 |
رواية الحربايه الفصل الثالث عشر بقلم سحر حسين
جت ريتاج و لقت الكل متجمع تحت في القصر و هي رجعت مضايقه جدا و مصدمه و باين علي وشها علامات الزعل و الغضب الشديده و اول ما شافت حسن وقالت ...................
قولي يا حسن انت ايه اللي خلاك تبطل تهتم بموضوع موت خالي
اتكلم حسن و قال
مش وقته يا ريتاج
اتكلمت ريتاج و قالت
لا وقته انا عايزه اعرف انت عرفت ايه خلاك بعد عن الموضوع
اتكلمت نعمه و قالت
يا بنتي مش وقته الكلام في الموضوع ده
اتكلمت ريتاج و قالت
لو سمحت يا ماما اخرجي انتي من الموضوع ده انا بسال حسن ممكن ترد عليا
اتكلمت نواره بعصبية و قالت
انتي ايه معقوله مش مهتمه باي حاجه ولا ايه حد تاني غير نفسك و بس
اتكلمت ريتاج و قالت
بقولك ايه انا مش نقصاكي خالص يا نواره و انا مش عايزه حد يدخل في الموضوع ده خالص غير حسن و بس
اتكلمت نواره و قالت
انتي مش واخده بالك من اي حاجه خالص الكل عمال يقولك مش وقته وقته وانتي مفيش فايده فيكي خالص
اتكلمت ريتاج و قالت
مفيش حاجه اهم من الموضوع ده انتي فاهمه يا نواره
اتكلمت نواره و قالت
لا فيه و فيه كتير اوي كمان و اهم منك انتي اصلا
اتكلمت ريتاج و قالت
نواره انا مش عايزه اتخانق معاكي دلوقتي اصبري شويه و دورك جي متخافيش
اتكلم حسن وقال
ريتاج ممكن نتكلم بعدين
اتكلمت ريتاج و قالت
لا دلوقتي يا حسن ولا انت مكسوف من حاجه و مش عايز اتكلم فيها
اتكلمت نعمه و قالت
يا بنتي طيب اعرفي ايه اللي حصل مع خالتك صفيه الاول
اتكلمت ريتاج باستغراب و قالت
خير ايه اللي حصل مع خالتي
قالت نعمه
اسكتي مش خالتك صفيه اتجننت
استغربت ريتاج و قالت
نعم اتجننت ازاي يعني
اتكلمت نواره و قالت
بعد ازنكوا انا همشي عشان تعرفوا تتريقوا علينا براحتكوا
سبتهم نواره و طلعت علي الاوضه بتاعتها و بعدها اتكلم حسن و قال
اي يا ريتاج معقوله مش واخده بالك من حاجه خالص
تجاهلت ريتاج كلام حسن و بصت لمها و قالت
قوليلي يا ماما ايه اللي حصل مع خالتي بالظبط
اتكلمت نعمه و قالت
ونبي يا اختي مش عارفه اقولك ايه اهي تعبت و حسن الله يبارك له جاب دكتور كشف عليها و هو اللي انها لازم تدخل مصحه نفسيه و قال إنها اتجننت
بصت ريتاج لحسن و قالت
انت ناوي علي ايه بالظبط
اتكلم حسن و قال
قصدك ايه يا ريتاج بكلامك ده
اتكلمت ريتاج و قالت
انت فاهم قصدي كويس يا حسن
اتكلمت نعمه و قالت
في ايه يا ريتاج انا مش فاهمه حاجه يا بنتي
ردت ريتاج علي نعمه و قالت
هو فاهم كل حاجه قولي انت ناوي تخلص مننا ازاي يا حسن
اتكلم حسن بغضب و قال
اخلص منكوا انتي اتجننتي انتي كمان ولا ايه يا ريتاج
اتكلمت ريتاج و قالت
بعد اذنك يا ماما ممكن تسبينا لوحدينا شويه ولا نخرج احنا نتكلم بره يا حسن
اتكلم حسن و قال
معنديش حاجة اتكلم فيها معاكي يا ريتاج
اتكلمت ريتاج و قالت
انا بقي عندي و عندي كتير هستناك في الجنينه
خرجت ريتاج و اتكلم حسن و قال
بعد اذنك يا عمتي
اتكلمت نعمه و قالت
اتفضل يا حبيبي و ربنا يسترها
خرج حسن بعد ريتاج و كانت ريتاج مضايقه جدا المهم اتكلم حسن و قال
خير يا ريتاج في ايه
اتكلمت ريتاج و قالت
هدخل في الموضوع علي طول من غير لف ولا دوران
اتكلم حسن و قال
ياريت عشان الواحد أعصابه تعبانه لوحده
اتكلمت ريتاج و قالت
اكيد طبعا عرفت اللي عملته مامتك ورده مش كده
اتكلم حسن بخوف و قال
ماما ! هي ماما عملت ايه
اتكلمت ريتاج و قالت
مامتك هي السبب في موت مرات خالي و هي السبب في انها متخلفش طول الفتره دي يعني حرمتها من الخلفه لا و كمان موتتها
اتكلم حسن وقال
لا مستحيل امي تعمل كده مستحيل اكيد في حاجه غلط
اتكلمت ريتاج و قالت
انا اتاكد من كلامي و متاكده أن انت كمان عايز تخلص مننا واحده وراي التانيه و بدأت مع خالتي صفيه يا حسن مش كده
اتكلم حسن و قال
انا و الله ابدا طيب انا ليه هعمل كده انتي فاهماني غلط
اتكلمت ريتاج و قالت
طيب تقدر تقولي انت هنا بتعمل ايه وليه ظهرت دلوقتي و ليه مامتك عملت كده
اتكلم حسن و قال
اولا انا هنا عشان الورث و للأسف انا محتاجه فعلا
ثانياً انا مكنتش اعرف اي حاجه عن موضوع ماما ده خالص والله
اتكلمت ريتاج و قالت
و لما عرفت عملت ايه ... سكت و بطلت تدور علي اللي قتل خالي مش كده عشان خاطر امك و بس
اتكلم حسن و قال
حطي نفسك مكاني يا ريتاج لو عرفتي أن امك كان ليها يد في حاجه زي كده هتعملي ايه
اتكلمت ريتاج و قالت
كنت أنا اللي هبلغ عنها بنفسي يا حسن ده موت شخص مش لعبه
كانت نعمه واقفه و سامعه كل الكلام ده و هنا نعمه حست بخوف شديد جدا و افتكرت كلام صفيه لما قالت ليها أن بنتك هتكون السبب في سجننا كلنا .. المهم رجعت نعمه القصر تاني و هناك شافت نواره و هي لمه هدومه في شنطه كبيره و لما شافتها نعمه اتكلمت و قالت
انتي رايحه فين يا نواره
اتكلمت نواره و قالت
ماشيه يا خالتي انا كرهت المكان هنا و مش عايزه منه حاجه
اتكلمت نعمه و قالت
لا يا بنتي خليكي معانا هنا يعني لا هتبقي امك موجوده ولا انتي
اتكلمت نواره و قالت
هستني هنا ليه ولا حتي عشان مين
اتكلمت نعمه و قالت
خليكي معايا انتي طيب وجودك هيحسسني أن صفيه موجوده معايا
ضحكت نواره و قالت
بقولك ايه يا نعمه اسمعي مني و سيبي القصر ده و هربي قبل ما يجي عليكي دور انتي كمان و بكره هتقولي نواره قالت سلام
سابتها نواره و مشيت و كانت نعمه مرعوبه و قالت لنفسها
ايوه البت نواره معاها حق انا هستني ايه انا كمان دي بنتي مش هتسمي عليا و هي اللي هتحبسني باديها انا هطلع الم هدومي انا كمان و انفد بجلدي
و فعلا طلعت نعمه الاوضه بتاعتها و بدأت تجهز شنطتها و كانت ريتاج و حسن لسه واقفين بيتكلموا مع بعض المهم اتكلم حسن و قال
انا لسه متاكدتش من كلام اللي عرفته عن امي ده يا ريتاج
اتكلمت ريتاج و قالت
و انت مستني ايه يا حسن
اتكلم حسن و قال
انا هعرف بطريقتي يا ريتاج بس مش دلوقتي
اتكلمت ريتاج و قالت
امال امته لما تخلص مننا احنا كمان ولا ايه
اتكلم حسن و قال
يا بنتي افهمي بقي انا هخلص منكوا ليه انا مصدقت بقي عندي عيله
اتكلمت ريتاج و قالت
عيله و هي فين العيله دي اسمع يا ابن الناس مامتك مجرمه و لازم تتعاقب علي هي عملته ده و لو انت معملتش حاجه انا هعمل
اتكلم حسن و قال
ابوس ايدك يا ريتاج متعمليش اي حاجه دلوقتي حرام عليكي انا مبقاش فضلي غيرها عايزه تحرميني منها هي كمان
اتكلمت ريتاج و قالت
حرام عليا انا طب وهي مش حرام اللي عملته مع خالي ولا حتي مراته دي مجرمه و لازم تتعاقب علي عملتها دي
اتكلم حسن و قال
ابوس ايدك سبيني انا هتصرف معاها
اتكلمت ريتاج و قالت
طيب ازاي عايزه تاخد فلوس خالي بعد اللي امك عملته فيه ده
اتكلم حسن و قال
غصب عني انا محتاجهم عشان اعرف اقف علي رجلي كويس
اتكلمت ريتاج و قالت
يعني هي تقتله وانت تاخد فلوسه تصدق انك انت كمان مجرم زيها ولا انتوا الاتنين تتحاسبوا
اتكلم حسن و قال
طيب بصي انا مش عايز حاجه خالص من الفلوس بس سيبي امي ونبي
اتكلمت ريتاج و قالت
مش عايز ازاي ده خالي كتبلك نص ثروته كلها
اتكلم حسن و قال
انا متنازل عنها يا ستي هقولك على حاجه انا هكلم المحامي و هتنازل عن كل حاجه ليكي انتي و هسيب البلد هنا كلها و همشي و مش هتشوفي وشي تاني بس اوعديني كل حاجه بدل أن امي عملت كده تحرقيها و لا كأن حد يعرف حاجه
سكتت ريتاج شويه و بعد دقائق اتكلمت و قالت
ايوه يا حسن بس كده
اتكلم حسن بسرعه و قال
مفيش بس يا ريتاج انا معنديش غير امي و هي عندي اغلي من فلوس الدنيا كلها
اتكلمت ريتاج و قالت
صعبت عليا يا حسن طيب ماشي ابقي كلم المحامي و انا هجبلك كل الحاجات اللي معايا
اتفقوا مع بعض و خلاص المهم مشيوا هما الاتنين و دخلوا القصر و هناك شافوا ...............
