رواية يعقوب والغرباء كامله جميع الفصول بقلم جمانه السعيدي
قصه حقيقه من أرض الواقع
بداية القصه هناك سؤال مهم
هل تئمنون للغرباء
هل تثقون بهم
ام تنتضرون التجربه تثبت لكم مدى صدق نواياهم
هل تتعاملون معهم بلمنطق ام بلاحساس
هل صادفتم ناس غرباء واصبحتم اصدقاء
اني يعقوب مدرس رياضيات بمدرسة العزم للبنيين
عمري حاليا ٣٥
اني مواليد ٨٩
عائلتي تتكون من امي واختي ازغر مني اسمها منى
اما الوالد مات سنة ٢٠٠٠
امي انسانه طيبه وشريفه رفضت الزواج بعد وفاة ابوي
حتى تكدر تحافظ علينا وتربينا
رغم جانت جميله وزغيره
والي تقدم للزواج منها عمي طلب ايدها للزواج
بعد وفاة ابوي باربع سنوات
بس هي رفضت رفض قطعي
كان ردها عجيب
تكول بيت عندي وراتب عندي وولد عندي
مااحتاج ازوج حتى اعيش الرزق بيد رب العالمين
مو بيد البشر
اني اكتفيت من الرجال
واريد اعيش علمود ابني وبنتي
كنت احسها مثل الجبل الشامخ
امي مو مره امي عشر زلم بهيئت مره
قويه شريفه شجاعه مؤمنه
من ساعتها وعمي زعل وبطل يسئل عنا
امي اختارت تشتغل حتى تكدر تعيش وتتحمل المسؤليه
وما تحتاج اي احد
شالت الحديقه الاماميه بيتنا وبنت بمكانها محل حلويات
كانت تكعد بلمحل تبيع
تكعد بلنهار وبليل مستعده تشتغل كل الوقت
تكعد من الغجر وياا الاذان تصلي وبعدين
وتعجن وتخبز وتطبخ
جمانه السعيدي
كدرت تربينا وتكبرنا وتوكلنا فلوس حلال
بعمري مااذكر امي مدت ايدها الاي احد
ولا كالت الأحد قرضني او ساعدني
عدنا ناكل ماعدنا ندبر نفسنا باي شي
ياسبحان الله صدك على نياتكم ترزقون
الله فتحلها ابواب الرزق
وصارت تبيع خير من الله ماتعرف الرزق من وين يجي
وتبدل مستوانا المعيشي
وصرنا ناكل ونلبس وعايشين حياتنا
ما تقبل اساعدها بلمحل تكول اقرا اذا نجحت
هذا النجاح احلى مساعده اليه
كنت مجتهد بدراستي اربد اتخرج حتى اساعدها بعملها
او اشيل المسؤليه عنها
اتخرجت من الكليه وبديت اساعدها
لان تعبت من العمل والشغل صار سنيين وهي شايله المسؤليه وحدها
صار عدها ضغط بسبب العمل والمسؤليه
جمانه السعيدي
بديت اروح اجيللها المسواك وارتبه وارتب سجل الديون
واكعد بمكانها حتى ترتاح
بس هم تجي تكعد وياي تكول اني اضوج من كعدت البيت
المهم اتخرجت منى معلمه وبنفس السنه اجا عليها ولد خطبها الولد ضابط اخته جانت تدرس وياها
امي....لا ماتزوج منى قبلك انت الجبير
يعقوب...واذا اني الجبير اذا خوش قسمه تزوج
امي...لا انت بلاول
يعقوب... شنو اني بنيه وخاف ابور
امي... لا مايصير هي تزوج قبلك
يعقوب...يصير خل اسئل علي واشوف يستاهل اختي هاي الحلوه لولا
فعلا رحت سئلت عنه خوش ولد والناس كلها تحمد بااخلافه
من رجعت للبيت
تعاي منى
منى...نعم
يعقوب...اني سئلت عنه والناس كلها تحمد بااخلاقه
منى...منو
يعقوب...عليه منو يعني ما تعرفين منو
منى...منو قصدك خالد
يعقوب....اي خالد عيوني شلون تكول اسمه بدلع
ابتسمت وردت عليه شبي خالد
يعقوب...مو اجا يخطبني شنو رائيج
...سكتت
يعقوب...هااا سكتي
منى...بكيفك
يعقوب...اني سئلت عنه خوش ولد تكدرين تنطين خبر الاخته باجر يجون
منى...مو اليوم التحق
يعقوب....لا ولله متابعه اخباره اني الماي يمشي من جواي وماادري
منى...لا بس أخته كالت باجر يلتحق
يعقوب...من ينزل خل بجي ونتفق على كلشي
منى...ميخالف
يعقوب ثاني يوم اتفاجئت منى تكول باجر ينزل خالد
يعقوب...باجر
منى...اي قدم على اجازه يوم واحد يجي باجر يتقدملي ويرجع يلتحق بنفس اليوم
يعقوب....هاا هيج ولله طلعتي عزيزه علي راح ينزل علمودج
منى...ولله مو مثل ماانت متصور
هو شافني مرتين وياا اخته وسلم عليه وبس
اني ماحجيت وياا ولا كلمه غير السلام
ومن اخته فتحت موضوع الزواج وياي تفاجئت
بس الصراحه اخته دائما تحجي عنه تكول طيب واخلاقه عاليه
جمانه السعيدي
يعقوب...بس اخته تحجي عنه لو انتي هم
منى...لا اني مالي شغل بي
يعقوب...اني عندي ثقه بيج لو خالد شايف منج شي موزبن
مجان اجا وتقدملج
وخاصه وهو ضابط يعني يعرف كلشي عن البنات
اكيد اختي رفعت راسي كدامه
وصمم عليها والدليل راح ينزل يوم علمود يتقدملها
منى...الله يحفظك اليه ياحبيبي انت الحبيب الي مابعد حبيب
يعقوب...انت اختي الي ماعندي غيره بلدنيا
ثاني يوم تحضرنا اجا خالد هو امه و اخته
كعدت تعارف حتى نتفق على الحاضر الغايب على التفاصيل
الصراحه حيل عجبتني تصرفاته
شخصيه وواثق من نفسه
اول كلامه كال اني مشتري اهل ونسابه ومستعد الكل طلباتكم
يعقوب....اني مشتري اخ لان ماعندي اخ
مشتري رجال
اهم من كل الطلبات منى منى اختي الوحيده
ومااريدك ازعلها ابد
خالد ..... من عيوني انشاء الله ماكو زعل
اتفقنا على كل التفاصيل
جمانه السعيدي
حسيت بسعاده بعيون منى ما شايف مثلها
فرحانه ومشاعرها فضحته
اني اريدها سعيده هاي اختي الوحيده وسعادتها
من سعادتي
خلال شهرين كانو مجهزين كلشي
وازوجت اختي شكد بجيت عليها رغم اني جبير
عمري بوقتها ٢٥ سنه
بس بجيت عليها حسيت نفسي فاركت روحي من بعدها
بيومها بقيت بغرفتي ابجي وحدي
لان امي راحت وياها وبقيت وحدي
من بعد زواج منى امي صممت ازوجني وخاصه اني طلع تعييني تعينت مدرس رياضيات بمدرسه قريبه علينا
بفضل رب العالمين وبفضل دعاء امي اليه
وصرت استلم راتب
بدت امي تسئل تعرفون نسوان المنطقه كلهن يشترن منها
مابقت وحده ما وصتها على عروس
النسوان رشحلها كم وحده
اكو بيهن ماعجبنها
واكو اني ماعجبني
سنه كامله وامي ادور على عروسه
لان رجعت شألت مسولية البيت من جديد بعد زواج منى
الحد ماا وحده كالتلها بت اختي خريجه وحبابه ومتدينه
وحلوه
تعاي اخذج شوفيها
راحت امي كان يوم جمعه واني بقيت كاعد بلمحل بمكانها
ساعه ورجعت متخيله عليها
امي...تخبل يايمه ولله حلوه خوش بنيه واهلها ناس طيبين ناس محترمبن
يعقوب...اروح اشوفها يله
امي...اي باجر اوصي خالتها تخابرهم ونروح اني وياك نشوفها اخابر منى تجي ويانه
يعقوب...عليمن شعدنا فحص اني بس اشوفها
اذا ماعجبتني انسحب واضح كلامي
امي...لا تعجبك حلوه
يعقوب...انشاء الله
