رواية ضحية امي كامله جميع الفصول بقلم جمانه السعيدي
اني لقاء مواليد ٩٥ طولي ١٥٨ اني بيضه
ملامحي حلوه بس اكثر شي اتميز بي رموشي كثيفات
عيوني جوزيات شعري بني غامق
بلاول اريد احجيلكم على امي
امي حلوووه كلش بحيث بابا بس شايفه متخبل عليها
خاطبها اكثر من عشرين مره
يله منطينه اله
امي تشبه سميره توفيق هاي مطربه قديمه
الجيل الجديد تكدرون تبحثون بلكوكل وتشوفون شكلها
اني هواي ماخذه ملامحي منها
حتى قصيره عليها
لان بابا طويل وشخصيه
بابا صحيح يحبها بس عصبي كلش
وأيده والضرب
ومانعه تطلع اي شي تحتاجه يجيبه اله
بابا عسكري خريج كليه عسكريه
بعد ولادتي امي بدا يصير عدها اسقاطات
وكل اسقاط تكتشف ولد
يعني يصير عدها اسقاط بلولد اكثر شي
كانت تمتنع عن الحمل سنتين او اكثر ومن ترجع تحاول
يصير اسقاط
اني كنت المدلله بلبيت
بابا كل اتلث سنوات او اربع يترفع الحدما صار عقيد
احنا من بغداد بلزعفرانيه
بلثالث متوسط بديت اتغير
لان لفت انتباهي ولد جيرانه
بيتهم بداية الشارع
يعني من اروح للمدرسه وارجع اشوفه
بلبدابه ما اهتميت رغم هو شكله كلش حلووو
ومن يوكف بلباب اخر اناقه
يعني لو يلبس تراك حلوووو لو بنطرون وقميص
كل يوم يوكف ويبقى عينه عليه
الحد مآ فد يوم واني راجعه من الدوام امشي قريب بيتهم
لان احسه يباوع عليه ومركز كلش عليه
ا
االتوت رجلي واني جنت لابسه حذاء عالي حتى أطول نفسي شويه
رجلي كامت توجعني حيل
هو راسا تقدم عليه وكال
هااا اتاذيتي
...لا مابيه شي كلش استحيت رغم اني ما اكدر امشي
عليها
....اساعدج
...لا شكرا حاولت امشي وابين اني مابيه شي بس رجلي بصعوبه اخليها على الكاع
كمت امشي على كيف
الاحراج الي احس بي اكثر من الوجع قاطات
حسيت نفسي تفشلت حيل
جمانه السعيدي
هو بقه يمشي وراي بس شويه بعيد
النوب الطريق صار شطوله
اريد اوصل البيتنا ماكوووو
محرجه من كل الناس الي بلشارع مو بس منه
اصعب موقف مر عليه
وصلت للباب والتفتت شفته منتضرني ادخل ويطمن عليه
دخلت للبيت
واني كمت اصرخ من الوجع شمرت الجنطه
وكعدت بلكاع نزعت الحذاء وكمت اصيح على ماما
على فكره امي تعرف وقت رجعتي تفتحلي الباب وتعوفه مفتوح
اجت امي كتلها رجلي التوت وتوجعني
امي حاولت تساعدني ودخلتني للبيت
بابا جان ما موجود بوقتها وان اصرخ من الالم
خابرت خالي مسلم
هذا خالي اخوها الوحيد
بيته عنا تقرببا ربع ساعه بلسياره
اجا خالي واخذني للمستشفى ضربوني ابره مهدء
صاير عندي تمزق بسيط
والدكتور كال تخلين رجليج بمي بارد
يعني رجليه ثنيينهن
الابره هدءت الالم شويه
ومن رجعت امي جابت مي بارد كلش وخلت رجليه
كمت اصرخ حيل
هلمره اصرخ من برودت الماي
مو من ألم رجلي
بس رجلي صارت احسن
ثاني يوم مارحت للدوام بس صورة هذا الولد وهو
يحجي وياي ويحاول يساعدني ما تروح من بالي
وخاصه اني بهاي الفتره فترة مراهقه
وكلش اشوفه اتعلق بي
جمانه السعيدي
اني مهند طولي ١٧٥ صف سادس علمي هسه عطله علمود الامتحانات
امتحانات اخير السنه
ويوميه اطلع وقت حلت المدرسه
هاي البنيه حيل لفتت انتباهي شكله حلو ومميز حيل
كمت يوميه انتضرها بلباب
اليوم خطيه االتوت رجلها
حاولت اساعدها بس ما قبلت
بقيت امشي وراها واحاول اطمن عليها
منا لمن وصلت للبيت ودخلت يله رجعت
ثاني يوم انتضرتها الصبح اريد اطمن عليها بس ما طلعت للمدرسه
اعتقدت اني متأخر ومآ شفتها من طلعت
انتضرتها من ترجع وماكوووو
لقاء اليوم الي بعده تحسنت رجلي ورحت للدوام
بس ما اتوب هم لابسه حذاءعالي اريد اطول نفسي شويه
وصلت قريب على بيت هذا الولد شفته واكف بلباب
بس شافني ابتسم
اني اذكرت شلون انهطرت كدامه
دنكت ومشيت بس وصلت قريب علي
سمعته كال شلونج
رفعت عيني واجت عيني بعينه
راسا دنكت
مهند شلون رجلج صارت احسن
لقاء رجعت رفعت عيني ابتسمت لا اراديا وهزيت راسي بمعنى اي
مهند الحمد لله
كل هذا الحجي واني امشي وهو مستمر يحجي وياي
عبرته ورحت للمدرسه
بس بيومها كلشي ما افتهمت لان عقلي بقه يمه
فرحانه لان هو مهتم اي مهتم بوضعي ويريد يعرف
اني شنو صار وياي
كمت احسب دقيقه دقيقه يمته يخلص الدوام
وارجع حتى اشوفه
بس طلعنا من المدرسه كمت امشي بسرعه اريد اللحك علي
بس دخلت للفرع وشفته واكف بلباب
لابس تراك رصاصي ومرتب شعرا والعطر وصلني
كمت امشي على كيف
هم اسمعه اذا يحجي وياي
وهم احافظ على توازني خاف اوكع مره ثانيه
وهلمره حتى ابطل من المدرسه
شني هل احراج ياربي
وصلت يمه ابتسم واني دنكت
مهند اني مهند وانتي شنو اسمج
لقاء سكت
مهند اريد اعرف اسمج اني يوميه انتضرج هنا
لقاء رفعت راسي وكلت بصوت ناصي لقاء
مهند عاشت الاسامي انشاء الله احلى لقاء
لقاء دنكت ومشيت وهو بقا واكف ويباوع عليه
وصلت للبيت ودي اكمز من الفرحه
ما مصدكه الي صار وياي
تعرفون فترة مراهقه والعقل يكبر الموضوع
حسيت نفسي أجمل وحده بلكون وهو فارس احلامي الي ماكو منه ابد
تكررت الحاله كل يوم من اروح للمدرسه ينتضرني ويكول صباح الخير
ومن ارجع يكول منتضرج
واذا اتاخر يكول ذبحتني الشمس ليش اتاخرتي
مره انطاني رساله حيل فرحت بيها
بلبدايه ترددت اخذها بعدين اخذتها
بس وصلت طلعتها وكمت اقرا بيها
كاتب اني مهند وصف سادس
احبج كلش عجبتيني
اخاف تخلص المدرسه وبعد ما تطلعين
يوميه العصر الساعه خمسه انتضرج تفتحين الباب
واشوفج
جمانه السعيدي
وفعلا امتحنت وخلصت المدرسه وماكو حجه الطلعه ابد
وخصوصا بأيام الي بيهن بابا موجود
حتى فتحت الباب ممنوعه
بس اني يوميه افتح الباب على موعدنا واشوفه
بس واحد يشوف الثاني
وخلاص مرات يشمرلي رساله
نجحت والحمد لله بقيت منتضره مهند حتى ابشره
بس شفته تكرمون طلعت الزباله
وصلت يمه وكال كلبي طك عليج نجحتي
لقاء اي نجحت يوم الك
مهند بس انجح اول وحده ابشره انتي
لقاء خاف تروح للكليه وتنساني
مهند ابد مراح انساج ويوميه راح انتصرج الصبح اشوفج يله اروح للدوام
بس من ارجع يمكن مالحك اشوفج
بس راح تلكيني نفس هذا الموعد والمكان انتضرج
رجعت للبيت واني اريد اطير من الفرح
امي بهاي الفتره لاحضة اني متغيره
وبدت تراقبني مره فتحت الباب واجت وكفت وراي تشوف
اني راسا رجعت دخلت هي شافت مهند بس ما متاكده منه
جمانه السعيدي
بقيت يومين ما افتح الباب خفت منها
خاف تشوفني وتكول البابا عليه
ولله اذا عرف يعدمني عدام
جمانه السعيدي
اخير شي مهند نجح ونقبل كلية اداره واقتصاد
واني انتضر المدرسه ترجع حتى اشوفه براحتي
قدمت للاعداديه وبديت اداوم هلمره كمت حيل اعتني بمضهري اكثر
اشتريت صدريه مخصره والشعر احير شلون اسوي من اطلع وارتبه والعطر
وفعلا طلعت ولكيته منتضرني بس شافني اشرلي مشتاق
وفتح ادي حيل وكال هوووواي
اني من شفته براغي كلبي تفلشن تفليش
هنا اكو بنيه انتقلت جديد المنطقتنا
كمت اروح وياها وارجع
بس احاول ما اخليها تنتبه عليه
بس هوه يوميه قاط شكل لو بدي موديل جديد
واكف ينتضرني
بس من ارجع مو دائما اشوفه
مرات اكووو ومرات لا
هي حست كالت اكلج هذا الولد تعرفي
....لا ما اعرفه ليش
...لان يوميه واكف ويباوع عليج
...لا انتي متوهمه موعليه
...ولله شكله امبين معجب بيج
...يمعوده مبين طالب كليه ويااا بنات اشكال قابل ميت عليه
حاولت أسد الموضوع باي طريقه
بس ولله مبينين عيونه فاضحتنا
خلصت السنه واحنا من بعيد واحد يباوع للثاني
ومرات الرسايل واحد يكتب للثاني
بس ولامره كعدنا وحجينا سويه
كل مره يطلب مني نطلع او نحجي سوه كنت ارفض لان اخاف من اهلي وخاصة بابا
واني من النوع ما متعوده اطلع وحدي ابد
بس يوم عن يوم يزيد تعلقي بي اكثر
ابد ما اشوف واحد بلدنيا غيره
وهو ما يفوت فرصه اذا ما يحاول يشوفني
نجحت للخامس وهو مرحله ثانيه كليه
هو كلما يشوفني يكول بس اخلص كليه اخطبج
بس تخلصين سادس اجيب اهلي واتقدملج
