رواية تحطم كبرياء انثى الفصل التاسع بقلم سلمى اسامه
..
.. هو انت حبتها.؟؟
.. محبتش غيرها
.. طب وهي كانت حاسه بيك
.. عمرها محست بيا كانت شيفاني اخوها
.. عمرك قولتلها او صرحتها بمشاعرك
.. طول عمري كنت بقولها بحبك الكلمه دي متشالتش من بقي
.. وهي ايه ردها
.. بتكسف وتقولي تسلم وان انا زي اخوها وكبرت واتجوزت
.. وجالك قلب تحضر فرحها
.. مكنش في بالي حاجه كل اللي كان في بالي اني نفسي اشوفها ضحكتها شكلها عيونها حركاتها فرحتها فستان فرحها اللي كنت اتمني اني اكون مكان عريسها لمسه ايدها تبقي ليا انا ابتسامتها وحبها تبقي ليا انا دبلتها تكون في ايدي انا ودبلتي تكون في ايدها
.. طب عمرها ما ادتك فرصه مثلا
.. كانت مغرقه نفسها فرص ليا وهي مش حاسه انا عملت كل حاجه عشانها عشان تبقي معايا بس النصيب مش لينا ووقف بينا كنت بجيبلها كل حاجه وبعمل اي حاجه عشان اشوف ضحكتها
.. لسه بتقف تحت شبكها
.. لسه بقف تحت شبكها ولسه بولع الاغنيه اللي كانت بتحبها و بتفرح لما بتسمعها كنا بنسمعها احنا الاتنين بس دلوقتي بقيت اسمعها لوحدي وبقف تحت شباكها زي مكنت متعود واحنا شباب يوم 12/12 الساعه 12 واقولها كل سنه وانتي طيبه عشان عيد ميلادها واجيب بوكيه الورد وارميه في البحر عشان مقدرش اديهولها واطلب اتنين برجر واشيل الفلفل من واحد وارميه برضوا في البحر عشان هي مش بتحب الفلفل
.. كل التفاصبل دي عارفها ولسه فاكرها
.. عمري منسي تقاصيلها بيتهيألي كان لازم يعملولي كتاب لحبي ليها
.. انت عندك كام سنه؟؟
.. انا عندي 73 سنه
.. ولسه بتعمل كل دا
.. ولسه نفسي اخد فرصه واحده وانها تبقي معايا وميأسش ابدا ولو اخر نفس ليا عندي يقين اني عمري مهنساها حتي لو نسيت البشريه كلها لاعمري انساها ولا عمري انسي حاجه تخصها
.. تفتكر لو كانت سمعاك كانت هتقول ايه
تنهد وسرح وقال بحب
.. كانت هتضحك بكسوف وتلعب في شعرها بكسوف وتقول تسلم
.. عمرك مابطلت كل العادات دي
.. لا
.. ليه
.. لاني وعدت نفسي واخدت وعد وعهد اني عمري ماهبطلها دلوقتي هي عجوزه شايبه سنانها واقعه ومبتقدرش تقوم بس لسه زي القمر في عيوني لاهي فكراني ولا فاكره ان لسه حبها في قلبي كانت بتقولي اننا لما نكبر هنساها واعيش حياتي لاقدرت انساها ولا فوت يوم من غير ماشوفها بروحلها كل يوم نازله امتي ورجعت امتي اشترت ايه وعملت ايه حتي اطفالها واحفادها عارفهمت اكنهم مني
.. انت لسه بتراقبها؟؟
.. وعد الحر دين عليه وانا زي مقولتلك اخدت وعد و عهد اني عمري ماهبطل احبها ولا اراقبها ولا اروحلها تحت شبكها واسمع الاغنيه واجيب الورد
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
