رواية تبديل عريس الفصل الثاني والعشرون بقلم جمانه السعيدي
سلسبيل...وكفت على حيلي ووكعت الهديه بلكاع
....قائد
مثنى...منو هذا
قائد....اي قائد قائد الي نايم على اذانه
جايه هنا تدرسين مو سلسبيل منو هذا الي يجيبلج هدايه
مثنى...منو انت
سلسبيل....مثنى مجرد زميل
قائد ... .زميل ويجيب هدايه
مثنى ...وانت شنو دخلك منو هذا سلسبيل
قائد..اني زوجها زوجها
مثنى...شنو زوجها
سلسبيل...اسكت مثنى
قائد..امشي كدامي الضاهر اني انطيتج مجال زايد
انتي موال واحد.يحترمج (بعصبيه) امشي
سلسبيل....مشيت واني خايفه لان اكيد قائد مراح يصدك
مثنى زميل بعد هذا الموقف الزفت
مثنى...اوكفي سلسبيل شنو زوجج اذا خطوبه اني
حجيت وياج قبل اوكفي
اني تقدمتلج قبله سلسبيل ردي عليه
التفت قائد على مثنى وخزره
مو كتلك زوجها انت شنو ما تفتهم
ولي منا لا افلش وجهك وواحد حيوان
سلسبيل...ودي الكاع تبلعني يعني قائد يغيب هاي الفتره كلها ويرجع يشوفني بهيج موقف
مااعرف وين اروح وشلون اتصرف
قائد يمشي كدامي بسرعه وعصبيه
مااعرف امشي ورا لو انهزم من هيج موقف
التفت عليه وكال بعصبيه يله تمشين على بيض
خوما تمشين على بيض
سلسبيل..... ياربي اني ليش هيج خايفه اني شسويت
ترا مثنى فعلا زميل وماعندي ويا شي
طلعنا من الجامعه يمشي كدامي بسرعه وعصبيه
منا لمن وصل للسياره
فتحها وصعد واني بعدني امشي ورا
وكفت يم السياره
صاح بعصبيه اصعدي
فتحت الباب وصعدت
قائد...منو هذا وشنو الي بينج وبينه شنو تردين تنخطبين من وراي عاد احترمي وجودي احترميني اسمج بعده على اسمي جان خليتي ابوج بين عيونج
جمانه السعيدي
سلسبيل...انت ليش تحجي وياي هيج مثنى مجرد زميل
وماكو بيني وببنه شي
قائد...مبين كلشي ماكو بينكم كاعدين بعيد وحدكم وجايبلج هديه
وماخذ راحته
سلسبيل...انت ليش جاي تحاسبني اني مامسويه شي غلط
قائد..انتي الغلط راكبج من راسج الرجليج
انتي اصلا كلشي بيج غلط
من اول مارجعتي البغداد وما احترمتيني وساكنه وحدج
والنوب جاي ادورين عريس نسيتي انتي مزوجه
سلسبيل...اني من البدايه كتلك اني ارجع البغداد
واني ماساكنه وحدي ابن خالي ساكن وياي وخالي ماعايفني وحدي ومثنى مايعرف اني مزوجه
وطلب ايدي من اول سنه جامعه وبابا يعرف هو طلب ايدي اني حجيت كلشي البابا
بعدين انت شنو مذكر جاي تحاسبني هسه
اني وياك مابينا كلام اني منتظره اطلكني
قائد... اني اعلمج اذا مااكسر راسج مااسمي قائد
الضاهر انتي ماتربيتي زين واني الي راح اربيج من اول وجديد
شغل السياره وطلع بسرعه
سلسبيل...انت وين ماخذني رجعني للجامعه عندي محاضره مهمه
قائد..عندج موعد مهم نسيتي تاخذين الهديه
سلسبيل...انت ليش اجيت شتريد مني دمرت حياتي كافي
حتى بابا خليته يتغير عليه
كافي اطلع من حياتي انت اكثر واحد تعرف اني انجبرت عل هذا الزواج
طلكني وريح نفسك واني هم ارتاح
قائد...مااطلك وراح اكسر خشمج غصبا عليج
مااطلك اريد اطلع هذا الدلال ولاستهتار من عينج
سلسبيل...وين ماخذني ولله اعيط واكول خاطفني
انت ماعندك عقد محكمه زواجنا مابي اثبات
نزلني لا اعيط واكول خاطفني
هاي بغداد مو محافظتك وتكدر تخلص نفسك
الصراحه اني خفت اول مره اشوفه هلكد عصبي
خفت يتهور ويضربني
عبالك مااحجي ويااا اجاهل كلامي طلع التليفون
اتصل على بابا
قائد...شلونك عمي
بابا...هله قائد شلونك هاا شفت سلسبيل
قائد..تعرف واحد اسمه مثنى
بابا...مثنى منو
سلسبيل..حسيت نفسي راح اوكع بمصيبه اكيد بابا ناسي
صار اربع سنوات شلون يذكر
صحت بصوت عالي بابا تعرفه الي طلبني منك
اول سنه بلجامعه ولله تعرفه
جمانه السعيدي
بابا حس اكو شي مو تمام واكيد اذكر لان اني ججيتله
عن مثنى بس هو ماشايفه ابد
بابا...اااي اذكرت صح اذكرت شبي مثنى
قائد...يريد يطلب ايد سلسبيل منك شنو رائيك
موافق حتى ازفهم مادام بعدني بغداد
بابا...شنو هذا الحجي سلسبيل مزوجه
قائد...اي بس هيه ماكالت مزوجه والولد حتى جايب هديه
ومستعجل على الزواج
بابا... كسر راسها الضاهر اني ماعرفت اربي
شنو مامزوجه فوك ما متحملين خبالاتها كل هاي الفتره
جيبها وياك واني اعلمها
اذا مااحبسها وحتى من الجامعه احرمها
انطيناها اكبر من حجمها وشافت نفسها علينا
قائد...اني هلمره الي راح اربيها وابد مراح ارحمها
سلسبيل....ولله ولا احد منكم يقرب عليه
اشتكي عليكم شنو ماكو قانون
قائد...اش ولا كلمه احنا القانون نسيتي
سلسبيل...اني ماسويت شي وماعندي شي ويا مثنى
مجرد زميل
هو مايعرف اي شي عني بعدين واذا طلب ايدي
كل البنات بلجامعه تنخطب عادي يعني
انت هسه شفتني ازوجت ترا انت كبرت الموضوع وانطيته اكبر من حجمه
قائد...انطيني تليفونج اني هسه اعرف اذا اكو بينكم شي لو لا
سلسبيل...طبعا ماانطيك تليفوني شنو هاي المعامله
ليش تدخل بحياتي
تليفوني بي أسرار انت شنو دخلك
اني مافاتحه تليفونك ومااعرف شبي شنو انطيك تليفوني
انت مالك دخل بيه
قائد..شفتي اكو شي بينكم الشغله مو عاديه
سلسبيل...ليش ماتحترم نفسك شنو اكو بينكم شي
انت جاي تتهمني بشرفي
اذا انت هيج اشك بااخلاقي طلكني وارتاح
روح عيش حياتك مثل ماتريد
قائد.. اني اصلا جاي حتى اطلكج اني مستحيل اكمل ويا وحده مثلج
سلسبيل...وصلني للبيت
قائد...انزلي راح اطلكج يم أقرب شيخ وادزلج ورقتج
سلسبيل...نزلت من السياره وهو شغل وطلع
كمت ابجي
مقهوره على نفسي فعلا اني مااعرف اتصرف
دخلت للبيت
طلعت تليفوني اتصلت على بابا
سلسبيل...اهيههي بابا
بابا...شبيج ليش وصلتي نفسج الهذا الحال
سلسبيل...ولله ماكو شي بيني وبين مثنى
مجرد من شافني رجعت للدوام
اجا سئلني عن احوالي وعن وضعي ماكو شي مجرد صداقه
صح هو طلب ايدي بس اني رفضت
وحاولت اخلي يبتعد عني بس هو رافض هذا الشي واليوم جابلي هديه اصلا اني جنت كاعده بعيد حتى انهزم منه
مااعرف شلون اجا وراي
قسما بلله ماعندي شي ويااا
لاتصدك قائد قائد يريد حجه حتى يطلعني غلطانه
على العموم اني مايهمني قائد يهمني انت تصدك كلامي
بابا...انتي الغلط راكبج من راسج الرجليج
شنو زميل شنو حاولت ابعده عني شنو طلب ايدي
ليش ما تحترمين نفسج
ليش مصره تخليني شايل همج وهم تصرفاتج
ليش ناويه اجلطيني
حرام عليج اني ماقصرت وياج بشي
هذا جزائي لان دللتج لان عفتج براحتج
صدكي لو تموتين ماتلكين واحد يحبج بكد قائد
بس انتي حيوانه كلشي ما تفتهمين
جمانه السعيدي
سلسبيل...بابا صار عصبي بسببي اني اعرف غلطانه
بس مو الغلط الي يستوجب هذا الزعل كله
اني فعلا ماكوشي بيني وبين مثنى
كل البنات بلجامعه عدهم تواصل وياا زملائهن
شمعنا اني الي سويت جريمه
بدلت ملابسي ونمت اليوم جان ذبحني قائد
لو ما رب العالمين سترني
الله ستر وما تهور واخذني وياااا جان بعد ماكدرت ارجع هنا ابد
ياربي اهديني للطريق الصحيح
للعصر سمعت الباب اندكت طلعت لكيته خالى
واني افتح الباب شفت ورقه بلكاع
رفعتها ورقة طلاكي من قائد
خالي...هلو سبوله شلونج شبيج شنو هاي الورقه
سلسبيل...قريته مرتين وخالي يسئلني شكووووو
.......طلكني
خالي...منو
سلسبيل...طلكني وحتى ماكلف نفسه يدك الباب
شامر الورقه من ورا الباب ورايح
خالي...لا صدك خل اشوف لا اضوجين
سلسبيل....طلكني خالي
خالي...انتي مو جنتي تردين الطلاك
سلسبيل....اي بس
خالي...شنو بس خلاص اطلكتي بعد شتريدين
انتي طلبتي منه الطلاك وهو طلك
ترا الرجال اعز ماعلي كرامته وانتي حيل ضغطتي على قائد
جمانه السعيدي
سلسبيل...دخلت امشي على كيف وكعدت بلمطبخ
على كرسي ميز الطعام
خالي... خالو حبيبتي ضجتي
سلسبيل...لا ماضجت بس جان عندي امل يتصلح الموقف بينا
بس الضاهر قائد خلص صبره وياي
اليوم اجا يشوفني وتعاركنا اني ويااا
وأخير شي نزلني وكال راح اطلكج
هاي الورقه خلاص طلكني كلشي انتهى بينا
انتهت قصتنا اني وقائد
خالي...مامقسوم صدكي ما مقسوم لو مقسوم
جان رضيتي بزواجج وقتنعتي
بس قائد ما مقسوملج
سلسبيل...بس اني احبه
خالي...اذا تحبي ليش طلبتي الطلاك
سلسبيل...لان ماحبيت الطريقه الي ازوجنا بيها
حسيت نفسي انجربت علي يمكن لو طالب ايدي وتاركلي
فرصة الاختيار جان قبلت بي حتلو مزوج
قائد ما يتعوض ابد
بس اني الي مامحضوضه
بكلشي ماعندي حظ
لا ام ولا اهل ولا حبيب حتى بابا تغير عليه
خالي...اتعلمي من اخطائج
وابدي من جديد خلي الأخطاء دروس اللج
سلسبيل....شكد مرت عليه ضروف صعبه بس اصعبهن
طلاكي
هذا اليوم خالي بقا يمي اتصل على زوجته
تجي اجيب الولد وياها
حتى يسوولي أجواء وانسى مصيبتي
مسكين خالي ابتلى بوحده ثوله مثلي
بقو بيت خالي لليل باتو يمي خالي يكول اخاف عليج
مراح اعوفج وحدج
ثاني يوم الولد راحو للدوام وخالي طلع للدوام
بس اني قررت مااروح
اريد ارتاح مراح اتحمل أجواء الجامعه
رجعت نمت وزوجة خالي طبختلي غده وراحت البيتها
دزلي مثنى رساله
سلسبيل....فهميني شنو الي صار منوهذا وليش يكول
زوجج
مارديت علي اني بيا حال ماعندي طاقه احجي وياا
بقيت يومين مااروح للدوام ومثنى حرك الجو بلرسايل
اقراها بس ماارد علي احس نفسي منهاره
خالي ابد ماعافني خلال هذني اليومين
يجيني بليل ويبات يمي
خالي...ليش ماداومين
سلسبيل...مااكدر تعباته
خالي...تحبين اخذج المكان اطلعين تغيرين جووو
سلسبيل...لا مااكدر لاتخاف مابيه شي
باجر ارجع للدوام
خالي..خير انشاء الله
تحديدا بهذا اليوم اليوم الثالث بعد طلاكي من قائد
بليل اتصفح بلتليفون دخلت على صفحة قائد
كلشي مانشر
رجعت اكلب
شفت واحدناشر تهنئه المثنى ولد طالب ويانا بلجامعه
كاتب الف مبروك يتربى بعزك
الله يجعله من أبناء السلامه
سلسبيل...اتفاجئت شنو مثنى مزوج دخلت على صفحة هذا الولد وشفت تهنئ قديمه مبارك المثنى على زواجه
وواحد معلق على المنشور
مثنى انت رجال ماقصرت ويا اخوك ولا ويا جهاله
جمانه السعيدي
ربطت الكلام والأحداث مثنى مزوج زوجت اخووو
اي هذا الكلام ماله معنى ثاني
الله لايوفقك مثنى صار شكد تركض وراي نزوج نزوج
خل نزوج بس اني ماعندي مكان
نزوج بيتج نكعد بيتج
وانت مزوج لا وزوجتك على وجه ولاده
اله لايوفقك غشاش استغلالي
لو ما لازك بيه جان اني وقائد هسه اتصالحنا
ليش اني حظي اغبر ليش زوجه ثانيه
ليش كل واحد يطلبني للزواج الكا نفسي زوجه ثانيه
يمه ليش ورثتني حضج
ليش حظي مثل حظج
استغفر الله ربي اتوب اليك
حضرت مثنى من كل البرامج ومسحت كلشي بينا على التليفون
اليوم الي بعده داومت
بس شافني مثنى اجا يركض
مثنى...وينج حبيبتي ليش غايبه كل هاي الفتره
شكد ادز مسجات واتواصل وياج ماتردين ليش حبيبتي
شصاير فهميني حتى هديتج مااخذتيها
منو هذا الي اجا ليش يكول زوجج
اني ماصدكت كلامه
سلسبيل...مبروك
مثنى...الله يبارك بيج بس ليش تباركيلي
سلسبيل...على المولود الجديد واخيرا صرت اب
نسيت اجيبلك هديه
مثنى...اي مولود
سلسبيل...ابنك من زوجت اخوك
مثنى...ماكو هيج شي
سلسبيل... جذاب ماتعرف صار عندك ولد من زوجت اخوك
نازله التهنئه ترف عليك ليش انت ماتعرف
مثنى...افهمج قبل لا تحكمين عليه
هذا الزواج صار غصب عني واني احبج وماحبيت احد غيرج
سلسبيل...مستمر بلجذب اي حب هذا الي تحجي عنه
جمانه السعيدي
تركض وراي وتوهمني بحبك
وكل يوم تعاي نزوج واني احبج وخل اخطبج واريد احجزج
جان استحيت على نفسك
جان كلت عيب اضحك عليها
يمتى ناوي تصارحني بهذا الموضوع
يوم عرسنا
لو ناوي اضم عليه لان الموضوع مامستاهل
تحجي بي
نزوج ونكعد بيتج اي تريد سكن وتريد وحده تصرف عليك
مااكول غير الله لا يوفقك لا دنيا ولا اخره
مثنى...ليش تحكمين عليه قبل لا تسمعيني
سلسبيل...شسمع شسمع كافي جذب كافي
روح من وجهي واياني واياك اشوف خلقتك
كبالي
عفته ومشيت وهو بقا واكف بمكانه وصافن عليه
اني ماضجت من مثنى لان طلع مزوج
لان اني ماناويه ارتبط بي بس ضجت لان جذاب
انتهازي استغلالي
جاي يرسم عليه الحب وهو اصلا مزوج
وزوجته على وجه ولاده
همزين صارت هاي الشغله حتى اخلص منه
وبعد مااشوف وجها
رب ضارة نافعه
