رواية الفصلية والضابط الفصل العاشر بقلم مجهول
البارت الاخير
@الجميع
اريج : صبينه غداء وكعدنه ناكل اباوع الشذى اشوفها تباوعلي بنظرات ما اعرفت اشلون افسرها كملنه غداء ونظفنه وغسلنه المواعين وراحو بيت اهل شذى صعدنه اني وضرغام للغرفه اول ما دخلنه حضني ضرغام واخذ شفتي يبوس بيها ووووووو
صار يوم ثاني كعدنه ضرغام راح الدوام اليوم عنده خفاره يبقى ما يجي باجر الا يجي مر اليوم عادي لليل واجه ضرغام عيونه حمر وصاير عصبي كلش اول ما دخل اجه عليه جرني من ايدي وصعد بيه للغرفه
ضرغام: جنت كاعد بالدوام واجتني رساله من رقم غريب دازلي شوف مرتك هاي الي تحبها وتموت عليها دزالي صور مراسلات اريج تحجي وي واحد دازتله كلام على اهلي تحجي عليهم وانا تحجي عليه تكول للولد انه هيه ما تحبني وجذبت عليه وتريد تاخذ افلوسي وتنهزم وياه ودزلي صور اريج انا اتخبلت كبل اخذت السويج مال السياره ورحت للبيت دخلت شفت اريج سحبتها من ايدها وصعدتها للغرفه وقفلت الباب
ضرغام: وين تلفونج احجي تلفونج وين
اريج : ه هذاك يمي الجربايه احجي وابجي واشهك راح اخذ التلفون
وفتحها للتلفون ظل ايكلب بي واني ما مفتهمه شي
ضرغام: اخذت تلفون اريج وظليت ادور بي واشوف المراسلات والحجي اتخبلت لزمتها شبعتها كتل اهلي يصيحون ويفلشون بالباب بس ما فتحته جريتها من ايدها وفتحت الباب اهلي انصدمو من منظرها وظلو يحجون كتلهم كافي لا ادافعولها هسه اجي واحجيلكم اخذتها ونزلت طلعت بالطارمه اكو مخزن بالطارمه صاير وراء البيت ذبيتها بي وطلعت وقفلت الباب ورجعت الاهلي وسولفتهم كلشي وهمه انصدمو اول شي ما صدكو بس من شوفتهم الصور صدكو
نسرين : جذب هذا الحجي اريج ما تسوي هيج شي
غدير : يي صح حجي نسرين اريج ما تسوي هيج شي
ضرغام: من يوصل للمخزن ولا واحد يحاول يحجي وياها عفتهم وطلعت
اريج : بقيت مصدومه من ضرغام ليش سوه هيج خلاني بالمخزن جنه انخلي بي الافراشات الي ما نريدها والغراض بقيت ابجي وما اعرف شسوي
ضرغام : رجعت ثاني يوم للبيت رحت كبل المخزن فتحت الباب شفتها نايمه باوعتلها كلت اشلون كدرني تسوين هيج بيه بس انا اعلمج تردين تنهزمين وي حبيبج الا ابقيج هنا طول عمرج خليتلها اكل وطلعت
اريج : كعدت لكيت اكل يمي بقيت ابجي وظليت على هل الحاله تقريب شهر يجي ضرغام يخليلي اكل ويظل يحجي وياي ويروح بس انا ابقى ساكته يظل يحجي حجي الا اندمج وما اعرف شنو
اريج : فكرت وكلت اني ما بقالي احد بهل الدنيا جانو اهلي و ماتو وبيت عمي بعد ما سألو عليه من شفت الحياه صارت حلوه وياي وعشت احلى ايام وي ضرغام ما اعرف ليش هيج اتغير ظليت وحيده اني بهل الدنيا خلص انتهت حياتي لكيت دفتر وقلم بالمخزن كتبت بورقه رساله وكلت بس تصيري فرصه اطلع من البيت وبعد ما ارجع
مرت كم يوم وضرغام اجه جابلي العشاء خلاه يمي وتصلو عليه بسرعه طلع من المخزن ونسه الباب ما قفله كلت هاي فرصتي صارت نص اليل كلت اكيد هسه كلها نامت كمت طلعت من المخزن واخذت الرساله وياي ودخلت للبيت كلها نايمه صعدت للغرفه فتحت الباب واذكرت ايامنه الحلوه انا وضرغام خليت الرساله فوك الميز واخذت افلوس ولبست شالي وصايتي وطلعت رحت للكراج سمعت واحد يصيح للنجف صعدت وياه بالكوستر كعدت يم مره حجيه وطلعت بينه السياره للنجف خليت راسي على الجامه وبقيت ابجي ما ادري بنفسي ونمت
ضرغام: رحت وديت العشاء الاريج واجاني اتصال من حسين صديقي لان انا انطيته الرقم الي راسلني ودزلي صور اريج كلي لازمه للولد وهسه هو بالمركز طلعت بسرعه ونسيت الباب مال المخزن مفتوح رحت للمركز وصلت دخلت شفت الولد بسرعه نزلت بي كتل اعترف امنين تعرفها الاريج الا اخليك بالسجن طول عمرك
الولد : لا دخيلك راح احجيلك كلشي
ضرغام: بسرعه احجي
الولد : انا اصير صديق شذى
ضرغام: شنو يا شذى كمل بسرعه
الولد : شذى اتصير صديقتي مره خابرتلها كتلها محتاج افلوس كالتلي انطيك افلوس بس اكو شغله تسويها الي وانطيك فوك الافلوس الي تريدهن اكثر كتلها اوك شنو الشغله كالت راح ادزلك صور وحده وادزلك رقم زوجها اتراسله تكله زوجتك اتصير حبيبتي وادزله الصور مالتها فشذى راسلتني من تلفون اريج ودزتلي الصور والمراسلات الي هيه دزتهن الي
ضرغام: هو يجي وانا ما اعرف اصار بيه يعني انا ظلمت اريج وعذبتها من كمل الولد نزلت بي كتل حسين هذا اتخلي يعفن بالسجن ما اطلعه من السجن صار الصبح رجعت للبيت واشوف باب المخزن مفتوح واريج ماكو ظليت ادور بالبيت ماكو بقيت اصيح كعدو اهلي كلهم اللتمو وسولفتلهم السالفه كلها
ابو ضرغام: لا يا الله واحنه ظلمنه اريج وشذى احسابها عدي
نسرين : مو كتلكم اريج ما تسوي هيج ما صدكتوني هسه وين راحت ضرغام انت السبب بالي صار باريج
ضرغام: اعرف انا ظلمتها بس اريدها ترجعلي ومستعد اتوسل بيها بس تسامحني صعدت للغرفه فتحتها واشوف اكو ورقه على الميز اخذتها وقريت الرساله كاتبه بيها
ضرغام انا حبيتك من كل كلبي وما فكرت فد يوم اخونك من حبيتك صرت انت سندي بهل الحياه بس انت ما صدكتني وما فكرت تسالني اذا الشي الشفته صحيح لو جذب انا رايحه وبعد ما ارجعلك رايحه الاهلي
ضرغام: اقره بالرساله ونزلت دمعتي.
اريج : فزيت لكيت المره اكعد بيه كالتلي وصلنه نزلت من السياره ورحت زرت الامام علي وظليت لازمه الشباك وابجي وصليت وطلعت انا اعرف مكان اهلي رحت للمقبره وصلت الامي وابوي كعدت بنصهم وبقيت ابجي شوف بابا محد بقالي بهل الدنيا حتى ضرغام ما ظل يريدني خلص انا لازم اموت حياتي انتهت طلعت موس من الجنطه مالتي وجرحت ايد اثنينهن اشويه وكمت احس اعيوني بدت تغوش نمت بنص كبر ابوي وامي
ضرغام: طلعت كبل للنجف مشيت باسرع سرعه وصلت للنجف وكبل رحت اللمقبره وصلت يم قبر اهل اريج واشوف عبايه سوده بنصهم ركضت عليها واشوف اريج والدم تارسها
ضرغام: نيمتها بحضني اريج حبيبتي يله كومي ادري بنفسي اذيتج هواي اريج يله فتحي عيونج شلتها خليتها بالسياره واسال على المستشفى وين صعد وياي ولد وصلني للمستشفى ونزل نزلت شلتها واركض بيها دخلت للمستشفى شافني الدكتور اجه يركض شافها كال هاي حالت انتحار طلعتله هويتي وعرف انا ضابط استقبلها دخلوها وبقيت انا واكف بالباب اتصل عليه اهلي وكتلهم كالو راح نجي اشويه وطلع الدكتور كال كدرنه ننقذها لو ما لاحكيها جان ماتت الحمدالله على سلامتها دخلت للغرفه واشوف اديها اثنينهن ملفوفات ونايمه كعدت يمها ابوس بايدها اريج حبيبتي ريحانه كلبي سامحيني ما صدكت بيج
بلشت تحرك بجسمها وتكعد اتفتح بعيونها
اريج : فتحت عيوني اشوف نفسي بغرفه بيضه درت وجهي اشوف ضرغام بسرعه نزلت دمعتي اني وين وانت اشلون وصلتلي ليش ما خليتي اموت وارتاح من تعذيبك الي عرفني وروح ما اريدك بعد
ضرغام: لا اريج حبيبتي صدكيني لو انتي بمكاني وشفتي واحد ادزلج رسايل وصور الج جان سويتي ريحانه كلبي خلي ننسى الصار ونرجع سوه جنت اموت الف موته من اشوفج جنت خايف يطلع كلام الولد صحيح وتروحين وياه وتعوفيني سامحيني اذا تعوفيني انا انتهي انت كلشي بالنسبه الي
اريج : اسمع بكلام ضرغام واني عيوني اصب بس انت ما صدكتني اشلون اتريدني انسى الي صار واسامحك جنت تدري ما عندي غيرك بهل حياه اشلون اصدك اسوي بيك هيج شي واخونك
اريج: خلص خلي كلشي ينتهي بيناتنه
ضرغام: هنا هسه اكتل نفسي وما اعوفج طلعت المسدس مالتي هاج كتليني هنا وما اعوفج حطيت المسدس بايدها يله كتليني وروحي بحال سبيلج بس مال انا عايش واعوفج ماكو انتي حياتي وعمري
اريج : حط المسدس بيدي اشلون اتريدني اكتلك وانت سندي ذبيت المسدس وحضنته وهو حضني كلش قوي
ضرغام: توها ردتلي رويحتي ولج اشكد احبج وصدكيني الي سوه هيج وياج حسابه عندي بس خلي نرجع للبيت
اريج : ليش انت عرفت منو سوه هيج
ضرغام: يي عرفت شذى
اريج : شنووو تحجي صدك اذكرت هيه بيوم العزيمه اجتلي وسولفت كلشي الضرغام اجن الدكتور وكال اكدرون اطلعون تحاليلها ما بيها شي طلعنه من المستشفى وضرغام اتصل باهله كلهم لا يجون لان احنه جايين بالطريق
ضرغام: وصلنه البصره واتصلت على اهلي يخلون اهل شذى وشذى يجون للبيت وصلنه ودخلنه واشوف شذى واهلها موجودين اول ما دخلنه سلمو اهلي على اريج
اريج : وصلنه للبيت دخلنه اجو سلمو عليه واعتذرو مني وانا سامحتهم لان عاذرتهم لو اني بمكانهم هم صدكت واشوف شذى واهلها موجودين وحجه ضرغام
ضرغام: شوفو ربطت الافلاش على الشاشه وطلعت اعترافات الولد لان انا سجلته و تسجيلات شذى من تحجي وياه وحجي ما ينحجي كلها ظلت مصدومه رحت الشذى سحلتها وكتلتها كتله معدله وعمي اعتذر من عدنا وراحو وكتلهم بعد ما اريدها توصل للبيت
اريج : صار الحجي الي فوك اجاني ضرغام كلي صعدي ارتاحي فوك صعدنه اول ما دخلنه للغرفه حضني وظل يشم بركبتي ويبوس بيه باسني من شفايفي ووووو
بعد مرور سنه صار عندي تؤام ولد اثنين سميتهم حسن وحسين وغدير ازوجت حسين صديق ضرغام وصار عدها ابنيه سمتها ملاك وعشت حياتي وي ضرغام براحه بدون مشاكل ولا عرايك حياتنه صارت حلوه مابيها بس الحب
اعبره من هاي القصه لا تحكم على شخص من الخارج
هواي اكو اشخاص بهذا الزمن انضلمو خاصة البنت عنده بالعراق الي تروح فصليه مالها بعد اي حيات بس ضرغام كلب حياتها راس على عقل وخلاها ام بيته وام أطفاله
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
