رواية حكايه معاقه منتقبه الفصل الثالث عشر
ریان ........ انتى هتفضلى تفکری كدا كثير
سيا ....... هو انا لحقت افكر
ریان ......... ازاى بقى انتى بقالك نص ساعه بتفكري
سيا. .......... انت بتهزر صح انا ممكن اقعد افكر اسبوع علشان اخد قرار في حياتي
وعايزنى اخد قرار زی ده في نص ساعه
ریان ........ ياااااا اسبوع علشان تاخدى قرار على كدا بقى انتى هتقعدی شهر علشان
تقوليلي قرارك
سيا......... يمكن
ريان ........ بس انا هستنى قرارك حتى لو بعد سنه اتنين تلاته انا ممكن استناكى العمر كله
سيا ....... فکر تانى يادكتور انت فعلا عايز تتجوزنی
ريان.......... بلاش تقوليلى دكتور ريان قولیلی ریان ع طول
سيا ........ لا مينفعش
ریان........ بس انتى من شويه قولتیلی ریان بس
سيا ........ انا كنت خايفه ومرعوبه ومش مركزه انا بقول ايه
ريان.......... خلاص انا هسيبك على راحتك بس ازاى ولدتك تسيبك لوحدك كدا
سيا......... انا اللى قولتلها ترجع الفيلا تجبلي لبس
ریان ....... بس بردو مكنش لازم تسيبك لوحدك
سيا ........ اللى حصل بقى بس انت جيب ازاى والمفروض انك مشيت ومش هتيجي غير
بكرا الصبح
ریان ......... انا فعلا مكنتش هاجي غير الصبح بس حسيت بخنقه وقلق ولقيت نفسى جيلك هنا
سيا ........ انت ربنا بعتك ليا علشان تلحقني قبل ما وليد يا خدني
ريان ......... انا مستحيل اسمح ان حد ياخدك أو يأذيكي
سيا وريان بيتكلموا واميره دخلت
اميره ........ دكتور ريان انت موجود
ريان ........ مدام اميره لو سمحت عايز اتكلم معاكي في موضوع مهم
امیره ........ تحت امرك اتفضل احمد خليك مع سيا
احمد ....... حاضر يا ماما
ریان و اميره خرجوا علشان يتكلموا برا وأحمد فضل جنب سيا
احمد........ سيو
سيا ....... نعم يا حبيبي
احمد ....... الدكتور ریان ده طیب اوی
سيا......... ايه اللي خلاك تقول كدا
احمد ......... علشان انا شايفوا بيهتم بیکی جامد
سيا ........ هو طيب فعلا
حمد ......... انتى مش هتخفى بقى يا سيا وترجعى معانا الفيلا ده بابا ع طول قاعد وزعلان ومش بيروح الشغل خالص وبقى مش بيز عقلی زي الاول وبيحبني سيا زعلت لما افتكرت باباها وتقول هو فعلا اتغير ولا لا اتمنى يكون اتغير بجد
سيا ....... يا حبيبي ان شاء الله هخف بس لسه مش دلوقت
امیره وريان خلصوا كلام و امیره رجعت لی سیا
سيا ........ ماما الدكتور ريان كان عايزك في ايه
امیره بفرحه ......... طلب ايدك منى
سيا بتوتر......... وانتي فرحانه كدا ليه
امیره ......... علشان دكتور ريان مفيش زيو وانسب حد ليكي
سيا ....... بس انا لسه بفكر ويمكن ما وفقش
اميرة ....... سيا صدقيني لو ما وفقتيش هتخسرى ريان هو الواحيد اللي يقدر يحميكي من
وليد ع فكره ريان قالى أن وليد جي هنا وكان عايز ياخدك ويسافر وهو انقذك
سيا ........ مش يمكن انا صعبانه عليه
امیره ........ يا حببتى انتى لو صعبانه عليه هيعطف عليكي ها يساعدك مش هيجي يتجوزك
صدقيني ريان بيحبك
سيا ........ ريان كدا حاف مش دكتور ريان
امیره......... لا دكتور ايه بقى ده انا هبقى حماتوا
سيا ....... واثقه اوى ان هوافق
امیره......... علشان عارفه ان انتى كمان بتحبى
سيا ........ ماما قفلى على الموضوع انا عايزه انام
اميره ........ هو ده اللى انتى فالحه في عايزه انام نامی یاختی
عدى اسبوع وسيا بتفكر مش عارف توافق ولا لا خايفه توافق تعيش حياه أتعس من اللي كانت عايشاها وخايفه ترفض وبكدا هتخسر الإنسان الواحيد اللى حبتوا وحست معاه بالامان
سيا وهي بتفكر مع نفسها .......... يارب اعمل ايه انا بحبوا ونفسى اكمل معاه حياتى يارب اقف جمبى وخليني اخد القرار الصح مش عايزه اندم يارب مش عايزه اعيش حياه تعيسه كفايه اللى عيشته
سيا كانت بتفكر وقاطعته حور اللى دخله وهى مسكه قالب كيك جميل اوي و وراها امیره واحمد وريان وكلهم بيغنوا هااااابی برس دی تویو سنه حلوه ياجميل
سيا ......... ايه ده انتوا فاكرين عيد ميلاد
حور......... وانا اقدر انسى بردو عيد ميلاد حببتي
احمد ........ انتى دلوقت عندك 18 سنه ياسيو
سيا ........ اه يا حبيبي
احمد ....... كل سنه وانتى طيبه يا سيو
سيا ....... وانت طيب ياقلبي
اميره ........ كل سنه وانتى طيبه يا حببتي
سيا ........ وانتى طيبه يا ماما
ريان ........ كل سنه وانتى طيبه يا سيا
سيا......... وانت طيب يا دكتور ريان
ريان ....... تسمحى تقبلى منى الهديه دى سلسله على شكل مصحف صغير كان شكلها
جميل ورقيقه جدا
سيا ....... متشكره جدا
ريان فتح السلسله كان فيها صوره سيا
ریان ....... انا حطيت فيها صورتك وسبت المكان التانى ده علشان تحطى فيها صوره الشخص اللى قلبك يختاره وعايزه تكملى معاه بقيه حياتك ريان مستناش رد من سيا
وخرج من الاوضه
حور......... عايزه اتكلم معاکی یا سیا
سیا......... اتكلمى معاكي ياحور في ايه
اميره ....... طيب تعالى يا حماده احنا نخرج عايزاك اميره خدا احمد وخرجت علشان تسيب
حور وسيا لوحدهم
حور....... ممكن اعرف بقى انتى ليه مش موافقه على الدكتور ريان
سيا......... انتى عرفتى ان هو طلب ايدى ازاى
حور......... دكتور ريان كلمنى وقالى اتكلم معاكى صدقيني هو بيحبك أوى
سيا......... هو قالك كدا
حور......... من غير ما يقول يا سيا باين عليه
سيا ........ انا مش رافضه والله انا بس خايفه دى خطوه هتغير حیاتی وانا مش مستعده للتغيير ده زي ما انتي شايف كدا
حور......... وافقى ومش هتندمی ده اللى هيقدر يحميكي من وليد ومن اي حاجه في الدنيا دى كلها ده هيكون السند والأمان ليكى هو مستنى تحطى صورته في السلسله جنب
صورتك
سيا ........ ماشي انا لسه بفكر يا حور
حور......... طيب فكرى انا هامشى دلوقت عایزه حاجه
سيا ....... متغبيش عنى يبقى تعالى زوريني
حور ....... هو انا ليا غيرك يا قلبي طبعا هجيلك
في مكان تاني
خلود بغضب .......... اييه انت متأكد من كلامك ده
الشخص .......... طبعا متأكد یاست هانم ده انا سامعهم بودانى دول وهما بيتكلموا وريان بيه بيقول لى يوسف أنه بيحب واحده واسمها سيا وكمان عرفت انها مريضه من المرضه اللى بيعالجهم عندو في المستشفى
خلود........ طيب خد دول ولو عرفت اى حاجه بخصوص الموضوع ده تیجی تبلغنی یلا امشی
الشخص ......... من يد ما نعدمها یاست هانم
الشخص ده مشى وخلود كانت غاضبه ويظهر على وجهها علامات الكره والشر
خلود في نفسها.......... ماشي يا ريان بتحب واحده تانيه وانا اللى مستنياك بقالي سنين وبحبك مش عايز حتى تبوص في وشي بس ماشي انا هعرف اخلص من حبيبت القلب
دی ازای
قالت هذه الكلمات وهي تبتسم ابتسامه كلها شر
عند سيا .
عدى يومين و سيا كانت بتفكر في ريان اللى بقى هو الواحيد اللى شاغل بالها وتفكيرها
سيا سيا سياااااااا
امیره
سيا بخضه .......... ايه في ايه
امیره ........... اتى اللى فى ايه مالك سرحانه في ايه
سيا .........هه لا مافيش
امیره......... مفيش ازای ده انا كل ما اكلمك بتكوني في عالم تاني
سيا بزهق ........ يووو قولت مافيش حاجه يا ماما
امیره.......... بلاش نرفزه
سيا.......... حاضر
دق دق دق دق
امیره.......... ادخل ريان اتفضل
ريان دخل وكان مع بوكس حطه جنب سيا على السرير
سيا......... ايه ده
ريان .......... مدام اميره لو سمحت ممکن تجهزي سيا وتلبسيها اللبس ده
امیره ......... لبس ايه وبعدين هتلبس ليه
ريان ......... اللبس في البوكس ده وانا هاجي بعد شويه
ریان خرج من غير ما يسمع كلام من سيا أو اميره
اميره فتحت البوكس لقت في ادناء ونقاب شكلهم قمر اوى
اميره .......... سيا ده ادناء ونقاب
سيا........ بجد
امیره......... اه والله شوفي كمان
سيا ........ حلو اوى بس هو عايزني البس ليه
اميره ......... مش عارفه بس يلا انا هجهزك زي ماقال
امیره جهزت سيا ولبستها الادناء والنقاب وكان جميله رغم انها مريضه ومجبسه رجلها الاثنين ودراعها ريان خبط على الباب ودخل وشاف سيا لى اول مره بالنقاب كأنها حوريه من حوريات الجنه ريان قرب من سيا وشالها
سيا......... انت راخدني على فين
ریان ......... هخرجك في الجنينه بتاعت المستشفى علشان تشمى هوا نضيف انا مش هقدر اخرجك برا المستشفى دلوقت علشان انتى لسه مجبسه مدام امیره تسمحيلي اخدها معايه
امیره بفرحه لكن مداريه فرحتها ........ اتفضل خدها انا واثقه فيك
سيا وهي بين ايدين ريان كانت بتبصله والدموع تلمع في عينيها من فرحتها ان هو مهتم بيها للدرجه هي عمرها ماجد اهتم بيها بالشكل و أد ايه قربه منها بيطمنها وده اللي بيخلها متعترضش لما يقرب منها
ریان بأبتسامه ......... هتفضلى بصالي كدا كتير
سيا بكسوف وتوتر......... ل لا لا مافيش حاجه
ريان ضحك بصوت عالى على توترها وكسوفها خدها وطلع بيها تحت أنظار الجميع وخدها على الجنينه وقعدها على كرسى وهو قعد جنبها
سيا بفرحه ......... يااااااا حسه ان بقالى سنه ماشوفتش الشمس والطبيعه الجميله دى
ریان .......... علشان كدا خرجتك النهارده وجبتلك اللبس ده علشان عارف انك مش هتخرجي لو مش لبسه النقاب
سيا.......... انت بتعمل معايه كدا ليه
ريان ......... سألتيني قبل كدا وقولتلك علشان بحبك
سيا اتكسفت وبصت في الارض كانت تبتسم من تحت نقابها من شدة خجلها
سيا ......... ممكن تحط ايدك في جيب الادناء بتاعي ده
ريان ......... ليه
سيا ........ اعمل كدا بس
ریان حط ايدو فى جيب الادناء ولقى السلسله اللى هو جابها ليها في عيد ميلاده
ریان باستغراب ........ دى السلسله اللي جبتهالك هى مش عجباكي ولا ايه
سيا ....... ممكن تفتحها
ريان فتح السلسله وظهرت على وجهه علامات الفرح والسعادة اللتي تحولت الى ابتسامه
عريضه
ريان وهو مبسوط .......... حطيتی صورتی یعنی قررتی تکملی معایه بقيه حياتك يعنى انا الشخص اللي قلبك اختاره
سيا وهو بضحك والدموع في عيونها من الفرحه .. ... اه انت الشخص اللي قلبي اختاره انت الشخص اللى عايزه اكمل معاه بقیه حياتي انا بحبك يا ريان
ريان وهو مش مستوعب كلامها من الفرحه ......... انتى قولتى ايه عیدی کدا تانی
سيا بدموع فرحه .......... بحبك يا ريان
ريان بفرحه .. بحبك وريان من غير دكتور ده اسعد يوم في حياتي
ریان قام وشال سيا وقعد يلف بيها وهو بيضحك وبيصرخ بأعلى صوت بببببحححححببببككككككك بيبييييبحححححبييييييككككككك
سيا كانت بتضحك من قلبها ودموعها بتنزل من الفرحه والناس بقت تسقف واميره واقفه بعيد وبتسقف وبتضحك ودموعها نزلت مش مصدقه ان بنتها خلاص لقت السعادة اللي
اتحرمت منها
سيا بضحكه .......... ريان خلاص كدا ها تدوخ نزلني
ريان بأبتسامه وفرحه .......... انا هفضل شايلك كدا طول العمر هدخلك قلبي واقفل عليكي
مش هسمح لحد ابدا أنه يأذيكي أو يقرب منك مش عايزك تخافي ياست البنات
سيا بفرحه .......... وانا مش خايفه علشان انت الامان بتاعى انت الحضن الدافي والحنين عليا انت سبب فرحى
ريان .......... انا اكيد عملت حاجه حلوه في حياتي علشان ربنا يبعتك ليا ويخليني اسمع الكلام ده
