انصدم ببابا سهيل..  

بس اكول شبيدي مو هاي اني وبابا لؤي.. انظلمنا بسبب قسوة رجل امي والله يومية عركة اني وامي.. لو باقية عند ابوي ما صار حالي اتمنى شوفة الوالد.. 

حجتها و شهكت تبجي هنا كرصت سؤدد.. 

ـ امداج مزاعلتج تبجين؟ ما اذكر شايفتج تبجين اعتذر والله بس ترى امي هم حقها.. 

ـ فهميني امج وين متجي تحجي اخاف تلوج مثل العلج بالمنطقة والنتيجة يكرفون عائلتي

ـ لا ما تحجي خوفج مو من امي من رجل ام هاي

و آشرت على ماجدة.. 

ماجدة : هاي عدها اسم 

جاوبتني ماجدة.. معصبه و دارت وجهها عني من امس ما احاجيها شلون اخابرلها اريد الدروس تكولي لا تخابريلي اريد اتصل ببابا و كل شوي دكيتي خلي تولي هي وابوها... 

من جوة لجوة تباوعلي و تضحك غميتها و بنفس الوقت بست سؤدد.. 

ـ لا تزعلين وعد لهنا والموضوع انغلق

شوي و اجت المراقبة. 

ـ شبيج سؤدد.. 

رديت 

ـ مابيها شي بس.. 

خلت ماجدة.. و سؤدد.. ايديهن على حلكي و حجت ماجدة.. 

ـ مزاعلات واصاحبن توهن.. 

باوعت المراقبة النا و ما اقتنعت

ـ عموماً معليه باسراركم بس استغربت سؤدد.. تبجي و ضايجه اغلب وقتها تكركر لدرجة دوم المدرسات يطردنها لان تسولف بالدرس وتضحك. 

حجت كلامها وراحت وسؤدد.. كالت

ـ خوما سمعت شي.. 

ـ لا تخافين جنا نتهامس.. 

باوعت النا بخوف.. 

ـ حتى الهمس ممنوع حتى بالحيطان سماعات وكل مكان 

وسعت ماجدة.. عيونها وكالت

ـ لا تبالغين..  

اما اني اكتفيت اخلي ايدي ع حلكي واني عود اكوللها خلاص منحجي بالسياسة شويه ماجدة.. كالت

ـ اشتاقيت لبابا من زمان مشايفته واخاف يحسون نتخابر بالبوكات.. 

سؤدد.. ما اهتمت للتلميح ولا حجت.. صارت تخاف اما ماجدة.. رجعت تحجي بأبوها وتتباهى بي..

ـ شكد طيب ابوي تدرين كد طيبته ساعد هواي ناس شكد يسولفلي عن شغله..

ابتسمت ورددت 

ـ الله يخليه الج حبيبتي 

اما سؤدد.. اخذت جانب صمت كلما تنجاب سيرة ابو ماجدة.. 

حقها اتصور تخاف لا تلح ماجدة.. عليها تلتقي بي ببيتهم و سؤدد.. اكيد تخاف من عمو سهيل.. لا يأذيهم..

دك الجرص و المدرسة اجت و التهينا بدروسنا لمن انتهى الدوام لكيت نصير بباب المدرسة واكف بسيارتة 

دخلت وجاي اصيح لسؤدد.. اوصلها وياي بلة ماجدة.. رجل امها ميتيهها

بس نصير.. ما قبل 

ـ لا تصيحينها اريد نسولف بالطريق.. 

هزيت راسي بـ اي وكعدت يمه واني مبتسمة ركزت يم كصته شعر خفيف وكصه عالية ولمحت عندة صلعه زغيرة بيافوخه فوك.. 

ـ شنهاي شعرك واكع.. 

ضحك.. 

ـ اي اني على ابوج تاليتي اصلع. 

ـ اي ومن نتزوج اصيحك ابو صنديحه

دار عيونه عليه وضحك. 

ـ مريم .. خطبتج من جدي..  

ـ بس بعدني بكفالة امي. 

ـ مو مهم مدام الجد عايش يكدر يزوجج اصلاً امج مو من حقها لا شرعاً لا قانوناً تزوجج دون موافقة جدو.  

ـ بس مو على اساس عون.. هم طالبني منه وجدو يحب عون..

بغضب 

ـ وانتي جنج عاشكته لعون.. 

ـ لا لا ابد. 

اجت ببالي حياة امي و فشلها و العوز ما اريد اصير مثل ماما شيفيدني مشاعري لعون.. واعيش مثل امي اخذ العاقل المتدين احسن..

 

ـ لا نصير اني احبك انت بس دنسولف اكولك طلبني من جدو وجدو كلة صغيرة انت اعدل روحك و لملم نفسك واترك الشرب وتعال اخطب.. 

ـ اي حبيبتي ابوي حاجه جدي كاله لا تظلم البنية وي عون.. و هي مالها رغبة بي وهي ونصير.. يردون بعضهم 

ـ شكد عيب هيج كال لجدو والله استحي

ضحك وراد يلزم ايدي وخرتها

ـ لا.. 

ـ امشي وياي ترى جدو ما يحب امج يكول ضحكت على زلمنا اول ابني و بعدين نوري.. وكال البنت كبرت بعد صعبة تعيش ببيت رجل امها حتى لو من عموميتنا..

لذا اتفقنا نجيبج و نعقد وبس تبلغين 18 نتزوج بهيج امج مالها حق اعتراض

قنعني و فعلا بس وصلت لبيتهم

لكيت مكملين كولشي من صارت صدك خفت لا يعرف عون.. 

كلت خلوها غير يوم. تأخرت وهسه ماما قلقت عليه وفعلا رن التلفون رفعه جدو..ـ اي عدنا ليش ام مريم.. تصيحين عليه ترى من حقنا بنيتنا يمتى ما نريد نجيبها افهم عليج اي حقج يظل بالج لا لدزين عون.. يجي عليها خوب احنا نوصلها الكم بالليل..

سده و باوعلي 

ـ امج رايده تدز عون..  

هنا حسيته ضاج و باوع لعمي و النا

و كال بحسره... 

ـ بس عون.. طلبها قبلكم والله فشلة شكله انطيتها لنصير وانه زامطتله بس تكبر هي الك.. 

رد هنا نصير.. 

ـ كوله البنت متريدك وخوما نجبرها لحضره جنابك بعدين تنطيها لليشرب؟ 

ـ دزيت ناس تراقبه تارك اخاف ادخل بذنب 

بس عمي ومرته كعدو لجدي كعده يقنعوه

ـ اهم شي البنت قابله وهي تقرر نصير.. لو عون.. وبنيتنا هي وتريد ابن عمها نصير.. 

ظل جدو بقلق ورجعت مرت عمو و عمو يقنعوه لمن اقتنع.. 

ـ الرجال ينتظر نعقد ونفضها يلة.. 

وهذا الصار لليل رجعت للبيت بس شنو نصير.. وصلني ويوصي ويتأمر

ـ فوتيلي هالكم شهر سلامات ما اريد تتواجدين يم اهل العرك لا عون.. ولا ابوه زين..

ـ اي بس ليش تحجي بعصبية وعون.. رباني و شلون... 

بغيرة صاح

ـ لجيبين سيرته كدامي بعد ولج احبج واني دم ولحم ما اتحمل تحجين بي فاهمة احتشمي كدامه و خليج وياه رسميات انتي بعد مرتي بس هالكم شهر و تفض. 

هزيت راسي اي واني مصدومه منه 

ونزلت واني اتلفت واندعي الله عون.. ما جاي من شغله لا يتلاكه هو و نصير

دخلت للبيت تلكتني امي برزايل.. 

ـ ممنوع تتكرر هاي فاهمة شنو يردون يثبتولي من اخذوج من المدرسة واني ماعرف من اشتكي عليهم احد يلومني

من امنعج شوفتهم احد يكول ليش؟

احس الذنب والندم رافقني ما متعودة اسوي شي دون علم امي وعون..وهاي اول مرة تصيرلي. 

خفت اكوللها وخفت اسكت و شعور الندم زاد بيه قلق بعبارات ترجف كذبت 

ـ عندي امتحان و ردت عمو يدرسني لذا اني امس خابرت يجي عليه نصير.. من المدرسة من نحل اروحلهم وياه 

ـ والصبح ما كتيلي وخليتي عندي علم

ـ ماما نسيت والله.. 

عضيت لساني من قسمت ب الله كذب هدأت امي شويه وهي تكمل شغلها

وهنا دخل عون.. بعده زعلان مني دار وجهه عني واني هم عفته ورحت غرفتي

          

         

       ســــــــــــــــــــــــــــــــؤدد

الخميس يوم العرس بعد ما تقرر العرس بمحافظتي جان المفروض الخميس الفات بس اجلناه لبين ما يجون اهل حسن.. 

طبعاً خالي قرر الزفة للفندق هذا ترتيب رجيوة.. تستهضم ابنها يعرس ببيت عمته و ام زوجته..

صراحة ما سويت حنة ولا عزمت.. اقلل مصاريف بس العرس الحمد لله حلو وبسيط 

بس اهله واني وصاحباتي اجن طبعًا اجة لؤي.. ابو ماجدة.. الحقيقي بقصد يسلم عليه و يكول ما نسيت فضلكم وجاب هدية و طلع كال ما اريد اسببلكم مشاكل

ابتسمت بتوتر و خوف لا عمو سهيل.. يحس بي هنا ونروح ضحايا بلا ذنوب

ـ لو ما مكلف نفسك..

سلم على حسن.. وحجى وياه وكلوبنا رادت توكع شويه دخل عمو سهيل.. يسلم و اسمع خالي يدردم لأن طبعهم اعراسهم تختلف مثل مكتلكم 

صادفت طلعه وانسحاب لؤي.. بدخول عمو سهيل.. بينهم نظرات وخزرات و دفع لؤي.. سهيل.. بعيد عنه وطلع.. 

استغربت تصرفه لأن سهيل.. اعلى مرتبه هذا ابو ماجدة.. بايع روحه شني يلة اذا لهنا تنتهي نحمد الله.. 

هوسات نسوان خوالي وماجدة.. و مريم.. يكمزن ما يعرفن يردحن مثل امي وعمتي وحبايبي الاجن هن و بيبي و خوالي.. 

ذن بس يطفرن اخر شي مريم.. ظلت تغني وتصفك ضحكت واني اباوعلها.. 

همس بأذني حسن

ـ شعرج خوش ناسلي يبعد كل طوايف حسن.. 

صفنت اريد اعرف شيقصد

ـ قصدك معالجته مسرح اي سرحته ام الصالون كالت هذا ست اشهر بس ريحة العصارة كهرباء دنك شم شعري المعطب 

ضحك و شاورني شي خاص عن اشتياقه للحضات تكون اجسادنا تتحد بزواج غمضت عيني بخجل وهمس

ـ استحينا بعد وكت.. 

نزع السترة و خلاها عالكرسي وراه

اباوع لحسين.. اخوه ما توقف يصور بكامرته والثولة ماجدة.. رجعت ورى وجان وكعته.. 

وخرت بساع وكعادتها لوشافت شباب تعتزل بعيد و تبقى مدنكه تخجل امها حيل معقدتها... 

خليت أصابعي بين اصأبعه و حضنت ايده بيدي حيل مثل طبعي كلما اوكف يمه لو من نطلع بفترة الخطوبة.. 

تجي الجوارين تتبارك وشوي تروح

الباب مفتوح و خالي كال نزفهم للفندق ايدي رعدت بين ايده وهو يهمس

ـ مامش شي يخوف كولي بسم الله ويله نتوكل على الله شديت على اصابعه حيل مرتبكه

فجاة عمو سهيل.. انتبه عالباب وبيد جر ماجدة.. خلاها وراه هنا انتبهت لأتجاه نظرته بخوف 

و اني اشد اصابعي بين بأيد حسن.. محتضنتهن وحسيت رجفته و خوفه و انفاسه 

ــــــــــــ 

اما سؤدد.. اخذت جانب صمت كلما تنجاب سيرة ابو ماجدة.. بس تباوع ودنك... 

حقها اتصور تخاف لا تلح ماجدة.. عليها تلتقي بي ببيتهم و سؤدد.. اكيد تخاف من عمو سهيل.. لا يأذيهم..

دك الجرس و المدرسة اجت و التهينا بدروسنا لمن انتهى الدوام لكيت نصير بباب المدرسة واكف بسيارتة 

دخلت وجاي اصيح لسؤدد.. اوصلها وياي بلة ماجدة.. رجل امها ميتيهها

بس نصير.. ما قبل 

ـ لا تصيحينها اريد نسولف بالطريق.. 

هزيت راسي بـ اي وكعدت يمه واني مبتسمة ركزت يم كصته شعر خفيف وكصه عالية ولمحت عندة صلعه زغيرة بيافوخه فوك.. 

ـ شنهاي شعرك واكع.. 

ضحك.. 

ـ اي اني على ابوج تاليتي اصلع. 

ـ اي ومن نتزوج اصيحك ابو صنديحه

دار عيونه عليه وضحك. 

ـ مريم .. خطبتج من جدي..  

ـ بس بعدني بكفالة امي. 

ـ مو مهم مدام الجد عايش يكدر يزوجج اصلاً امج مو من حقها لا شرعاً لا قانوناً تزوجج دون موافقة جدو.  

ـ بس مو على اساس عون.. هم طالبني منه وجدو يحب عون..

بغضب 

ـ وانتي جنج عاشكته لعون.. 

ـ لا لا ابد. 

اجت ببالي حياة امي و فشلها و العوز ما اريد اصير مثل ماما شيفيدني مشاعري لعون.. واعيش مثل امي اخذ العاقل المتدين احسن..

ـ لا نصير اني احبك انت بس دنسولف اكولك طلبني من جدو وجدو كلة صغيرة انت اعدل روحك و لملم نفسك واترك الشرب وتعال اخطب.. 

ـ اي حبيبتي ابوي حاجه جدي كاله لا تظلم البنية وي عون.. و هي مالها رغبة بي وهي ونصير.. يردون بعضهم 

ـ شكد عيب هيج كال لجدو والله استحي

ضحك وراد يلزم ايدي وخرتها

ـ لا.. 

ـ امشي وياي ترى جدو ما يحب امج يكول ضحكت على زلمنا اول ابني و بعدين نوري.. وكال البنت كبرت بعد صعبة تعيش ببيت رجل امها حتى لو من عموميتنا..

لذا اتفقنا نجيبج و نعقد وبس تبلغين 18 نتزوج بهيج امج مالها حق اعتراض

قنعني و فعلا بس وصلت لبيتهم

لكيت مكملين كولشي من صارت صدك خفت لا يعرف عون.. 

كلت خلوها غير يوم. تأخرت وهسه ماما قلقت عليه وفعلا رن التلفون رفعه جدو..ـ اي عدنا ليش ام مريم.. تصيحين عليه ترى من حقنا بنيتنا يمتى ما نريد نجيبها افهم عليج اي حقج يظل بالج لا لدزين عون.. يجي عليها خوب احنا نوصلها الكم بالليل..

سده و باوعلي 

ـ امج رايده تدز عون..  

هنا حسيته ضاج و باوع لعمي و النا

و كال بحسره... 

ـ بس عون.. طلبها قبلكم والله فشلة شكله انطيتها لنصير وانه زامطتله بس تكبر هي الك.. 

رد هنا نصير.. 

ـ كوله البنت متريدك وخوما نجبرها لحضره جنابك بعدين تنطيها لليشرب؟ 

ـ دزيت ناس تراقبه تارك مكسراته اخاف ادخل بذنب... عمي ومرته كعدو لجدي كعده يقنعوه

ـ اهم شي البنت قابله وهي تقرر نصير.. لو عون.. وبنيتنا هي وتريد ابن عمها نصير.. 

ظل جدو بقلق ورجعت مرت عمو و عمو يقنعوه لمن اقتنع.. 

ـ الرجال ينتظر نعقد ونفضها يلة.. 

وهذا الصار لليل رجعت للبيت بس شنو نصير.. وصلني ويوصي ويتأمر

ـ فوتيلي هالكم شهر سلامات ما اريد تتواجدين يم اهل العرك لا عون.. ولا ابوه زين..

ـ اي بس ليش تحجي بعصبية وعون.. رباني و شلون... 

بغيرة صاح

ـ لجيبين سيرته كدامي بعد ولج احبج واني دم ولحم ما اتحمل تحجين بي فاهمة احتشمي كدامه و خليج وياه رسميات انتي بعد مرتي بس هالكم شهر و تفض. 

هزيت راسي اي واني مصدومه منه 

ونزلت واني اتلفت واندعي الله عون.. ما جاي من شغله لا يتلاكه هو و نصير

دخلت للبيت تلكتني امي برزايل.. 

ـ ممنوع تتكرر روحتج الهم دون أذني فاهمة شنو يردون يثبتولي من اخذوج من المدرسة واني ماعرف من اشتكي عليهم احد يلومني

من امنعج شوفتهم احد يكول ليش؟

احس الذنب والندم رافقني ما متعودة اسوي شي دون علم امي وعون..وهاي اول مرة تصيرلي. 

خفت اكوللها وخفت اسكت و شعور الندم زاد بيه قلق بعبارات ترجف كذبت 

ـ عندي امتحان و ردت عمو يدرسني لذا اني امس خابرت يجي عليه نصير.. من المدرسة من نحل اروحلهم وياه 

ـ والصبح ما كتيلي وخليتي عندي علم

ـ ماما نسيت والله.. 

عضيت لساني من قسمت ب الله كذب هدأت امي شويه وهي تكمل شغلها

وهنا دخل عون.. بعده زعلان مني دار وجهه عني واني هم عفته ورحت غرفتي

ســــــــــــــــــــــــــــــــؤدد

الخميس يوم العرس انلغت فكرة العرس بريف وتقرر بمدينتي...

 و المفروض الخميس الفات بس اجلناه لبين ما يجون اهل حسن.. 

طبعاً خالي قرر الزفة للفندق هذا ترتيب رجيوة.. تستهضم ابنها يعرس ببيت عمته و ام زوجته..

صراحة ما سويت حنة ولا عزمت.. اقلل مصاريف بس العرس الحمد لله حلو وبسيط 

بس اهله واني وصاحباتي اجن طبعًا اجة لؤي.. ابو ماجدة.. بقصد يسلم عليه و يكول ما نسيت فضلكم وجاب هدية و طلع كال ما اريد اسببلكم مشاكل

ابتسمت بتوتر و خوف لا عمو سهيل.. يحس بي هنا ونروح ضحايا بلا ذنوب

ـ لو ما مكلف نفسك..

سلم على حسن.. وحجى وياه وكلوبنا رادت توكع شويه دخل عمو سهيل.. يسلم و اسمع خالي يدردم لأن طبعهم اعراسهم تختلف مثل مكتلكم 

صادفت طلعه وانسحاب لؤي.. بدخول عمو سهيل.. بينهم نظرات وخزرات و دفع لؤي.. سهيل.. بعيد عنه وطلع.. 

استغربت تصرفه لأن سهيل.. اعلى مرتبه هذا ابو ماجدة.. بايع روحه شني يلة اذا لهنا تنتهي نحمد الله.. 

هوسات نسوان خوالي وماجدة.. و مريم.. يكمزن ما يعرفن يردحن مثل امي وعمتي وحبايبي الاجن هن و بيبي و خوالي.. 

ذن بس يطفرن اخر شي مريم.. ظلت تغني وتصفك ضحكت واني اباوعلها.. 

همس بأذني حسن

ـ شعرج خوش ناسلي يبعد كل طوايف حسن.. 

صفنت اريد اعرف شيقصد

ـ قصدك سرحته ام الصالون كالت هذا ست اشهر بس ريحة العصارة كهرباء دنك شم شعري المعطب 

ضحك و شاورني شي خاص عن اشتياقه للحضات تكون اجسادنا تتحد بزواج غمضت عيني بخجل وهمس

ـ استحينا بعد وكت.. 

نزع السترة و خلاها عالكرسي وراه

اباوع لحسين.. اخوه ما توقف يصور بكامرته والثولة ماجدة.. رجعت ورى وجان داست رجله وكعته.. 

وخرت بساع وكعادتها لوشافت شباب تعتزل بعيد و تبقى مدنكه تخجل امها حيل معقدتها... 

خليت أصابعي بين اصأبعه و حضنت ايده بيدي حيل مثل طبعي كلما اوكف يمه لو من نطلع بفترة الخطوبة.. 

تجي الجوارين تتبارك وشوي تروح

الباب مفتوح و خالي كال نزفهم للفندق ايدي رعدت بين ايده وهو يهمس

ـ مامش شي يخوف كولي بسم الله ويله نتوكل على الله شديت على اصابعه حيل مرتبكه

فجاة عمو سهيل.. عينه عالباب وبيد جر ماجدة.. خلاها وراه هنا انتبهت لأتجاه نظرته بخوف 

و اني اشد اصابعي بين بأيد حسن.. محتضنتهن وحسيت رجفته و خوفه و انفاسه 

وشهكته من جروه كد قوتهم من جروه انجرت اصابيعه من اصابيعي بعنف اذتني.. 

كلبجوه بكلبجات مفرزة طبت من الأمن و هوسة صارت و مصايح

واسلحه اتجاهنا و اخذوه ركضت امه واني وحبايبنه يبوسن ايديناتهم يتوسلن

ـ سيدي فدوة نروحلكم والله عريس الليلة عرسه سيدي شنهي عامل... وليدنا موش مجرم.. 

امه تشبك و تتوسل بيهم دفعوها..  

و حسن.. صوته خايف يرجف

ـ سيدي ما مسوي شي عليش ماخذيني بريء سيدي اقسم ما مسوي شي... 

بس اخذوه رحت واني ادافع وياهم واحضن بي اريد اخلصه منهم لو نموت سوى لو تعوفوه.. 

بس هم اندفعت وانسطرت بشي ينتل معرفه شنو مثل عصا رجعتني بعيد وهم من بين احضاني اخذوا مني ازلمتي.. 

ـ حسن.. ولكم عوفولي حسن بريء والله عرسنا الليلة عوفولي حسن بريء.. ما مسوي شي... 

ركضت وراهم اتوسل وامي تجرني خايفة يأخذوني وياه تحول عرسي لصراخ بيبي و رجيوة وامي الضمتني وياها بعبايتها 

اخر نظرة بيني وبينه من صعدوه وهو يحلف ممسوي شي ليش اخذوه.. 

ـ سيدي بس، كلمة تسمعني انه ممسوي شي بريء لا تاخذوني.. 

تحول توسله لنحيب وبجي..  

ـ والله ممسوي شي سيدي اقسم ممسوي شي... 

انشدت عيونه بجيس مدري شنو اسود و السيارات تحركت وصوته تدريجي يبتعد عن مسمعي وهو يتوسل

تنفست بشهكه

ـ يمه اخذوه.. اخذوا رجلي وحلمي و فرحتي يمه ما تهنيت بعرسي...

وخرت من تحت كتر عباء امي وكفت نفس الوكفة بالشارع ونفس المكان الاختلاف جنت طفلة ودعت تابوت والدي وهسة عروس سرقوا منها حلمها الوردي.. 

وطيف كلام بابا دوم جان يكول لا تبجين وجنت ابجي واردد اني قوية ما ابجي بس دومي بساع ابجي انهار

ظليت اصرخ

: حسن... رايح يبعد كليبي... حسن رد يا حلمي ويا فرحه عرس... 

ظليت اصيح وانادي الفراغ... 

السيارة الاخذت حسن.. اختفت وراها سيارتين بقت سيارة عناصرها يفرقون انتفاضة خوالي الي يتوسلون يردون يعرفون ليش اعتقلوا حسن.. 

زين وين ياخذوه... يردون مكانه وين والمن يراجعون.. يشوفون قضيته شنو...! 

صياح غضب من واحد من عناصرهم اللابس زيتوني.. وجهة الخبيث وحقير ناوي كارثة..

ـ تفرقوا... 

خالي ابو حسين يتوسل يبوس ايديهم

ـ بس اعرفن ابني وين مودينه نذر سيدي اروحلك سبع فدوات زغير وما يفهم خبل ابني اي خبل خافن مسوي وياكم مكسوره موش صاحي والله. هذا خبل ولا حرج على المخابيل..

سيدي اخذوني وياكم اني اقر ابصم هو خبل والله نروح ديرتنا وبعد موش،يجي مدينه اروحن اي سلموني وليدي والله موش تشوفونه حتى دراسه ابطلنه ينجب الارعن يندك بالحكومه اربيه وكدامكم سيدي استلمنه وبس شنهو مسوي وليدي غلطان اربنه 

التموا خوالي يتوسلون.. ويبوسون ايدي بس كل الحصلوه انكتلو بالجوكيات وهم يفرقوهم.... 

حاله هستريا صابت خالي ابو حسين وتهجم على احد عناصرهم يريد يجر السلاح منه

ـ كتلكم نطوني وليدي اخذنه ما تشوفو هنانه....

ما لحك يكمل الا اطلاقات نار واني بفستاني والصدمة بعيني التفتت افتر بفستاني والصدمه كفيلة ترسم المشهد الدموي بملامح عروس.... 

الفصل العاشر من هنا