رواية الملازم والعنوديه الصغيرة الفصل الحادي عشر بقلم مجهول
ﺳﻤﺮ .. ﺍﻧﺪﻓﻨﻮ ﺍﻫﻠﻲ ﻭﺍﺣﺪ ﺑﺼﻒ ﺍﻟﺜﺎﻧﻲ ﻳﻢ ﺍﺑﻮﻱ
ﺧﻠﺼﻨﻪ ﺩﻓﻦ ﻭﻛﻮﺓ ﺳﺤﻠﻮﻧﻲ ﺍﺳﺤﻮﻝ ﻣﻨﻬﻢ ﺍﺗﻤﻨﻴﺖ ﻳﺎﺧﺬﻭﻧﻲ ﻭﻳﺎﻫﻢ ﻋﺪﻣﻦ ﻣﺨﻠﻴﻨﻲ
ﺻﺎﺭﺕ ﺍﻟﻔﺎﺗﺤﻪ ﺍﺑﻴﺖ ﻋﻤﻲ ﺍﺑﻮ ﻫﺸﺎﻡ ﺣﺘﻰ ﺟﻴﺮﺍﻧﻪ ﺍﻫﻞ ﺑﻐﺪﺍﺩ ﺍﺟﻮ ﻟﻠﻔﺎﺗﺤﻪ
ﻭﺍﻧﻲ ﻛﺎﻋﺪﺓ ﺻﺎﺭﺕ ﺗﺠﻲ ﺍﻟﻨﺴﻮﺍﻥ ﺗﻌﺰﻱ ﻭﺗﺘﺼﺎﺭﺥ ﻭﺍﻧﻲ ﺍﻛﻮﻡ ﺍﺷﺒﻊ ﻟﻄﻢ ﻭﻳﺎﻫﻦ ﻟﻤﻦ ﺍﻓﻘﺪ ﻭﻳﺸﻴﻠﻮﻧﻲ
ﺻﺢ ﺍﻟﻤﻮﺕ ﺣﻖ ﺑﺲ ﺫﻭﻟﻪ ﺍﻫﻠﻲ ﺷﻤﻌﺔ ﺑﻴﺘﻲ ﺍﻟﻨﻄﻔﺖ ﺑﻠﺤﻀﻪ ﻭﺣﺪﺓ
ﺛﻼﺙ ﺍﻳﺎﻡ ﺍﻟﻔﺎﺗﺤﻪ ﻣﺎﺍﻛﻠﺖ ﺷﻲ ﺍﺑﺪ ﺑﺲ ﺍﺷﺮﺏ ﻣﻲ ﺍﺣﺲ ﺣﻠﻜﻲ ﺣﻨﻀﻞ ﻣﺮ ﻛﻮﺓ ﺍﺑﻠﻊ ﺭﻳﻜﻲ
ﺷﻜﺪ ﺣﺎﻭﻟﻦ ﺍﻟﺒﻨﺎﺕ ﻭﻋﻤﺘﻲ ﻳﻐﺼﺒﻨﻲ ﺍﻛﻞ ﺑﺲ ﻣﺎﻛﺎﻥ ﺍﻟﻲ ﻧﻔﺲ ﺍﺑﺪ
ﺍﻧﺘﻬﺖ ﺍﻟﻔﺎﺗﺤﻪ ﻭﺍﻧﻲ ﺍﺗﺨﺬﺕ ﻣﻦ ﺍﻟﻐﺮﻓﻪ ﺍﻟﻔﻮﻙ ﺳﺠﻦ ﺍﻟﻲ ﺑﻌﺪ ﻣﺎﻧﺰﻟﺖ ﻳﺘﻮﺳﻠﻮﻥ ﺑﻴﻪ ﺍﻧﺰﻝ ﺍﻛﻞ ﻭﻳﺎﻫﻢ ﺑﺲ ﻛﻨﺖ ﺍﺭﻓﺾ ﻣﺎﺍﺭﻳﺪ ﺍﻧﺰﻝ ﻭﺍﺷﻮﻑ ﻟﻤﺘﻬﻢ ﻉ ﺍﻻﻛﻞ ﺍﻧﻘﻬﺮ
ﻣﺮ ﻋﻠﻰ ﻭﻓﺎﺗﻬﻢ 10 ﺍﻳﺎﻡ ﻭﺍﻧﻲ ﺍﺫﺍ ﺻﻌﺪﺗﻠﻲ ﻣﺮﺍﻡ ﺍﻛﻞ
ﺍﻛﻞ ﻟﻜﻤﻪ ﻭﺍﻋﻮﻓﻪ ﻣﺎﺍﺭﻳﺪ
ﺑﺲ ﻟﺤﺪ ﺍﻻﻥ ﺩﻣﻌﺘﻲ ﺷﺎﻳﻄﻪ ﻋﻴﻮﻧﻲ ﻋﺒﺎﻟﻚ ﺣﺠﺎﺭ ﻧﻮﻡ ﻣﺎﺍﻧﺎﻡ ﺑﻠﻴﻞ ﺍﺫﺍ ﺍﻧﺎﻡ ﻭﻗﺖ ﻣﻴﺘﻌﺪﺓ ﺍﻟﺴﺎﻋﻪ ﻭﺣﺪﺓ ﻭﺍﻛﻌﺪ ﻣﺮﻋﻮﺑﻪ ﺍﺣﺲ ﺻﻮﺕ ﺍﻟﺼﺎﻳﺢ ﺑﺬﻧﻲ
ﻫﺸﺎﻡ .. ﻛﻠﺒﻲ ﻣﺤﺘﺮﻙ ﺣﺮﻙ ﻋﻠﻴﻬﺎ ﺑﻨﻔﺲ ﺍﻟﺒﻴﺖ ﻭﻣﺎﺷﺎﻳﻔﻬﺎ ﻣﺎﻧﺰﻟﺖ ﺍﺑﺪ ﺍﺩﺭﻱ ﺻﺪﻣﻪ ﻭﺻﻌﺐ ﻋﻠﻴﻬﺎ ﺑﺲ ﺍﺫﺍ ﺿﻠﺖ ﻫﻴﺞ ﺗﻤﻮﺕ ﻻﻥ ﻣﺎﺗﺎﻛﻞ ﻭﺍﻻﺳﻤﻌﻪ ﻣﻦ ﺍﻣﻲ ﻭﺍﺧﻮﺍﺗﻲ ﺍﻧﻮ ﻫﻲ ﺣﺘﻰ ﺷﻜﻠﻬﺎ ﻣﺘﻐﻴﺮ ﻭﺗﻠﻔﺎﻧﻪ ﺣﻴﻞ ﻭﺍﻟﻤﺼﻴﺒﻪ ﻣﺎﺗﺒﺠﻲ ﻣﺮﺍﺕ ﺍﻟﺒﺸﺮ ﻣﻦ ﻳﻨﺼﺪﻡ ﺻﺪﻣﻪ ﻗﻮﻳﻪ ﻭﻳﺒﺠﻲ ﻳﺮﺗﺎﺡ ﻭﻳﻌﺒﺮ ﺣﻦ ﺣﺰﻧﻪ ﺍﻟﺒﺪﺍﺧﻠﻪ ﺑﺲ ﻫﻲ ﺍﺑﺪ ﻳﻜﻠﻮﻟﻲ ﻣﺎﻧﺰﻟﺖ ﺩﻣﻌﻪ ﻣﻦ ﻋﻴﻨﻬﺎ ﻭﻫﻠﺸﻲ ﻣﻮﺯﻳﻦ ﻋﻠﻴﻬﺎ
ﺻﺮﺕ ﻣﺎﺍﺭﺟﻊ ﻟﻠﺒﻴﺖ ﻣﻦ ﺍﺳﻤﻊ ﺑﺤﺎﻟﺘﻬﺎ ﺍﺗﺨﺒﻞ ﺍﺭﻳﺪ ﺍﺻﻌﺪ ﺍﺣﺠﻲ ﻭﻳﺎﻫﺎ ﺑﺲ ﻣﺎﺍﺗﺤﻤﻞ ﻳﻤﻜﻦ ﺍﺣﻀﻨﻬﺎ ﺑﻌﺪ ﻣﺎﺍﻫﺪﻫﺎ
ﺭﺟﻌﺖ ﻣﻦ ﺍﻟﺪﻭﺍﻡ ﺍﻟﻤﻐﺮﺏ ﺗﻌﺒﺎﻥ ﺍﻭﻝ ﻣﺎﻧﺰﻟﺖ ﺳﻤﻌﺖ ﺍﻟﻬﻮﺳﻪ ﺍﺑﻴﺘﻨﻪ ﺭﻛﻀﺖ ﺍﺭﻳﺪ ﺍﺷﻮﻑ ﺷﻜﻮ
ﺷﻔﺖ ﺿﺮﻏﺎﻡ ﺷﺎﻳﻞ ﺳﻤﺮ ﻭﻣﻠﻔﻠﻔﻴﻬﺎ ﺑﺎﻟﻌﺒﺎﻳﻪ ﺍﺷﻠﻮﻥ ﻣﺎﺟﺎﻥ ﻭﻫﻲ ﻓﺎﻗﺪﺓ
ﺭﻛﻀﺖ ﻋﻠﻴﻬﺎ ﻣﻠﻬﻮﻭﻑ ﻭﺍﻧﻲ ﺍﺻﻴﺢ ﻭﻟﻜﻢ ﺷﺒﻴﻬﺎﺍﺍ؟؟
ﺍﻡ ﻫﺸﺎﻡ .. ﺍﻭﻭﻭﻭﻑ ﻳﺎﻳﻤﻪ ﻳﺎﺳﻤﻴﺮﺓ ﻭﻳﻦ ﺟﺎﻧﺘﻠﺞ ﻫﺎﻱ ﻳﺎﻋﻤﻪ ﺍﻟﻠﻠﺤﻚ ﻳﻤﻪ ﺍﻟﺒﺖ ﺭﺍﺡ ﺗﺮﻭﺡ ﻣﻦ ﺍﺩﻳﻨﻪ ﻣﺎﺗﻘﺒﻞ ﺗﺎﻛﻞ
ﻫﺸﺎﻡ .. ﺻﻌﺪﻧﺎﻫﺎ ﺍﻧﻲ ﻭﺿﺮﻏﺎﻡ ﺑﺎﻟﺴﻴﺎﺭﺓ ﻭﺍﻣﻲ ﺧﻠﺘﻬﺎ ﺑﺤﻀﻨﻬﺎ ﻭﺍﺧﺬﻧﻬﺎ ﺍﻟﻤﺴﺘﺸﻔﻰ ﺍﻟﻔﺮﺍﺕ ﺍﻻﻭﺳﻂ ﺑﺎﻟﻜﻮﻓﻪ
ﺍﻭﻝ ﻣﺎﻭﺻﻠﻨﻪ ﻛﺘﻠﻪ ﺿﺮﻏﺎﻡ ﺧﻮﻳﻪ ﺍﺭﻛﺾ ﺟﻴﺐ ﻋﺮﺑﺎﻧﻪ ﻟﻮ ﺳﺪﻳﻪ ﺍﻧﻲ ﺧﺎﻟﻬﺎ ﺑﺤﻀﻨﻲ ﻭﺍﺭﻛﺾ ﺑﻴﻬﺎ
ﺩﺧﻠﻨﺎﻫﺎ ﻟﻠﻄﻮﺍﺭﻯ ﻭﺑﻌﺪ ﺍﻟﺘﺤﻠﻴﻼﺕ ﻭﺍﻟﻜﺸﻒ ﻃﻠﻊ ﻋﺪﻫﺎ ﻫﺒﻮﻁ ﺑﺎﻟﻀﻐﻂ ﻭﻓﻘﺮ ﺩﻡ ﺣﺎﺩ ﺣﻄﻮﻟﻬﺎ ﻣﻐﺬي ﻭﺍﻧﻄﻮﻫﺎ ﺍﺑﺮ ﻭﻛﺎﻟﻮ ﻛﻢ ﺳﺎﻋﻪ ﻳﺨﻠﺺ ﺍﻟﻤﻐﺬﻱ ﻭﻃﻠﻌﻮﻫﺎ ﺑﺲ
ﻻﺯﻡ ﺗﺠﺒﺮﻭﻫﺎ ﺗﺎﻛﻞ ﺣﺘﻰ ﻣﻴﺼﻴﺮ ﺟﻔﺎﻑ
ﺍﺗﺼﻠﺖ ﺑﻤﺮﺍﻡ ﻛﺘﻠﻬﺎ ﺳﻮﻳﻠﻬﺎ ﺷﻮﺭﺑﻪ ﺷﻮﻳﻪ ﻭﻧﻄﻠﻊ
ﺑﻌﺪ ﺳﺎﻋﻪ ﻫﻲ ﺻﺤﺖ ﺍﺍﺍﺍﺥ ﺍﻟﻠﻪ ﻫﺎﻱ ﻣﻮ ﺑﺖ ﻛﻠﺒﻲ ﻫﺎﻱ ﻭﺣﺪﺓ ﺛﺎﻧﻴﻪ ﺍﻟﺴﻮﺍﺩ ﺍﻟﺠﻮﺓ ﻋﻴﻮﻧﻬﺎ ﻭﺍﻟﻮﺟﻪ ﺍﻟﺸﺎﺣﺐ ﻭﺍﻟﻌﻴﻮﻥ ﺍﻟﻀﺎﻳﻌﻪ ﻭﺗﺎﻳﻬﺎ ﺑﻐﻴﺮ ﻋﺎﻟﻢ ﻛﺎﻧﻪ ﺻﺎﻓﻨﻪ ﺍﻟﻔﺮﺍﻍ
ﺩﻧﻜﺖ ﻳﻢ ﺭﺍﺳﻬﺎ ﺑﺴﺘﻬﺎ ﺑﻜﺼﺘﻬﺎ ﺣﻴﻞ ﺍﺣﺲ ﺭﻭﺣﻲ ﺍﻧﻬﻀﻤﺖ ﻋﻤﺮﻱ ﻣﺎﺗﻮﻗﻌﺖ ﺍﺷﻮﻓﻬﺎ ﺑﻬﺎﻱ ﺍﻟﺤﺎﻟﻪ
ﺍﺟﻪ ﺍﻟﺪﻛﺘﻮﺭ ﻛﺎﻝ ﺗﻜﺪﺭﻭﻥ ﺍﻃﻠﻌﻮﻥ ﺑﺲ ﻻﺯﻡ ﺗﺎﻛﻞ ﻛﺒﺪ ﻭﺍﺷﻴﺎﺀ ﺗﺰﻭﺩ ﺍﻟﺪﻡ ﻭﻫﻮ ﺍﺻﻼ ﺍﻧﻄﺎﻫﺎ ﺍﺑﺮ ﻣﺎﻝ ﻓﻘﺮ ﺩﻡ
ﺍﺧﺬﺗﻬﺎ ﻭﺭﺟﻌﻨﻪ ﻟﻠﺒﻴﺖ ﻭﻃﻮﻝ ﺍﻟﻄﺮﻳﻖ ﺧﺎﻟﻪ ﺭﺍﺳﻬﺎ ﻉ ﺍﻟﺠﺎﻣﻪ ﻭﻓﺎﺻﻠﻪ ﺑﻌﺎﻟﻤﻬﺎ
ﺍﺧﺬﻧﺎﻫﺎ ﻟﻠﺒﻴﺖ ﺻﻌﺪﺗﻬﺎ ﺍﻣﻲ ﻭﺍﻟﺒﻨﺎﺕ ﻟﻠﻐﺮﻓﻪ
ﻛﺘﻠﻬﻦ ﻫﺴﻪ ﻉ ﺍﻟﺴﺮﻳﻊ ﺗﺸﻮﻟﻬﺎ ﻛﺒﺪ ﻭﺗﺤﻀﺮﻥ ﺍﻟﻬﺎ ﻋﺼﻴﺮ ﺯﺑﻴﺐ ﺍﻧﻲ ﺭﺍﺡ ﺍﻭﻛﻠﻬﺎ ﺍﻟﻴﻮﻡ
ﺩﻗﺎﻳﻖ ﻭﻣﺮﺍﻡ ﻭﻣﻴﺲ ﻣﺮﺕ ﺳﻼﻡ ﺣﻀﺮﻥ ﺍﻻﻛﻞ ﺍﺧﺬﺕ ﺍﻟﺼﻴﻨﻴﻪ ﻭﺻﻌﺪﺕ ﺩﻛﻴﺘﺔﺍﻟﺒﺎﺍﺏ ﻭﺩﺧﻠﺖ ﺷﻔﺘﻬﺎ ﻋﻠﻰ ﻧﻮﻣﺘﻬﺎ ﻭﺍﻟﻌﻴﻮﻥ ﻣﻔﺘﺤﺘﻬﻦ ﻭﺻﺎﻓﻨﻪ
ﺧﻠﻴﺖ ﺍﻟﺼﻴﻨﻴﻪ ﻉ ﺍﻟﻤﻴﺰ ﻭﺛﻨﻴﺖ ﺭﻛﺒﺘﻲ ﻭﻛﻌﺪﺕ ﻳﻤﻬﺎ
ﺍﺣﺠﻲ ﻭﻳﺎﻫﺎ ﻭﻫﻲ ﺍﺑﺪ ﻣﺘﺮﺩ
ﺳﺤﺒﺘﻬﺎ ﻣﻦ ﺍﻳﺪﻫﺎ ﺷﻮﻳﻪ ﺷﻮﻳﻪ ﻛﺪﺭﺕ ﺍﻛﻌﺪﻫﺎ ﻭﻫﻲ ﺻﺎﻓﻨﻪ ﺑﻮﺟﻬﻲ ﻣﺎﺍﺗﺤﻤﻠﺖ ﺍﺑﺪ ﺍﺧﺬﺗﻬﺎ ﺍﻟﺤﻀﻨﻲ ﻭﺩﻓﻨﺖ ﺭﺍﺳﻬﺎ ﺑﺼﺪﺭﻱ ﺍﺳﻤﻌﻬﺎ ﻛﺎﻣﺖ ﺗﺠﺮ ﺣﺴﺮﺍﺕ ﺗﻮﺟﻊ ﻛﻠﺒﻲ ﻗﺒﻞ ﻛﻠﺒﻬﺎ ﺻﺮﺕ ﺍﻫﺪﻱ ﺑﻴﻬﺎ ﻭﺍﻛﻠﻬﺎ ﻛﻠﻨﻪ ﻋﻠﻰ ﻫﺬﺍ ﺍﻟﻄﺮﻳﻖ ﺑﺲ ﻫﻲ ﻣﻮ ﻳﻤﻲ
ﻛﺘﻠﻬﺎ ﺍﺑﺠﻲ ﺣﺘﻰ ﺗﺮﺗﺎﺣﻴﻦ ﻛﺴﺮﻱ ﺻﺮﺧﻲ ﻋﻴﻄﻲ ﺍﻟﻤﻬﻢ ﺗﺒﺠﻴﻦ
ﻣﺎﻛﺎﻧﺖ ﺗﺮﺩ ﺑﺲ ﺗﻬﺰ ﺑﺮﺍﺳﻬﺎ ﻳﻌﻨﻲ ﻣﺎﺍﻛﺪﺭ
ﻛﺘﻠﻬﺎ ﺍﺫﺍ ﺍﻛﻠﺘﻲ ﺍﻛﻠﺞ ﻭﺷﺮﺑﺘﻲ ﺍﻟﻌﺼﻴﺮ ﺍﺧﺬﺝ ﻣﻦ ﺍﻟﻔﺠﺮ ﻟﻠﻤﻘﺒﺮﺓ ﻭﺍﻟﻠﻪ
ﻫﻲ ﺷﺎﻟﺖ ﺭﺍﺳﻬﺎ ﻣﺎﻣﺼﺪﻛﻪ
ﺍﻧﻲ ﻃﻠﺒﺖ ﻣﻨﻬﻢ ﻣﻦ ﻳﺮﺣﻮﻥ ﻟﻠﻤﻘﺒﺮﺓ ﻣﺎﻳﺎﺧﺬﻭﻫﺎ ﺣﺎﻟﺘﻬﺎ ﻣﻤﺘﺤﻤﻞ
ﺷﻔﺘﻬﺎ ﻋﺪﻟﺖ ﻛﻌﺪﺗﻬﺎ ﺻﺮﺕ ﺍﺳﻮﻱ ﻟﻜﻢ ﺍﺻﻐﻴﺮﺓ ﻭﻫﻲ ﺗﺎﺧﺬ ﻣﻨﻲ ﻛﻮﺓ ﻛﻤﻠﺖ ﻛﻢ ﻭﺣﺪﺓ ﻭﺷﺮﺑﺖ ﻧﺺ ﺍﻛﻼﺹ ﻋﺼﻴﺮ ﺑﻮﻭﻭﻳﻪ ﺍﺣﺲ ﺭﻭﺣﻲ ﺭﺩﺗﻠﻲ ﻣﻦ ﻛﻠﺖ ﻛﻮﺓ ﺗﻤﻀﻎ ﺍﻻﻛﻞ
ﻭﺧﺮﺕ ﺍﻟﺼﻴﻨﻴﻪ ﻋﻨﻬﺎ ﻭﺭﺟﻌﺖ ﻣﺪﺩﺕ ﺑﻔﺮﺍﺷﻬﺎ ﻭﺍﻧﻲ ﻳﻤﻬﺎ ﻃﻠﻌﺖ ﻣﻮﺑﺎﻳﻠﻲ ﺑﻲ ﻗﺮﺍﻥ ﺍﻝ ﺍﺣﻤﺪ ﺍﻟﻌﺠﻤﻲ ﺍﺣﺐ ﺍﻟﺘﻼﻭﺓ ﺑﺼﻮﺗﻪ ﺷﻐﻠﺘﻪ ﻭﺧﻠﻴﺘﻪ ﻳﻢ ﺭﺍﺳﻲ ﺷﻮﻳﻪ ﻭﺷﻔﺘﻬﺎ ﺳﻜﻨﺖ ﻭﻧﺎﻣﺖ ﻋﻔﺘﻪ ﻳﺸﺘﻐﻞ ﻳﻢ ﺭﺍﺳﻬﺎ ﻭﻧﺰﻟﺖ ﺟﻮﺓ
ﺑﺲ ﺍﺣﺲ ﺭﻭﺣﻲ ﻣﻴﺖ ﻣﻦ ﺍﺷﻮﻓﻬﺎ ﻫﻴﺞ ﺻﺮﺕ ﺍﺟﺮ ﺟﻜﺎﺭﺓ ﻭﺭﺓ ﺟﻜﺎﺭﺓ ﻟﻠﺼﺒﺢ ﻣﺎﻧﻤﺖ
ﺛﺎﻧﻲ ﻳﻮﻡ ﻣﻦ ﺍﻟﻔﺠﺮ ﻛﻌﺪﺕ ﻟﻜﻴﺘﻬﺎ ﺻﺎﺣﻴﻪ ﻗﺒﻠﻲ ﻻﺑﺴﻪ ﻋﺒﺎﺗﻬﺎ ﻭﺗﻨﺘﻀﺮﻧﻲ ﻣﻨﻀﺮﻫﺎ ﻳﻜﺴﺮ ﺍﻟﺨﺎﻃﺮ
ﺍﺧﺬﺗﻬﺎ ﻭﺭﺣﺖ ﻭﻃﻮﻝ ﺍﻟﻄﺮﻳﻖ ﻫﻲ ﺳﺎﻛﺘﻪ
ﻭﺻﻠﻨﻪ ﻟﻠﻤﻘﺒﺮﺓ ﻛﺘﻠﻬﺎ ﺍﻧﺰﻟﻲ
ﻛﺎﻟﺖ ﺑﺼﻮﺕ ﻣﺨﻨﻮﻙ
ﻭﺻﻠﻨﻪ ﺍﻟﻤﻜﺒﺮﺓ ﻭﺍﻟﻠﻪ ﻭﺻﻠﻨﻪ ﻫﺎﻱ ﺍﻟﻤﻜﺒﺮﺓ ﻭﺫﻭﻻﻙ ﺍﻫﻠﻨﻪ
ﺷﻤﺮﺕ ﺭﻭﺣﻬﺎ ﻣﻦ ﺍﻟﺴﻴﺎﺭﺓ ﺗﻜﻮﻡ ﻭﺗﻮﻛﻊ ﻟﺤﺪ ﻣﺎﺫﺑﺖ ﻧﻔﺴﻬﺎ ﻉ ﺍﻟﻜﺒﻮﺭ ﺻﺎﺭﺕ ﺗﺒﺠﻲ ﺑﺼﻮﺕ ﻋﺎﻟﻲ
ﻋﻔﺘﻬﺎ ﻭﺭﺣﺖ ﻛﻌﺪﺕ ﺑﻤﻜﺎﻥ ﺑﻴﻦ ﺍﻟﻜﺒﻮﺭ ﻭﺟﻜﺎﺭﺗﻲ ﻣﺎﻃﻔﺖ ﺍﺣﺴﻬﺎ ﺗﺸﺮﺏ ﺑﺮﻭﺣﻲ ﻣﻮ ﺍﻧﻲ ﺍﺷﺮﺑﻬﺎ
ﻋﻔﺘﻬﺎ ﺑﺮﺍﺣﺘﻬﺎ ﺍﻧﻲ ﺟﺒﺘﻬﺎ ﺣﺘﻰ ﺗﺒﺠﻲ ﻭﺗﺮﺗﺎﺡ
ﺿﻠﻴﻨﻪ ﻟﻠﺼﺒﺢ ﻭﻫﻲ ﻋﻠﺔ ﻓﺮﺩ ﻭﻧﻪ ﺍﻟﻰ ﺍﻥ ﺗﻌﺒﺖ ﻭﻏﻔﺖ ﻉ ﺍﻟﻜﺒﺮ
ﻛﻌﺪﺗﻬﺎ ﺟﺒﺘﻠﻬﺎ ﻣﻲ ﻭﻏﺴﻠﺖ ﻭﺟﻬﺎ ﻭﻛﻮﺓ ﺍﺧﺬﺗﻬﺎ ﺍﺯﻭﺭﻫﺎ ﺍﻻﻣﺎﻡ ﻋﻠﻲ ﻓﺪﻭﺓ ﻟﺴﻤﻪ
ﺳﻤﺮ .. ﺍﺧﺬﻧﻲ ﻫﺸﺎﻡ ﻟﻠﻜﺒﻮﺭ ﺍﺗﻤﻨﻴﺖ ﺍﻃﻴﺮ ﻭﺍﺻﻞ ﺍﻟﻬﻢ ﺑﺠﻴﺖ ﻣﻦ ﻛﻞ ﻛﻠﺒﻲ ﻣﻮ ﺩﻣﻌﻪ ﻭﺣﺪﺓ ﺍﻃﻴﺢ ﻻ ﻋﺸﺮﺓ ﻋﺒﺎﻟﻚ ﻣﺨﺰﻭﻧﺎﺕ ﻣﻦ ﺍﻟﺒﺠﻲ ﺗﻌﺒﺖ ﻭﻧﻤﺖ ﻛﻌﺪﺕ ﻉ ﺻﻮﺕ ﻫﺸﺎﻡ ﺍﺑﺎﻭﻉ ﺩﻧﻴﻪ ﺍﻟﺼﺒﺢ ﺣﻴﻴﻴﻞ ﺷﻜﺪ ﻧﻤﺖ ﺍﻧﻲ
ﺍﺧﺬﻧﻪ ﻭﺭﺣﻨﻪ ﺯﺭﻧﻪ ﺍﻻﻣﺎﻡ ﻋﻠﻲ ﻋﻠﻴﻪ ﺍﻟﺴﻼﻡ
ﻣﻦ ﺍﻟﺒﺎﺏ ﺷﻔﺖ ﺍﻟﻤﻨﺎﺭﺓ ﻭﺑﺠﻴﺖ
ﻛﺘﻠﻪ ﺳﻴﺪﻱ ﻭﻣﻮﻻﻱ ﻳﺎﺑﺎ ﺍﻻﻳﺘﺎﻡ ﻋﻠﻠﻠﻲ
ﺍﻧﻲ ﻫﻢ ﻳﺘﻴﻤﻪ ﻭﺍﺟﻴﺘﻚ ﺍﻟﻴﻮﻡ ﻭﺍﻛﻔﻪ ﻋﻠﻰ ﺑﺎﺑﻚ ﺍﺭﻳﺪﻙ ﺗﻤﺴﺢ ﻋﻠﻰ ﺭﺍﺳﻲ ﻭﺗﺼﺒﺮﻧﻲ ﻭﺗﻨﻄﻴﻨﻲ ﺍﻟﻘﻮﺓ ﻟﻮ ﺗﺎﺧﺬﻭﻧﻲ ﻟﻬﻠﻲ ﺍﺭﺗﺎﺡ ﻳﻤﻬﻢ ﺩﻧﻴﻪ ﺑﺪﻭﻧﻬﻢ ﻣﺎﺗﺴﻮﺓ
ﺩﺧﻠﺖ ﺯﺭﺕ ﻭﻛﻌﺪﺕ ﺍﺻﻠﻲ ﺍﺣﺲ ﻧﻔﺴﻲ ﺍﺭﺗﺎﺣﻴﺖ ﻭﺷﻲ ﺑﺪﺍﺧﻠﻲ ﺑﺪﺓ ﻳﺒﺮﺩ
ﺟﺎﻧﺖ ﺍﻛﻮ ﺑﻨﻴﻪ ﺑﻌﻤﺮﻱ ﻫﻢ ﻛﺎﻋﺪﺓ ﺑﺼﻔﻲ ﺗﺒﺠﻲ ﻭﺷﺎﻳﻠﻪ ﺭﺍﺳﻬﺎ ﺗﺤﺠﻲ ﻭﻳﻪ ﺍﻻﻣﺎﻡ ﺑﺤﺮﻛﻪ ﻭﻋﺒﺮﺓ ﺿﻠﻴﺖ ﺻﺎﻓﻨﻪ ﻋﻠﻴﻬﺎ ﻭﻫﻲ ﺗﻄﻠﺐ ﻣﻦ ﺍﻟﻠﻪ ﻭﺍﻫﻞ ﺍﻟﺒﻴﺖ ﻳﺎﺧﺬﻭﻥ ﺣﻘﻬﺎ ﻣﻦ ﺍﻟﻨﺎﺱ ﺍﻟﻀﺎﻟﻤﻴﻬﺎ
ﺍﻧﻲ ﺻﺮﺕ ﻋﻠﻰ ﺑﺠﻴﻬﺎ ﺍﺑﺠﻲ ﺣﻴﻞ ﻗﻬﺮﺗﻨﻲ
ﻣﻦ ﺳﻤﻌﺘﻬﺎ ﺗﻜﻮﻝ ﻳﻤﻪ ﺗﻌﺎﻱ ﻟﻴﻨﻪ ﺑﻬﺬﻟﻮﻧﻪ ﻋﻜﺒﺞ ﺍﻧﺘﻲ ﻭﺍﺑﻮﻱ
ﺟﺎﻭﺑﺘﻬﺎ ﺑﺼﻮﺕ ﻣﺨﻨﻮﻙ ﻛﺘﻠﻬﺎ ﺍﻧﺪﻋﻴﻠﻬﻢ ﺍﻟﻠﻪ ﻳﺮﺣﻤﻬﻢ
ﺍﻟﺒﻨﻴﻪ .. ﻟﻴﺶ ﻫﻤﻪ ﻭﺍﺣﺪ ﺍﺛﻨﻴﻴﻴﻦ ﻟﻮ ﺍﻫﻠﻲ ﻛﻠﻬﻢ ﺭﺍﺣﻮ ﻏﺪﺭ
ﺳﺎﻟﺘﻬﺎ ﺑﻔﻀﻮﻝ ﻻﻥ ﻣﻨﻀﺮﻫﺎ ﻳﺠﺒﺮ ﺍﻟﺸﺨﺺ ﻳﻌﺮﻑ ﺷﺒﻴﻬﺎ
ﺍﻟﺒﻨﻴﻪ .. ﺍﺣﻨﻪ ﻋﺎﺋﻠﻪ ﺟﺒﻴﺮﺓ ﺍﻣﻲ ﻭﺍﺑﻮﻱ ﻭﺍﺧﻮﺗﻲ ﺍﺭﺑﻊ ﻭﻟﺪ ﻭﺍﺣﻨﻪ ﺛﻼﺙ ﺑﻨﺎﺕ ﻋﺎﻳﺸﻴﻦ ﺑﺨﻴﺮ ﻭﻧﻌﻤﻪ ﻓﻀﻴﻠﻪ ﺍﺣﻨﻪ ﻧﺎﺱ ﻣﻌﺮﻭﻓﻴﻦ ﻭﺍﻏﻨﻴﺎﺀ
ﺍﻣﻲ ﺩﻭﻡ ﺗﺘﻮﺳﻞ ﺑﺨﻮﻱ ﺍﻟﺠﺒﻴﺮ ﺗﺮﻳﺪ ﺗﺰﻭﺟﻪ ﻭﻫﻮ ﻳﺮﻓﺾ ﻭﺟﺎﻥ ﺷﺎﻟﻊ ﻛﻠﺒﻬﺎ ﺑﺘﺼﺮﻓﺎﺗﻪ ﻋﻤﺮﺓ 20 ﺳﻨﻪ ﻭﺍﻣﻲ ﻭﺍﺑﻮﻱ ﻣﺎﻳﺼﺪﻛﻮﻥ ﻳﺰﻭﺟﻮ ﻭﻳﻔﺮﺣﻮﻥ ﺑﻲ
ﻭﺑﻴﻮﻡ ﻣﻦ ﺍﻻﻳﺎﻡ ﺍﺧﻮﻱ ﺻﺎﺩﻗﻠﻪ ﺷﺎﺏ ﺳﻤﻌﺘﻪ ﻣﻮﺯﻳﻨﻪ ﻭﺻﺎﺭ ﺍﺧﻮﻱ ﻳﺸﺮﺏ ﻭﻳﻜﺒﺴﻞ ﻭﻳﺴﻜﺮ ﻭﺷﻠﻊ ﺍﻛﻠﻮﺑﻨﻪ ﻭﺍﻣﻲ ﺑﺲ ﺩﻣﻮﻋﻬﺎ ﺑﻌﻴﻨﻬﺎ ﻻﻥ ﺻﺎﺭ ﻳﻀﺮﺑﻨﻪ ﻳﺮﻳﺪ ﺍﻓﻠﻮﺱ ﻳﺸﺘﺮﻱ ﺍﻟﺴﻢ ﺍﻟﻴﺸﺮﺑﻪ
ﺍﻟﻰ ﺍﻥ ﺻﺎﺭﺕ ﺍﻟﻜﺎﺭﺛﻪ ﺍﻟﻜﺒﺮﺓ ﻭﺍﻧﻬﺪﻡ ﺑﻴﺘﻨﻪ
ﺍﻧﻲ ﺟﻨﺖ ﺑﺎﻟﺤﻤﺎﻡ ﺑﻠﻴﻞ ﺗﻘﺮﻳﺐ ﺳﺎﻋﻪ 1 ﻭﻧﺺ
ﺳﻤﻌﺖ ﺻﻮﺕ ﻃﻠﻖ ﻧﺎﺭﻱ ﺍﺑﻴﺘﻨﻪ ﺭﺝ ﺍﻟﺒﻴﺖ ﺭﺝ ﻭﺍﻧﻲ ﻣﻦ ﻫﻮﻝ ﺍﻟﺼﺪﻣﻪ ﻭﺍﻟﺨﻮﻑ ﻭﻛﻌﺖ ﺑﺎﻟﺤﻤﺎﻡ ﺑﻤﻜﺎﻧﻲ ﻭﺻﻮﺗﻲ ﺍﺧﺘﻔﻪ ﺍﺧﺎﻑ ﺍﻃﻠﻊ ﺑﺲ ﺍﺭﺟﻒ
ﺳﻤﻌﺖ ﺻﻮﺕ ﺍﺧﻮﻱ ﻳﺼﻴﺢ ﻓﺘﺤﺖ ﺑﺎﺏ ﺍﻟﺤﻤﺎﻡ ﻭﺭﺣﺖ ﺍﻣﺸﻲ ﻛﻮﺓ
ﻭﺻﻠﺖ ﺍﻟﻐﺮﻓﺖ ﺍﻣﻲ ﺷﻔﺖ ﺍﻣﻲ ﻭﺍﺑﻮﻱ ﻉ ﺳﺮﻳﺮﻫﻢ ﻏﺮﻛﺎﻧﻴﻦ ﺑﺪﻣﻬﻢ
ﺭﺣﺖ ﺍﺭﻛﺾ ﻣﺜﻞ ﺍﻟﻤﺨﺒﻠﻪ ﻟﻐﺮﻓﺖ ﺍﺧﻮﺗﻲ ﻫﻢ ﻛﺬﺍﻟﻚ ﺍﺧﻴﻮﺗﻲ ﻭﺍﺧﻴﺎﺗﻲ ﻛﻠﻬﻢ ﻣﻮﺗﻪ ﻋﺒﺎﺭﺓ ﻋﻦ ﺣﻤﺎﻡ ﺩﻡ
ﻭﺍﻟﻤﺼﻴﺒﻪ ﺍﺧﻮﻱ ﺍﻟﺒﻴﺪﺓ ﺍﻟﺴﻼﺡ ﻭﻫﻮ ﻛﺘﻠﻬﻢ ﻻﻥ ﻛﺎﻥ ﺗﺤﺖ ﺗﺎﺛﻴﺮ ﺍﻟﻤﺨﺪﺭ ﺍﺟﻪ ﺷﺎﻓﻨﻲ ﺭﻛﺾ ﻭﺭﺍﻱ ﻳﺴﺤﺐ ﺍﻗﺴﺎﻡ ﻳﺮﻳﺪ ﻳﻜﺘﻠﻨﻲ ﻣﺘﻄﻠﻊ ﺍﻟﻄﻠﻘﻪ ﺍﻟﻰ ﺍﻥ ﺷﻤﺮ ﺳﻼﺣﻪ ﻭﺻﺎﺭ ﻳﻀﺮﺏ ﺑﺮﺍﺳﻲ ﺑﺎﻟﻜﺎﻉ
ﺍﻧﻲ ﻓﻘﺪﺕ ﻣﺎﺻﺤﻴﺖ ﻏﻴﺮ ﺑﺎﻟﻤﺴﺘﺸﻔﻰ ﺑﻌﺪ ﻓﺘﺮﺓ
ﺑﺴﺒﺐ ﺍﺭﺗﺠﺎﺝ ﺑﺎﻟﺪﻣﺎﻍ
ﺍﺧﻮﻱ ﺍﻧﺴﺠﻦ ﻭﺍﻧﺤﻜﻢ ﺍﻋﺪﺍﻡ
ﻭﺍﻧﻲ ﻋﻤﺎﻣﻲ ﻃﻤﻌﻮ ﺑﻮﺭﺙ ﺍﺑﻮﻱ ﻭﺻﺎﺭﻭ ﻳﻌﻴﺮﻭﻧﻲ ﺑﺎﻟﻤﺨﺒﻠﻪ ﻻﻥ ﻋﻨﺪﻱ ﺍﺭﺗﺠﺎﺝ ﺑﺎﻟﺪﻣﺎﻍ
ﻭﻗﻌﻮﻧﻲ ﻭﺗﻨﺎﺯﻟﺖ ﻋﻦ ﺟﻤﻴﻊ ﺍﻣﻼﻛﻲ ﺍﻟﻬﻢ ﻭﺻﻔﻴﺖ ﻫﺴﻪ ﻛﺎﻋﺪﺓ ﺍﺑﺎﺏ ﺍﺑﻮ ﺍﻟﺤﺴﻦ ﺍﺭﻳﺪﺓ ﻳﺎﺧﺬ ﺣﻘﻲ ﻣﻨﻬﻢ
ﺳﻤﺮ ... ﻭﺍﻟﻠﻪ ﺍﻟﻌﻀﻴﻢ ﻛﻼﻣﻬﺎ ﺣﻴﻴﻴﻴﻞ ﺻﺪﻣﻨﻲ ﻏﻴﺮ ﺷﻐﻼﺕ ﻧﺴﻴﺖ ﺍﺫﻛﺮﻫﺎ ﻛﻼﻣﻬﺎ ﻳﻮﻛﻒ ﺍﻟﻌﻘﻞ ﻭﻳﻦ ﻭﺻﻠﻨﻪ ﺍﺣﻨﻪ ﻭﻟﻴﺶ ﺍﻟﻨﺎﺱ ﺍﻧﺸﺎﻟﺖ ﻣﻦ ﻛﻠﻮﺑﻬﺎ ﺍﻟﺮﺣﻤﻪ ﺍﻻﺥ ﻳﻜﺘﻞ ﺍﺧﻮ ﻭﺍﻟﺒﻨﺖ ﺗﻜﺘﻞ ﺍﻣﻬﺎ
ﻭﺻﺪﻙ ﻣﻦ ﻳﺸﻮﻑ ﻣﺼﺎﻳﺐ ﺍﻟﻨﺎﺱ ﺗﻬﻮﻥ ﻋﻠﻲ ﻣﺼﻴﺒﺘﻪ
ﺑﺎﻭﻋﺖ ﺳﺎﻋﻪ ﻋﺸﺮﺓ ﺍﻟﺼﺒﺢ ﻭﺍﻧﻲ ﺑﻌﺪﻧﻲ ﻛﺎﻋﺪﺓ ﺑﺎﻟﺼﺤﻦ ﻛﻤﺖ ﻋﻠﻰ ﺣﻴﻠﻲ ﻭﻃﻠﻌﺖ
ﻟﻜﻴﺖ ﻫﺸﺎﻡ ﻛﺎﻋﺪ ﺍﺑﺎﺏ ﺍﻻﻣﺎﻡ ﻳﻨﺘﻀﺮﻧﻲ
ﺷﺎﻓﻨﻲ ﻭﺍﺟﻪ ﻳﻤﺸﻲ ﺏ ﺍﺗﺠﺎﻫﻲ
ﻫﺸﺎﻡ .. ﻣﻘﺒﻮﻟﻪ ﺍﻟﺰﻳﺎﺭﺓ
ﺳﻤﺮ .. ﻗﺒﻞ ﺍﻟﻠﻪ ﺍﻋﻤﺎﻟﻚ
ﻫﺸﺎﻡ .. ﺍﺭﺗﺎﺣﻴﺘﻲ؟؟
ﺳﻤﺮ .. ﺍﻣﻢ
ﻫﺸﺎﻡ .. ﻳﻠﻪ ﻧﺮﻭﺡ ﻧﺘﺮﻳﻚ ﻭﻧﺮﺟﻊ ﻟﻠﺒﻴﺖ ﻭﺍﺫﺍ ﺑﻨﻔﺴﺞ ﺑﻌﺪ ﻣﻜﺎﻥ ﺗﺮﺣﻴﻦ ﺍﺧﺬﺝ ﺍﻟﻴﻮﻡ ﺑﺲ ﺍﻟﺞ
ﺳﻤﺮ .. ﻣﺎﺑﻴﻪ ﺍﺣﺠﻲ ﺗﻌﺒﺎﻧﻪ ﻛﺘﻠﻪ ﻻ ﺭﺟﻌﻨﻲ
ﻫﺸﺎﻡ .. ﺻﺎﺭ ﺑﺲ ﻧﺘﺮﻳﻚ ﻭﺍﺭﺟﻌﺞ ﻭﻋﺪ ﺑﺲ ﺍﻧﺘﺒﻬﻲ ﻟﺘﻮﻛﻌﻴﻦ
ﺳﻤﺮ .. ﺍﺧﺬﻧﻪ ﺍﻟﻤﻄﻌﻢ ﻭﻧﺰﻝ ﺍﻛﻞ ﻭﻫﻮ ﻃﻠﺒﻠﻲ ﻣﺸﻮﻳﺎﺕ ﺻﺎﺭ ﻳﻠﻔﻠﻲ ﻭﻳﻨﻄﻴﻨﻲ ﻭﻳﺠﺒﺮﻧﻲ ﺍﻛﻞ ﻛﻞ ﺷﻮﻳﻪ ﻭﻛﺎﻝ ﺑﺲ ﻫﺎﻱ ﻭﻣﻦ ﺍﻛﻤﻠﻬﺎ ﻳﻨﻄﻴﻨﻲ ﺍﻟﺜﺎﻧﻴﻪ
ﺭﺟﻌﻨﻪ ﻟﻠﺒﻴﺖ ﻭﺻﺮﺕ ﻳﻮﻡ ﻋﻦ ﻳﻮﻡ ﺍﺷﻮﻑ ﺣﻨﻴﻪ ﻫﺸﺎﻡ ﻋﻠﻴﻪ ﻭﺧﻮﻓﻪ ﻭﺣﺮﺻﻪ ﻉ ﺻﺤﺘﻲ ﺻﺎﺭ ﻳﺪﺍﺭﻳﻨﻲ ﺑﺸﻜﻞ ﻣﻮﻃﺒﻴﻌﻲ ﻭﻣﻦ ﺍﺭﻓﺾ ﺍﻛﻞ ﻳﺼﻌﺪ ﺍﻻﻛﻞ ﻳﻤﻲ ﻟﻠﻐﺮﻓﻪ ﻭﻳﻜﻠﻲ ﺍﻧﻲ ﻫﻢ ﻣﺎﻣﺎﻛﻞ ﻣﻨﺘﻀﺮﺝ ﻭﻧﺎﻛﻞ ﺍﻧﻲ ﻭﻳﺎﻩ
ﺻﺮﺕ ﻣﺘﻌﻠﻘﻪ ﺑﻲ ﻋﻴﻮﻧﻲ ﺍﺩﻭﺭ ﻋﻠﻲ
ﺻﺎﺭ ﺍﻻﺭﺑﻌﻴﻦ ﻣﺎﻝ ﺍﻫﻠﻲ ﻭﻋﻤﺎﻣﻲ ﻣﺎﻗﺼﺮﻭ ﺳﻮﻭ ﻳﻤﻬﻢ ﻭﻫﻢ ﺭﺣﻨﻪ ﺯﺭﻧﺎﻫﻢ ﺍﺭﺑﻌﻴﻦ ﻳﻮﻡ ﻋﺪﻥ ﻋﻠﻴﻪ ﺍﺣﺴﻬﻦ ﺧﺬﻥ ﺛﻠﺜﻴﻦ ﻋﻤﺮﻱ ﺍﺷﻠﻮﻥ ﺍﺧﻠﺺ ﺣﻴﺎﺗﻲ ﻣﻦ ﺩﻭﻧﻬﻢ
ﺛﺎﻧﻲ ﻳﻮﻡ ﻃﻠﺒﺖ ﻣﻦ ﻫﺸﺎﻡ ﻳﺎﺧﺬﻧﻲ ﻭﻳﺎﻩ ﺍﻟﺒﻐﺪﺍﺩ ﻻﻥ ﺍﺟﻴﺖ ﻛﻠﺸﻲ ﻣﺎﺟﺎﻳﺒﻪ ﻣﻦ ﺍﻟﻤﺴﺘﺸﻔﻰ ﺍﻟﺒﻴﺘﻬﻢ ﻣﺎﻣﺮﻳﺖ ﺑﻌﺪ ﺍﻟﺒﻴﺘﻨﻪ
ﻫﻮ ﻭﺍﻓﻖ ﻛﺎﻝ
ﻫﺸﺎﻡ .. ﺑﺎﺟﺮ ﺣﻀﺮﻱ ﻧﻔﺴﺞ ﻧﻄﻠﻊ ﻣﻦ ﻭﻗﺖ ﻭﻧﺮﺟﻊ ﺑﻨﻔﺲ ﺍﻟﻴﻮﻡ
ﺛﺎﻧﻲ ﻳﻮﻡ ﺭﺣﻨﻪ ﺍﻟﺒﻴﺘﻨﻪ ﺍﻭﻝ ﻣﺎﻓﺘﺤﺖ ﺍﻟﺒﺎﺏ ﺍﻧﻬﻀﻤﺖ ﺗﻤﻨﻴﺖ ﺗﺘﻠﻜﺎﻧﻲ ﺍﻣﻲ
ﺍﺑﺎﻭﻉ ﻉ ﺍﻟﺤﻴﺎﻃﻴﻦ ﻫﻨﺎ ﻛﻌﺪﻧﻪ ﻫﻨﺎ ﺿﺤﻜﻨﻪ ﻫﻨﺎ ﻧﻤﺖ ﺑﺤﻀﻦ ﺍﻣﻲ ﺑﻴﺖ ﺍﺭﻛﺎﻧﻪ ﺗﺒﺠﻲ ﻋﻠﻰ ﺍﺻﺤﺎﺑﻪ
ﻫﺸﺎﻡ ﺿﻞ ﺑﺎﻻﺳﺘﻘﺒﺎﻝ ﻭﺍﻧﻲ ﺻﻌﺪﺕ ﺍﻟﻐﺮﻓﺘﻲ ﻟﻤﻴﺖ ﻏﺮﺍﺿﻲ ﺍﻟﻤﻬﻤﺎﺕ ﻭﺗﻠﻔﻮﻧﻲ ﻭﺩﺧﻠﺖ ﻏﺮﻓﺖ ﺍﻣﻲ
ﻧﻤﺖ ﺑﻔﺮﺍﺷﻬﺎ ﻭﺣﻀﻨﺖ ﻣﺨﺪﺗﻬﺎ ﺣﻴﻴﻴﻞ ﺍﻭﻭﻭﻑ ﻳﻤﻪ ﻭﻳﻨﺞ ﻭﻳﻦ ﺧﻠﻴﺘﻴﻨﻲ
ﻓﺘﺤﺖ ﻛﻨﺘﻮﺭﻫﺎ ﺍﺧﺬﺕ ﺩﺷﺪﺍﺷﺘﻬﺎ ﻭﺣﺠﺎﺑﻬﺎ ﺍﺻﺒﺮ ﺑﻴﻬﻦ ﺭﻭﺣﻲ ﺑﻔﺮﺍﻛﻬﺎ
ﺍﺫﺍ ﺍﺗﻜﻠﻮﻟﻲ ﺷﻨﻮ ﺍﺻﻌﺐ ﺷﻲ ﺑﺤﻴﺎﺗﺞ
ﺍﻛﻠﻜﻢ ﻓﻜﺪ ﺍﻣﻲ ﻻﻥ ﺍﻻﻡ ﻣﺘﺘﻌﻮﺽ ﺍﺑﺪ ﺍﻟﻠﻪ ﻳﺮﺣﻢ ﺍﻣﻲ ﻭﺍﻣﻬﺎﺕ ﺍﻟﻤﺴﻠﻤﻴﻦ ﻭﻳﺴﻜﻨﻬﻦ ﻓﺴﻴﺢ ﺟﻨﺎﺗﻪ
ﻧﺰﻟﺖ ﻭﺩﻣﻮﻋﻲ ﺑﻌﻴﻨﻲ ﻭﻣﺨﺘﻨﻜﻪ ﺷﻔﺖ ﻫﺸﺎﻡ ﺑﺎﻻﺳﺘﻘﺒﺎﻝ
ﻫﺸﺎﻡ .. ﻛﻤﻠﺘﻲ
ﺳﻤﺮ ﺍﻱ ..
ﻫﺸﺎﻡ .. ﻣﺎﻛﺎﻓﻲ ﺑﺠﻲ ﺗﻌﺒﺘﻴﻬﻢ ﺗﺮﺓ ﻣﻮﺯﻳﻦ ﻋﻠﻴﻬﻢ ﻳﺘﻌﺬﺑﻮﻥ
ﺳﻤﺮ .. ﻣﻦ ﻛﺎﻝ ﻫﻴﺞ ﺻﺮﺕ ﺍﺑﺠﻲ ﺑﺼﻮﺕ ﺍﺟﻪ ﻋﻠﻴﻪ ﺳﺮﻳﻊ ﺍﺧﺬﻧﻲ ﺑﺤﻀﻨﻪ ﻭﺩﻓﻦ ﻭﺟﻬﻲ ﺑﺼﺪﺭﺓ ﻭﺻﺎﺭ ﻳﻤﺴﺢ ﻋﻠﻰ ﺷﻌﺮﻱ ﺑﻬﺪﻭﺀ ﻛﻨﺖ ﻣﺘﻤﻨﻴﻪ ﺣﻀﻦ ﺍﺷﻤﺮ ﺭﻭﺣﻲ ﺑﻲ ﻳﻄﻤﻨﻲ ﻭﻳﻜﻠﻲ ﻛﻠﺸﻲ ﺭﺍﺡ ﻳﻜﻮﻥ ﺑﺨﻴﺮ ﻟﺘﺨﺎﻓﻴﻦ
ﻫﺸﺎﻡ .. ﻭﺍﻟﻠﻪ ﻣﺎﺍﻋﻮﻓﺞ ﺍﺑﺪ ﺍﻧﻲ ﻳﻤﺞ ﺍﺏ ﺍﻡ ﺍﺥ ﺍﺧﺖ ﺣﺒﻴﺐ ﺻﺪﻳﻖ ﻛﻠﺸﻲ ﺗﺮﺩﻳﻦ ﺍﺻﻴﺮﻟﺞ ﻟﺘﺘﻮﻗﻌﻴﻦ ﺭﺍﺣﻮ ﺍﻫﻠﺞ ﻣﺤﺪ ﺍﻟﺞ ﺍﻧﺘﻲ ﺑﻨﻴﺘﻲ ﻭﺣﺒﻴﺒﺘﻲ ﻭﻛﻠﺸﻲ ﺑﺎﻟﻨﺴﺒﻪ ﺍﻟﻲ
ﺳﻤﺮ .. ﺿﻠﻴﺖ ﻣﺪﻧﻜﻪ ﻭﺑﺲ ﺍﺑﺠﻲ ﻛﻼﻣﻪ ﺭﻳﺤﻨﻲ ﻟﺰﻡ ﺭﺍﺳﻲ ﻭﺑﺎﺳﻨﻲ ﻭﻛﺎﻝ
ﻫﺸﺎﻡ .. ﻳﻠﻪ ﺍﺑﻮﻳﻪ ﺍﻧﺘﻲ ﻭﺭﺍﻧﻪ ﻃﺮﻳﻖ ﻫﻢ ﻳﻠﻪ ﻧﻮﺻﻞ ﻣﻦ ﻭﻛﺖ
ﺳﻤﺮ .. ﻭﺻﺎﺭﺕ ﺍﻻﻳﺎﻡ ﺗﻤﺸﻲ ﻭﺍﻻﺷﻬﺮ ﻭﺍﻧﻲ ﻳﻢ ﺑﻴﺖ ﻋﻤﻲ ﻣﺎﻗﺼﺮﻭ ﻭﻳﺎﻱ ﺍﺑﺪ ﺣﺎﻟﻲ ﻣﻦ ﺣﺎﻝ ﺑﻨﺎﺗﻬﻢ ﺑﺲ ﻳﺒﻘﻪ ﺑﺎﻟﻜﻠﺐ ﻧﻐﺼﻪ ﻭﺍﺑﻘﻪ ﺍﻋﺘﺒﺮ ﻧﻔﺴﻲ ﺧﻄﺎﺭ
ﻭﺍﺣﺪ ﺍﺫﺍ ﻣﻮﺑﻴﺘﻪ ﻣﻴﺮﺗﺎﺡ ﻭﺍﻧﻲ ﺭﺍﺣﺘﻲ ﺭﺍﺣﺖ ﻣﻦ ﻣﺎﺗﻮ ﺍﻫﻠﻲ ﺣﺘﻰ ﺩﻭﺍﻣﻲ ﺗﺮﻛﺘﻪ ﻭﻛﺮﻫﺖ ﻧﻔﺴﻲ ﺻﺮﺕ ﺍﻧﺴﺎﻧﻪ ﺛﺎﻧﻴﻪ ﻣﻮﺳﻤﺮ ﺍﻟﺘﻀﺤﻚ ﺍﻟﻨﻬﺎﺭ ﻛﻠﻪ
ﻫﺎﻱ ﺳﻤﺮ ﺟﺪﻳﺪﺓ ﻳﻐﻠﻔﻬﺎ ﺍﻟﺤﺰﻥ
ﺭﻏﻢ ﻣﺤﺎﻭﻻﺗﻬﻢ ﻳﺮﺩﻭﻥ ﻳﻄﻠﻌﻮﻧﻲ ﻣﻦ ﺟﻮ ﺍﻟﺤﺰﻥ ﻭﺍﻟﻜﺎﺋﺒﻪ ﺑﺲ ﻛﻨﺖ ﺍﺭﻓﺾ ﻭﺍﺑﻘﻪ ﻣﻨﻐﻠﻘﻪ ﻉ ﻧﻔﺴﻲ
ﻭﻟﺤﺪ ﺍﻻﻥ ﺍﻧﻲ ﻣﺎﻣﻨﺠﻤﻌﻪ ﻭﻳﺎﻫﻢ ﻋﻠﻰ ﺳﻔﺮﺓ ﻭﺣﺪﺓ ﻣﺎﺍﻋﺮﻑ ﺍﺧﺎﻑ ﺍﻛﻌﺪ ﻭﺍﺣﺴﺪﻫﻢ ﻭﺍﺣﺴﺪ ﻟﻤﺘﻬﻢ
ﺍﺟﺘﻨﻲ ﻋﻤﺘﻲ ﺍﻡ ﻫﺸﺎﻡ ﺩﺧﻠﺖ ﻟﻠﻐﺮﻓﻪ ﻭﺳﺪﺕ ﺍﻟﺒﺎﺏ ﻛﻌﺪﺕ ﻳﻤﻲ ﻭﺳﺤﺒﺘﻨﻲ ﺍﻟﺤﻀﻨﻬﺎ ﺧﻠﺖ ﺭﺍﺳﻲ ﻉ ﺭﺟﻠﻴﻬﺎ ﻭﺿﻠﺖ ﺗﻠﻌﺐ ﺑﺸﻌﺮﻱ ﻭﺗﺤﺠﻲ
ﺍﻡ ﻫﺸﺎﻡ .. ﻳﻤﻪ ﺳﻤﺮ ﺍﻧﻲ ﺷﻨﻮ ﺑﺎﻟﻨﺴﺒﻪ ﺍﻟﺞ؟
ﺳﻤﺮ .. ﻋﻤﺘﻲ ﻭﻣﺜﻞ ﺍﻣﻲ ﻳﺸﻬﺪ ﺍﻟﻠﻪ
ﺍﻡ ﻫﺸﺎﻡ .. ﺯﻳﻦ ﺍﺫﺍ ﻫﻴﺞ ﺗﻌﺘﺒﺮﻳﻨﻲ ﻟﻴﺶ ﻣﺎﺗﻘﺪﺭﻳﻨﻲ ﻣﻦ ﻧﺼﻴﺤﻠﺞ ﻉ ﺍﻻﻛﻞ ﺣﺘﻰ ﺗﻜﻌﺪﻳﻦ ﻳﻤﻨﻪ ﻟﻴﺶ ﻣﻨﻄﻮﻳﻪ ﻋﻠﻰ ﺭﻭﺣﺞ
ﺳﻤﺮ .. ﺩﻣﻮﻋﻲ ﻧﺰﻟﻦ ﻛﺘﻠﻬﺎ ﻣﺎﺍﺭﻳﺪ ﺍﺿﻮﺟﻜﻢ
ﺍﻡ ﻫﺸﺎﻡ .. ﻗﺒﻞ ﺍﺷﻮﻓﺞ ﻣﺮﺓ ﺑﺲ ﻫﺴﻪ ﺛﺒﺘﻠﻲ ﺍﻧﺘﻲ ﻃﻔﻠﻪ ﺑﻬﺬﺍ ﻛﻼﻣﺞ ﻣﻨﻴﻦ ﺗﻀﻮﺟﻴﻨﻪ ﺷﻔﺘﻲ ﺍﻫﻞ ﻳﻀﻮﺟﻮﻥ ﻣﻦ ﺑﺘﻬﻢ ﺍﻧﺘﻲ ﺑﻨﻴﺘﻨﻪ ﻣﻮ ﻣﻦ ﻣﺎﺗﻮ ﺍﻫﻠﺞ ﻻ ﻣﻦ ﺯﻣﺎﻥ ﺍﺣﻨﻪ ﻫﻴﺞ ﻧﻌﺘﺒﺮﺝ
ﻳﻴﻤﻪ ﺍﻟﺮﺍﺡ ﻣﺎﻳﺮﺟﻊ ﺑﻌﺪ ﺻﺢ ﺍﻟﺮﺍﺣﻮ ﺍﻋﺰﺍﺯ ﺑﺲ ﺍﻟﺤﻴﺎﺓ ﺗﺴﺘﻤﺮ ﺷﻮﻓﻴﻨﻲ ﺍﻧﻲ ﻋﻤﺘﺞ ﻛﺪﺍﻣﺞ ﻫﻢ ﺍﺟﻪ ﻳﻮﻡ ﻭﺷﺎﻍ ﻛﻠﺒﻲ ﻧﻔﺲ ﺷﻮﻏﺘﺞ
ﺍﺑﻮﻱ ﻭﺍﺧﻮﺗﻲ ﺍﺛﻨﻴﻨﻬﻢ ﻧﺎﺱ ﻓﻘﺮﺓ ﻋﻠﻰ ﺑﺎﺏ ﺍﻟﻠﻪ ﻳﺸﺘﻐﻠﻮﻥ ﺑﻮﻛﺖ ﺍﻟﻨﻀﺎﻡ ﺍﺟﻪ ﺍﺍﻟﺠﻴﺶ ﺍﺧﺬﻫﻢ ﻭﺭﺍﺡ ﻭﺫﺍﻙ ﻳﻮﻡ ﻭﻫﺬﺍ ﻳﻮﻡ ﻣﺎﺭﺟﻌﻮ ﺑﻌﺪ ﻧﺎﺱ ﺗﻜﻮﻝ ﺍﺳﺮﻯ ﻭﻧﺎﺱ ﺍﺗﻜﻮﻝ ﺍﻧﻌﺪﻣﻮ ﻭﻣﺎﻟﻜﻴﻨﻪ ﺍﻟﻬﻢ ﻃﺮﻳﻖ ﻭﺍﻣﻲ ﻣﻦ ﺣﺮﻛﺖ ﻛﻠﺒﻬﺎ ﻋﺒﻦ ﺍﺑﻮ ﺑﻴﺘﻬﺎ ﺍﻭ ﻭﻟﺪﻫﺎ ﺭﺍﺣﻮ ﻣﻨﻬﺎ ﻫﻢ ﻣﺎﻃﻮﻟﺖ ﺳﻨﻪ ﻭﺭﺍﻫﻢ ﻭﻣﺎﺗﺖ ﺑﺤﺴﺮﺗﻬﺎ ﺻﺢ ﺍﻧﻤﺮﺩﺕ ﺍﻛﻠﻮﺑﻨﻪ ﺑﺲ ﺍﻟﺤﺰﻥ ﺑﺎﻟﻜﻠﺐ ﻭﺍﻟﻠﻪ ﻳﺎﺑﻨﻴﺘﻲ ﻟﻮ ﺍﻟﺤﺰﻥ ﻭﺍﻟﻠﻄﻢ ﻭﺍﻟﺜﻮﺏ ﺍﻻﺳﻮﺩ ﻳﺮﺟﻊ ﺍﻟﻤﺎﺕ ﺟﺎﻥ ﺻﺒﻐﻨﻪ ﺣﺘﻰ ﻭﺟﻮﻫﻨﻪ ﺳﻮﺩ
ﻛﻮﻟﻲ ﻳﺎﺍﻟﻠﻪ ﻭﺑﺪﻝ ﻫﺎﻱ ﻛﻌﺪﺗﺞ ﺻﻠﻴﻠﻬﻢ ﻭﺍﻗﺮﻳﻠﻬﻢ ﻗﺮﺍﻥ ﻭﺍﻫﺪﻱ ﺑﺜﻮﺍﺑﻬﻢ
ﺳﻤﺮ .. ﺣﻀﻨﺘﻬﺎ ﻭﺻﺮﺕ ﺍﻧﺎﺷﻎ ﺑﺤﻀﻨﻬﺎ
ﺍﻡ ﻫﺸﺎﻡ .. ﺑﻠﻪ ﻫﺴﻪ ﺻﺎﺭﻟﻨﻪ ﺳﺎﻋﻪ ﺷﻨﺤﺠﻲ ﻳﻠﻪ ﻛﻮﻣﻲ ﺍﺳﺒﺤﻲ ﻭﺑﺪﻟﻲ ﻭﻧﺰﻟﻲ ﺗﻌﺸﻲ ﻭﻳﺎﻧﻪ ﻛﺎﻓﻲ ﻋﺎﺯﻟﻪ ﺭﻭﺣﺞ ﻭﺣﺪﺝ
ﺳﻤﺮ .. ﻛﻼﻣﻬﺎ ﺻﺢ ﺍﻧﻲ ﺻﺎﺭ 6 ﺍﺷﻬﺮ ﻋﺎﺯﻟﻪ ﻧﻔﺴﻲ ﻭﺣﺪﻱ ﺣﺘﻰ ﻫﻤﻪ ﺿﺎﺟﻮ ﻣﻨﻲ
ﺳﺒﺤﺖ ﻭﻟﺒﺴﺖ ﺩﺷﺪﺍﺷﻪ ﺳﻮﺩﺓ ﻭﻧﺰﻟﺖ ﻋﻤﺘﻲ ﻛﺎﻟﺖ ﺗﻌﺎﻱ ﺍﻛﻌﺪﻱ ﻳﻤﻲ ﻭﻋﻤﻲ ﻛﺎﻝ ﻻﺍﺍﺍ ﻋﻮﻓﻮﻫﺎ ﻣﻜﺎﻧﻬﺎ ﻳﻤﻲ ﺍﺩﺭﻱ ﺑﻴﻬﻢ ﻫﻴﺞ ﻳﺴﻮﻥ ﺣﺘﻰ ﻳﻐﻴﺮﻭﻥ ﻧﻔﺴﻴﺘﻲ ﻭﺻﺎﺭﻭ ﻉ ﺍﻟﺴﻔﺮﺓ ﻳﺤﺎﻭﻟﻮﻥ ﻳﺨﻠﻮﻧﻲ ﺍﺑﺎﺩﻟﻬﻢ ﺍﻟﻜﻼﻡ ﺑﺲ ﺍﻧﻲ ﻋﻴﻮﻧﻲ ﻏﺮﻛﺎﻧﻪ ﺩﻣﻮﻉ ﺑﻜﻠﺒﻲ ﺍﻛﻮﻝ ﻫﻢ ﺍﻧﻲ ﻣﺜﻠﻜﻢ ﺟﺎﻥ ﻋﻨﺪﻱ ﻋﺎﺋﻠﻪ ﻭﻧﻜﻌﺪ ﺳﻮﺓ ﻧﺎﻛﻞ ﺍﺣﺲ ﺍﻟﻠﻜﻤﻪ ﺑﺤﻠﻜﻲ ﻻ ﺍﻛﺪﺭ ﺍﻃﻠﻌﻬﺎ ﻭﻻ ﺍﻛﺪﺭ ﺍﺑﻠﻌﻬﺎ ﺣﻴﻴﻴﻞ ﻣﺨﺘﻨﻜﻪ
ﺷﻮﻳﻪ ﻭﺩﺧﻞ ﻫﺸﺎﻡ ﺗﻮﺓ ﺟﺎﻱ ﻣﻦ ﺍﻟﺪﻭﺍﻡ ﺍﻭﻝ ﻣﺎﺷﺎﻓﻨﻲ ﺍﺑﺘﺴﻢ ﻭﺻﺎﺡ
ﻫﺸﺎﻡ .. ﻳﻤﺎﺍ ﺗﻮﻫﺎ ﺍﻟﺴﻔﺮﺓ ﺣﻠﺖ ﺻﺒﻴﻠﻲ ﻧﻔﺴﻲ ﺍﻧﻔﺘﺤﺖ ﻉ ﺍﻻﻛﻞ
ﺳﻤﺮ .. ﻳﺒﺎﻭﻋﻠﻲ ﻭﻳﺤﺠﻲ ﻭﻫﻤﻪ ﻳﻀﺤﻜﻮﻥ ﻋﻠﻲ ﻭﺍﻧﻲ ﻓﺸﻠﺖ ﻣﻦ ﻛﻼﻣﻪ
ﻣﺎﺻﺪﻛﺖ ﻳﺨﻠﺼﻮﻥ ﻭﺍﻃﻔﺮ ﻟﻠﻐﺮﻓﻪ
ﺻﺎﺭﺕ ﻧﻔﺴﻴﺘﻲ ﺍﺣﺴﻦ ﻭﺻﺮﺕ ﺍﻧﺰﻝ ﺍﺳﺎﻋﺪ ﺍﻟﺒﻨﺎﺕ ﻭﺍﻧﺠﻤﻊ ﻭﻳﺎﻫﻢ ﻉ ﺍﻻﻛﻞ ﺻﺢ ﻧﻔﺴﻴﺘﻲ ﺗﺤﺴﻨﺖ ﺑﺲ ﻣﻮ ﻣﺜﻞ ﻗﺒﻞ
ﻭﻳﻮﻡ ﻋﻦ ﻳﻮﻡ ﺍﺗﻌﻠﻖ ﺑﻬﺸﺎﻡ ﺍﻛﺜﺮ ﻭﺍﻛﺜﺮ ﻭﺻﺮﺕ ﺍﺣﺒﻪ ﺍﻱ ﺣﺒﻴﺘﻪ ﻣﻦ ﺷﻔﺖ ﺣﺒﻪ ﻭﺍﻫﺘﻤﺎﻣﻪ ﻗﺒﻞ ﻣﻦ ﺟﺎﻥ ﻳﻀﺮﺑﻨﻲ ﻣﺎﺍﻃﻴﻘﻪ ﺑﺲ ﻫﺴﻪ ﺷﻔﺖ ﺍﻟﺠﺎﻧﺐ ﺍﻟﺤﻠﻮ ﺑﻲ
ﺷﺎﻳﻞ ﺣﻨﻴﻪ ﻛﻠﺶ ﺣﻠﻮﺓ ﻣﺎﺧﻼﻧﻲ ﺍﺣﺘﺎﺝ ﺷﻲ ﺣﺘﻰ ﻣﻼﺑﺲ ﻳﻨﻄﻲ ﺍﻟﻌﻤﺘﻲ ﺍﻓﻠﻮﺱ ﻭﻫﻲ ﺗﺠﻴﺒﻠﻲ ﻭﺑﻴﻦ ﻛﻞ ﻛﻢ ﻳﻮﻡ ﻳﺎﺧﺬﻧﻲ ﻧﺰﻭﺭ ﺍﻧﻲ ﻭﻋﻤﺘﻲ ﻭﻣﺮﺍﻡ ﻃﻠﻌﻨﻲ ﻣﻦ ﺣﺰﻥ ﻋﻤﺮﻱ ﻣﺎﺟﻨﺖ ﻣﺘﻮﻗﻌﻪ ﺍﻛﺪﺭ ﺍﻃﻠﻊ ﻣﻨﻪ
ﺑﺲ ﺍﻟﺸﻲ ﺍﻟﻮﺣﻴﺪ ﺍﻟﻜﺎﻥ ﻳﻀﻮﺟﻨﻲ ﻛﻼﻡ ﺍﻟﻨﺎﺱ
ﺑﻨﻴﻪ ﻭﺣﻠﻮﺓ ﻛﺎﻋﺪﺓ ﺍﺑﻴﺖ ﻋﻤﻬﺎ ﻭﺍﻟﺒﻴﺖ ﺑﻲ ﻭﻟﺪ ﻟﻴﺶ ﻣﻴﺎﺧﺬﻭﻫﺎ ﺍﻟﻮﺍﺣﺪ ﻣﻦ ﻭﻟﺪﻫﻢ ﻣﺮﺍﺕ ﺍﻟﺤﺠﺎﻳﻪ ﺍﺳﻤﻌﻬﺎ ﺗﺮﺱ ﺍﺫﻧﻲ ﻭﺗﻀﻮﺟﻨﻲ ﺑﺲ ﺫﻭﻟﻪ ﻫﻢ ﺍﻫﻠﻲ ﺷﻌﻠﻴﻬﻢ ﻫﻤﻪ ﺑﻴﻪ
ﺑﻌﺪ ﺷﻬﺮ ﺗﻄﻠﻊ ﺍﻟﺴﻨﻮﻳﻪ ﻣﺎﻝ ﺍﻫﻠﻲ ﺳﻨﻪ ﺍﺟﺖ ﺭﻛﺾ ﺭﻛﺾ ﺑﺪﻭﻥ ﻣﻨﺤﺲ ﻭﻻ ﻋﺒﺎﻟﻚ ﺍﻟﺒﺎﺭﺣﻪ ﺟﻨﻪ ﺳﻮﻳﻪ ﺍﻟﻌﻤﺮ ﻳﺮﻛﺾ ﻭﻣﺎﺣﺴﺒﻴﻨﻠﻪ ﺣﺴﺎﺏ
ﺍﺟﺖ ﻣﺮﺍﻡ ﻭﻛﺎﻟﺖ ﻋﺪﻧﻪ ﺧﻄﺎﺭ
ﺳﻤﺮ .. ﻣﻨﻮ ؟
ﻣﺮﺍﻡ .. ﻋﻤﺘﻲ ﺍﻡ ﻣﻬﻨﺪ ﻫﻲ ﻭﻋﻤﻲ ﻛﻮﻣﻲ ﺧﻞ ﻧﻨﺰﻝ ﻳﻤﻬﻢ
ﺳﻤﺮ .. ﻣﺎﺑﻴﻪ ﺣﻴﻞ ﻭﺍﻟﻠﻪ ﺭﻭﺣﻲ ﺍﻧﺘﻲ ﻭﺍﺫﺍ ﺳﺎﻟﻮ ﻛﻠﻴﻠﻬﻢ ﻧﺎﻳﻤﻪ
ﻣﺮﺍﻡ .. ﺩﻛﻮﻭﻣﻲ ﻳﻤﻌﻮﺩﺓ ﺧﻞ ﻧﻨﺰﻝ ﻳﻤﻬﻢ ﻫﺸﺎﻡ ﻭ ﺍﻫﻠﻲ ﻛﻠﻬﻢ ﻛﺎﻋﺪﻳﻦ ﻳﺴﻮﻟﻔﻮﻥ ﺑﺲ ﺍﻧﺘﻲ ﻣﺤﺘﻜﺮﺓ ﻧﻔﺴﺞ ﻫﻨﺎ ﺩﻛﻮﻣﻲ
ﺳﻤﺮ .. ﺗﻮﻧﻲ ﻛﻤﺖ ﻋﻠﻰ ﺣﻴﻠﻲ ﻭﺩﺍﺍﻟﺒﺲ ﺑﺤﺠﺎﺑﻲ ﻭﺟﺎﻥ ﻳﻨﻔﺘﺢ ﺍﻟﺒﺎﺏ ﻭﺩﺧﻞ ﻫﺸﺎﻡ ﻣﺜﻞ ﺍﻟﻤﺠﻨﻮﻥ ﻃﻠﻊ ﻣﺮﺍﻡ ﺑﺮﺓ ﻭﺳﺪ ﺍﻟﺒﺎﺏ ﻭﺍﻧﻲ ﻣﺪﺭﻱ ﺷﺒﻴﻪ ﻣﻦ ﺷﻔﺘﻪ ﻫﻴﺞ ﺧﻔﺖ ﺍﺟﻪ ﻳﻤﻲ ﺳﺤﺒﻨﻲ ﻣﻦ ﺍﻳﺪﻱ ﺣﻴﻞ ﻭﻛﺎﻝ
ﻫﺸﺎﻡ .. ﺷﻌﻨﺪﺩﺩﺩﺩﺝ ﻭﻳﻪ ﻣﻬﻨﺪﺩﺩﺩ؟؟
ﺳﻤﺮ .. ﺿﻠﻴﺖ ﻓﺎﺗﺤﻪ ﺣﻠﻜﻲ ﻫﺬﺍ ﺷﻴﺤﺠﻲ
ﺟﺎﻭﺑﺘﻪ ﻛﺘﻠﻪ ﺷﻌﻨﺪﻱ؟؟
ﻫﺸﺎﻡ .. ﺍﺳﺎﻟﻲ ﺭﻭﻭﻭﺣﺞ
ﺳﻤﺮ .. ﻟﻴﺶ ﺍﻧﺘﻪ ﺗﺸﻮﻓﻨﻲ ﺍﻃﻠﻊ ﺣﺘﻰ ﻳﺤﺒﻨﻲ ﺣﺘﻰ ﻣﺎﺍﻧﺰﻝ ﻳﻤﻪ ﻣﻦ ﻳﺠﻲ
ﻫﺸﺎﻡ .. ﺍﻝ ﺍﺍﺍﺍﺍﺥ ﺩﺍﺍﺍﺯ ﺍﻫﻠﻪ ﻳﺨﻄﺒﺠﺠﺠﺞ
ﺳﻤﺮ .. ﺿﻠﻴﺖ ﺻﺎﻓﻨﻪ ﺑﻮﺟﻬﺎ ﻣﺎﺍﻋﺮﻑ ﺷﺮﺩ ﻋﻠﻲ ﺷﻔﺘﻪ ﺍﺟﻪ ﻳﻤﻲ ﻛﻮﺭ ﺍﻳﺪﺓ ﻋﻠﻪ ﺷﻜﻞ ﻗﺒﻀﻪ ﻭﺿﺮﺏ ﺍﻟﺤﺎﻳﻂ ﺣﻴﻞ ﻭﻛﺎﻝ
ﻫﺸﺎﻡ .. ﺷﻮﻭﻓﻴﻨﻲ ﻭﺍﺍﺍﺳﻤﻌﻴﻨﻲ ﺯﻳﻴﻴﻦ ﺑﺲ ﺍﻳﺪﺯﻭﻥ ﻋﻠﻴﺞ ﻭﻳﺴﺎﻟﻮﺝ ﺍﻧﺘﻲ ﺗﺮﻓﻀﻴﻦ ﺭﻓﻔﻔﺾ ﻗﺎﻃﻊ ﻋﺮﻓﺘﺘﺘﻲ ﻟﻮﻻﺍﺍﺍ
ﺳﻤﺮ .. ﺍﺳﻤﻌﻨﻲ ﻫﺸﺎﻡ ﺍﻫﻠﻲ ﻣﺎﺻﺎﺭ ﺳﻨﻪ ﻣﻦ ﺗﻮﻓﻮ ﻭﺍﻧﻲ ﻣﻴﻬﻤﻨﻲ ﻻﻣﻬﻨﺪ ﻭﻻ ﻏﻴﺮ ﻣﻬﻨﺪ
ﻫﺸﺎﻡ .. ﻣﻦ ﺍﻻﺧﻴﺮ ﺍﺫﺍ ﻋﻤﻲ ﺳﺎﻟﺞ ﺍﺭﻓﻀﻲ ﻭﺷﺮﻑ ﻣﺤﻤﺪ ﺍﺫﺍ ﺍﻟﺘﻤﺴﻮ ﻣﻨﺞ ﻣﻮﺍﻓﻘﻪ ﺍﺫﺑﺒﺒﺤﺞ ﻋﺮﻓﺘﻲ ﻭﺑﺲ ﺗﻨﺘﻬﻲ ﺍﻟﺴﻨﻪ ﻧﻌﻘﺪ ﺳﻴﺪ ﻭﻧﺴﻜﺘﻬﻢ ﻛﺎﻓﻲ ﺗﻌﺒﺖ ﺍﻧﻲ
ﺳﻤﺮ .. ﻣﻦ ﺳﻤﻌﺖ ﻛﻼﻣﻪ ﻧﻘﻬﺮﺕ ﻭﻛﻔﺖ ﺑﻮﺟﻬﺎ ﺻﺮﺕ ﺍﻋﺼﺎﺏ ﻛﺘﻠﻪ ﻣﺎﺍﺍﻗﺒﻞ ﻻ ﺑﻴﻚ ﻭﻻ ﺑﻲ ﻣﺎﺍﺭﻳﺪ ﺍﺗﺰﻭﺝ ﻫﻲ ﻛﻮﺓ ﺿﻠﻴﺘﻮ ﺗﻘﺴﻤﻮﻥ ﻭﺣﺪﻛﻢ ﻣﻨﻴﺘﻮ ﻋﻠﻴﻪ ﺑﻌﻴﺸﺘﻲ ﻳﻤﻜﻢ ﻫﺴﻪ ﺍﺭﺟﻊ ﺍﻟﺒﻴﺘﻲ ﻭﺍﻛﻌﺪ ﺑﻲ ﻭﺣﺪﻱ ﻭﻻﺧﻠﻔﺖ ﺍﻟﻠﻪ ﻋﻠﻴﻜﻢ
ﻫﻮ ﺳﻤﻌﻨﻲ ﺣﺠﻴﺖ ﻫﻴﺞ ﻟﻮ ﻫﻮﻩ ﺗﺴﻮﺩﻥ ﻟﺰﻣﻨﻲ ﻣﻦ ﻓﻜﻲ ﻭﻛﺎﻝ
ﻫﺸﺎﻡ .. ﺷﻮﻭ ﺑﻠﻪ ﻋﻴﺪﻱ ﺣﺒﺎﺑﻪ ﺷﻜﻠﺘﻲ ﻣﺎﺳﻤﻌﺘﺞ
ﺍﺳﻤﻌﻴﻨﻲ ﻭﻟﺞ ﺫﺍﺍﻙ ﺍﻟﺒﻴﺖ ﺗﻨﺴﻲ ﻣﻔﻬﻮﻭﻡ ﻣﻜﺎﻧﺞ ﻫﻨﺎ ﻳﻤﻲ ﺗﻌﻴﺸﻴﻦ ﻭﺗﻤﻮﺗﻴﻦ ﻳﻤﻲ ﻓﻬﻤﺘﺘﻲ
ﻭﻫﺴﻪ ﻣﺜﻞ ﻣﺎﻛﺘﻠﺞ ﺍﺫﺍ ﺭﺍﺩﻭ ﺭﺍﻳﺞ ﺗﺮﻓﻀﻴﻦ ﺗﺪﺭﻳﻦ ﺑﻴﻪ ﻣﺨﺒﻞ ﺍﺳﻮﻳﻪ ﺑﺤﺮ ﺩﻡ ﻟﻮ ﻣﻮﻋﻤﻲ ﻟﻮ ﺍﺑﻮ ﻋﻤﻲ ﻳﻄﻠﻊ ﻣﻦ ﻛﺒﺮﺓ ﻫﻢ ﻣﺎﺍﻧﻄﻴﺞ ﻭﻣﺎﺗﺼﻴﺮﻳﻦ ﻏﻴﺮ ﺍﻟﻲ ﻭﺑﺲ
ﺳﻤﺮ .. ﻋﺎﻓﻨﻲ ﻭﻃﻠﻊ ﻭﻫﻮ ﻳﻐﻠﻂ ﻭﻳﺴﺐ ﻭﻳﻠﻌﻦ ﻭﺻﺎﻳﺮ ﺍﻋﺼﺎﺏ
ﺩﺧﻠﺖ ﻣﺮﺍﻡ ﺑﺴﺮﻋﻪ ﻛﺎﻟﺖ
ﻣﺮﺍﻡ ﻭﻟﺞ ﺗﺪﺭﻳﻦ ﺑﻴﺖ ﻋﻤﻲ ﺷﻌﺪﻫﻢ ﺟﺎﻳﻴﻦ؟
ﺳﻤﺮ .. ﺍﺩﺭﻱ ﻟﻌﺪ ﺍﺧﻮﺝ ﺷﻌﻨﺪﺓ ﺟﺎﻥ ﻳﻌﺪ ﻭﻳﺼﻒ ﻫﻨﺎ ﻏﻴﺮ ﺣﺠﺎﻟﻲ ﺍﻟﻤﻘﺘﻞ ﻭﺭﺍﺡ
ﻣﺮﺍﻡ .. ﺷﻮﻑ ﻫﺎﻱ ﺍﻟﻔﺎﻳﺨﻪ ﻭﻟﺞ ﺍﻣﻲ ﻭﺟﻬﺎ ﺻﺎﺭ ﺍﺻﻔﺮ ﺗﺒﺎﻭﻉ ﺍﻟﻬﺸﺎﻡ ﻭﻫﻮ ﻳﻜﻠﻬﻢ ﻣﺎﻋﺪﻧﻪ ﻣﺮﺓ ﺍﻟﻤﺮﺓ ﺑﺲ ﺗﻄﻠﻊ ﺍﻟﺴﻨﻪ ﺍﻧﻲ ﺍﻋﻘﺪ ﻋﻠﻴﻬﺎ
ﻭﻋﻤﻲ ﻳﻜﻠﻪ ﺍﻧﺘﻪ ﻫﻴﺞ ﺗﺤﺠﻲ ﻻﻥ ﺗﺤﺲ ﺑﻤﺴﺆﻟﻴﺘﻬﺎ ﺍﺧﺮ ﺷﻲ ﺻﻔﻮ ﺍﻟﺮﺃﻱ ﻳﻤﺞ ﺍﻧﺘﻲ ﺗﺨﺘﺎﺭﻳﻦ ﺑﻴﻦ ﻫﺸﺎﻡ ﻭﻣﻬﻨﺪ
ﺳﻤﺮ .. ﺍﻧﺰﻟﻲ ﻛﻠﻴﻠﻬﻢ ﻣﺎﺍﺭﻳﺪ ﻻ ﻫﺎﺫﺍ ﻭﻻﺫﺍﻙ ﺷﻨﻮ ﺻﺮﺕ ﺳﻠﻌﻪ ﺑﻴﻨﻜﻢ ﻛﻠﻤﻦ ﻳﺮﻳﺪﻫﺎ ﺍﻟﻪ
ﻣﺮﺍﻡ .. ﻋﻤﻲ ﺍﺧﺬ ﻣﺮﺗﻪ ﻭﺭﺍﺡ ﻭﻛﺎﻝ ﻳﻮﻣﻴﻦ ﻭﺭﺟﻌﻮ ﺍﻟﺠﻮﺍﺏ ﺑﻴﻦ ﻣﺎﻳﺎﺧﺬﻭﻥ ﺭﺍﻳﺞ ﻭﺍﻧﻲ ﺍﺩﺭﻱ ﻫﺸﺎﻡ ﻳﻜﻠﺐ ﺍﻟﺪﻧﻴﻪ ﻭﻣﻴﻨﻄﻴﺞ ﻭﺍﻟﻠﻪ ﻛﻞ ﻫﺎﻱ ﺍﻟﺴﻨﻴﻦ ﺻﺎﺑﺮ ﻭﺍﺧﺮ ﺷﻲ ﺗﺎﺧﺬﻳﻦ ﻏﻴﺮﺓ ﺍﻟﻪ ﻳﻤﻮﺗﺞ ﻭﻳﻤﻮﺕ ﺭﻭﺣﻪ ﻭﺭﺍﺝ
ﺳﻤﺮ .. ﻋﻮﻓﻴﻨﻲ ﺍﻟﻠﻪ ﻳﺨﻠﻴﺞ ﻭﺍﻟﻠﻪ ﻛﻠﺒﻲ ﺍﻧﻘﺒﺾ ﻣﺎﺍﺭﻳﺪ ﺍﺗﺰﻭﺝ ﺍﺣﺪ ﺑﻴﻬﻢ ﺑﻌﺪ ﻣﺎﺻﺎﺭ ﺳﻨﻪ ﻭﺍﺗﺠﺎﺯﻋﺘﻮ ﻣﻨﻲ
ﻣﺮﺍﻡ .. ﻃﺎﺡ ﺣﻀﺞ ﺍﻱ ﻭﺍﻟﻠﻪ ﻭﻟﺞ ﻣﻨﻮ ﻳﺠﺰﻉ ﻣﻦ ﻫﺎﻱ ﺍﻟﻌﻴﻮﻥ ﺑﺲ ﻏﻴﺮ ﻋﻤﺞ ﻃﻠﻌﻨﻪ ﺻﻔﺢ ﻳﻜﻮﻝ ﺍﻟﻨﺎﺱ ﺗﺤﺠﻲ ﻭﻧﺮﻳﺪ ﻧﺴﻜﺘﻬﻢ
ﺳﻤﺮ .. ﺍﻱ ﻭﻳﺤﺠﻮﻥ ﻳﻄﺒﻬﻢ ﻃﻮﺏ ﻫﻲ ﺍﻟﻨﺎﺱ ﺗﺮﻳﺪﻟﻬﺎ ﺳﺎﻟﻔﻪ ﺗﻀﻞ ﺗﺤﺠﻲ ﺑﻴﻬﺎ ﻗﺎﺑﻞ ﻛﺎﻋﺪﺓ ﻋﺪ ﻏﺮﺏ ﺍﻧﻲ ﺷﻮ ﺑﻴﺖ ﻋﻤﻲ
ﺷﻮﻳﻪ ﻭﺳﻤﻌﻨﻪ ﺍﻟﻬﻮﺳﻪ ﻣﺮﺍﻡ ﻃﻠﻌﺖ ﺗﺮﻛﺾ ﻋﻠﻰ ﺣﺲ ﻫﺸﺎﻡ ﻣﺴﻮﻳﻪ ﺍﺣﺘﻔﺎﻟﻴﻪ ﺟﻮﺓ
ﻓﺘﺤﺖ ﺍﻟﺒﺎﺏ ﻭﻛﻔﺖ ﻳﻢ ﺍﻟﺪﺭﺝ ﺍﺳﻤﻌﻪ ﻳﻜﻮﻝ
ﻫﺸﺎﻡ .. ﻳﺎﺍﺑﻪ ﺭﺩﻟﻠﻠﻪ ﺧﺒﺮ ﻛﻠﻪ ﺍﻟﻤﺮﺓ ﺭﺍﻳﺪﻫﺎ ﻫﺸﺎﺍﻡ ﻣﺎﻳﻨﻄﻴﻬﺎﺍﺍ ﻭﺑﺲ ﺗﻄﻠﻊ ﺍﻟﺴﻨﻪ ﻳﻌﻘﺪ ﻋﻠﻴﻬﺎ ﻭﻫﺬﺍ ﺍﺧﺮ ﻛﻼﻡ
ﺍﺑﻮ ﻫﺸﺎﻡ .. ﻳﺎﺑﻪ ﻫﻮﺍﻟﺤﺠﻲ ﻣﻮﻫﻴﺞ ﻳﻨﺤﻞ ﺑﺎﻟﺘﻔﺎﻫﻢ ﻋﻠﻴﺶ ﻣﻜﺒﺮ ﺍﻟﻤﻮﺿﻮﻉ ﻭﺗﺼﻴﺢ ﻭﻓﺎﺿﺤﻨﻪ ﺍﻧﺘﻪ ﺣﺘﻰ ﻣﺎﺧﺬﺕ ﺭﺃﻱ ﺍﻟﺒﺖ ﺗﺮﻳﺪﻙ ﻟﻮ ﻻ ﻭﺣﺪﻙ ﻫﻨﺎ ﻣﺴﻮﻱ ﻣﻬﺮﺟﺎﻥ ﺍﻟﺮﺍﻱ ﺍﻻﻭﻝ ﻭﺍﻻﺧﻴﺮ ﺍﻟﻬﺎ ﻭﻏﻴﺮ ﻫﻠﺤﺠﻲ ﻣﺎﻛﻮﻭ
ﺳﻤﺮ .. ﻳﻮﻣﻴﻦ ﻫﺸﺎﻡ ﻣﺴﻮﻱ ﺍﻟﺒﻴﺖ ﺟﺤﻴﻢ ﻭﻳﻬﺪﺩ ﺑﺲ ﺗﻮﺍﻓﻖ ﻭﺑﺲ ﺗﻮﺍﻓﻖ ﻭﺍﺫﺑﺢ ﻭﺍﺻﻠﺦ ﻭﻛﻞ ﺍﻟﺒﻠﺒﻴﺖ ﺟﺰﻋﻮ ﻣﻦ ﻋﺼﺒﻴﺘﻪ ﻋﻤﺘﻲ ﺍﺗﻜﻠﻪ ﻳﻤﻪ ﺣﺠﺎﻳﻪ ﻧﺤﺠﺖ ﻣﺎﻧﺴﺘﺎﻫﻞ ﻫﻴﺞ ﺧﺎﺑﺼﻨﻪ ﻭﺣﺎﺭﻙ ﺩﻣﻚ ﻭﻫﻮ ﻳﻜﻠﻬﺎ ﻻﺯﻡ ﺣﺎﻁ ﻋﻴﻨﻪ ﺍﻟﻨﻜﺴﻪ ﻋﻠﻴﻬﺎ ﻭﺍﻟﻪ ﺍﻛﺘﻠﻪ ﻭﺍﻟﻪ ﺍﻣﻮﺗﻪ ﻭﻋﻤﺘﻲ ﺗﻬﺪﻱ ﺑﻲ
ﺻﺎﺭ ﺍﻟﻠﻴﻞ ﻭﻫﺸﺎﻡ ﻃﻠﻊ ﻫﻮ ﻭﺍﻟﻮﻟﺪ ﻭﻋﻤﺘﻲ ﻭﻣﺮﺍﻡ ﻛﺎﻋﺪﺍﺕ ﺑﺎﻟﺼﺎﻟﻪ
ﺍﺧﺬﺕ ﺣﺠﺎﺑﻲ ﻭﻃﻠﻌﺖ ﺍﺭﻳﺪ ﺍﻧﺰﻝ ﻳﻤﻬﻢ
ﺳﻤﻌﺖ ﻣﺮﺍﻡ ﺍﺗﻜﻞ ﺍﻟﻌﻤﺘﻲ
ﻣﺮﺍﻡ .. ﻋﻠﻴﻤﻦ ﺧﺎﺑﺺ ﺭﻭﺣﻪ ﻭﺧﺎﺑﺼﻨﻪ ﻣﻨﻮ ﺫﺍﻟﻚ ﺍﻟﻴﻮﻡ ﻛﺎﻝ ﺭﻭﺣﻮ ﺍﺧﻄﺒﻮﻟﻲ ﺷﻬﺪ ﻭﺑﻌﺪ ﻣﺎﺍﺗﺤﻤﻞ
ﻣﻮ ﻫﻮ ﺍﻟﺮﺍﺩﻫﺎ ﻭﻛﺎﻝ ﺣﺎﺟﻲ ﺧﺎﻟﻲ
ﺳﻤﺮ .. ﺍﺟﺬﺏ ﺍﺫﺍ ﺍﻛﻠﻜﻢ ﻣﺎﺍﻧﺼﺪﻣﺖ ﻭﺩﻣﻮﻋﻲ ﻧﺰﻟﺖ
ﻋﻠﻴﻤﻦ ﻳﺘﻌﺎﺭﻙ ﺍﺫﺍ ﻫﻮ ﻳﺮﻳﺪ ﺷﻬﺪ
ﺑﺲ ﻳﺮﻳﺪﻧﻲ ﻳﻤﻪ ﻭﻫﻮ ﻳﻌﻴﺶ ﺣﻴﺎﺗﻪ ﺍﻧﺴﺎﻥ ﻣﺘﻤﻠﻚ ﻛﻠﺸﻲ ﻳﺮﻳﺪﺓ ﺍﻟﻪ ﻭﺑﺲ
ﺻﻌﺪﺕ ﺍﻟﻐﺮﻓﺘﻲ ﺍﺭﻛﺾ ﻭﺍﻟﺪﻣﻮﻉ ﺗﻨﺰﻝ ﻣﻦ ﻋﻴﻨﻲ ﺣﻘﻴﺮﺭ ﻟﻤﻦ ﺣﺒﻴﺘﻪ ﻭﺗﻌﻠﻘﺖ ﺑﻲ ﻳﺮﻳﺪ ﻳﺎﺧﺬ ﺷﻬﺪ
ﻟﺬﺍﻟﻚ ﻗﺮﺭﺕ ﺍﺭﺟﻊ ﺍﻟﺨﺒﺮ ﺍﻟﺒﻴﺖ ﻋﻤﻲ
