رواية صدفه غريبه الفصل العاشر بقلم جمانه السعيدي
فاطمه ...دخل زيد الغرفة العمليات واحنا برا حالتنا حاله
امه ابد ماتقبل تسكت
بس تبجي حقه ابنه الوحيد وزيد حيل بار باامه
وبابا يروح ويرجع متوتر حيل واني حافيه وملابسي كلهن دم كعدت بلكاع بعد مااكدر اوكف على حيلي
حيل خايفه على زيد
يارب انضر النا برحمتك يارب الخاطر امه مسكينه
حالته تكسر الكلب
بقا بالعمليات ساعه وثلث يله طلع
المشكله نزف دم هواي كان محتاج دم بابا اتبرعله
بدم حتى يساعده
طلع من العمليات والدكتور طمنه على حالته
بقينا كاعدين للصبح منو يكدر ينام لو تغمضله عين
وحده من الضربات مخترقه الرئه
طلع من العمليه بس جهاز الاوكسجين على خشمه وحلكه
يخافون تصير عنده مضاعفات
الحد ثاني بوم وهو مايكدر يحجي بس يفتح عينه ويرجع يسدهن
خلوله مغذي علمود يكدر يقاوم لان مايكدرون يشيلون جهاز التنفس القلق اخذنا علي
ثاني يوم الضهر بابا رجعني للبيت حتى اغير ملابسي
وارتاح وارجع
رجعت للبيت وامي راحت وياا بابا اخذت اكل وملابس الام
زيد اني سبحت وغيرت ملابسي واتصلت على بابا يجي ياخذني للمستشفى
جمانه السعيدي
بابا...حبيبتي ارتاحي نامي شويه
فاطمه...مااكدر انام وزيد هيج حالته
رجع علبه بابا اخذني للمستشفى
لليل الدكتور طمنا على حالته شال جهاز التنفس
وقرر كل ساعتين يخلي على الجهاز ساعه منا لمن يطمن علي
فاطمه...الكل نام واني عيني متاخذ نوم خليت كرسي وكعدت بصف السرير خاف يحتاج شي
فتح عيونه شافني ورجع غمضهن
طلعت كلنسه ومسحت وجها
ام زيد كعدت لكتني غافيه على ايده
ام زيد...كومي نامي ارتاحي اني بمكاني
فاطمه..كمت تمددت ونمت اليوم الي بعدا شويه احسن
فتح عيونه بس مايكدر يحجي ياشر بالاشاره
ووقت جهاز التنفس صار اقل
اليوم الثالث صار شويه احسن طبعا كلنا وياا
كل واحد يرجع للبيت ساعه يرتاح ويبدل ويرجع
وبابا صمم يقفل المجمع ويكعد كبال زيد
جمانه السعيدي
فاطمه...شلون صرت
زيد...احسن
فاطمه..ارتاح لا تحجي خاف الكلام يااذيك
اليوم الخامس طلع للبيت وضعه صار احسن بس خطيه
بعدا تعبان لان نزف دم هوواي
اني وماما وبابا كاعدين بيتهم ابد ماعفنا ولا دقيقه
زيد...اني صرت احسن وتعبتكم وياي
بابا...تعبتنا احنا لو نخدمك العمر كله مراح نتعب ابد
زيد...انزل شوف شغلك اني اذا احتاجك اتصل عليك
بابا...ابد هذا المجمع مراح ينفتح اله على ايدك
زيد...لا تجبرني انزل هسه وافتحه
بابا...فداك الشغل كله
فاطمه...بليل اهلي رجعو للبيت واني بقيت يم زيد
وخاله تمددت شويه ترتاح
زيد...روحي البيتكم تعبتي وياي اني صرت احسن
فاطمه...اني ارتاح لمن انت تصير زين
زيد..اني اكولج صرت زين ماكوو داعي تبقين هنا
فاطمه...تعرف من شفتك وكعت اتخبلت اتهسترت اركض حافيه خفت افقدك
زيد...اكيد انتي صاحبت الفضل لو ماا انتي جان خلص دمي ومتت شكرا
فاطمه...اني مستعده افديك بروحي
زيد...تسلم روحج
فاطمه...هم شفت الي ضربك
زيد...واحد جبان اجاني من ورا وغدر بيه لو عندا ذره من الشجاعه جان اجاني بلنهار واجهني ووجه الوجه
فاطمه...اكيد واحد جبان وحقير انت عندك اعداء
زيد...بعمري ماعاديت احد ولا اكره احد
ولا الي شغل بلناس اخلص شغلي وارجع للبيت
فاطمه...زين هذا منو وليش هيج يتربص بيك
زيد.. مااعرف اني نفسي متفاجى
فاطمه...الحمد لله رب العالمين فشله بس لازم تنتبه
اكيد هسه هو عرف انت بعدك عايش
ويجوز يحاول يكررها مره ثانيه
زيد...الله الحافظ ومن يتقي الله يجعل له مخرجا
فاطمه...والنعم بلله تعالى
زيد...يله روحي الاهلج
فاطمه..مااروح يمعود فرصه اتعرف عليك
زيد...ابتسمت شنو تتعرفين عليه
فاطمه...ولله قبل حسره احجي وياك كله شغل شغل
زيد.. اكو احلى من الشغل
فاطمه..اي ماكلت شي بس لازم ترتاح تتعرف على اشخاص جدد وكمت ااشر على نفسي
جمانه السعيدي
زيد...اي اتعرف على اشخاص جدد مثلج موو
فاطمه...ياا وشبيه اني اصلا انت بس تحجي وياي راح تعشق الكلام والحديث
وحالتك النفسيه تتحسن
زيد...شلون بله اعشق الكلام
فاطمه...بنيه حلوه كله عفويه كلامه حلو انت وين لاكي بنيه مثلي تعبرك وتحجي وياك
زيد...هااا هيج صار الحجي انطيني التليفون
فاطمه..ليش
زيد..اتصل على ابوج لان اذا تبقين هنا اني مراح تتحسن حالتي ابد
فاطمه...اصلا اني اجيت وياا وصفة الدكتور
زيد...اصلا الدكتور كال مزين عليك الكلام والإرهاق
فاطمه..هو هيج كال
زيد..شوفي الوصفه مامكتوب بيه فاطمه
فاطمه...ترا ازعل
زيد...الله وياج روحي البيتكم
فاطمه...هيج صارت درت وجهي ومشيت عنه
زيد...عود تعاي باجر
فاطمه..لا بعد مااجي زعلت
زيد..ماينطيج كلبج
فاطمه... رجعت علي انت ليش هيج قاسي وياي
ترا اني سكتت
زيد..انتي شنو
فاطمه...احبك ولله احبك
كلت ذني الكلمتين ودرت وجهي وطلعت
زيد...فرحت بكلامه بس ضجت بنفس الوقت
اني ابد مامستعد للزواج وماعندي امكانيه ومااكدر اوفرله
الحياة الي هي عايشتها هسه
احتاج وقت يله اكدر اخطي هيج خطوه
زيد...ثاني يوم اجا ابو فاطمه اطمن عليه وحلفته ينزل للشغل مايصير الشغل يتعطل علمودي
بعدين احنا تونا نزلنا بضاعه جديده لازم تترتب يراد وقت حتى تدخل البضاعه للمخزن ونرتبه
بعدين اجت ام فاطمه جايبه ريوك وجايه تطمن عليه
بس فاطمه اليوم ماكووو
جمانه السعيدي
اليوم بقت عيني على الباب ليش مااجت فاطمه
تعودت عليه
من يوم سويت عمليه لليوم هي مكابلتني وكاعده
الساعه ١١ اجا الضابط للبيت هو وابو فاطمه حتى ياخذ اقوالي بس اني مااعرف منو الي ضربني
حرام اتهم العالم بلباطل
انسدت القضيه وتقيدت ضد مجهول
صارت الدنيا ضهر وفاطمه ماكووو
بعدين الباب اندكت سمعت صوته جايبه اكل وجايه
بس مادخلت رغم امي توسلت بيه بس مادخلت للبيت
يمكن محرجه من كلمت احبك لان اعترفتلي تحس بلاحراج
اشتاقيتله وشتاقيت السوالفه يمكن اني هم احبه
اكيد احبه
قررت امشي شويه لان ضجت من النوم
كمت امشي بلبيت
اندكت الباب كنت قريب منه فتحته
زيد...هلو فاطمه اليوم ماكووو
فاطمه...انت مو ضايج مني بعد مااخليك تشوف وجهي
زيد..وشلون تتحسن حالتي
راسا ابتسمت وفتحت عيونه حيل وكالت
فاطمه...هااا شكلت عيد
زيد...انتي مو تكولين الدكتور مسجل فاطمه وياا الوصفه
فاطمه..اتشاقا وياك
زيد..بس اني اليوم مفتقدج
فاطمه...يعني شنو وضح
امي...منو على الباب
زيد...فاطمه وماتقبل تدخل تكول زعلانه
امي...ياا زعلانه ليش كلشي اله فاطمه مااقبل بزعله ابد
تعاي ادخلي
سحبته امي من ايدها ودخلته جوا
فاطمه...شكرا خاله
زيد..ادخلي انتي واسطتج قويه امي تحبج بعد شتردين
امي...بس اني احبها
زيد...لا الوطن العربي كله يحبه اندري شعاجبج بيه
فاطمه...اه هاي عليه اصلا اني احلى وحده بلعراق
انت تغار لان احلى منك
زيد..انتي احلى مني منو يكووول
فاطمه..اني اكووول
زيد...اكول خطيه لان بيتنا مراح ارد عليج
فاطمه...طبعا مضغوط مني ماتكدر تحجي
لان اني وخاله عليك اكيد مراح تكدر النا
زيد...اي عصابه عمي وين اكدر عليجن ريه وسكينه انتن
