رواية ميراث الدم ( كاملة جميع الفصول ) بقلم ليان احمد

بوح فتاة 

أصبحت ناضجة 

لا يتجول في عقلي سوى المسؤلية 

لم أعُد أُبالي بحديث الآخرين 

توكلت على خالقي 

بدأت أتحول تدريجيًا 

لِنقُل تغير قدري من حزن لبهجة 

أصبح يثير بداخلي الاطمئنان 

أعتقد أن عقلي استيقظ .. انا الفتاة التي يجب أن تبقى قوية ولا يحق لها أن تعلن ضعفها يوماً وكأني اللبؤة التي يجب تحمي اشبالها حتى لو كلفها ذالك حياتها .. انا ام عذراء 

اجلس في غرفتي وانظر حولي احدق في الجدار لفترةطويلة اصبحت جدران هذه الغرفة ملاذي .. وايادي صغيرة تقوم بأحتضاني في اسوء اوقاتي هناك شي يدور في دماغي يمنعني من الراحة يمنعي النوم عدد من الاصوات تزيد قلقلي ربما سينتهي عمري هنا في هذه اللحظة واصبح مريضه نفسيا انا ع وشك ان افقد عقلي اصبحت اكره الجميع حقدي اللامتناهي تجاه هذا العالم يزداد احاول الوقوف بكل مااملك

اتسائل احيانا ماسبب هذا الوضع .

في مرحلة ما فقدت حسي ع المرح والضحك ومرحلة فقدت قدرتي ع النقاش والتجادل وصلت لمرحلة ان اسمع فقط وابتسم كذبا ..

احيانا احسد الاشخاص العصبين فهذا يعني لازال لديهم قوة ليرفضو مايعيشوه 

تقبل الواقع هو جريمه والرضى به اكثر فتكا للنفس لتصل لمرحلة عدم الشعور بما تأكل العزلة شي مقرف والوحده كذالك...

ايام الانسان المظلمة لن تستطيع ان تقويه...

هذه مقولة كاذبة ...

ولكنها تقطع جزء من روحه حتى وصوله لمرحلة لايوجد ما يقطّع 

وصلنا لنهاية الطريق واصبح النظر وعدم الجدل ع اهانتنا وتقبل الواقع وسيلة لهروبنا وقاربنا الوحيد ..

الهي اتسمعني ؟ 

انا أكتب لك من فراشي الذي امتلىء بالدموع اقف عاجزة عما يدور حولي انا عاجزة لدرجة ان كل رغبتي بالحياة تفتت كأن جميع الطرق مغلقة امامي ان احاول واسعى لكن لاشيء يحصل كما اريد انا هنا بعيوني المتعبة

بخطواتي المثقلة انظر لنفسي نظرة الشفقة انا عاجزة ع التعامل مع هذا الوضع اشعر كان هناك شخص يخنقني كلما احاول ان اتوسله ليتركني يزيد من ضغطه ع عنقي اشعر ان هذه الارض ضاقت لم تعد زرقة السماء تواسيني ولا القمر المضي بالليل يخفف حزني اني احاول ان اضحك وابدو طبيعية لكن التنفس يضيق مع كل عبارة الحمد لله التي اكتبها وادعي اني بخير

يقطع تفكيري تخيلات عديدة هل نحن الجيدون الذين كتب عليهم العذاب؟؟ لكن الى متى يالله..... 

ام نحن السيئون الذين نستحق العذاب !!!

اشعر اني عجوز بعمر الشباب لم يعد هناك ما يجذبني لعيش هذه الحياة غير تلك الأرواح التي تنضر الي كأني ملجأها 

اصبحت جميع الاغاني حزينه فجاةً جميع الاشياء التي تحدث تسبب تساقط دموعي هل هذا اليأس العجز الذي يتكلمون عنه ان تصبح يديك مقيده ولاتستطيع حتى مساعده نفسك 

روحي تتألم يالله ..

~~~~~~~~~

كعد وهو يفتح جنطة الاوراق الي تاركها ابوهم كل الي شايفي بالاوراق هو مستندات البيوت والمحلات 

يفكرون بطريقة شلون يخلون الورث يتقسم على اثنين لكن بدون ما يلطخون اديهم بدم اخوهم .. 

~~~~~~~~

جر نفس وكال : اني اريد اعزل بيت وحدي ماريد اضل هنا بعد 

اشرلة صالح على الباب بكل برود وبدون حتى ما يباوع اله : هذا الباب كدامك الله وياك منو لازمك ولي وين ما تريد 

حجى بخوف وتردد : اريد اريد فلوس اريد حقي من بيت ابوي واني اتنازل الكم ونطوني حصتي فلوس اريد أشيل 

باوعو صالح وصادق واحد بوجه الثاني وصارو يضحكون باستهزاء حجى صالح : ليش تخليني اكوم اغط راسك بطاسة المرك .. منين نجيب لك فلوس حصتك ووين نروح احنة تالي وكت بيت ابونا ينباع على مود حضرتك تريد تعزل.. تريد تشيل كلعة روح وين ما تريد محد مجلب بيك 

وفلوس وحصص ماكو مو جاي تدور ورث براسنة بيت ابونا وكلنة كاعدين بي نجب واكعد حالك حالنة .. 

رفع صوته عليهم بقهر وهو يقبض ادي ويدك رجلة بالكاع : ما انجب ما انجب لا تغلط علية اني مو زغيررر واريدددد حقي انتو ماخذين كلشي الكم وبس تصرفون وتشترون واني باقي كاتلني الضيم اريددد حالي حالكم ماكلين حقي .. 

~~~~~~~~

بابا نزلني امشي وحدي اريد 

لا بسومة لا اذا نزلتي حذائج تتدمر تراب وخاف تطيحين وملابس تتوسخ 

حجت بملل : ما اوكع ما اوكع اني جبيرة اعرف امشي بابا اووف نزلني حباب 

باقي متمسلك بيها ولاف ادي عليها شايلها: راح نوصل اريدج من تدخلين المدرسة نظيييفه وحذائج حلو ونضيف واريدج احلى من البنات واريدج تصيرين اشطر منهن كلهن هيج كله عشرة عشرة  

اي بابا ميخالف بس نزلني اوووف اريد امشي 

راح نوصل بابا حبيبتي بسومة انتي شبيج تضوجين مني ؟ شبيج شنو ريحتي مو طيبة 

~~~~~~~~

نار تغلي بيه منها شلت كاسه من الكاونتر ركعتها بالكاع صارت طشار وصرخت بيها : ماااا كاااعدين أبيت الخلفوج ولا كاااعدين ابيتكم هذااا بيت جدي وبيت ابوي ابوي الفقير الي اكلتو حقة وخليتو خلفته عايشين بالظيمم كاعدددين بحقنة  

فاطمة : هو صابر الخبل منين اله حق هذا كله تعب صادق وصالح همه الي كدو وتعبو وهذا البيت بيتنة وانتو عالة علينة وإذا رجعتي وكلتي حقنة اخلي عمج يطلع لسانج ويشلعة من مكانة ياعرمة 

جابت طاري أبوي لو اني وصلت لآخر ذرة صبر عندي .. دفعتها متناسية عمرها ولاخليت تقدير الها ولا فكرت بشي نمت فوكاها اضرب على وجها ودموعي تجري بهضم :

لاتجيييبين طاري أبوي على لسانج الزفر لا تجيبي. ترحين فدوة لطارية ياظالمة الله ياخذ حقنة منكم يا حقرااء ..

كاعدة فوكاها اضرب وما احس غير نجريت من شعري جبرية الي جانت بالسوك وتوها راجعة مرت عمي صالح تصير اخت فاطمة جرتني من شعري وشمرتني طحت بالكاع وفاطمة كامت من مكانها وصارن ولية علية ثنيهن وحده تملخ وحدة ترفس ملخني تملخ وهنه يغلطن ويفشرن بكل كلمة بذيئة ما فكني منهم غير دخلة ام خالد 

الضاهر جبرية دخلت مستعجلة ودخلت بدون ما تسد الباب 

الفصل الثاني من هنا