رواية صدفه غريبه كاملة جميع الفصول بقلم جمانه السعيدي
اني شاب حالي حال كل الشباب الي بلعراق
تخرجت وبقيت ادور فرصة عمل
اريد عمل يرهم وياا شهادتي احب اشتغل بتخصصي
اني خريج محاسبه
اني وحيد اهلي ابوي توفا بعد تخرجي بسنتين
عايشين اني وامي بلبيت
البيت ايجار احنا من زمان ساكنين بي
صاحب البيت عايش بلخارج واخو يجي ياخذ الايجار كل شهر
اني زيد مواليد ٩٠ بشرتي حنطيه
طولي ١٨٢ جسمي حلوو
ومثل ماكتلكم اني خريج محاسبه
اني ابد مابطلت ادور عمل بس اسمع اكو فرصت عمل بااي مكان اروح اقدم اوراقي
بس مايصير القبول مااعرف ليش
احنا عايشين على راتب التقاعد الي عافه ابوي
ندفع منه ايجار والباقي مصرف
بس يادوب مكفي معيشبتنا
لا نوفر منه ولا عايشين الرفاهيه بلعكس مرات نشتري
كم شغله بلدين من صاحب المحل القريب
على بيتنا ونسدد من نقبض الراتب
حاولت اشتغل اي شغل حتلو بعيد عن تخصصي
بس مااعرف
مااعرف اشتغل اي شغله
جمانه السعيدي
مره وحده جربت اشتغل بمطعم بس ماحسيت المكان مريح
عمال هواي وكلام رايح جاي
واكو مشاكل داخل العمل ماارتاحيت شهر واحد وعفت الشغل
لا تتوقعون اني اتعاجز لو مااحب الشغل
بس مااعرف اشتغل اي شغل
رغم اني مامرتاح الوضعنا بس مابيدي حيله
اكثر من ٣٠ مره قدمت على شغل
بشركات
كان الرد واحد عوف رقمك واحنا نتصل عليك
بس جذب محد يتصل عليه
مااعرف اني ليش مامحضوظ
رغم اني اصلي واصوم وابد بعمري مامديت ايدي الشي حرام امشي بما يرضي الله
الحد ماوصلناالسنه ٢٠١٨
يعني صار عمري ٢٨ واني لا حصلت شغل ولا كادر ازوج واكون اسره
امي كان حلمها ازوج واتشرف أطفالي قبل لا تموت
بس اني ماعندي إمكانية الزواج ليش اورط نفسي واورط بت الناس وياي
الحد مآ فديو شفت اعلان شركه مقاولات يردون محاسب
قررت اروح واجرب حضي هلمره عسى ولعل
هلمره يكون الحظ كاعد وانقبل
واذا ماحالفني الحظ هلمره راح ادور اي شغل واشتغل
لازم اشتغل
لان حتى مجاي اكدر اشتري ملابس جديده
الراتب يادوب يكفي
جمانه السعيدي
على فكره اني مقدم طلب وضيفه حكوميه بكذا مكان
ماكو تعيين
تعرفون التعينات تريد فلوس لو واسطه
واني ثنيبنهن ماعندي
بس انشاء الله رب العالمين ووياي واكيد راح اشتغل بلاخير
زيد...امي باجر حاولي تكعدني من الصبح اكو شركه تريد محاسب
اريد اروح اقدم بلكت هلمره يصير توفيق من رب العالمين
امي...انشاء الله رب العالمين يوفقك ويفتح أبواب الرزق بوجهك
زيد...اي ادعيلي بلكت احصل وضيفه
امي...اي ولله يايمه اريد ازوجك وافرح بيك اني بعد كبرت ومابيه حيل
زيد....لا تكولين هيج انشاء الله عمرج طويل
نمت وخليت المنبه علمود اكعد اصلي الصبح
كعدت لكيت امي تصلي
زيد...ادعيلي وياج ياست الحبايب
امي...جاي ادعيلك
اللهم اجبر خاطره ووفقه ورزقه رزق حلال ياارحم الراحمين يالله
زيد...كملت صلا ورجعت نمت
كعدت الساعه بلتسعه دخلت سبحت وبدلت طلعت لكيت امي محضره الريوك
تريكت وطلعت
امي بقت كاعده وتدعيلي
جان اخر الشهر مالكيت بجيبي غير ٣٥٠٠ ( اتلث آلاف ونص )
ماعندي غيرهن
عاد مدري يكفن اوصل المكان الشركه لو مايكفن
صعدت بلخط اول مره ونزلت ورجعت صعدت بلخط مره ثانيه صرفت الف ونص بقه بجيبي ٢٠٠٠ دينار
قبل لا انزل من الخط
شفت جنطه نسائيه حجم وسط مو كلش جبيره
لونه اسود واكعه جوا الكرسي الي بصفي
باوعت ماكو بس زلم بلخط ماكو نسوان بس وحده حجيه جبيره بلعمر كاعده اول السياره
شلت الجنطه وصحت منو واكعه جنطته هاي جنطه جوا الكرسي
الكل التفت عليه بس محد رد عليه
صحت سايقنا لكيت جنطه
السايق...مااعرف المن
الكل نزل من الخط واني بقيت اخر واحد
زيد... سايقنا اخذ الجنطه خليه وياك واذا احد سئل
عنها انطيه اله
السايق....اني ماأخذ اي شي تريد تورطني بعدبن اني راح ارجع للبيت واخوي يجي بمكاني
لان طالع من الساعه سته الصبح لسه
جمانه السعيدي
زيد...شلون وين اخليه
السايق...أخذها وياك وانشر على الفيس واكيد صاحبت الجنطه من بغداد تشوف المنشور وترد عليك
زيد...باوعت للساعه راح الوقت عليه مو مال اكعد اداهر
واخذ وانطي بلكلام
نزلت وأخذت الجنطه ويأي
خليته بلعلاكه الي بيه اوراقي
ووصلت للشركه ولكيت هواي قبلي واصلين ومقدمين على الوضيفه
قدمت أوراقي وبقيت كاعد وانتضر
كان الرد روح واحنا نتصل عليك
مثل كل مره كلش ضجت وانقهرت
هسه لو يكولون موافقين خلاص تم قبولك
لو يكولون مالك وضيفه عدنا بعد عليمن هذا شلعان الكلب
اني متأكد محد راح يدز عليه
وكلامهم كله جذب
طلعت من الشركه طلعت الفلوس الي بجيبي
لكبتهن الفين
راح ارجع بالف ونص يعني يبقى عندي بس ٥٠٠
حتى لفة فلافل مايجيبن
حرامات لو باقي بلبيت ولا مضيع فلوسي
صح هنا مو هواي
بس راحن حرامات
اشتريت بطل مي بربع بقه ربع بجيبي والف ونص اوصل بيهن البيت اهلي
صعدت بلخط ورجعت ونسيت سالفه الجنطه
رجعت للبيت كلش ضايج وحران لان الجو برا كلش
حار
امي.. هاا بشر
زيد...الضاهر ماكوو نصيب طردوني
امي...ميخالف لا اضوج
زيد...راح ادور اي شغله واشتغل
من باجر اطلع ادور شغل شهادتي هاي هنا بلعراق مابيه فايده لو بلخارج جان لكيت الف فرصة عمل
بينما هنا محد معبرني الوضايف على الواسطات
امي...يايمه شتسوي الله كريم
زيد...لو ماا انتي جان هاجرت وعفت العراق
امي...لا يمه فدوه ماعندي غيرك لا تعوفني الراتب كافي علينا
مادام انت موجود اني كلشي مااريد من الدنيا ولو اريد ازوجك وافرح بيك
زيد...دنكت عليه وبسته الله يحفظج اليه ياروحي انتي
دخلت غرفتي شمرت العلاكه نسيت شغلة الجنطه
بدلت وطلعت كعدنا اني وامي شويه واذن صلينا تغدينا ودخلت انام
شلت العلاكه من الجربايه حسيته ثكيله
فتحته شفت الجنطه
زيد...اهوووو اني ليش جبت الجنطه لو عايفه بلسياره
هسه شلون اعرف صاحبته
زيد...خل افتحه واشوف منو صاحبته احتمال الكه هويه
او اي شي يعرفني عليه
فنحته شفت بيه فلوس
طلعتهن حسبتهن كان المبلغ تقريبا ٦٥٠ الف
واكو ٣ آلاف و٥٠٠ دينار
بعد مالكيت شي او ما انتبهت للجنطه زين
كعدت على الجربايه وبديت ادور كروب انشر بي
لكيت كروب باسم تجمع اهل بغداد
نزلت بي منشور
كتبت ...عثرت على جنطه نسائيه بلون اسود
تحتوي على مبلغ مالي كل من يعطي موصفات
الجنطه ويعرف المبلغ المالي يتصل على هذا الرقم
ونزلت رقمي
رجعت نشرت بعد بكروبات ثنيبن
خليت التليفون بصفي ونمت
نمت تقريبا ساعه وكعدت على صوت التليفون يرن
كوه فتحت عيوني رقم غربب
فتحت الخط وكلت الوووو
