رواية مزيونة الشيخ الفصل التاسع بقلم شهناز العلالي
.صحيت من نومي بيومها ولكيت صكر راجع للبيت ... _
_ها حبيبتي كعدتي ...
_اي صباح الخير
_صباح النور...يمعوده ساعه١١ شكلج متاخرة بالنومه ...
_اي قابل جديدة غير ابنك ...خبلني يله نام ...
_صدك تدري لحد الان ممصدكه راح نروح لبغداد لا
والحلو راح نسكن هناك ....
_اي بعد شتردين ...
_احبك حبيبي ابو بيتي ....
10 ت
كمت واني كلي نشاط...حضرت ماتبقى من الاغراض...سلمنا على اهلها صكر ...طلعنا من البيت واني ب ايدي خالد وصكر يحمل الجنط للسيارة ...
طلعنا لبغداد الطرق طويل قرابه ٥ساعات سحت من الحر كل شويه التكييف مال سيار يفصل ...وصلنا هناك صفينا السيارة يم بيت خاله ....نزلنا هناك اني شايله ابني دكينا الباب فتحلنا خاله دخلنا ...استقبلنا رحبو بينا احسن ترحيب ......صكر اخذ المفتاح مالبيت من خاله ....دخلت للبيت عبارة عن جنه مصغرة اول منفوخ حديقة ومطبخ وغرفتين وحمام وغرفتين فوك وسطح بيت الاحلام ل اي بنت .....اقصد زوجه ....
هنا وصكر صار يطلع من٦ونص الصبح يرجع ب٤العصر حاله حال اي موظف ينام ل٦لو٨المغرب ويطلع يجيب مسواك طبيعي حاله حال اي شاب واني الي عليه اطبخ واراعي وليدي خلودي وكل جمعه يطلعنا لو اطلع وي بنات خاله ....
حياتي استقرت ...حياه والاحلى منها ...
بس بيوم طلع صكر للدوام ...فتحت التليفون ههههه لكيت فؤاد مخابر٥٦مكالمه والرساله ٢٠...رساله...
دكيت عليه بعد غياب ١٥يوم ...متتاليه .....
دك...دكتين جاوبني فؤاد عصبي "
_الو ...
_الو
_وينج ؟ها وينج الج اسبوعين ...اسبوعين وينج ماتردين مشتاقلج مشتاااااقلج....
_حبيبي اني ما انكر اني هم مشتاقتلك .......بس انشغلت بالبيت انقلت لبيت جديد وو.....
_ها هانم ماتعرفين تردين على اتصالي لو رساله حنلو ٥دقايق من وقتج الثمين ....ست ايمان .
_شبيك فؤاد ؟
_شبيه احبج غير ...
_اي مو حبيبي كتلك انقلع لبيت جديد....
_ها شنو عزلتي عن عيالج ؟
_لاموبالضبط ...
_لعد شنو ؟
_زوجي طلع تعيينه ب بغداد وانقلت ...
_هااااا؟بغداد حضرت جنابج .
_اي بغداد....
_دزيلي صورتج مشتاقلج....
_اجه زوجي .....
رحت سويتله جاي ولكمه كباب عروك بالطاوة كعد ياكل....باوع عليه كال"
_اخوج خابر اليوم .
_اي خير ان شاء الله...شبي..
_ابوج مريض وباجر لازم اوديج تبقين هناك كم يوم خطيه ويه امج ...ها واختج هم هناك ....
_وانته حبيبي شلون اعوفك وحيدك؟ منو يطبخلك منو يغسل هدومك شلون حبيبي....؟
1
_بنيتي مريتي حبيبتي ابوج بعازتج ...
_ها صكر اشوفك متفاعل ويه هيج موضوع تريد يخلالك الجو حبيبي وتلعب بكيفك؟
_لج انتي نعمه وهديه من الله سبحانه شسوي بيهم بعد يرحون يدوه لتراب رجلج ...ام خويلد امممممممممحححح...
_ماشي لعد خل اغسل ملابسي حتى نتوكل من الصبح باجر جمعه بروحي سوده عليه يوم راحتك ...
وفعلا ثاني يوم طلعنا للناصريه...فحطت من التعب وصلنا هنآك لبيت اهلي صكر سلم عليهم وتطمن على ابوي وراح تسوك الهم ...وراها اجه كال"
_يله حبيبتي اني رايح ديربالج على نفسج وعلى خالد ونبقى على اتصال ايشي تريدين اني حاضر وايشي يصير كبل اجيج ....
_اي حبيبي خير ان شاء الله راح اشتاقك هواي ...احبك...
طلع صكر لبغداد واني ضليت ويه اهلي بس دومي اتجنب اختي ...احسها دوم تراقبني وتحسسني بذنب ....اجه الليل اختي نايمه وياي هي وجهالها واني وخلودي سوة ...اساسا بيتنا صغير اففف اختنكت شوكت ارجع لبغداد يربي ....وهنا اختي ٢٤ساعه تكررها ام خشم اليابس بعد سكنتي بغداد ...المهم اول يوم نايمه جنت والتليفون جوه المخدة وكالبته دك فؤاد ...طبعا مسميته ب اسم بنيه ...
سويت رفض ..رجع اتصل ..يربي غير يركد مدالحك حتى اجاوبه ...
_شقصدط بكرن...
_اكلج بلاحجي زايد جاي اني ...
_الدنيا ليل وين تجي فؤاد شبيك ...شبيك تخبلت انته ...
_ماعرف اجيج وتطلعين بره....٥دقايق واوصل..
_فؤاد ساعه ١بالليل شبيك ؟
سد الاتصال....
بعد ٥دقايق بالضبط اني تحركت من مكاني تسحبت الدنيا ضلمه كهرباء ماكو...
امشي واتلفت ..فتحت باب المطبخ....لكيته بالباب برة واكف ....دخلته للحديقة '
_مشتاقلج حبيبتي.....مشتاقلج...
لزم ايدي سحبتها منه ...رجع لزمها ....سحبتها منها...
لزمت ايديناتي وحدة ويه الثانيه ارتجف كتله بصوت خافت "اطلع منا بسرررعه...انت شسويت؟
_احبج ...لج احبج ....
يحجي ويتلفت ...
_روح منا روح بسسسسرعه
_جاوبي ع رسائلي ..
_ماشي اجاوبك بس روح ...
_احبج
_اوكي اروح ...
رجع لزم ايدي سحبتها.....
افففففف استغفر الله دخلت سديت الباب نشيت خطوتين لكيت امي كبالي ...تباوع ب استغراب جمدت كلت بس لاكشفتني ....
_اكلج يمه بنتي شعندج بتوالي الليل هنا ادخلي لا يطفر حرامي علينا يفطس كلشي...
_اي هو جنت عطشانه كمت و شفت هيج حركه ...وطلعت هنا ....تالي طلعت بزونه .
_اي يمه ادخلي خل ننام ...
*دخلت خليت راسي على المخدة اخخخخ نجيت ب أعجوبة....
ضل يرسل رسايل وحبجيات ...اخر شي نمت .....كعدت على صوت الجهال يتعاركون عراك ...كمت ابني خالد كام يبجي .... غيرت اله الحفاظه ورضعته ...وضلينا اني واختي نكرب طول اليوم ...هنا ورحت لجنطتي صكر ناطيني٢٥٠الف مصرف جوة ايدي كلت اي اطلع واشتري شغلات...
_شوف اني انطيك ١٠٠الف اشتري علاجات الك لاتبقى هيج تتالم احبك....
طبعا هالحجي كتبته رسائل ...
هو طبعا بالبداية مانع بعدين وافق بس شلون انطيها اله....
كتبتله"
_تعال بالليل مثل البارحه....
وفعلا مر الوقت واجه الليل نفس الوقت طلعت برة تاكدت ماكو احد فتحت باب الطرمه ....دخل فؤاد للبيت سحبني من ايدي...نطيته الفلوس باس ايدي ....حضني قوي قرب وجهه لوجهي....حاولت اسحب نفسي منه رجع حضني ....
_روح منا فؤاد ........روح هسه يكعدون ...لاتخبلني ...
_شنو سالفه بغداد؟
_كتلك انتقلنا ببيت هناك و...
_اششش لاتكولين زوجي لاتجيبين سيرته كدامي اشتعل غيرة لج احبج ....
_بعد لاتجي وقلل رسائل منا لحد ماارجع لبيتي ....
مرت ايام تقريب١٠ايام ....رجعت لبغداد بعد مااتحسن ابوي ....هنا واني تعلمت وتعلقت ب فؤاد هواي ....لان جان يعاندني ويفوت من يم البيت والساعه حبجيات ....بديت احس ملل بعلاقتي بصكر ...
لحد ما بيوم من الايام فؤاد دز مسج كاتب بي
_اني ببغداد ____
