رواية بنت المصري ومؤذن الحي الفصل الثالث عشر بقلم جمانه السعيدي
منى...ست اشهر وأم عبدلله بين البيت والمستشفى
وبين غسيل الكلى وحالتها بلنازل تعبانه كلش
تكسر الخاطر
كنت الها اكثر من ممرضه شلتها شيل حتى عبدلله اخذه وياي للبيت لان اهل امه مايردونه ماجنت اعرف السبب
ليش هو طفل ليش مايردو
جنت اخذه وياي للبيت المشكله تعلقت بي حيل
صار جزء مهم من حياتي مااكدر استغني عنه
وهو هم بس يخلص الدوام يكوم يبجي عليه اخذيني وياج
اما شيخ هاشم الله يساعده
عايف بيته وساكن المستشفى ومابطل يقرا قراءان
ويدعي ويصبرها على الوجع
حتى هو مسكين من كد القلق والتعب تغير شكله
تعبان مجاي بنام ويرتاح
شايل هما
يخاف عليها بخاف يفقدها مسكينه تعلعلت
الحد مادخلت مرحلة الخطر الدكاتره أكدو عمرها
خلص ماكو امل تتشافى
اخر شي دخلت بمرحلة السكون ساكنه وما تحجي ويا اي احد ووجها اصفر وضعيف حيل
ماكو بعد بس ينزل امر رب العالمين
من شفتها هيج اخذت عبدلله للبيت وياي
قررت بعد مااجيبه للمستشفى راح يبقى بيتنا لمن
نشوف وضع امه شنو
طفل ما يفهم اي شي يريد ينام بحضنها يريد يسولف عليها
وضعها مايسمح تحجي ويا لو تاخذه بحضنها
منى...ماما اريد اطلب منج طلب إذا اني عزيزه عليج
امي...كولي
منى...اليوم مااكدر اخذ عبدلله وياي للمستشفى امه حالتها
خطره ويمكن تموت باي لحظه
مااريده يشوف هيج منظر لان راح يبقى بذاكرته
ممكن يبقى بلبيت وتنتبهين علي
امي...مااكدر ابقي يمي شنو اركض ورا مااكدر اني تعبانه
انتي مخبله
وجايبه طفل غريب بلبيت
اني ليش اهتم بي
منى...لان انتي انسانه لان انتي ام كلب الطيب
لان انتي حنينه لان هو طفل ماله ذنب
الخاطري اذا ضجتي منه اتصلي عليه اجي اخذه
فدوه يمه الخاطري وبعد مااطلب منج شي
جمانه السعيدي
منى....هنا كم يوم ايجوز يومين او اتلاثه اكثر شي
لان امه حالتها ميؤس منها
دخلت مرحلة الخطر
امي...اني وضعي تعبان وهذا طفل يتحرك ويلعب
مااكدر اركض ورا
منى....اللج حسنات يم رب العالمين اذا راعيتي
سكتت ماردت عليه
منى..بعد إلحاح مني قبلت امي يبقى عبودي عدها بلبيت
اليوم الثاني رحت للدوام لكيت ام عبدلله خطيه منتهيه
امها واختها موجودات والشيخ ابد ماعافها
اتخيلو من دخلت امها واختها حتى ماسئلني على عبدلله ولا حاولن يطمنن علي بس الشيخ سئلني ليش ما جبتي وياج
منى...عفته يم امي مااريده يجي هنا ويشوف امه بهذا الوضع
بقينا وياها منا لمن خلص الدوام الغريب امي مااتصلت عليه ولا اشتكت من عبدلله
ايجوز اتوالفو هو وياها
منى....من رخصتك شيخ اروح للبيت اجيب اكل واغير ملابسي وارجع عليك
الشيخ...بس الدوام خلص
منى...اليوم اني ابقى يمها مااعوفها هاي وصيتها
كلما تشوفني تكول لا تعوفيني
الشيخ...تعبتي ويانا اسئل الله يجبر خاطرج
مثل ما جبرتي خاطرنا
منى...شكرا
رجعت للبيت بس دخلت اسمع امي تضحك
مشيت علي كيف
اشوفها تسولف على عبدلله وتضحك على سوالفه
منى...هااا اشوف صرتو اصدقاء
امي...هااا اجيتي
منى...هله هله بعبودي حضني
عبدلله..... ليش مااخذتيني وياج
امي...هااا ماتريدني
عبدلله...لا احبج
امي...ولج ماشفتي سوالفه كلت اخ رجلبه
كعد يفرج بيهن
كلت مااكدر يكلي اكعدي واني اشتغل بمكانج كتله جيبلي بصل جابلي
يكلي من أكبر واصير طبيب اجيبلج دوه حتى يطيبن رجليج
ولله اليوم ونسني حيل كل يوم وحدي ابقى اصفن على الحياطين لو انام هلكد مااضوج
منى...كفك كفك عبودي انتصرنا اني وياك والحجيه كامت تحبك
جمانه السعيدي
اتغديت وبدلت ملابسي وأخذت غده ورجعت للمستشفى
عبودي نام بحضن امي
رجعت لكيت ام عبدلله ناقليها للانعاش داخله بمرحلة الخطر
امها واختها يبجن عليها والشيخ ضايج
للمغرب الدكتور أعلن وفاتها شكد ضجت عليها
خطيه مسكينه تعذبت حيل صار ثمن اشهر وهيه
متعلعله
نفتر اني والشيخ طلعنا شهادة الوفاه
قبل لا ياخذوها يدفنوها
ودعتها ودعيتلها بلرحمه والمغفره
الشيخ.....عبدلله امانه عندج الحد ماارجع ولو انتي ما محتاجه وصيه
منى...روح شيخنا عبدلله بعيوني
اخذدوها للنجف واني رجعت للبيت
بس شافتني امي عرفت ام عبدلله ماتت
امي...هااا
منى...الله يرحمها
عبدلله...اني وبيبي طبخنا عشى
منى...عفيه
عبدلله...اني اريد اروح البابا
منى...بعد ماتحبني ماتريدني
عبدلله...لا احبج بس اريد اروح الماما
منى...باجر انروح اني وياك الدنيا ليل هسه ضلمه شوفها
تعشينا بقى عبدلله يحوس بس يسولف على ابو
كل شويه وكال خابري بابا اريد احجي وياا
بلكوه نام
لمن قصيتله كل القصص يله نام
منى...مسكين عبدلله بقى بدون ام
امي...يزوج ابو ويصير عنده ام
منى...مستحيل اتصير مثل امه الحقيقه
امي...رجعي الابو ومالج شغل بعد ابو يتفرغله
منى...مستحيل اعوفه طفل زغير وماعنده ام شلون اعوفه توقعت تكولين لا تعوفي
امي...ماما عنده اب ويعتني بي
منى...ولو مااعوفه ابد
امي....انتي شنو امه خالته شنو ما تعوفي
انطي الاهله وهما يحيرون بي
منى...اهل امه مايردونه وابو مستحيل يعرف يعتني بي
ماما ليش ما تحبي ترا طفل زغير مسكين
امي...لا احبه ولا اكرها شعندي ويا
بس انتي تصرفاتج غريبه ليش متمسكه بي
عوفي ابو يحير بي
منى...خطيه مسكين
جمانه السعيدي
منى.....عفت عبدلله يم امي ورحت للعزا
عز النسوان بيت الشيخ
والزلم بلحسينيه دخلت سلمت وعازيتهن
امها وخواتها حيل متاثرات عليها بس العجيب ما سئلني على عبدلله
ولا عبالكم طفل زغير وبيت ناس غريبه
المفروض اول ما ماتت امه يجيبنه يمهن حتى لا يحس بلفقد
اني متعجبه عليهن ابد ماكو احساس
سلمت وكعدت يم نسوان ثنيين مااعرفهن
الأولى....وين ابنها ماشفته
الثانيه...مو ابنها منيين اجاها ابنها
الأولى.....ادري بي مو ابنها لكو باب بيتهم الفجر بس وينه
ماااشوفه
الثانيه...ايجوز ويا ابو يكولن جبير عمرها خمسه مدري ست سنوات
الاولى...منو بعد.يدير باله علي ايجوز ابو يزوج راح يشبع ضيم من مرت ابو
الثانيه....عليمن هو الشيخ مو ابو يجوز يطرده ويزوج
وحده اتخلف ترا مرته هيه الي ما تخلف شلون اتحملها
وصبر كل هاي السنيين
صار عشر سنوات مزوج
الأولى...لو عده ام لو اخت فلا قبلن يبقى عليها
جان زوجنا من زمان
مسكين ماله احد حتى يفكر بي
منى...عقلي كام يجيب ويودي عبدلله مو ابنه
عبدلله لقيط يامسكين
يعني ذوله مو اهله عرفت اهل امه ليش ما يحبونه
دقيقه دقيقه عمره ست سنوات
لكو باب بيتهم ممكن يكون اي ليش لا
اكيد هو امي طلعت بعد بصلاة الفجر بس رجعت بسرعه
اي هو امي خلته بابهم
عرفت ليش امي ماتريده بيتنا وما تريدني اتعلق بي
عبدلله ابني
اي اكيد ماكو تفسير غير هذا التفسير ليش اني ما انتبهت ليش مافكرت ابني بحضني ومااعرفه ابني عبدلله ابني احساسي يكول عبدلله ابني
كمت طلعت من العزا اخذت تكسي اتخربطت كمت مااندل دربي ابني رجع لحظني بعد كل هاي السنيين
نزلت من التكسي ونسيت انطي الاجره اوضاعي كلها تخربطت
صاح عليه الاجره فتحت الجنطه انطيته عشره
صاح ماعندي ارجعلج
منى...اللك اخذهن الك دخلت للبيت بس شافني اجاني
دنكت حضنتها بكل قوتي وكمت ابجي
بقه خايف مني ليش ابجي
عبدلله...منى ليش تبجين
امي...الله يستر ليش تبجين
منى...ابني يمه عبدلله ابني عرفته ابني
تفاجئت امي من كلامي بعدين كالت بتردد شنو ابنج
منو كال ابنج
منى...عبدلله ابني اني عرفت اليوم عبدلله ابني
امي...شلون عرفتي
منى...سمعت النسوان يحجن بلعزا مسحت دموعي
عرفت ليش اهل امه مايردو عرفت ليش ماترديني اتعلق بي
امي...ماكو هيج حجي امشي رجعي الولد الابو
منى...هذا ابني ومراح ارجعه الأحد اني ما صدكت لكيته
انتي جنتي تعرفين ابني ليش ماكلتي ليش ماحجيتي
امي.. انعلي الشيطان ورجعي الولد الابو
منى..على كص ركبتي يرجع الابو هذا ابني بعد مااعوفه
امي...مسجل باسم شيخ هاشم شلون تاخذي
منى...انتي تجين تحجين للشيخ شلون خليتي باب بيتهم
امي...تردين تفضحين نفسج
منى...مايهمني خل الناس تحجي حجيهم لا يقدم ولا يااخر
هذا ابني اني غلطت
جنت زغيره وغلطت واليوم اريد اصحح هذا الغلط
امي...اس ولا كلمه تالي عمري تردين الناس تحجي علينا
الولد ابو موجود عوفي يكمل حياته
لا تخربين علي خلي يعيش حاله حال الناس
يعيش وهو ابن شيخ هاشم
والناس كلها تحترمه وتقدره واله هيبه وسط الناس
لو يعيش والناس كلها تكول علي لقيط
جمانه السعيدي
منى...ابني اريده هذا ابني
امي...ليش اني ماجنت اريده يدخل حياتنا
بسبب هذا الكلام
منى...فدوه ماما ساعديني
امي...شلون اساعدج انتي تردين تخربين حياتنا وحياة
هذا المسكين
بعد ماالسر راح اندفن ونسينا كلشي
وانتي بديتي من جديد
هذا الطفل عنده اهل يربونه ويعلمونه الصح من الغلط
منى...يعني تردين اعوفه بعد مالكيته
امي...اذا تحبي عوفي خلي يعيش ويثبت وجوده بين الناس
احسن ما تنفضح هاي السالفه ويعيش
طول عمره مكسوره عينه بين الناس
اذا تحبي صدك عوفي عوفي يرجع الابو
وانسي شفتي بيوم من الايام
منى...مااكدر مااكدر اطلعه من حياتي
راح اطلب من الشبخ يعوفه اليه اربي وخلي على اسمه
خلي باسم الشيخ
بس لا ياخذه مني
امي....انتي جاي تلعبين بلنار الشيخ متعلق بي
ومستحيل يتنازل عنه بهاي السهوله
شلون ينطيج ابنه الي ربى وكبره
ست سنوات مو شويه
جان محروم واجا هذا الطفل رحمه من الله شلون يعوفه بهاي السهوله
منى...ابني ماما ابني اريده
امي...شوفي شلون جاي يعاملج الشيخ
يعاملج معامله محترمه شلون راح تكولين هذا ابني
شلون راح توضحين هذا الموقف
الشيخ شراح يفكر بيج
بعد مستحيل يحترمج
منو يكول راح يقدر ضروفج منو يكول راح يكول عنج
مسكينه طفله ماعرفت تتصرف
اكيد راح يكول هاي بنيه طالعه من الطريق
مستحيل يحترمج ويقدرج
منى...اني سئلته مره اذا رب العالمين يغفر الذنوب
وهو كال اي اذا الانسان تاب توبه حقيقيه رب العالمين
راح يغفرله
الشيخ رجال يعرف رب العالمين
اكيد راح يقدر وضعي
امي...البشر ما ينسون وخاصه الخطيئه
الشيخ صح يمشي بكلام رب العالنين بس يبقى بلاخير بشر
منى...ما يهمني اذا صدكني او لا
المهم هذا ابني الطفل ماعنده احد.يهتم بي
يخلي عندي اهتم بي وهو يجي يشوفه
غير هذا الكلام ماعندي
امي...استغفر الله الله يهديج
خلصنا من هاي السالفه ورجعت علينا
