رواية الغرفة المسكونة كامله جميع الفصول بقلم يوسف مصطفى
الموقف ده حصل معايا حقيقي يا ستاذ يوسف مش من وحي خيالى .
انا اكرم من السويس وكنت شغال فى شركه زيوت كبيره مش لازم الاسم تجنبا للمشاكل .
فى مرة واحد زميلنا تعب وجاتله حمى واتحجز فى الحميات ولسوء حظه اتحجز فى اوضة كانت تحتها المشرحه .
انا كنت شغال وردية الظهر بروح الساعه ١١:٣٠ صباحا اتفقت انا وواحد صاحبي نخلص الوردية ونروحله .
وصلنا هناك وظبطنا بتاع الامن وقعدنا معاه واتطمنا عليه.. زميلى قالى هنزل اكلم خطيبتى على ماتخلص قعدت معاه شوية واستاذنته انى همشي .
وانا ماشي فى الطرقه وصلت عند الحمامات الحريمي لقيت ست عجوزة طالعه من الحمام قالتلى سندنى يبني ادخل العنبر والغريب انها كانت لابسة شراب فى ايديها .
مااهتمتش ووصلتها للعنبر وقالتلى اندهلى حد من التمريض العنبر ماكنش فى حد غيرها وكل السراير فاضية الا سريرها كان مفروش وحاجاتها واكلها وشربها جنبها .
