رواية عيون المها الفصل العاشر بقلم ظل الياسمين
اصعب مرحله في حياتك عندما يدفعك الناس الى ان تكون شخصا اخر
اسمع صوت عالي وصياح فتحت عيني دنيا ليل وبارده وصوت عمتي
_مو كافي يوميه جايني سكران وتطوطح
مو دمرتني ما تكلي شبيك ما تكول عدي اطفال ليمته
_ولججججج خيرررريه انتي دمرتي حياتي انتي حلفتي جذب من وراج ذبحوهه عوفيني لا اطيح حضج
وهو يكسر ويعيط وهيه تدفع بيه وتبجي
الا ان دخلتهه البراني وصار هدوء اذكرت من جنت صغيره بيبي تخوفني تكلي لايجيج السكران خفت يعني بيتنه بيت الحجي فلاح بيه سكران تعوذت من الشيطان كمت من مكاني رحت توضيت وشغلت الاله وكمت اصلي الا ان اذن
دعيتلهم بلهدايه ناس ما تعرف طريق الله
عسى ولعل الله ينور طريقهم
كمت لملمت الغرفه وكمت اسحل بلغراض واعزل بيهن لكيت جوله مال بيبي واماعين فافون كمت سويت جاي واكلت لكمه الا اطلع الفجر
كلت اليوم اروح اسال على الحصه الغذائيه واجيبهه ومناك اروح لعمو سالم ايجيب باب الشارع وينصبه
طلعت وحسبت فلوسي ما تكفي اشلون اذ خلصن
الحمام والتواليت مشترك بينه رحت اغسل ملابس وما اشوف الا ولد واكف على راسي كمت من مكاني
_ منو انته
_هههه حلوه هاي تساليني منو انته عمي انتي المنو
صاح خيررريه اريد ادخل الحمام اشلوووون طلعت تركض
_شكو
اني وخرت الملابس وطلعت هيه بقت واكفه تحجي وياه رجعت لمكاني وبدلت واخذت المستمسكات وطلعت وي طلعتي هو طلع بقه يباوع حجه انتي بت اخو المدام وغمزلي
تعوذت من الشيطان عايزه اشكول زفره من الصبح
رحت لبيت عمو سالم ودكيت الباب طلعت مرته كالت بشغل
رحت مشي لابو الغذائيه كال لسه مالج حصه احتاريت اشلون يربي
خلي اصعد لسوك بلكي مناك اروح للغذائيه مشي رحت واني اشوف السوك هوسه والناس على باب الله
كلت اشلون اذ خلصن فلوسي منين اجيب وهنه تقريبا خلصن فكرت اعين نفسي واخذتني رجلي لابو حازم
اول مشافني كام من مكانه
_هله بت الغالي اشلونج اشوفج احسن من ذيج المره
_الحمد لله عمو اريد منك طلب
_كولي
_عمو انته تعرف ضروفي والحياة بعد بيبي وجدو صارت صعبه عود ردت اشتغل اي شي
_عمو انتي زغيره وهاي الدنيا تخوف من تحتاجين شي تعالي واني انطيج
_مشكور عمو بس اني اريد اعين نفسي بثناء ما كاعد احجي وياه لكيت نسوان كاعدات يبيعن خبز
كتله عمو اني اعرف اخبز واريد ابيع خبز مثل ذني
هو ضحك كال انتي بزر دلال الحجي جان يكول المدلله
_بجيت وكتله فدوه عمو ساعدني بهاي الشغله
_كال انتي خلصتي اعداديه
كتله اي كال خلاص اني اشوفلج شغله لا تفكرين بسوك
سلمت عليه ورحت لوصال للغذائيه اول ما وصلت هيه تريد تطلع وتلاكينه سلمت عليهه وكتلهه لسه ما استلمت الحصه
كالت تعالي وراي دخلت لابوهه
_يابه تره مها صار شهرين من راجعت ولسه ما مستلمه ليش
_كام طلع سجل جبير وكال صارفيلج حصه روحي استلمي كتله استوني اجيت من الوكيل
_انطيني اسم الوكيل بسرعه كام يتصل بلارضي ويحجي بعصبيه دار وجهه الي كال روحي استلمي حصتج وكليله دزني ابو وصال
فرحت ومشيت لكيت وصال منتظره سياره كتلهه وين تردين كالت اودع فلوس بلمصرف
اخذني الفضول وكتلهه اروح وياج وبطريق حجيت وياهه معاناتي هيه كلش تاثرت
_فدوه وصال تكدرين اساعديني الكالي شغله اي شي بس كون احافظ على نفسي وما احتاج احد
_والله شكلج احجي ويه الوالد وانطيج خبر انتي تردين تعين
_وين مجان اي شغله
_انشالله مريلي باجر والله كريم
نزلت وياهه دخلت لدائره جبيره وحلوه ومعلكين صور صدام بكل مكان
والبنات حلوات ولابسات لبس يخبل ومعتنيات برواحن كلش شي غريب عمري ما شايفه مثله
رجعت للبيت مشي لكيت البرده المخليته واكعه والغراض والفراش مفردشات
استغفرت وضجت كلش اشلون وتالي
رحت توضيت وصليت واجت خيريه تلعلع
_وين جنتي اشعدج تخورين
_وانتي منو تحاسبيني
_ولج اني عمتج اشوكت كعدتي بهاي الخرابه وليش ما جيتي الصبح تتريكين
_شوفي لا تصورين فديوم من الايام راح اطاوعج وامشي على مزاجج
_جرتني تعالي دخلي جوه لكيت مره يمهه
والولد الي شفته الصبح
كلت السلام عليكم
_وهيه تجر بيه للمطبخ كالت اكعدي
_اريدج تفهمين حجي ولج والله اوكلج الشهد بس طاوعيني ليش الغربه تاكلنه خليج يمي وشوفي هذا حالج شيصير
ولج انتي مبهذله روحج ووجهج هذا الحلو مال ممثلات والعيون الحلوه الا كلهه الزلم توكع كدام جمالج بس ترتبين حالج
بقيت ساكته اريد استوعب الحجي الي تكوله هاي شنو من بشر
_اني ما افيدج ولا اوكع احد انتي من طريق واني من طريق
تدرين اني لسه اشوفج قاتله وكتلتي بيبي الله يرحمهه من اخذتي بيتنه وهجولتينه
دفعتني بقوه
_روح بت الفكر تره انتي حشره واذ خليت عقلي وياج ادمرج بت الفكور بعد عليه
طلعت اركض وختلت بزاويه الهث حسره اجيبني وصفنه توديني الا ان بجيت بحركه واني الجوع اخذني طلعت العصر لابو الحصه اخذتهه ورجعت لعمو سالم تلكاني وكال يلله امشينه اشترينه باب ونصبه وكال هذا مني الج هديه صح مستعمل كتله عمو اريد تنور غاز اخبز وابيع
صفن كال عفيه عليج انتي معدله على صفيه الله يرحمهه
دنكت وبجيت
_بس صفيه اقوه منج
رفعت راسي اريد دعم اريد قوه من اي احد
كال صفيه بلمواقف الصعبه اصير سباعيه وما تبجي تواجهه وتتحمل
اول خطوه بلاتجاه الصحيح باجر اجيبلج تنور غاز وقنينه وين فلوسج انطيته العدي كلهن وبقه بس الف
كال ميخالف الباقي عليه وخلي اشوفج شسوين عفيه عليج
للمغرب اجت ام صلاح ودكت الباب الحديد فتحتلهه وضحكت تباوسنه وكعدت اسوالف الهه وكتلهه راح اشتري تنور اي وحده تريد خبز او ناس تريد خبازه انطيهم علم
_انشالله خليهه عليه اني اودي الوادم عليج
بعدنه نحجي اندكت الباب واجت ام عبد
_ام صلاح/هله بيج خيه اشلونج
_ام عبد/هله بيجن اشلونج مها اخبارج
_الحمد لله زينه تفضلي حجيه كولي
_شوفي مها ابني امجد مريض واحنه ناس مالنه غير الله واهل البيت
واني اريد ابني يستقر بحياته وهو من يوم ما اخذ بت اخوي ينكز يصيح ما اريدهه
قاطعتهه واني شكو
طلعت قران من جوه عبايتهه تحلفين بلقران انتي ما مسويتله سحر
_ام صلاح/هذا اشلون حجي مو عيب هاي بت الحجيه صفيه بربج هيج جايه تحلفيهه هيه البت لاكيه تاكل حتى اسوي سحر
اني كمت على حيلي ارجف وكفت كتللهه حجيه بيتي يتعذرج تفضلي
وكعن دموعي 💔
اشو هاي اكلتنه اكل بصايح اي عياره سحرتي الولد ومرضتيه وما تخافين الله جان يموت على مرته خليته يكرهه الله لا يوفقج
على اصياحهه اجت عمتي تركض
_شكو مها هاي شتريد منج
_ماكو شي رحت للحمام وقفلت الباب واسمع الهوسه والصايح واني خاتله وكلبي يرجف وميته قهر
كعدت وبجيت على حضي
