رواية عيون المها الفصل السادس عشر بقلم ظل الياسمين
لا تلتفت يمينا او يسارا .لتبحث عن احد يساندك انظر للاعلى فستجد من يرعاك
صعد بسياره الهث وميته قهر اشلون يربي
شيخلصني من هذا الوحش
فكرت بيني وبين نفسي كلت لازم اصير قويه وما اخليه يوصلني او يفكر يوصلني
من وصلت رحت كبل لبيت عمتي
دكيت الباب طلع رجلهه
_هله بيج تفضلي هاي شبيج شنو باجيه خشمج احمر شنو مريضه
_زاد فضلك اريد عمتي خيريه
صاح خيررريه هاي مها اجت تركض اول ما شفتهه صحت بصوت عالي
_عليج بداعت جدو فلاح خلصيني من عمادددد تره وصلت حدهه لاحكني وين مجان ومدري شيريد مني
رجلهه واكف وهيه جرتني ودخلتني جوه واني ابجي واحجي
_كالت/هذا ما يجوز من طبعه عده اعراض الناس لعبه لاحك المكروده شيريد بلله
رجلهه كال _خل يولي انعلج والديه لا تبجين هو وين لكاج
سوالفت كل المر بيه عمتي كالت لازم انحطله حد
_فدوه عمه عليج بداعت اخوج حسن يكول جدو تموتين عليه خل يفك ياخه عني واذ ما كدرتي اروح لبوه احجي وياه جاي يشوهه بسمعتي وكلساع ناط فوك راسي واني اخاف منه
كالت سهله روحي مهاوي وداعت حسن ما اخلي يمس شعره منج هذا 🐕
طلعت من بيتهم واشوف امجد واخوه واكفين اباب البيت
اخوه اسمه علي كال مها من رخصتج تعالي وراي مشيت وراهم ولفنه بلفرع لان بيتهم ركن
_خويه مها منو ماذيج ليش تبجين وصوتج عالي منو جاي يشوهه بسمعتج
_مشكور خويه علي رحمة الله على روح امك لا ادخل نفسك انشالله انحلت
_يعني ما تحتاجين مساعده عليج الزهره ام الحسين عليه السلام
_سلام الله على ام الحسن من احتاج اكلك وانشالله ما تقصر
درت وجهي والدموع عشره عشره باوعت لامجد بخنكه/كله منك ما اسامحك لا دنيا ولا اخره
رحت اركض للبيت فتحت الباب بسرعة وكبل للفراش غطيت راسي وكمت اناشغ
بللت المخده بدموع استهضمت على روحي لا اهل لا سند لا مثل البنات احد يخطبني وازوج
نمت لليل وكلبي يوجعني كعدت غسلت وبدلت وسويت لكمه اكلت طفت الكهرباء وكعدت بظلمه ما بيه افتح الفانوس
واسمع صايح عد بيت عمتي
_شوف عمادددد اذ توصل لمها الا اندمك والقران انددددددمك
_ولج بقت عليه بس الكح....... تهدديني خيررريه
_باجر اروح لبوك واحجيله بت اخوي لا توصلهه احسلك كافي الظيم الشافته عوووفه بحالهه اتريد ادور نسوان كدامك اشكال الوان عوووف المكرودددده
_بلله انتي صاحيه اني ادور مها بيش كيلو بس عجبني عنادهه كلت العب علمكشوف
_وداعتك وداعت جهالي لاخلي ابوك يدخل اذ وصلت يمههه بعد.
_دكافي لعبتيهه لنفسي ادور مها عليه
سمعت رجلهه يكلهه هو ما يختار ياهي الجان هلمره مها الضحيه هههه
كمت ارجف من يمي دخيلك يا علي
رحت شغلت الاله وفتحت راديو عدي زغير وكعدت اغسل بلملابس واني كلبي يعصرني
اشلون يربي 😭
بقيت قلقه رغم قفلت البيبان وكلما انام واغفه افز مخترعه
كمت توضيت وصليت وكمت اسبح واقره قران الا ان هداءت وغفيت كعدت متاخره على دكه الباب
طفل/اريد خبز 🍞
_اليوم ما عدي تعال باجر لو العصر
_بس اني جوعان
_ضحكت وكرصته من خده تعال انطيك
رجعت نمت كعدت متكسره وصاعده الگابه فول
اليوم جمعه خلي اكوم اغتسل بيبي جانت كل جمعه تغسل وتوصيني بيبي مها لا تعوفين جمعه تفوتج
كملت واندكت الباب
طلعت لكيت ام صلاح
_ولج وين جنتي طاحت اديه من الدك
_ههه جنت بلحمام
_اي يمه بلعافيه الولد يكولون اكو سيد معمم بنجف جاي يصلي جمعه وكالو نروح نصلي وراه ردت اروح وياهم ما قبلو
_صدك خاله اذ رحتي اخذيني وياج
_يا ولج غير يشبعونه رزايل ابو صلاح فلا يقبل يخاف لا الحكومه تطلع وياه ويجذبون الشباب ويعدموهم وكم مره نهى الولد ولا فاد همه ولد ام عبد كلهم
_الله يستر على الشباب خليهم ما طول الله هاديهم خلهم يصلون يذكرون الله
_اكلج الجمعه الجايه اربيعين ام عبد
ماخذين ريم ترحين ويانه
_ها والله ما ادري خلي اشوف ضروفي
_يا ضروف يا رسايل زياره وبلاش دمشي حابسه روحج بخانه
_خاله الله كريم اذ الله كاتبلنه ازياره راح انوي بلكي تسجل
طلعت ام صلاح واني مالي واهس لكل شي ولا عدي خلك حتى لنفسي
كعدت الصبح رحت لدوام واحس العيون تراقبني وقررت بعد اطلع من وكت
الحمد لله عده اليوم بخير وما شفت عماد
ومن رجعت خلصن فلوسي
وما عدي مسواك ولا اكدر اطلب وبعد هواي لراتب نمت جوعانه عبالي تذكرني ام صلاح واكلهه ادايني
خلصن يومين اني اكل بس خبز 🍞 واغمس بزيت واخلي شكر
اليوم الثالث اجت ام صلاح فكدتني
_يمه مهاوي جنت ماني طيبه وكوه كمت وتدرين بيه اشكد اعزج
_يا بعد روحي خاله كمت بستهه ما ادري بيج مريضه عدج العافيه
_الله يعافيج يبعد كلبي ❤️
كامت تسوالف واخر شي كالت راح اروح
صحت وراهه خاله
_اريد تداينيني فلوس منا لراتب
_يا يمه يا مسكينه اثاريج كاطع الجوع وما تكولين
_لا بس احتاج كروه واكل لراتب
طلعت خمسه ونطتني دنكت على ايدهه وبستهه
كمت اقسط بيهن كوه بس دبرن الحمد لله
