 |
رواية عشقي الابدي الفصل الخامس والعشرون والسادس والعشرون بقلم ساره
ليان كانت في الجامعه ومستنيه البواب عند بوابه الجامعه وفي نفس الوقت وليد كان مستني خروج ليان
وليان واففه ووليد كان بيقرب من ليااان وهو مبسوط ان أخيرا لقاهااا
وفجأه وصلت عربيه وقفت بين وليد وليااان
ونزل منها حازم الالفي بهيبته المعروفه ووليد اتصدم لما شاف حازم قدامه وفجاه حلزم قرب من ليان ومسك أيدها وليان بصتله بهدووء وكل ده تحت نظرات وليد ال مصدوم من ان ليان وصلت لحازم الالفي
ليان / حازم انت جيت ليه فين عم عبده
حازم/ جاي اطمن عملتي اي في الامتحانات وبعديت اي ده مكونتيش عايزه تشوفيني
ليان/ لا طبعاً عايزه اشوفك انا مش عايزه اشوف غيرك أصلا قصدي هو مش عندك شغل دلوقتي
حازم بضحك/ معنديش اهم منك ياحبيبي يلا تعالي نتغدي في مكان علشان اكيد جعانه
ليان بضحك/ اوي اوي ياحاازم يلا بينا
حازم ركب عربيته وليان ركبت معاه ووليد ركب عربيته واتخرك وراهن وتابع خطوات ليان وحازم وقرب ليان من حازم وقعد علي ترابيزه قريبه منهم
حازم/ تحبي تأكلي اي
ليان// اي حاجه بوص اطلبلي علي زوقك
حازم / ماشي في اكله انا بحبها اوي هنا ان شاء الله تعجبك
ليان / اكيد هتعجبني مش عجبتك يبقي هتعجبني انا كمان
حازم مسك ايد ليان وباسها بحب وبس في عيونها
- بحبككك
ليان بصتله بخجل / وانا بحبك بس الناس ياحازم
حازم / انا ميهمنيش الناس انا ميهمنيش حاجه غيرك.
ليان بصت لحازم بحب / هتفضل تحبني لامته ياحازم
حازم / لغايط اما نكبر وجلدنا يكرمش وشعرنا يبقي ابيض وسنانا تقع وننسي كل الناس بس مش هننسي بعض يالولا
ليان / ده ازاي بقه
حازم / لان عقلنا هو ال بينسي إنما قلبنا عمره مينسي ابداا وانا قلبي حافظك يولا انتي ملامحك وتفاصيلك كلها محفوره في قلبي فلو عقلي خاني ونسيكي قلبي عمره مينساكي ابدااا يالولا
ليان بصت لحازم بخجل / كل الكلام الحلو ده علشاني انا يا حازم
حازم ضحك لليان/ ده مش كلام ياحبيبتي ده واقع صدقيني كل حرف خارج من قلبي ويشهد ربنا أن لسه جوايا اكتر من ال قولته ده مليون مره ليكي
ليان / تعرف ياحازم انا نفسي اخليك مبسوط بأي طريقه نفسي احس انك اسعد راجل في الدنيا دي كلها
حازم/ صدقيني انا مجرد وجودك في حياتي مخليني اسعد واحد في الدنيا دي كلها انا مش محتاج حاجه غير وجودك في حيااتي ياليان
ليان/ تعرف انا نفسي نبقي عيله كبيره اوي اوي
حازم بصلها وضحك / كبيره ازاي ياعني
ليان بضحك/ اممم ياعني نفسي يكون عندي ١٠ ولاااد
حازم ضحك بكل صوته/ ١٠ ولاد مره واحده والله انا جاهز بس انتي هتقدري علي خلفه ١٠ عيال
ليان بضحك / لا طبعاً احنا ممكن نتبني مثلا
حازم عقد حواجبه وبص لليان/ لا طبعاً احنا هنجيب عيال من صلبي انااا وانتي وال تجيبيهم للدنيا
اطفال يكونوا شبهنا إحنا الاتنين لاكن التبني ده انا بصراحه مش حابه
ليان / خلاص كفايه علينا اتنين بس
حازم ضحك علي ليان/ ليه مش كونتي عايزه عشره وفتحتي صدرك اوي
ليان / منا كنت عايزه مساعدات خارجيه انت مش عايزها
حازم/ لا لا بلا خارجيه بلا داخليه انا اهم حاجه عندي نجيب بنوته تكون زي القمر زيك كده
ليان بضحك/ لا انا عايزه ولاد مش بنات
حازم بحب / كلهم نعمه من ربنا ياليان
ليان/ ايوا صح فعلا كلهم نعمه
وليد كان قاعد ومراقب حازم وليان ومستغرب وعلامات الدهشه باينه علي وشه
وليد/ معقول ليان تبقي مرات حازم الألفي ازاااي
وقعت عليه ازاي دي وامته مطلعتيش سهله ياليان
عمر كان قاعد في بيته مبيخرجش نهائي منه
ولا بيروح الشركه ولا بيسهر زي زمان
وكلام هنا بيتردد في باله وكلام حازم في نفس الوقت
عمر/ انا بأذيكي ياهنا ده انتي اول واحده اخاف علي مشاعرها واخاف تتأذي بسببي واخاف علي منظرك
- هو انا فعلاً حبيتها انا يومي مش عايز يعدي من غيرها
معقول كلام حازم صح
هنا مكانش حالها اقل من حال عمر كانت دايما ساكته علي غير عادتها ومتخرجش من ؤضتها
ودايما بتعيط ومش قادره تنسي احساسها مع عمر ولا قادره تحكم مشاعرها وتنساه وتكمل حياتها من غيره
في بيت عمر
عمر كان قاعد وقطع تفكيره صوت خبط الباب
وقام فتح وكان حازم
- اي ٨تفضل نايم ليل نهار كده مش ورانا شغل ولا اي
عمر/ عايز اي ياحازم انا مش فايقلك
حازم/ اما انت مش قادر كده مش عايز تريح نفسك وتريح الغلبانه دي معاك ليه
عمر بلهفه/ انت شوفتها
حازم / ااه شوفتها وعايشه عادي ياعني مش قالبه حياتها زيك كده
عمر بص لحازم بحزن،/ بجد!!
حازم ضحك علي عمر / لا بهزر هي كمان زيك كده
الظاهر ان هي اتخبطت في نفوخها وحبتك
عمر بلهفه/ بجددد
حازم/ لما انت ملهوف عليها اوي كده متريحهاش ليه وتقولها انك بتحبها
عمر/ حازم انا ال مريت بيه مش سهل وبعدين لازم اتأكد ان هنا بتحبني مش تبقي زي ياسمين
حازم/, انت عارف ان هنا حاجه وياسمين حاجه وكمان متأكد ان هنا حبيتك يبقي ليه العند
عمر/ انا مش بعند بس خايف هنا تطلع مبتحبنيش
حازم بنفاذ صبر/ يابني ادم مموته نفسها بسببك
عمر/ طيب ساعدني نتأكد
حازم/ اساعدك ازاي ان شاء الله
عمر/ اقولك تساعدني انت وليان مش انا اخوك الصغير
حازم/ صغير ارغب ياعمر
عمر قرب من حازم وعرفه هيعمل ايه بالتفصيل
حازم/ اي لعب العيال ده
عمر/ معلش علشان خاطري يلا بقه بسرعه
حازم بص لعمر وطلع شقته لليان
- لولو ممكن اطلب منك طلب
ليان بصتله بإستغراب/ انت تؤمر يا حازم
حازم/ بصراحه عمر محتاج مساعدتنا
ليان بصتله بفهم / سيبو هنا في حالها أصلا عمر لو بيحبها مش هيسيبها كل المده دي تتعذب وميهونش عليه يسأل عليها ويطمنها حتي
حازم/ مهو عمر معزور برضو عمر مصدق لقي هنا وفجاه هنا تسيبه وتبعد عنه من غير اي مقدمات حتي
حوطي نفسك مكانه ياليان
ليان / يا حازم هنا اسنانه محترمه جدااا جداا فجأه خروج مع عمر وتشوف عمر وآخر حاجه الحفله ال قال فيها ان هي مراته افرد حد سرب الخبر ده للأعلان ولا افرد باباها عرف ولا شاف ليهم صوره سوا
هنا حبت عمر فعلاً بس خافت هو ميكونش بيحبها
خافت ان يبعد عنها لما يزهق كل مشكله هنا أن هي خافت ياخازم
حازم/ تمام وانا معاكي احنا هنعمل خطه بسيطه وصدقيني عمر هيتصرف بعدها صدقيني عمر حب
هنا أوي أوي هو بس لسه مش فاهم نفسه والمفروض ان هنا تبقي جانبه في الوقت ده مش انتي بتثقي فيا
ليان / طبعا بثق فيه
حازم/ تمام يبقي نفذي ال هقولك عليه ومتقلقيش علي هنا اتفقنا
ليان/ اتفقنا وانا هاجي فيك اي يااستاذ حازم دايما واكل بعقلي حلاوه كده
حازم/ طب يلا بقه يالولا
ليان مسكت تليفونها واتصلت بهنا ال ردت بعد فتره
ليان/ هنا وحشاني عامله ايه
هنا بهدوء / تمام الحمدلله انتي اخبارك اي
بيان / تمام والله لقيتك مش بتسالي قولت أسأل انا وكأنك نسيتي صحبتك خالص يالهنون
هنا/ لا والله مش بقدر انساكي خالص ياليان
ليان/ مالك كده
فجأه ليان قطعت كلامها وبصت لخازم واتكلمت بتمثيل الخضه
- اي ماله عمرررر
ليان قفلت التليفون بسرعه وبصت لحازم ال بيضحك عليها
- طلعتي ممثله اهو
ليان بضحك/ كله علشان هنا بس
حازم/ ايوا يازفت عملنا ال سيادتك قولته نعمل اي بعد كده
عمر بضحك/ مترودوش عليها بقه لأنها هتحاول تتصل تاني اكيد
حازم/ اي الثقه دي ما يمكن متتصلش
عمر/ لا اكيد هتتصل اسمع مني بس
عمر مخلصش كلامه وهنا كانت بتتصل بليان تأتي
ليان / دي بتتصل فعلاً
عمر / شوفت مترودوش وسيبوا الباقي عليا انا بقه
ليان/ هتعمل ايه ياعني فهمنااا الأول
عمر / متقلقيش مش هعمل حاجه يلا اقفلوا صدعتوني بقه سلام
حازم / والله احنا غلطانين ان احنا بنساعد حيوان زيك
عمر/ الله يسامحك اغلط يلا تاني اغلط
حازم/ مستفززز بجددد
في بيت هنا
هنا كانت عماله تحاول تتصل بليان وليان مش بترد
هنا بخوف/ معقول جراله حاجه هيكون حصله اي بس
- وانا مالي انا قررت مليش دعوه بعمر خاالص
- لا بس ليكون جراله حاجه بجد
هنا قامت بسرعه ولبست وهي مازالت بتحاول تكلم ليان
هنا بعصبيه ... نفسي افهم مبتردش ليه دي بسسس
فريد/ رايحه فين ياهنا
هنا بتوتر/ نازله يابابا صاحبتي تعبت اوي ولازم اشوفها هي ساكنه قريب من هنا
فريد/ طيب متتأخريش طيب
هنا/ حاضر عن اذنك
هنا نزلت بسرعه وخدت تاكس لغايط بيت ليان
في شقه حازم
'' اي هنا جت
ليان بصت لحازم/ اي ده جت بالسرعه دي
عمر بضحك/ مش قولتلكم سيبوها تطلع وانا هتصرف
ليان بخوف/ عمر بلاش تضايقعا بالله عليك
عمر/ متقلقيش بقه اطمني اقفلوا بقه
عمر قفل مع ليان وحازم
وهنا الامن سمحلها تطلع وكانت بتطلع بسرعه
لغايط اما فجأه عمر فتح باب شقته وسحب هنا
بسرعه
هنا اتخضت لما عمر شدها ودخلها بيته وغمضت عيونها بخووف وفتحتها ببطأ
- اي اي اي ده شدتني كده ليه خضتني يااخي
هنا بصت لعمر ورفعت حاجبها بإستغراب وقالت..
وبعدين مانت كويس اهو
عمر بمشاكسه/ اه الحمدلله زي الفل اهو ليه حد قالك اني مش كويس ثم إن يهمك في ايه انا كويس ولا مش كويس
هنا بصتله بتوتر/ أصلا انا جايه لليان مش ليك انت
عمر ضحك علي هنا /. متعرفيش تكدبي انتي ياهنااا
انتي جيتي هنا بسببي انا جيتي تشوفيني جيتي تطمني
عليا انا علشان مقدرتيش تحسي أن تعبان ومتجيش
هنا ضحكت بسخريه/ وانت مفكر نفسك بقه محور الكون بقه وكده ولا اي
عمر بص لهنا وضحك/ لا انا محور حياتك انتي
عمر بص لهنا بجديه واتكلم بنبره لووم
- ليه عايزه تخرجيني من حياتك ياهنا ليه بتبعدي
ليه عايزه تبعدي
هنا بصت لعمر وسكتت واتهدت كتير/ خايفه
عمر بصلها بإستغراب/ خايفه! .. خايفه مني انا
هنا/, اه ياعمر خايفه .. خايفه لأن في احساس بيجيلي وانا معاك بحس بحاجات بحسها لأول مره وخايفه لتعود عليها عمر ..
انا وانا معاك بحس ان كل الدوشه ال في دماغي بتسكت
بحس الدنيا كلها بتبقي سهله وخفيفه وكمان بسيطه
قلبي بيدق جامد اوي اوي اول مبيشوفك بس اول متتكلم وتنطق اسمي قلبي بيهدي
هنا سكتت وعمر بصلها بحب.
عمر/ هنااا متفتكريش ان مش حاسس بيكي ولا حاسس بكلامك ده كله
انا مش عايزك تبعدي عني ياهناا انا كنت بتصرف معاكي وكأن عيل صغير بيناكش بنت الجيران كنت بتبسط اوي وانا بناكش فيكي وبجري وراكي وبقيت احب اعصبك
بقيتي جزء من يومي غصب عني لقيتك دخلتي حياتي وخدتي حيز كبير منها لدرجه مبقتش قادر اتخيل يومي من غير هنا انا مش هقدر اشوفك بتبعدي عني
زي منا مش هقدر اشوفك تروحي لحد تاني وانا اقف اتفرج
عارفه ياهنا انا قبل مشوفك كنت مش عايز اتعلق بحد
ولا عايز ادخل اي واحده حياتي ولما شوفتك بقيت احاول بكل الطرق اكرهك فيا واحاول اكرهك انا
بس كنت كل مبحاول اكرهك كان شي جوايا بيتعلق بيكي ويخلقلك مكان في حياتي غصب عني
يمكن مش كل الصدف ال بتقابل الإنسان بيستغلها
وفي فرص كتير بتضيع مننا واحنا اتقابلنا صدفه
- بس انا مش هخلي الفرصه دي تضيع مننا او بمعني الاصح مش هخليها تضيع مني هستغل الفرصه
وهستغل الهديه ال ربنا بعتهالي ...
هنا بصت لعمر وعيونها لمعت بالدموع
عمر بص لهنا بحب وتنهد بهدوء ...لا ياهنااا مفيش دمعه تنزل من عيونك من النهارده
- انتي هديه ربنا بعتهالي علشان اعمل عيله ونعمل بيت جميل ويكون عندي عيال تكوني انتي مامتهم
- انا بحبك ياهناااا
-تتجوزيني ياهناااا
هنا بصت لعمر بصدمه من كلامه واعترافه بحبه ليها
وطلبه للجواز منها
هنا بصت لعمر بصدمه ومكتتش قادره تتكلم ..
ا ن ت بتت كلم ب ج د
عمر ضحك علي كلام هنا وحاول يهزر/ أنا عارفه ان صدمه بنسبالك ان عمر السويدي يقولك تتجوزيني وانك هتموتي من الفرحه بس مش كده داري شويه ياهنون
هنا بصت لعمر وفضلت تضحك وتعيط وعمر بيضحك
ومش فاهم هي مالها
عمر/ اي اتجننتي ولا اي مش فاهم انا
هنا بصت لعمر / انت بتتكلم بجد ولا بتهزر
عمر بص لهنا بحب/ صدقيني والله بحبك ياهنا
عمر مسك ايد هنا باسها وحطها علي قلبه بهدووء
- قلبي ده مبقاش في غيرك ياهنايااا انتي
هنا بصت لعمر بحب/ انا هناااك ياعمر
عمر بحب/ وحياتي كلها ياهناااا
في بيت حازم
ليان كانت رايحه جايه قدام حازم وهي متوتره
وحازم باصص عليها ومستغرب خوفها
- ليان اقعدي شويه وتريتيني اوي
ليان/ ياتارا بيحصل اي تحت انا خايفه
حازم/ متقلقيش طالما عمر وعدنا ان مش هيحصل حاجه يبقي متخافيش
ليان/ ياعني انت مالي ايدك من عمر باعني
حازم رفع حاجبه بإستغراب وبص لليان من غير ميتكلم
ليان بضحك/ ومين يشهد لعمر غيرك بس مش ممكن ياعني يزعلها
حازم اتعدل وبص لليان/ ليان ياحبيبتي ال بيحب مستحيل يأذي الاذيه والحب متجتمعش ابداا
ليان بصت لحازم/ ياعني انت عمرك مهتأذيني يا حازم
حازم / أأذيكي مستحيل ياليان انتي جزء مني
انتي امانك مسؤوليتي ازاي بقه أاذيكي
ليان قربت من حازم وحطت راسها علي صدره بحب
وحازم اتنهد وغمض عيونه وخد نفس طويييل من شعر ليان وبدأ يطبطب عليها بهدووء
ليان/ تعرف يا حازم انا بحسك فيك كتير من بابا
مخلص زيه بتحافظ عليا زييه انت بتخافظ عليا حتي من نفسك ياحازم وبتحميني
طول عمري من وانا صغيره اما بابا كان يحكيلي عن ماما وقد اي هو حبها وقد اي هي استحملت في اول الجواز وقصه حبهم كنت اتمني جوزي يحبني زي بابا كده بس كنت بقول ده انتهي من زمان الوقت ده محدش بيحب حد بالنقاء ده ولا حد بيحب حد بدون مقابل
لغايط اما لقيتك ياحازم
قدمتلي الامان بدون مقابل ادتني الحمايه وفي الآخر
ادتني كل الحب ال كنت بحلم بيه ومتخيلتش في يوم ان حد يحبني زي ماكانت بتحبني كده
حازم بحب/ انتي عيوني ياليان انا افديكي بروحي انا مصدقت لقيتك وكأني كنت بدور علي حد ولقيته فيكي
ربنا يخليكي ليا
ليان بخجل/ ويخليك لياااا ياارب ياحازم
في شقه عمر
هنا / طيب انا همشي بقه ملوش لازمه وجودي
عمر بغمز،/ مش طالعه لليان مش جايه تزويرها برضو
هنا / ياغلاستكككك ملكش دعوه
عمر بضحك/ اعترفي انك متقدريش تعيشي من غيري
وجيتي جري لياااا
هنا بضحك/ ما خلاص ياهارون يارشيدي ما خلاص ياعم النرجسييي
عمر بص لهنا وضحك بحب واتنهد بهدوء / مبسوطه ياهنا
هنا بصتله بحب/ عمري مكنت مبسوطه زي اللحظه دي
دي اسعد لاحظه في حياتي ياعمر
عمر / ان شاء الله حياتنا كلها تبقي سعاده ياهنااا
هنا/ طيب باي بقه انا اتاخرت
عمر/ استني هوصلك يلا بينااا
هنا نزلت وعمر نزل وراها وركبت معاه عربيته وكل شويه
هنا تخطف نظرات لعمر وتبتسم بحب وهي مش مصدقه
ال حصل ولا مصدقه ان عمر اعترفلها بحبه
عمر / وصلنااا خلاص
هنا / ماشي انا نازله سلام
عمر / هنا متخافيش مش عايزك تكوني قلقانه انا هقابل بباكي في اقرب وقت انا متعودتش اعمل حاجه في السر وطالما بحبك وانتي عيزاني يبقي لازم الدنيا دي كلهاا
تبقي عارفه ان انتي ال قلبي اختارك ياهنااا
هنا بخجل / ماشي ياعمر ماشي
عمر / بحبك
هنا اتكسفت ونزلت من العربيه وهي مبسوطه جدااا وطلعت ؤضتها وكانت هطير من الفرحه
في بيت حازم
ليان بصدمه/ اي ده مشيت وعمر هو ال وصلها ازاي دي حلفالي مش هتكلمه
حازم ضحك وكمل شغل علي اللاب توب
ليان/ لا ياحازم كلمني كده زقولي ازاي
حازم بضححك/ عادي ياليان فاكره اما سيبتي البيت وكونتي مقرره مترجعيش وبرضو رجعتك رجعتي ليه
ليان بصحت لحازم وسكتت
حازم بصلها وضحك عليها
- حضري نفسك ياليان في حفلع بكره وهتحضريها معايا
ليان بصت لحازم بصدمه/ احضرها ليه والناس هتقول اي
وبعدين وليييد ممكن يشوفني معاك
حازم رفع حاجبه وبصلها بإستغراب/ ليان انتي هتكوني معايا وبعدين وليد ده سبيه علياا ملكيش دعوه بيه
ده نهايته قربت خالص
ليان/ نهايته قربت ازاي قصدك هتقتله
حازم بشر/ القتل شويه علي امثاله هو وأبوه والله
ليان/ لا ياحازم انا محبش اشوفك كده ابداا يا حازم
حازم شد ليان وقهدها في حضنه
- اومال تحبي تشوفيني ازاي يالولو
ليان بضحك/ احب اشوفك طيب مش شرير
حازم بغمز/ وانا شرير
ليان بصت لحازم وهو ماسكها من وسطها مقربها ليه
قالت بهمس/, لا خاااالص بالعكس انت احن راجل شوفته في حياتي ياحازم
حازم حضن ليان بحب وغمض عيونه واتنهد بعدوووء وطبطب علي راسها بحب
في شركه حازم
حازم وصل الشركه وطلب عمر بسرعه في مكتبه
حازم بعصبيع/ اي التأخير ده ياعمر
عمر/ ياعم ولا تأخير ولا حاجه من قدامك اهو
حازم/ في ملفات اتسرقت من مكتبك يابيه
عمر بتمثيل الصدمه/ بجدددد لا اله الله اضربي كف علي كف ياجميله
جميله بصت لحازم بخوف ورجعت بصن لعمر بنفس الخوف
حازم ب بزعيف/ عمر احنا مبنهزرش ياعني اي حد يتجراأ
ويسرق ملفات من المكتب كده عيني عينك
عمر / تتسرق هو حد بيدخل الدور ده غيرناا
جميله بخوف/ بشمهندس حازم انا معرفش حاجه
حازم بصلها/ ازاي متعرفيش حاجه ومحدش بيدخل هنا غيرك
جميله بصت لحازم بخووف/ لا مش انااا انا لا يمكن اسرق
حازم/ اومال مين إحنا في بينا خاااين مش معقول عمر هيسرق ملفات شركته ياعني واكيد مش انااا
جميله بشك/ قصدك اي باشمهندس
حازم/ قصدي أن انتي ال سرقتي الملفات ياجميله انتي الخاينه
