رواية جبروت إبن عمي الفصل الثاني بقلم توتة
بعدين تبينلي انو هيه تقرب بيت عمي ابو عامر
شنوووو. انت صدك تحجي
ايي لعد
وشسويت لاتكولي رحت خطبتها لوحدك لْـۆ تعرفت علئ شخص منهم.
لا بس رحت علئ بيت عمي ابو عامر
شنووو انت مخبل شلون تروح بدون متكلي شلووون تصرف هيج تصرف وشعندك رايح عليهم
انت تعرف هذلي ناس شسوو بأبويه نسيت انت غبي
اسمعني ثائر لاتاخذ كلشي بعصبيه ترا همه ناس علئ كد حالهم وابوهم هم متوفي التقيت بأبنه عامر
خوش رجال واستقبلني وكان كلش لطيف وياي طلبت منه يشوفهم أإأذأإأ يقبلون حته نروح عليهم.
اني باجر الضهر اسافر لتريكا اذا صار لموضوع اروح وياك واذا ماصار ترا. لاحد مارجع اني يلا تصرفون سمعت.
اكيد خويه مراح اتصرف شي م̷ـــِْن راسي واول شخص لآزٍمٍ يكون موجود هو انت
تمام.
اكلك ثائر.
ها كول.
شفت عد بيت عمي ابو عامر بنت مو بنت لا قسم حوريه عليها جمال مينوصف وعيون دمار
وشتريد مِڼـّي اسوي اخطبهم ثنينهم الك بيوم واحد
هههههه لا موهيج حــبيبتي مابدلها ابد بس يعني ماتشبهم ابد همه جلحان وموحلوين هيه تختلف عنهم
ولاكانو عايشه بهيج مكان وفقر
عوف لبنت بحالها مالنه علاقه بيهم لا م̷ـــِْن بعيد ولامن قريب ماريدك تتوصل وياهم ولاترجع الاخوه
هذولي ناس تخلو عن ابوي ومستحيل بيوم افكر نرجع وياهم صلح
.....................................................
ورود.
راح الولد واجت امي يمنه تتغدئ
هاا ماما شكان رايد.
ضاهر يحب بنت خالج مريم ويريد يخطبها وجاي علينه حته نروح ونحجي وياهم
ياااا صدوك كلش حلو
شنو لحلو يل ثوله هذولي ناس متكبرين وهمه الي تخلو عنه م̷ـــِْن شافونه فقره هسه م̷ـــِْن صارت الهم مصلحه يمنه اجو علينه
ماما شبيج لاتحجين هيج بعدين همه شباب شعليهم ليش نوكف بقسمتهم
حرام نحرم ثنين يحبون بعض م̷ـــِْن الزواج خلينه نساعدهم خطيه والله
انتي نجبي ولاتحجين شي لايسمعج اخوج انوب حب وينج وين هل سوالف
عافتني وراحت حجيت ويه نفسي
ههه لعد لْـۆ تعرفين بنتج شكد تحب ابن اخوج ومتعلقه بيه وعايشه قصت حب مالها نهايه ولابدايه
كملنه غدئ ورحت اخذت صحون غسلتهم اتصلت علئ وسام.
هلا بريحت هلي.
هلاو حبيبي شلونك شخبارك
هسه صرت زين م̷ـــِْن سمعت صوتج ليش هيج تاخرتي يلا اتصلتي بيه
والله كان عدنه خطار والتهيت اعذرني
منو الخطار ?
هاا ماعرفه ولد اجه علئ اخويه.
ليكون جاي يخطبج وانتي ضامه لموضوع عني
ايي جاي يخطبني واني راح اتزوج شكو بيها.
ورود انجبي لاجي هسه اكسر راسج والله احجي صدوك ولاتلعبين بعصابي منو جايكم وليش
شبيك وسام والله ماعرف بعدين داشاقه انت تعرفني ماحب غيرك وبعمري مراح اتزوج غيرك
لعد شكو تحجين هيج
احبك م̷ـــِْن تغار عليه هههههههه
خبله مو بيدج.
مخبله بحبك.
اروح فدوه لوجهج ليوم بليل نجي عليكم ونخطبج م̷ـــِْن اخوج
صدووك تحجي قصص وروايات عراقية
لعد اتقشمر وياج والله ليوم نجي عليكم ونخطبج م̷ـــِْن اخوج وانشالله باقرب وقت راح تصيرين الي
مجاي اصدك وسام يعني واخيرا راح نكون لبعض.
اي يروحي يلا راح اسد عندي شغل هسه بليل اشوفج تــمام
ماشي بالك علئ نفسك
وانتي هم
يااااي واخيرا راح اتزوج حبيبي هي هي هي وصرت اركص واكمز بمكاني
دخلت عليه اختي الصغيره روان.
هههههه شبيج تركصين شكو
ماكو شي حبيبتي بس فرحانه لان نجحت وراح اتخرج وادخل كليه.
مر الًيَوُمًِ طبيعي وصار اليل اجو علينه بيت خالي وخطبوني م̷ـــِْن اخوي. واهلي وافقو. كلششش فرحت
فرحتي بوقتها ماتنوصف لان بعد حب سنين ومن الطفوله راح اخذ الي حلمت بيه كل هل سنين
مرت الايام طبيعيه وسمعت م̷ـــِْن اهلي بيت عمي خاطبين بنت خالي وخالي مموافق رافضهم مَآعِرَفتّ ليش
وشنو السبب مبين الولد حباب بس ضاهر خالي ميحبهم وعنده عداوه وياهم مدري شنو
مرت الايام طبيعيه وتحدد موعد خطبتي اني وسام كنت كلش فرحانه.
وبنفس الوقت ضايجه علئ امي لان اخواتي صغار ومايكدرن يشتغلن وراح تبقه بس هيه تشتغل
بس بيت خالي قريب علئ بيتنه راح ازورها كل يوم
طلعت الصبح للمدرسه وبوقتها احنه نمتحن واخر ايام وقررنه بس نخلص امتحانات نخطب اني وسام.
يلا ماما اني رايحه للمدرسه
هاج يمه اخذي هذني لفلوس جيبي وياج ملابس لاخواتج. للخطبه اني مابيه اروح للسوك
اوك ماما. ممح.
طلعت ب باص ويه صديقاتي
صباح الخير يعروس.
هههههه صباح النور سرو. شلونج كلبي
الحمدالله ولج واخيرا راح افرح بيج واشوفج عروس مجاي اصدك والله
لا حبي صدكي شفتي وسام شون يحبني.
يارب ترزقني بواحد مثل وسام يحبني وياخذني عن حب.
هههه لاتحسدينه ولج خلي عينج بارده
لا حبي اطمأني اني ماحسد بس مكلتيلي راح تصير خطبتج بيتكم.
اي لعد وين ?
هاا بس بيتكم صغير شون راح يكفي للناس.
ضجت م̷ـــِْن كلامها وهو صح شون يكفي احنه بيتنه صغير. كلش.
هاا ورود صفنتي اسفه اذا ضوجتج
لا حبي مضجت بس شنسوي ماعدنه مكان ثاني بعدين مراح تجي هوايه ناس همه بيت خالي وعمي واقاربهم
ايي صح.
رحنه للدوام امتحنت وطلعت بقيت منتضره ساره تطلع حته نروح سويه للسوك.
شفت نفس الولد الي اجانه قبل فترا واكف ب شارع ويحجي ويه مريم بنت خالي.
وضاهر ضايج كلش يحجي وشرايين جسمه مبينه خطيه هل اثنين والله تمنيت يكونون لبعض
حرام ثنين يحبون بعض وميتزوجون بسبب اهاليهم.
طلعت ساره ورحنه للسوك اشتريت ملابس لاخواتي
.................................................
جلال.
كعدت الصبح علئ صوت الجهاز يتصل فتحت عيوني بنعسان شفتها مريم.
الوو هاا كلبي
جلال. وسمع صوتها تبجي وتنشغ.
كمزت مثل المجنون. مريم حبيبتي شكوو شبيج تبجين شصار
وينك مو كلت راح اجي اخطبج. بابا يريد ينطني لبيت خالي.
شنوو شدتحجين اني حجيت ويه عامر كلي راح اتفاهم وياهم واردلك خبر
كلشي مسوه حته ماسمعت بيه حاجي ويه اهلي
جلال اني ماريد غيرك لاتخليهم يزوجوني والله انتحر
اشش ولاكلمه شنو انتحر. ليوم اجيب اهلي ونجي عليكم بس لاتبجين
توعدني تجي
وعد اجيج بس لاتبجين.
سديت الاتصال منها واني ضايج واحس نفسي تريد تطلع الحقيرررر ثقيت بيه وتالي حته ماحجه وياهم بسيطه.
نزلت بسرعه سويت الدرج طلقه شفت اخوي ثائر كاعد ب صاله. ويشرب كهوه.
ثائرر.
شكوو شبيك تركض
مشكله يااخي مشكله
شكووو شصار احجي
اني مو رحت علئ بيت عمي ابو عامر وحجيت ويه عامر بموضوعي.
ايي
الحقير ضاهر مرايح ولاحاجي وياهم ولابسني وقبل شويه اتصلت بيه وتكولي اهلها يريدون يزوجوها. وكانت تبجي.
خرب شرفك وكفت كلبي عبالي صاير شي جديد
شقصدك ?
اني م̷ـــِْن الآۆلْ شكتلك. مو كتلك لاتروح عليهم ولاتنزل نفسك لمستواهم. كتلك خلي لموضوع ورايه بس ماقبلت شسويلك.
شدتحجي ثائر اني كان كل ضني انو همه راح يساعدوني. وراح اخذها
انساها راح تلكه الاحسن منها.
ثااااائر.
شكو.
اني كلبي صاير جمر وانت تحجي برود اجيتك حته تحلي المشكله مو تكلي انساها والله اموت نفسي ورتاح
تموت نفسك علئ بنت ?
ثائر تفهمني يااخي احبها اموت عليها تعرف شنو احبها انت بعدك ممجرب هل شعور والله لْـۆ مكاني مجان تحملت كل هل عذاب.
شرايد هسه انت ?
اريدها تعرف شنو اريدها اذا ماتروح وياي ليوم اخطفها وادخلكم مشڱلھِ
زين واذا رحت وياك ورفضو ينطوها الك شراح يكون موقفك احنه نزل نفسنه لهيج ناس لك بعدك متعرفهم زين هذولي الناس
اذا شخص مثلنه نزل نفسه لمستواهم راح يشوفون نفسهم علينه ويتعززون.
خلينه نجرب يمكن يوافقون واذا موافقو مراح احجي ب موضوع مره ثانيه اوعدك بهل شي
تمام ليوم نروح اني وياك بدون امي واذا وافقو ناخذ امي ونحدد موعد خطبتكم.
فدوه لكلبك وبست راسه.
بس م̷ـــِْن هسه اكولك اني ماتحملهم اي كلمه زايده منهم اخرب كلشي ومن هسه نبهتك اذا نزلت نفسك وحجيت شي تشوف شي مايعجبك
اني اتصرف خلي لموضوع وراي ماشي
وراك خويه شتسوي سو بس الله عليك بدون تكبر ولاتنسه همه اهل حبيبتي
خليني ابدل ورجعلك
صعد ثائر يبدل واني هم صعدت بدلت ملابسي وطلعنه لبيت اهل مريم
مشينه ثنينه بسياره للعلم احنه كل واحد سيارته حته اخواتي يسوقن سيارت
وصلنه الهم. اباوع علئ ثائر يباوع ع المنطقه ومعاجبته وحقه لمنطقه محلوه لان احنه متعودين علئ المناطق الراقيه
مالكيت غيرها مَآتشُوٌفْ وين عايشه هيه
ثائر مايهمني وين عايشه يلا خلينه ندخل
دكينه الباب طلع علينه ولد يصير بكدي
سلام عليكم
وعليكم سلام اهلا وسهلا
بيت ابو وسام
ايي عيني تفضلو وصلتو
حجه ثائر. يعني نحجي ب باب لْـۆ شنو.
لعفو منكم تفضلو ادخلو.
دخلنه للبيت لگينه ابوهم واخوها ثاني وهاذه اسمه وسام جبيرهم.
فاتحناهم ب موضوع اشو هاذه الرجال مدري شصار بيه م̷ـــِْن سمع اسم ابوي
احنه نعتذر منكم بتنه منطيها لابن خالها.
احس كلامه مثل سجينه وخلاها بكلبي.
بس ياعمي احنه هم نقربلكم صدكني بنتك راح اخليها تعيش مثل الملكه
باوع عليه ثائر بغضب. ثائر م̷ـــِْن نوع يتخبل أإأذأإأ شخص رفضله كلمه وماينزل نفسه لاي شخص مهما يكون.
عمي انتو علئ عيني وعلئ راسي بس اني ماكدر ارجع بكلمتي ناس منطيهم كلمه.
بس.
حجه ثائر.
هاهيه عمي احنه ضاهر هم غلطنه واجينه عليكم تتهنئ بتكم. يلا جلال.
ثائر. لحضه
عمي اني احب بنتك صدكني اذا زوجتها لغيري راح تضلمها
طفر اخوها وسام وگال. هييي انت شون تجرأ وتحجي عن اختي كدامنه. اختي ماتحب هيج نماذج
وكف ثائر بغضب وصاح احترم نفسك واعرف شون تحجي تاج راسك احنه.
هههه خاب ولي منا احسلك لاعلمك منو تاج راسي هسه
هوه حجه هيج وثائر تخبل ضربه بوكسي علئ وجهه وكعه علئ الارض.
لزمت اخوي وابوهم لزم ابنه
انت تضربني بيتي والله ليوم انسيك حليب امك الرضعته.
عووووفني جلال عوووفني خليني اعلمه شون يحجي هيج. حيوان فكور تبقون همجيه.
فكور بس نبقه احسن منكم مانتخلئ عن اخوانه وهمه فقره.
فلت م̷ـــِْن ايدي وراح عليه سحبه م̷ـــِْن ابوه وضربه بوكسي ثاني وثالث صار مثل البركان ماكدرنه نفلت لولد م̷ـــِْن ايده
ب كوه سحبت ثائر منه وطلعنه.
عوووفني جلال داكلك عووفني والله ليوم ماخليكم تنامون ليوم اراويكم نجوم الضهرر بسيييطه اني اعلمكم
ثاااائر شبيك تخبلت شلوون تسوي هيج.
اشششش حرف واحد ماسمع منك نوصل للبيت ونتفاهم.
لحضه لحضه خليني اني اسوق لاتسويلنه حادث بهاي عصبيتك
صعد ب سياره وسقت طول الطريق ساكت عيونه صايره بكصته
وصلنه للبيت نزل وضرب لباب بقوه
نزلت ودخلت للبيت شفته متخبل يروح ويرجع ومخلي ايده علئ راسه
ثائر خلينه نحجي
دار وجهه عليه وعيونه مثل النار.
شنحجي بشنووو نحجي اني شكتلك مو كتلك هل ناس مو مال واحد ياخذ منهم قبلك ابوي مات قهر منهم
تخلووو عنه وليوم طلعو موزين ووولك يحجون علئ ابوي كدامي والله ليوم مارحمهم.
لزم الجهاز وركعه ب حايط اجت امي تركض علئ صوت ثائر وهو يصيح
شكوو يمه شكوو
ماكو شي يمه لاتخافين شويه ثائر ضايج.
صعد لغرفته يركض ماعرف شنوو الي يدور براسه اووف ليش صار. هيج هسه شلون راح اخذها واخوها انكتل بيته
..........................................................
ورود.
رجعت للبيت واني متسوكه شفت سياره. فخمه. سوده وعاليه واكفه قريب م̷ـــِْن بيت خالي.
اكيد هذولي بيت عمي جايين يخطبون مريم انشالله يوافقون
وصلت للبيت دكيت الباب فتحته امي
هاا ماما رجعتي م̷ـــِْن وكت ليوم
اي والله بسرعه خلصت امتحان ومريت علئ السوك اشتريت ملابس لاخواتي
تعالي اراويهم الج.
دخلنه انطيتها الملابس ورحت ابدل رجعت وبقينه نطلع ب ملابس واخواتي فرحانات بيهم.
ليوم ڱڵـه. متصل بيه وسام شبيه مو م̷ـــِْن عوايده خليني اني اتصل علي
اتصلت مره ومرتين و 3 وماكو ميرد
يالله شبيه ليش ميرد عليه شصاير وياه. اوف اكيد كاعدين ناس عدهم وميكدر يحجي
بس يروحون هو يتصل خلي براحته
ماما ورود. تعالي شويه
جايه.
هاا ماما شكوو.
اكلج يمه اخوج عامر ليوم ڱڵـه. مختفي م̷ـــِْن صبح طلع ولاحد هسه مراجع اتصلي بيه وشوفي وينه
اوك.
داتصل اندك الباب
سدي يمه اكيد هاذه اخوج روحي افتحيله الباب
لبست شالي عدل خاف يطلع مو عامر.
فتحت الباب وكانت الصدمه........
