رواية الطالبه والضابط الفصل العاشر بقلم توتة
بقت صافنه بوجهي ثواني واجت تقدمت بسرعه نحوي سحبت المسدس م̷ـــِْن خصري وخلته براسي.
فتحت عيوني ع الجرئه مالتها.
نارين / اقتلك ولله وماخاف صدكني اسويها
_نزلي م̷ـــِْن ايدج
نارين / مانزله اطلع كدامي للسياره هسه ترجعني لبيتي
_نااارين لاتخليني أذيج نزلي المسدس م̷ـــِْن ايدج نزلللللي.
نارين / مااانزله ودير بالك تتقدم ترا ولله اسويها وماخاف
تقدمت نحوها سحبت المسدس هاي ناويه ع شرر ومتخاف مبينه م̷ـــِْن عيونها
نارين / دانبهك. اخرر مَـرّھٌ اگلك لاتتقرب ولله اقتلك
رحت بسررعه عليها وحضنتها علئ صدري صارر المسدس بيني وبينها
_اضربي يلاااا.
نارين / وخررر وخررر عنيييي لاتلمسسسني وخررر.
_ اطليقي نارر نارين
شالت عيونها وهيه تبچي بقت مركزه بعيوني ثواني وفقدت وكعت بين اديه مثل الحمامه
بقيت اضرب بيها ع وجهه واحاجيها ماترد ولاتستجاب الي.
_ناررين ناررين شبييج
شلتها واخذتها وطلعت برا خليتها ب سياره ورحت صعدت اخذتها للمستشفئ،
طول الطريق هيه متتحرك.
خليت ايدي ع رگبتها تتنفس الحمدلله
وصلت للمستشفئ نزلتها واخذوها مِڼـّي للطوارئ
بقيت كاعد ب ممر واني تعبان وراسي دايخ مادري شسوي بهل مصيبه.
شويه وطلعت الدكتوره
هاا دكتوره. بشري شلون صارت.
_لاتخاف. حالتها مستقره حالين بس تحتاج لشويه راحه نازل ضغطها وتخربطت اعتقد متعرضه لخوف وتوتر وأرهاق.
يعني. مبيها شي يخوف
_لا انشالله ماكوو شي خطير هسه شويه وتصحئ
اشكرج
راحت دكتوره رحت وكفت مقابيل الغرفه الي هيه بيها اباوع عليها م̷ـــِْن الجام شلوون نايمه وشعرها كله نازل علئ السرير
اووف شسويت ياضرغام شسويت. خليتها تخاف منك وتكرهك شلوون اذا حجت لأبوها علئ معاملتي وياها.
اني موو خوفنا م̷ـــِْن ابوها لا بس لان هوه ثق بيه وخلاها يمي حته احميها موو حته أذيها هيه مبين عليها مدللهه وعمرها ممضربه جسمها ناعم اول ضربه هيج صارر بيها.
بقيت واكف واني دايخ وافكرر اتصل جهازي كان ابوي
الوو هاا يابه
_ضرررغام شمسوووي بأختك وشصاااير بألبيت
م̷ـــِْن ارجع نحجي حالين مشغول
_ وين انته ولبنيه لجبتها ويااك هم ماكوو
بويه م̷ـــِْن ارجع اشرحلك كلشي حالين ماكدر احجي راسي احسه راح ينفجر
_ ماشي تعال بسرعه منتضرك
ماشي.
سديت م̷ـــِْن عنده طلعت الممرضه م̷ـــِْن غرفه نارين
هاا دكتوره شلون صارت نارين
_الحمدلله تكدر تدخل وتشوفها صحت
تمام.
راحت الممرضه. فتحت الباب ودخلت كانت نارين كاعده ومخليه مخده ورا ضهرها ساندتها شافتني وباعت بغضب
نارين / شكوووو ليشش داخل صحتلك انييي
ابتسمت ورحت كعدت يمهاا
_حته لْـۆ متصيحيلي اني بكل وقت راح اكون يمج
نارين / ماصدك يطلع كل هل شي منك كنت اشوفك رجال عظيم ومبادئك حلووه بس طلع العكس.
_ نارين لاتحجين شي اكبرر منج انتي تصرفاتج ممقبوله
نارين / انييي شسويت حته كلكم معاديني وتكرهوني
م̷ـــِْن جهه مرتك سهئ ومن جهه ثانيه انته اريدد اعرف بشنوو أذيتكم اني.
_ سهئ شسوتلج ??
نارين / ههههه يكولي شسوتلي كلشي صااار وحالتي هاذي كله بسببها هيييه هيه الي حرضتك عليه عبالك مادري انيي
سمعتها وهيه تحجيلك عني بس تعرف اني ممصدومه منهااا مصدومه منك انته شلووون تصدك هيج كلام عنييي
انته شصاارلك تعرفني شبسرررعه طلعتوني بلا اخلاق. لا. ولأحلا م̷ـــِْن هاذه كله. عود اني ع اساس لاعبه بعقل اختك ومخليتها تسوي علاقه ويه سيف
انته لْـۆ بس تفكرر شويه بعقلك مجااان صدكت حررف م̷ـــِْن مرتك
انيي شصاارلي عدكم شبسررعه رحت قنعت اختك تحب ابن عمهااا وانييي اصلااا وين اعررفه وين شايفته حتتته اسمه مااعرفه.
_ كافي سدي الموضوع
نارين / لااا ماسده هسه طلعني م̷ـــِْن المستشفئ وترجعني الأهلي.
_ يأهل فهميني لجج ابوج موو بألبيت وييين ارجعج وييين.
نارين / حت لْـۆ موو بألبيت رجعني لبيتي اني متعوده اكعد لوحدي ع اقل ماسمع كلام عني ولانضرب وأنهان
_ اني اسف ع ضربه مكنت ناوي اضربج انتي صرتي بوجهي وضربتج بدون قصد
نارين / ههه اي واضح. منوو الي لزمني م̷ـــِْن حلكي قبل شويه
_ انتي هم ماقصرتي ورفعتي المسدس بوجهي ولله لْـۆ مابنت جان علمتج الزلم شتسوي
قربت وجهه م̷ـــِْن وجهي وركزت بعيوني وحجت بهمس
نارين / ماتخوفني.
لزمتها م̷ـــِْن شعرها ورفعت راسها ليفوك تقربت منهاا كلش
_بعدج متعرفيني زيين.
نارين / عوف شعري وخررر
_ ليش موو ع اساس متخافين مِڼـّي. اشوف العكس هسه.
لزمت ايدي الي لآزٍمٍ بيها شعرها ونبتت اضافرها بيها.
_ ااااخ ولج
وخرت عنهاا وباوعت لأيدي شلوون واضح اثر اضافرها ع ايدي
_شسويتي ??
رجعت خصلات شعرها ورا اذنها وگالت
نارين / ولله مثل مانت تلزمني م̷ـــِْن شعري وتأذيني اني هم عندي اضافر واكدر اشلع لحم منك
_لا انتي موصاحيه ولله
نارين / ايي. بعدك متعرفني زين
شكدد نفرزتني عودد تقلد كلامي
_لاتختبرين صبرري نارين
نارين / لْـۆ سمحت اطلع برا ماريد احجي وياك اريد ارتاح ومن تطلع ناديلي دكتوره عندي موضوع وياها
تقربت عليها وصرت قريب منهاا تمددت ع سرير وهيه تباوعلي بنضرات عبالك موو بنت لا لبوه قسم
_هااي العايزه وحده طفله تطردني
نارين / خليك بعيد عنييي رجااااااء
_ليش خايفه مِڼـّي ??
نارين / ههههه لا ولله ماخاف اني لْـۆ خايفه چان بين علئ وجهي.
لزمت اديها ثنينهم ثبتتهم ع سرير ونزلت راسي قريب م̷ـــِْن راسها كلش صارت انفاسها تدخل بأنفاسي
_ولله اخوفج بس تضاهرين القوه كدامي
نارين / ماخاف
_ابد
نارين / وخررررر
_ واذا ماوخرت شراح تسوين
نارين / اعيط ولله اخلي المستشفئ كلها تلتم علينه واكول عليك تريد تقتلني وتنهزم
_ لاه لاه. ليش هيج عيني نارين جرحتي مشاعري
_انته شبيييك وخرر. عنيييي
_اوخرر بشرط
نارين / ههه ولله حلوو والك عين تشرط بعد الي سويته بيه.
_ اكيد. عندج شك "
نارين / ضررررغام وخررر عني اخرر مره اكولها شهلل تصرفات باوع ع نفسك شلوون متقرب مِڼـّي شويه استحي رجال شايب وتزحف مع الاسف
_ ههههههههه ليش منوو گلج الشياب مايزحفون
غمضت عيونها وهيه تسحب نفس بغضب شكدد عجبني اغثها تصرفاتها طفوليه
_ هاا شنوو جاي تدعين عليه
فتحت عيونها وابتسمت
هاا لله سمع دعائج وضحكتي لْـۆ شفتي ابو بريص
سحبت نفس عميق وصرخت بصوت عاالي
نارين / ساااااااعدوووووني يااااااااناس ياااعالم
بقيت مصدوم هااي شبيها خليت ايدي علئ حلكها وسديته بقووه
_اشششش شبيج تخبلتي شدسووون
بقت تضرب بيه ع صدري عود وخرر عنييي
ولله يانارين اذا شلت ايدي عن حلكج وعيطتي اسوي سوايه بيج ماتسوالف
هزت راسها بأيي.
وخرت ايدي عن حلكها رجعت صرخت بصوت عالي
_ سااااااااعدوني يااااناس تعاالو سااعدوني
سحبتها م̷ـــِْن شعرها عليه بقوووه. واخذت شفايفها بشفايفي.
______________________________
نارين.
طلعت م̷ـــِْن بيتهم واني ابچي خلص ماريد ابقه عدهم بعد مستحيل ابقه عند ناس شايفيني رخيصه
فوگ هاذه كله يضربوني اني بعمري ممضروبه هيج
الحقيررر شلع ايدي ب ضربه مالته اني اعلمك ولله اله احجي لأبوي كلشي واخلي يفصلك حته م̷ـــِْن الشغل واخليك تدخل سجن بسيطه ياضرغام
امشي واحجي ويه نفسي ماحس غير انسحبت ايدي فرفحت روحي م̷ـــِْن الوجع
درت وجهي كان ضرغام صرت ادفع بيه بس هوه لازمني بقووه خله ايده ع حلكي حته ماعيط والم الفرع عليه
اخذني يدفع بيه ب كوه دخلني لبيتهم وسد الباب
طلبت منه يرجعني لبيتنه ماقبل وصاار يعاند بيه اني كلشي ولاشخص يعاندني امووت ولاشخص يعاندني
شفت المسدس بخصره ماعرف شنوو خطرلي بس شيطان وسوس بعقلي للحضه كنت ناويه اقتله خلاص.
اخذت المسدس منه ورفعته علئ راس ضرغام هوه بقه بس صافن ومصدوم مِڼـّي
گال نزلي اني عاندت احس گلبي صاار جمرر م̷ـــِْن تصرفاته وياي. فوك ماضاربني مايرجعني لبيتي ويعاند بيه حته ماعتذر علئ ضربته الي
گلت خلص. اذا قرب مِڼـّي اقتله واخلي بابا يساعدني بحل المشكله المهم ابرد گلبي واني بعمري متخيلت اسوي هيج تصرف طايش.
تقدم نحوي. سحبت عليه المسدس يعني ضغطه وحده مِڼـّي يموت شخص منه
نبهته مايتقرب حته ماضربه بس هوه ماخاف مِڼـّي وتقرب عليه بسرعه وحضني صارر المسدس علئ صدره وصدري بيناتنه هو لازمني بقوووه عليه كال اضربي يلا
بقيت اباوع علي واني احس روحي منتهيه الارض صارت دور بيه وايدي موتتني م̷ـــِْن الوجع ماحسيت ع شي غير واني واكعه بين اديه
حسيت بيه يحاجيني ويضرب ع وجهي بأيده بس ماكدر ارد عليه لساني ثكل وراسي صاار يدور
شالني بين اديه واخذني للسياره مالته وصعد يمي كان يمشي ويحاجي بيه اني مره اسمعه ومره لا
خله ايده الخشنه بركبتي ماعرف شبيه يريد يشوفني عدله ميته اسمعه يكول الحمدلله عايشه
فقدت وماحسيت ع شي بعد ماعرف شكدد مرر وقت واني فاقده گعدت لكيت نفسي ب مستشفئ ومعلكيلي مغذي ويمي الممرضه
_الحمدلله ع سلامتج شلون صرتي
الله يسلمج الحمدلله بس ايدي توجعني
_ ضمدتها الج وانشالله فترا وترجع طبيعيه
عافتني وطلعت الممرضه شويه ودخل ضرغام احسس نفسي مخنوكه منه وماريد حته اشووف وجهه
كنت اشوفه انسان عاقل وفاهم وتصرفاته عقلانيه هسه عرفته ع حقيقته
كتله شعندك جاي عليه صاار يحجي ويايه عود يريد ينسيني الي صااار.
بس اني گلبي محترك مستحيل اتقبل كلمه منه
اعتذر مِڼـّي وگال مكان قصدي اضربج انتي فجأه صرتي بوجهي وصارت الضربه بيج "
ماقبلت اعتذاره لان هوه واحد جذاااب. م̷ـــِْن رجعني للبيت لزمني م̷ـــِْن حلكي بقوه وماهتم ولاكال خطيه هسه ضربتها
قربت وجهي علئ وجهه وهمست بصوت ناصي
ماتخوفني.
حجيت هل كلمه وهو لزمني م̷ـــِْن شعري ورفع راسي ليفوك وصاررر قريب مِڼـّي كلش انفاسه الحاره صارت تضرب بوجهي.
_عوف شعري وخررر
ضرغام / ليش موو ع اساس متخافين مِڼـّي. اشوف العكس هسه.
لزمت ايده الي لآزٍمٍ شعري بيها ونبتت كل اضافري بأيده بقوووه خليت الجلد ينشال
بسرعه دفعني ولزم ايده يباوع عليها م̷ـــِْن القبضه
ضرغام / شسويتي ??
رجعت شعري ليورا بغرور وتكبر وحجيت بثقه "
_ ولله مثل مانت تلزمني م̷ـــِْن شعري وتأذيني اني هم عندي اضافر واكدر اشلع لحم منك
ضرغام / لا انتي موصاحيه ولله.
_ ايي. بعدك متعرفني زين
حجيت هيج حته اضووجه اكثرر مثل ماهو يحجي هيج ويقهرني ويخليني احترك امووت م̷ـــِْن العصبيه
ضرغام / لاتختبرين صبرري نارين
_ لْـۆ سمحت اطلع برا ماريد احجي وياك اريد ارتاح ومن تطلع ناديلي دكتوره عندي موضوع وياها
تقرب مِڼـّي كلش اني رجعت راسي علئ المخده الوراي
لزم اديه ثنينهم وثبتهم ع سرير وقرب وجهه م̷ـــِْن وجهي كلش ماعرف شنوو الي يدور براسه وليش هيج جاي يتصرف شنوو غايته.
كتله وخرر عني ماقبل وضل معاند غمضت عيوني واني افكرر شسوي شلوون اتخلص منه واخلي يعوفني
طلعت بالي فكره جهنميه گلت اصرخ والم المستشفئ عليه واخليهم يطلعو م̷ـــِْن يمي
فتحت عيوني وابتسمت بوجهه هو كان يضحك عليه عباله جاي ادعي عليه
صرخت بأعلئ صوتي.
لزمني م̷ـــِْن حلكي وسكتني حته ماصرخ بعدد
بقيت اضررب بيه ع صدرره اريده يعوف حلكي بعده يوجعني م̷ـــِْن القبضه مالته واحس نفسي ختنكت
كال راح اعوفج بس اذا صرختي ماتلومين اله نفسج ماهتميت لكلامه اول ماشال ايده عن حلكي صرخت بصوت عاالي
بس هل مره مالزمني بأيده
سحبني م̷ـــِْن شعري عليه واخذ بوسه م̷ـــِْن شفايفي وسكتني بقيت مصدوومه م̷ـــِْن هل تصرف.
احسس شفايفه صايرات مثل الجمرر.
شويه وحسيت ع نفسي دفعته بقووه واني امسح بحلكي.
_انته مستحي شلوووون تسوووي هيج شاااايفني كدااامك.
بقه بس صافن بوجهي ومانطق كلمه
_ اطلللع برررررا اطلع انته جاااي تستغلني هسسه تتصل بابا وتخلي يجي ياخذني مستحيل ابقه وياااك بعد انته رجال موثقه
ضرغام / اني اني.
_ا نته شنوو فهمني ليشش هيج تصررف. وياي شسويتلك انييي عبالك انيي م̷ـــِْن هذولي البنات الرخاص الي يقبلون بهيج سوالف
لا حبيبي غلطان اني امووت ولاشخص يمس شرفي
ضرغام / صدكيني موقصدي شي ماعرف شلوون طلعت مِڼـّي هل حركه
_ضررغام اذا عندك شويه كرامه اطلع وعوفني لوحدي رجااااء.
هز راسه بأيي.
عافني وطلع م̷ـــِْن الغرفه بقيت ابچي لوحدي
ياربي ليش هيج ديصير بيه شسويت بحياتي حته هيج اتجازه شهل حض الزفت لعندي
م̷ـــِْن جهه بابا عافني وماسأل عني ومن جهه ثانيه ماعندي ام الي اشكيلها همي وقهرر گلبي
واجه ضرغام كملها عليه ليش ديسوي هيج بيه اني بشنوو أذيته
مسحت دموعي واني اتذكر شلون باسني م̷ـــِْن شفتي اول مره بحياتي شخص يبوسني.
انجبي نارين. بعدي هل افكااار الغبيه عن راسج هل رجال متزوج وجاي يلعب مشاعرج دير بالج تنطينه مجال وتخلينه يسكن گلبج
كمت م̷ـــِْن السرير ورحت فتحت الشباك احس نفسي مخنوكه وب گوه اتنفس. بقيت اباوع باجزاء الغرفه اريد جهاز ارضي ماكوو اريد اتصل بأبوي.
اندك الباب ودخل ضرغام شفته واحس نفسي توترت وضجت
_شكوو ??
ضرغام / يلا نرجع للبيت تأخرنه
_ مارجع روح انته لبيتك اني بيتي بغداد هسه اتصل بعموو صلاح يجي ياخذني
ضرغام / نارين كاافي م̷ـــِْن هل تصرفات خلينه نرجع
_ مااارجع لْـۆ شيصيررر
ضرغام / شلوون تخليني ابتلي بيها بابا انتي طفله شهل تصرفات.
_ شبيهم تصرفاتي شووف تصرفاتك عيني وبعدين تعاال حاسبني.
م̷ـــِْن حجيت هيج لصمته ع حلكه بعد ماكدر يفتح حلكه بكلمه
مسح شواربه بتوتر سحب نفس وگال
ضرغام / شوفي مارريد الي صارر بينه اليووم يطلع تــمام
_ ليش عيني خايف م̷ـــِْن مرتك سهئ ??
ضرغام / سهئ شعليييها ب موضوع راح تصير سالفه ويطلعونج موخوش لاعبالج ناس تحجي عليه لا وحق لله يخلون الصوج بيج
_ليش اني شعليه اني الي تقربت منك لووو انته
ضرغام / ستغفرلله يااااربي. انسي الي صااار صاار بساعه عناد وعصبيه ومكنت منتبه لتصرفاتي.
درت وجهي عنه واني ضايجه ماريد حته احجي وياه
ضرغام / يلا خلينه نروح
_ مااا. روح انته.
ضرغام / اااااااخ ياربي صبررر. صبرررر الهي
_شكووو متحملني اذا هل كدد خانكتك عووفني وروح اني اعررف شلوون ادبر اموري لاتخاف عليه
ضرغام / لج انتي بعدج متعرفين شي انتي شايفه وحشيه العالم البرا اذا يلزمج بن حررام قسم بذات لله اله يلعب بيج شناوه
_شنوو. ?
ضرغام / شلوون تخليني احجي ب خط العريض
_ ايي عادي احجي اريد افهم شيسوون بيه وليش يخطفوني اني بشنوو اذيتهم
ضرغام / ههه تكلي بشنوو اذتهم. لج بابا مايهمهم اذا انتي مسويتلهم شي او لا عدهم اهم شي شغلهم يهددون الشخص بأقرب الناس عليه مثلا اني ويخطفون وحده م̷ـــِْن خواتي او مرتي ويهددوني بيها
اذا مانفذت طلباتهم يغتصبونها ويقتلوها ويشمروها باب بيتي واصيرر علج بحلوك العالم
_شنوو ??
ضرغام / مشكلتج ماتستوعبين الكلام بسررعه
_ءا. وين اكوو هيج حجي وين عايشين احنه انته تكذب عليه
ضرغام /وليش اجذب بلا
_تريد تخوفني اعررفك.
ضرغام / امشي بعد عمج امشي هيه اذا شغله واكفه ع تخوف اجيبلج ابو بريص اخليج تفقدين م̷ـــِْن الخوف
_ ماخاف منه.
ضرغام / صدككك
_اي ولله عادي ماخاف منه اخاف م̷ـــِْن الصرصر بسس
ضرغام / ههههه طلعتي قوويه ولله
_ بعدك متعرف نارين
ضرغام / لا عرفتج انتي شنوو عرفت شايله گلب لبوه متخاف م̷ـــِْن الموت وتهدد مسدسات بنت العميد بعد
_شعبالك لعد
ضرغام / يلا كافي غرور خلينه نرجع للبيت ترا راسي راح ينفجرر
_ ارجع بس بشرط
ضرغام / احجي بعد عمج شنوو الشرط
_ اممم. متأذي سحرر.
ضرغام / خليج برا الموضوع نارين اختي واني اعررف وين مصلحتها
_ صدكني هيه تحبه وحبهم صادق وماكوو شي حرام بينهم. ولحب موو حراام وهو رايدها ب حلال ليش توكف بقسمتهم خليها تصير اله صدكني مراح تندم
ضرغام / نااارين گتلج لاتدخلين
_ هاهيه مادخل بعد بينكم بس لاتضربها الله يخليك اضربني اني بدالها
ضرغام / انتي شعليج واضربج ?
_ مادري ولله بس احسها خطيه اضربني مكانها.
ضرغام / ولله ماعرف شكلج صعب افهم عقليتج شلوون تفكرين ولله مادري
عافني وطلع م̷ـــِْن الغرفه رحت طلعت ورا اشوفه راح حجه ويه الدكتور مدري شنوو صافحه بأيده واشرلي اجي
رحت وراه طلعنه م̷ـــِْن المستشفئ رحت صعدت ب سياره.
ساق كان طول الطريق ساكت ومركز ب طريق وهوه يدخن.
بقيت لازمه ايدي بوجع
دار وجهه علي وگال
ضرغام / وتريدني اضربها غيرر اذا اضربج مره ثانيه مثل هل ضربه تروحين لعالم لأموات
_ ههه متضحك
ضرغام / ع اساس اني مسويلج نكته ومتضحك ولله يالله شهل عقوول.
_ عابت شكدد مغرور
صرغام / هاي عليمن ?
_عليك عيني.
ضرغام / ولله وتحجيها بدون خووف
_ماخاف منك انيي ولكلمه م̷ـــِْن احجيها. احجي بوضوح وكدام الشخص مالف وادور
ضرغام / صريحه ماشالله عليج
_ايي طبعااا.
وصلنه للبيت دكينه الباب فتحته ام ضرغام وجهه ضايج وميتفسر باوعت علئ ايدي ورجعت باوعت علئ ابنها وعيونها بيهم سوالف وعتب
سلمت ودخلت ضرغام بقه واكف ويه امه ب ساحه
دخلت للبيت كان حيدر وابو ضرغام كاعدين ب صاله.
سلام عليكم.
وعليكم سلام.
حيدر / نارين شبيها ايدج مضمده شخيرج
_ هاا. لا هيج ماكوو شي بس جرح بسيط واخذني ضرغام للعياده ضمدتها
حيدر / الف سلامه
لله يسلمك يلا مرخصتكم صاعده ارتاح
حيدر / اخذي راحتج
عفتهم وصعدت للغرفه مالت سحرر بعدني مواصله الغرفه تلاگت وياي سهئ ع درج
سهئ / هاا عيني شرفتي
ابتسمت بغرور ورديت
_ايي حبيبتي اجيت لمكاني. وعلئ عنادج بقيت كاعده بهل بيت وزوجج حبيبج اخذني للمستشفئ وهتم بيه واعتذر علئ الضربه وكال. مستحيل تتكرر هل غلطه
بقت تتنفس بغضب وماحجت كلمه عافتني ونزلت بسررعه
مررض حته مررض شهلل ناااس
رحت فتحت الباب ودخلت لغرفه سحرر ضلام وبس صوت شهكات بچيها
شغلت الاضويه شفتها كاعده ع ارض قريب م̷ـــِْن السرير ومخليه راسها بين رجليها وتبچي
سديت الباب ورحت كعدت يمهاا
خليت ايدي ع راسها وهمست
_حبيبتي سحرر اهدي انشالله كلشي يتصلح
شالت راسها وهيه تبچي
سحر / مااكوو شي راح يتصلح ناارين خرب كلشي. اخووي صاار يكرهني واهلي بعدهم ميعرفون ولله حيدر اذا عرف يشرب م̷ـــِْن دمي
هاي غيرر خواني المتزوجين. اذا عرفو ماعرف شرراح يصير بيه خاايفه اني شورطني وحبيت
_ اششش لاتكولين هيج الحب شي حلوو. لاحرام ولاعيب نحب شخص واني شفت بعيني شلون سيف يحبج ومانطه بيج وعترف بحبه الج كدام اخوج بكل جرئه
سحر / ادري بيه يحبني لْـۆ مايحبني مجان سكت علئ ضربات اخووي هوه م̷ـــِْن نوع عصبي بس لخاطري مارفع ايده
_ كل هل شي صاار بسبب سهئ
باوعت علي بستغراب وگالت
