رواية ورث تحت الوصايه كامله جميع الفصول بقلم مصطفى جابر
يابا ميصحش كده بقي الورث دا كله تسيبه لبنت ملهاش ضهر ولا سند ومسيرها تتجوز واحد غريب وياخد ورثها وتروح فلوسك وفلوس أبنك الله يرحمه لحد ما غريب منعرفهوش؟ .
الجد بهدؤء : دي أملاك أبوها الله يرحمه هيا حره فيها ما ينفعش نظلمها يا حسنات فكري زين.
حسنات بخبث :محدش قال نظلمها يا حج بس انا بقول يعني انها يتيمه وحسام ولدي أولى بيها لانه راجل زين وهو اللي هياخد باله منها ويصونها هيا وفلوسها ... حاول انت بس تقنعها وتخليها توافق انشالله حتي تجبرها عالجوازه ولا انت عاجبك تشوف تعب ابنك وشقاه يروح فـي إيد واحد ما تعرفش عنه حاجه وأكيد هيكون طمعان في ورثها.
الجد بجمود :انتي بتقولي إيه يا حسنات؟ عايزاني أجبر البنت انها تتجوز حسام؟ وافرضي رفضت؟
حسنات بهدوء : مقولتش تجبرها بس هيا لسه صغيره ومش عارفه مصلحتها وحسام بيحبها وهيشيل مسئوليتها وهنبقي واثقين فيه
الجد بتفكير: تصدقي عندك حق يا حسنات اول مره تقولي حاجه عدله.. انا موافق علي جوازهم شويه وهبلغهم ميعاد الفرح حتي لو هيا مش موافقه بأمر مني هجبرها علي كده لان الجواز ده في مصلحتها هيا اكتر من حسام
حسنات بفرحة : يألف نهار أبيض يألف نهار مبروك افهم من كلامك ده يعني انك هتكتب كل حاجه بأسم ولدي حسام صح.
الجد بيقطع كلامها: لا طبعا مش معني انها هتتجوز حسام ابن عمها يبقي ياخد فلوسها ويتحكم فيها..فلوسها هتكون بأسمها وهيا متجوزاه بإذن الله.
حسنات بغضب : إييييه بتقول ايييي يا حج لا متفقناش علي كده
الجد بهدؤء : زي ما سمعتي يا حسنات هو دا قراري.
حسنات بخبث : يا حج هيا كده مش هترضى تتجوز ابني طول ما في ايديها فلوسها وبعدين دي لسانها طويل ومتكبره يعني لو كتبت لأبني ورثها هتبقي تحت طوعه ومش هتقدر تتكلم لكن لو كتبتلها ورثها هتتنمرد علينا
الجد ببرود : أنا قولت كلمتي وياريت يا حسنات تبعدي عنها وتشيلي فكرة ورث البنت دي من دماغك خالص ملكيش دعوه بيها لأني عارف انك بتعملي كل ده علشان تاخدي ورثها
حسنات بغل: اخص عليك يابا بقي انا عايزه فلوسها ؟ طب اي رأيك بقي اني رجعت في كلامي ومش عايزه البنت دي تكون مرات ابني... انا كنت عايزه احافظ علي فلوس اخويا وشقاه بس يمين بالله ما هتتجوز ابني .
الجد بغضب: حسنااااااات اتلمي بقي ولمي دورك. سواء رجعتي في كلامك او مرجعتيش هيتجوزو بعض.
حسنات جت تتكلم قاطعها دخول حسام
حسام بيتفتح الباب وبيدخل.
في إيه ياجدي مالكم صوتكم عالي ليه حد معصبك يجدي.
حسنات بجمود : تعالى شوف جدك عايز يجوزك عائشة .
حسام بصدمة : اييي؟ يعني اي يجدي ازاي يعني أنا اتجوز عائشة.
الجد بهدوء : آه يا حسام هو دا قراري وكان قرار امك من شوية..وبالنسبة للورث فالورث مش هيتفرق علي حد وجوازك من بنت عمك قرار مش هرجع فيه
حسام ببرود :بس أنا عمري ما فكرت فيها كده وعائشة أصلاً مش بتحبني وأنا كل اللي ما بيني وبينها هو سلام عليكم،
عليكم السلام، وإنت عارف طبعها مش هتوافق عليا فا الأفضل خلينا بعيد مش ناقصين مشاكل
حسنات بتقاطعه بسرعة : هو دا عين العقل يبني وأنا مش موافقة ولا عمري هرضى انك تجيبهالي هنا وتكون دي مراتك
الجد بجمود : بتتجرائي انتي وهو انكم تكسرو كلامي؟ قسما بالله كلامي لو متنفذ هرميكم برا الدار وهرحمكم من الورث أنا قولت كلمتي ومفيش رجعة فيه الجواز هيتم غصب عن اللي هترضى واللي ميرداش
... حسام واقف و مش قادر يرد يبص لأمه، وبعدين يبص لجده
حسام بصوت واطي: انا عمري ما اتكلمت في ورث يا جدي وحقك عليا لو عصبتك بس انا
الجد بهدوء: من غير أنا يا حسام ثق فيا ومتعاندنيش وتسمع الكلام لأني اكتر واحد عارف مصلحتكم وانا بالبداية كنت رافض بس امك هيا اللي فضلت تزن عليا علشان اجوزهالك علشان الورث ولما انا رفضت اني اكتب الورث باسمك رجعت في كلامها
حسام بهدؤء: وانا موافق ياجدي ومقدرش اكسرلك كلمة حتي لو الكلمة دي مش علي هوايا اهم حاجه تريح بالك كده مفيش حاجة مستاهلة عصبيتك دي.
حسنات بغل: نعممم ازاي توافق ؟ انت هتعصي كلامي يا حسام؟
الجد ببرود: روح شوف مصالحك يا ولدي وسيبك من كلام امك اللي ملهوش لازمة ده.
حسنات بتبص لهم بغيظ وبتخرج وهيا علي اخرها...
بليل...
الجد دخل اوضة عائشة لاقاها بتقرا كتاب ابتسم بحنان..
الجد بصوت هادي: سيبي الكتاب ده يا عائشة وتعالي عاوز أكلمك في كلمتين مهمين بدل الروايات اللي لحست دماغك دي .
عائشة بمرح: لا لا انا لا أسمح ياجدي كله الا رواياتي.. انت عارف اني وارثه حب الروايات ده من مامتي الله يرحمها
الجد بخبث: طيب ما علينا قوليلي مين اللي بيجيب لك الكتب دي رغم اني برميهالك علي طول.
عائشة بتوتر: ها ا انا اللي بطلبها اونلاين وهيا بتيجي لحد باب البيت هنا يا جدي.
الجد بابتسامة: اممم قولتيلي.. طيب اقعدي بقي علشان عايزك في موضوع مهم قوي.
عائشة بأبتسامة بسيطة: خير يا جدي فيه اي وشك مش مريحني انت تعبان ولا اي.
الجد بيقعد قدامها ويبص في عنيها بهدؤء : لا يا بنتي انا زي السبع أهو متقلقيش.. اللي عايز اقولهولك أني قررت أجوزك.
عائشة بتضحك: تجوزني أنا يجدي؟ هو انا اشتكيتلك من الوحدة يعني ولا انت عاوز تخلص من عائشة بقي؟ قول
قول متتكسفش.
الجد بأبتسامة : وهو انا اقدر استغني عنك بردو يا عيووشي دنتي نور عيني.. انا جايبلك عريس أجدع واحلي من بطل الروايات اللي بتقريها دي
عائشة بضحك: طب ومين الشجاع المغوار اللي عايز تجوزني ليه ده
الجد بضحك: حسام ابن عمك
عائشة بصدمه: مييين؟ حساااام؟؟؟
الجد بابتسامة: قبل ما تقولي اي كلمه أنا خدت قراري وحددت ميعاد الفرح يا عائشة... وحسام ابن عمك ومحترم وهيحبك وهيحافظ عليكي
عائشة بدموع: يعني كمان بتبلغني بعد ما خدت قرارك يا جدي كأني مليش رأي ؟ عايز تجوزني بالغصب لواحد انا مبحبهوش بقي هيا دي الامانه اللي وصاك عليها ابويا الله يرحمه.
الجد بهدؤء : انا مش بخون الامانه ولا بظلمك يا عائش أنا أكتر واحد بيحبك وبيخاف عليكي وبيهمه مصلحتك وبجوازك لأبن عمك هيصون لحمك ودمك وورثك وعمره ما هيجرحك ولا يبكيكي في يوم.
عائشة بجمود : يعني كل ده علشان الورث؟ وانا مش عاوزة حاجة خد الأملاك خد البيت حتي بس ما تجبرنيش علي حاجه غصب عني وبعدين ده كفايه امه حسنات دي تاكلني اكل.
الجد بعصبية:
أنا مش بجبرك يا عائشة انا بحميكي
عائشة بعصبية: بتحميني؟ جوازي من حسام من وجهة نظرك ده كده حماية ليا؟ حسام ده اللي ما عمره بصلي ولا سأل عني في يوم ولا قال كلمة طيبة في حقي هو ده اللي عايز تجوزني ليه؟ أسفه يا جدي بس الجواز ده مش هيتم ولو علي جثتي ولو جبرتني عليه انا هسيب الدار دي وهروح بيت تاني لو لزم الأمر.
الجد بيغضب ويخبط بعكازه في الارض:
انتي مليكش بيت غير هنا والجواز دا هيتم يعني هيتم فاهمه ولو عندك كلمه تانيه خليها في قلبك...وبكره هتعرفي ان كلامي في مصلحتك
عائشة بغضب:
