رواية حين يغار القلب الفصل الثاني بقلم مصطفى جابر
أزيك يا قمر انا جيت أعيد عليكي وجبت لك فانوس رمضان اهو كل سنة وانتي طيبة.
زين بغيرة مسك الفانوس بغضب و كسره.
وليد بزعيق: انت مجنون ازاي تعمل كدا.
زين بغضب: ملكش دعوة بقمر نهائي وأبعد عنها مفهوم ولا لا
وليد بعصبية: انت مجنون دي بنت خالتي وانت ملكش حكم عليها دنت مجرد خطيبها
زين بغضب لكمه ومسكوا في بعض..
قمر بتسلك: سيبه يا زين حرام عليك.
زين بغضب زقها اتخبطت في الحيطة اتخبطت جامد في دراعها ...زياد ساب وليد و جري عليها بخضة..
زين بخضة: انتي كويسة.
قمر بألم في دراعها: دراعي وجعني.
وليد بغضب: كله بسببك انت.
زين كان هيرد عليه قاطعهم صوت مها: فيه اي يا ولاد.
رباب نزلت بخوف: اي اللي بهدلك كدا يا زين.
وليد بجمود: ينفع كده يخالتي .. انا جبت فانوس ل قمر زي ما متعود كل سنة والاستاذ خده كسره ومد ايده عليا.
مها بصدمة: انت عملت كدا يا زين.
زين متجاهل الكل و بيبص ل قمر بقلق: تعالي نروح المستوصف تكشفي
قمر بجمود: شكرا انا كويسه أنا طالعة فوق.
سابتهم و طلعت فوق و رباب بصت ل وليد: معلش يا وليد هو زين عصبي شويه.
وليد بحقد: تمم بس المرة الجاية هو حر.
زين ببرود: طبعا حرو لو تجاوزت حدودك تاني هزعلك.
مها بهدؤء: خلاص يا زين عيب كدا علي فكرة.
زين ببرود: لا مش عيب هو ملهوش دعوة بخطيبتي ويجبلها حاجه لانها مسئولة مني وبالله نمشي.
رباب هتتكلم شدها و مشيوا...
وليد بقرف: والله لولا قمر كان زماني معلم عليه.
مها بسخرية: واضح من علامات وشك يابن اختي.
وليد بغيظ: دا بدل ما تهزقيه يا خالتي خلتيه يمشي عادي.
مها بهدؤء: معه حق يا وليد انا عارفة انك عينك من قمر وبتحاول تقرب منها لكن دا مينفعش هي مش عاوزاك ودلوقتي مخطوبة لراجل وهيتجوزوا في العيد.
وليد بغيظ: بقي كده يخالتي وانا اللي قولت هتنصفيني سلام يخالتو
سابها و مشي وهو علي اخره.
عند رباب..
رباب كانت كاتمه ابتسامتها و زين متعصب..
رباب بخبث: اهدا ل يطق لك عرق.
زين بجمود: ومين قال اني متعصب انا كويس.
رباب بمكر: باين انك مش متعصب ..أنا بس عايزة افهم اي اللي حصل ..الصبح كنت متعصب علشان هتروحلها وكنت بتقول مش عاوزاها اي اللي حصل بقي خلاك هتموت عليها اوي كدا.
زين بتوتر: مش هموت عليها ولا حاجه بس من الاصول يا ماما انه مفيش راجل يتكلم معها غيري.
رباب بضحك: علي فكرة عادي يعني ده ابن خالتها وزي اخوها
زين بغضب: لا مش عادي و اقفلي يا ماما الموضوع ده تمم.
رباب بذكاء: طب لو انت مش عايزها زي ما قولتلك الصبح ممكن تسيبها وهي تتجوز واحد غيرك عادي
زين بجنان: نعممم دا علي جثتي دا يحصل.
رباب بابتسامة: انت بتحبها يا زين بس بتكابر واخرة عنادك دي زعلتها منك.
زين بملل: هبقا اصالحها بعدين.
رباب بهدؤء: طيب بس ابقي اطمن علي دراعها.
زين قلق علي قمر و رباب ضحكت...
عند بيت صفية..
سعدية وهي بتاكل: كلي يابت كدا عشان تصومي بكرا.
صفية ببرود: وانا من امتي وانا بصوم يعني يا ماما أنا بتسحر معاكم بس علشان مجوعش بكرا
محمد بهدؤء: انا معرفش انتي ليه مش بتصومي معا أن الصيام بيعزز الصحة وبيخلي جسمك شديد ميتعبش بسرعة
سعدية ببرود: سيب بنتي علي راحتها هيا معندهاش طاقة أنها تصوم كلي يا حبيبتي كلي.
محمد بغيظ: كتر دلعك فيها دا هيبوظها اكتر ما هي بايظه.
سعدية ببرود: ملكش فيه واطلع انت منها يا محمد هيا اللي هتتحاسب مش انت فا كل واحد يخليه في حاله
محمد خلص اكله وقام: انا رايح الجامع اصلي.
صفيه بسخرية: اللهم قوي ايمانك يا شيخ محمد .
سعدية: بت اتلمي متترقيش علي اخوكي.
صفيه ببرود: طيب البس اي بكرا واحط مكياج اي عشان اعجب زين حبيبي.
سعدية بخبث: جبتلك طقم خروج إنما ايه مقولكيش قومي شوفيه هيعجبك .
صفيه ابتسمت بفرحه..
عند قمر..
كانت بتاكل بحزن..
مها بحنان: مالك يا حبيبتي لسه دراعك بيوجعك.
قمر بابتسامة: شوية يا ماما متشغليش بالك فين عز اخويا عشان يتسحر.
مها بابتسامة: مش عارفه اصحيه والله قال هيصوم من غير ما يتسحر
قمر بضحك: مهو بسبب السهر الكتير مش عارف يصحي أنا هدخل حاول اصحيه.
قمر دخلت اوضة عز..
قمر بابتسامة بتهزه : عز انت يابني قوم يالا عشان تتسحر.
عز بنوم: اطفي النور وامشي برا دا ما اقوملك
قمر بغيظ: لم نفسك انا اختك الكبيرة قوم بدل ما ارشك بالمياه.
عز بنعاس: عاوزة اي بقا يا قمر سبيني انام.
قمر ببرود: قوم عشان تتسحر يا عين اختك بكرا لازم تصوم.
عز بنوم: خصوم والله هاتي اشرب وخلاص.
قمر بسخرية: تشرب وتيجي بكرا بعد الضهر وتقول ماما انا جعان وتصوم نص يوم صح. .قوم يالله .
عز بغيظ: مش هفطر اطلعي برا بقا.
قمر بخبث: اممم ماشي هسيبك واطلع بس هيبقي شكلك اي قدام الكراش بتاعتك لو حد قالها انك مش بتتسحر وبتفطر في رمضان ؟
قام عز وقف علي السرير بخضه: اييي لا مين قال كدا انا هتسحر وسعي كدا.
طلع يجري علي برا وهي ضحكت...
تليفونها رن ب رقم وليد قفلت فونها ومردتش ترد
عند زين..
زين باستغراب: ايه دا هي قفلت تليفونها للدرجة دي مش عاوزه تكلمني.
زياد بيجي بأبتسامة: مالك يا زوز.
زين بشرود: قمر مش راضيه تكلمني معقول زعلت لما ضربت ابن خالتها.
زياد بهدؤء: ليه بتقول كدا يا زين.
زين بغضب: هي مش راضيه تكلمني و تليفونها مقفول دا معناه اي هي تطول اني اتصل عليها انا مكنتش بعبرها اصلا.
زياد بضحك: يابني اتهد بقا اتلاقي تليفونها فصل او حاجه وبعدين حقها تزعل انت فضحتها في العمارة ومسكت ابن خالتها ضربته وزقتها و كنت هتكسر دراعها وعاوزاها متزعلش منك دا انت بني ادم غريب.
زين بتوتر: هو ممكن يكون حصل ل دراعها حاجه.
زياد بضحك: انت شخصية مش مفهومه والله انا طالع شقتي فوق وانت شوف هتعمل اي
تاني يوم...
قمر صحيت وفتحت تليفونها لاقت وليد وزين متصلين عليها كتير اتخضت.
قمر بخضة: بسم الله من امتي زين بيرن عليا انا اللي علي طول بكلمه..
مها دخلت الاوضه: اخيرا صحيتي قومي يا نور عيني يالله عشان نروق الشقة و تلبسي وتروحي بيت عمتك زياد هيجي ياخدك انتي وعز .
قمر بجمود: لا متخليهوش ييجي انا هروحلهم أنا وهو عز لوحدنا هعملهالهم مفاجأة
مها باستغراب: في حاجة ولا اي ؟.
قمر في نفسها: بلاش اقولها علي حاجه هي حاسة انه زين مش عاوزاني ولو قولت لها علي اللي جوايا من ناحيته هتتأكد بلاش احسن.
مها بتشاور ليها: في اي يا بت.
قمر بابتسامة: مفيش كنت بفكر في حاجه بس نسيت هقوم اصلي و اروق .
مها بحنان: ماشي يا حبيبتي
قبل المغرب بشوية...
قمر كانت بتشوي الفراخ و نور بتعمل العصير و رحاب بتعمل السلطة..
رباب بتشوف باقي الاكل: لا عال يا بنات جدعين كله جاهز ماعدا الفراخ اللي في ايدك يا قمر.
قمر بابتسامة: دقايق وهتكون خلصت يا خالتي.
رباب ل نور: وانتي يا نور عملتي المانجا والبلح و التمر.
نور بتعب: اه يا ماما.
رباب باستغراب: ماما غريبة دي مش بتقوليها غير وفي مصيبه.
نور بابتسامة: لا مفيش حاجه تعب الصيام بس مش اكتر.
رباب بشك: ماشي يا حبيبتي وانتي يا رحاب قولتي ل زين يجيب المخلل.
رحاب يخصه : نسيت والله يا ماما خلي قمر تكلمه وتخليه يجيب معاه.
قمر بهدؤء: لا انا مش فاضية خلي حد غيري يكلمه.
رباب بخبث: معلش يا حبيبتي علشان خاطري كلميه عشان مينساش.
قمر باحترام: حاضر.
طلعت تليفونها ورنت عليه.
زين بهدؤء: الو.
قمر بجمود: بتقولك عمتي هات المخلل و متنساش مع السلامة.
قفلت قبل ما يرد..
زين بصدمة: دي قفلت في وشي ..هيا اي الحكاية دي عمرها ما كلمتني ومردتش تخليني اجبها من عن أمها تمام اما اشوف وشها بس..
رباب باستغراب: في اي يا قمر.
قمر بابتسامة: مفيش حاجه يا عمتي.
رباب بهدؤء: طب شدو حيلكم بقي بسرعة
البنات: حاضر.
خرجت ورحاب بصت ل قمر: احكي يا مصيبه مالك.
قمر بهدؤء : مفيش حاجه كملي السلطة.
نور مسكت دماغها وقعدت بتعب..
رحاب بقلق: مالك يا نور.
نور بمرح: الصيام مفرهد امي.
قمر بضحك: ياستي اجمدي كدا مش من اول يوم.
نور بغيظ: جمدت ياختي..
في اوضة السفرة
رباب بجمود : امال اخوكي فين يا صفية
صفيه كانت قاعده ببرود بتلعب في التليفون: هيجي مع ماما علي الاذن.
رباب بسخرية: اومال انتي جيتي ازاي يا صفيه.
صفيه بغيظ: يا مرات عمي اسمي صافي مئة مرة أقولك اسمي صافي.
رباب همسات لجوزها: بنت اخوك معندهاش دم ازاي تلبس المحزق و تحط كل القرف دا في شهر مفترج.
سعد بهدؤء: ملناش دعوة يا رباب هما حرين
: انا جيت..
صفيه بفرحه: زين.
زين بهدؤء وبيدي امه المخلل: اتفضلي يا ست الكل.
رباب بحنان: تسلم لي يا حبيبي.
صفيه بابتسامة: هات انا احطهم في الاطباق.
رباب بسخرية: شكرا مش عاوزين نتعبك.
خدتهم ودخلت و صفيه بدلع ل زين: عامل اي.
زين بيدور بعينه علي قمر.
صفيه باستغراب: بتدور علي ايه.
زين بهدؤء: ها لا مفيش هروح اشوفهم في المطبخ.
دخل ورا امه و صفيه جريت وراه..
قمر كانت بترص الاطباق و بتشيل الحلة كانت هتقع منها زين خدها منها حطها علي الارض: خدي بالك كنتي هتتلسعي.
قمر بهدؤء: شكرا.
قمر مرفعتش عنيه له وهو هيتجنن منها.
صفيه بدلع: تحبوا اساعدكم.
نور بتقلدها: لا روحي اقعدي مكان ما كنتي اصل المطبخ مش للبنات المتدلعة.
صفيه بغيظ: لا يا ماما انا جامدة وبعرف اعمل اكل ولا أجدعها ست فيكم بس انا لسه عاملة ضوافري مش عاوزة ابهدلها ...شكلها حلو يا زوز صح.
.
قمر زقت زين بعيد ووقفت وبصت ليها بغيرة: اه يا حبيبتي حلو بس مش مقبول لك صيام بلبيك وشكلك ده .. دا لو بتصومي يعني.
صفية ببرود: خليكي في حالك قمر محدش وجه ليكي كلام
قمر ببرود: حالي انا عارفاه و مش هخلي حد ميسواش يلف عليه
زين ابتسم ونور ضحكت.. .
صفيه بصت ليهم بغيظ وخرجت
نور مسكت دماغها بدوخه تاني وسندت علي التربيزة زياد جري عليها: مالك يا نور.
نور بتعب: دماغي مش قادره.
الكل بص لها بقلق وهي وقعت مغني عليها
زياد بخضة: نوور
