رواية قلوب عمياء الفصل الثاني 2 بقلم جيجي

رواية قلوب عمياء الفصل الثاني بقلم جيجي 

 بدور بخوف... لاه ما ينفعش عيب يا بيه 

هارون... عيب ليه بس عادى ده انا هارون..

بدور.... ايه يعني هارون عادي يعني هو انت امي ولا ايه 

هارون.... لا عايز اقول عادي يعني لو مكسوفه منى اقلع انا الجلابيه انا كمان 

بس بدور زقتو وطلعت تجرى من الاوضه 

هارون قال... والله وصدقتى يا فردوس البت فرسه بجد.. 

بس فاق من شروده على صوت زبيده بتزعق بره الاوضه وبتقول للخدم.....

 بتزينوه الاوضه ليه ها ما فيش عرايس جايه خلاص احنا خربطنالها الحنه وفضت ما فيش فرح اصلا اتلغى... يلا انتى وياها.... يلا اطلعوا من هنا قال عروسه قال... 

هارون... استغفر الله العظيم يا رب.. كنت عارف انها ما هتليمهاش.. 

وطلعلها بغضب... فى مكان تانى كان فى شاب ٢٢ سنه ده مختار ابن هارون وزبيده... كان ماسك شاب تانى ونازل فيه ضرب وبيقول... 

اما اقولك مصدع تسكت خالص ماشى... مش تفضل ترغى وتزيد صداعى انا اللى فيا مكفينى الراجل اللى بيجبلى الكيف بتاعى غار فى داهيه ومش لاقيه عقبالك... وبقالى يومين بشرب سجايرى حاف ناقصك انا.. 

بس جالو شاب تانى وبعدو منو ده عمر صاحبه وقال... هملو انت بتهبب ايه هملو فى حالو خلاص تعال وياى دى قريه سياحيه شويه وتاجى الحراس يودونا القسم.. 

مختار ساب الولد وراح مع عمر 

عمر... برن عليك تلفونك مقفول 

مختار.... اه ما انا قافلو مالك بيه ما انت عارف مكانى ترن ليه

عمر... مش يمكن حد يعوز منك حاجه ليه تقفلو 

مختار.. اصلا انا قافلو عشان لو حد عاز حاجه مايوصليش انا جي اريح راسى منهم... امى حبه تتصل تقولى ابوك ما اعرفش ايه... وابوى حبه يتصل يقولى امك مش عارف ابصر ايه... وعلى ايه ده كلو انا اصلا طفشان من مين لما افتح التليفون واكلمهم 

عمر... طب خلاص بطل ذن انا جبتلك حاجتك اللى هتشربها حاجه فرز اول كمان

كانو بيتمشو فى قريه سياحيه كبيره وفى بيسين 

مختار... يا بوي على البنات هنا حرانين قوي ياد يا عمر شوف البت دى 

عمر.. ملكش دعوه بالبت عشان البنت دى سايحه واحنا مناقصينش مشاكل مع السياحه

مختار... ههه سايحه دى زبده وسايحه.. ابوى لو شافهم هيولع فى امى.. دى من مغربها تلبس الزعبوط والشراب..

عمر... ههههه امك كبرت خلاص يا مخه

مختار... لا وبنات البلد حدانا كمان كده الواحده لابسه الجلابيه وفوقها عبايه وطرحه فوق بعض هي النسوان دي مش زي النسوان اللي عندنا ولا ايه... ما هي النسوان بتدلع وزي الفل.. اما بتوعنا مش شغالين ليه.. 

عمر... ههه فكها وعضعضها وارجع رجعها هتشتغل ان شاء الله

مختار غمز للبنت وقال.. يا ميت ولكم نورتو مصر وناسها يا انناسها 

عمر... مد انت ما هترتاحش غير اما تبيتنا فى القسم..

مختار... مش ذمبى دول هما اللى عليهم جسم يودي القسم انت مش شايف الميوهات يا وعدى...

عمر.. يلا بقى بلاش فضايح 

واخدو ومشى بيه.... عند بدور كانت قاعده فى اوضتها بدموع ودخلت بنت خالتها من سنها قعدت جمبها وقالت بفرحه مصطنعه...

 مبروك يا عروسه مبروك بصي بقى جبتلك حبه رسمات تاتو هتنسيه مرته واللي جابوه.. 

بدور... حلى عني يا كريمه الله لا يسيئك.. اطلعى بره وسيبينى فى حالى الله يسترك... 

كريمه.. احل عنك ايه.. وايه الله يسترنى دى انتى هتشحتي... يلا يا بت اقلعى العبايه دى وتعالى ارسمك من فوق لتحت جبتلك كام رسمه هيدوخوه 

بدور ببكى... قلتلك ما عايزاش ارسم حاجه ومعوزاش اتجوزو اصلا.. مرتو جات دقيقه فركشت حنتى والحنه اتقلبت عزا الوليه جت وعنيها بتطلع شرار.. انا خايفه منها يا كريمه.. خايفه عليا منها والله... والراجل شكله معفن قوي يا كريمه.. امي قالتلي روحيله عايزك فى حاجه عشان تنضفى بيتو.. بس بصلى بطريقه عفشه قوى وتخوف وامى كانت عارفه وودتنى.. ما قدراش انسى بصاتو... كل ما افكر ان الرجل المقرف ده هيبقى هو جوزى اللى هعيش وياه وهيتقفل علي انا وياه باب واحد ببقى عايزه ارجع انا مش عارفه كيف امي تعمل فيا كده.. 

كريمه.. طب خلاص اهدى بس 

بدور..... مش هى امى طيب مش انا بتها مش المفروض تعمل المستحيل عشان ما اعيشش اللي هى عاشته.. هى ناسها جوزوها واحد غصب عنها وعارفه كويس قوي كيف عاشت معاه لحد ما مات.. ليه تجوزني غصب عنى دلوك ما زعلناش عليا يعنى 

كريمه... بس يا بنت ما تبكيش هو انتى عبيطه... هو انتى بتقارنى جوازت امك على ابوكى الله يرحمه اللى ما فيش فى رجله شبشب ماهنقولش كلمه تانيه عيب... بجوازتك انتى بهارون بيه اللى هيلبسك الغالي كله وهيوكلك الغالي كله.. دى صور السرايا ولا صور الصين العظيم

بدور ببكى.. ما عايزهوش.. والله ما عيزاه ان شاء الله حتى هينومني على الذهب والالماس ما عوزاهوش يا ناس... ده راجل كبير وناقص كمان يبصلى وانا كد عيالو 

كريمه... عادى انتى ما سمعتيش المثل اللي بيقول اخد عجوز يدلعني ولا اخدش الشاب يلوعني.. يا بت الكبير خبره اسمعي مني.. 

بدور بدموع... مش عايزه بردك انا رايده واحد تاني شاب من سنى بس امى مش عايزه تسمعني.. ليه اخد واحد كد ابوى.... كيف يقرب منى انا قرفانه منو اصلا

كريمه... امك خلاص قالتلك انك هتتجوزي هارون ومش هترجع فى كلامها انتى عرفاها...

بدور... انتى جايه تقوليلي الكلام ده عشان انتى مقتنعه بيه ولا بتقوليهولي عشان امي قالتلك تقوليلى الكلمتين دول عشان اغير رايى واتجوزو.... قوليلى الامانه لو انتى مطرحى تتجوزيه.. 

كريمه اتنهدت بدموع.. وقالت.. هو انا لو مطرحك انتى فى وضعك انتى ده.. اه هتجوزو عشان انتى ما عندكيش حل تاني غير ان انتى تتجوزيه.. انما انا ك كريمه هرفض لانى هيبقى عندي حل تانى يعني ما تزعليش مني انا.. احم يعنى امي وامك فرق السما من الارض 

بدور... صح انتى امك بتعلمك في المدرسه عايزاكى تطلعي دكتوره... وانا امي كل همها تبيعنى لواحد غني معاه فلوس... على اساس الفلوس دي هتشتريلى الفرحه فرحتى هتبقى كبيره وانا عايشه مع واحد متجوز ومخلف وكبير كد ابويا.. 

كريمه... فوضى امرك لربنا وهو ان شاء الله مش هيسيبك ان شاء الله هيحلها انا عندي احساس بكده.. انتى طيبه وتستاهلي والله كل خير وربنا مش هيسيبك باذن الله قولي بس انتى بسم الله الرحمن الرحيم قل لن يصيبنا الا ما كتب الله لنا... يلا قومى خدى دوش وناميلك حبه ريحى جتتك.. وانا هروح اشوفك ع خير باذن الله....

وطلعت من عندها قبل ما دموعها تسبقها.. بس لقيت فردوس في وشها وقالت بضيق...

هم دول الكلمتين اللي جايباكي تقوليهم لها قل لن يصيبنا الا ما كتب الله لنا.. لا جدعه يا بت ده انتى لو بتعزيها فى امها ما هتقوليش الكلام ده..

كديمه بغضب.. انا اصلا مش مقتنعه بالموضوع ولا داخل راسى... هقنعها كيف هى بيه.. انتى بترمى بتك في جهنم يا خالتى.. بس هقولك ايه.. يلا انا ماشيه ربنا يهديكى يا خالتي عليها وعلى نفسك..

فردوس... غوري يا بنت من هنا وراحت اوضتها بضيق.. بس فكرت فلاش باك... قبل ٢٤ سنه.. كانت فردوس مستنيه حد فى الجنينه وجيه شاب وحضنها من ورا ده هارون العامرى وقال... 

وحشتينى يا قلبى انتى ما بتاجيش ليه السرايا بقالك ايام ما جيتيش تنضفى حدانا 

فردوس بخوف.... مصيبه يا هارون مصيبه وحلت على راسنا..  

هارون.. فى ايه عاد خلعتينى ما تنطقى طوالى لازم تشوقينى يعنى..

فردوس... امى عايزه تجوزنى لولد خالى ولو قلتلهم انى عشقاك هيموتونى... هضطر اقول ايوه.. يلا هات ناسك وتعال اتقدملى يا هارون بسرعه.. قبل ما امى ما توافق... وهما لما انت تتقدم هيوافقو طوالى انت ولد العمده وليك مركزك.. 

هارون...ما انا كمان عندى خبر عفش قوى ليكى... ابوى قالى ما ينفعش اتجوزك عشان امك مغسله اموات.. وقال لو تجوزتها غصب عنينا ما هيخلينيش العمده بعدو ولا هيورثنى.. ولا هيخلينى فى بيتو انا عاشقك وكل حاجه بس لو اتجوزتك ابوى هيمشينى من السرايا... 

فردوس... يعنى ايه يا هارون انت هتهملنى اتجوز غيرك هتسيب راجل غيرك ياخدنى دارو واضته وحتى سريره.. 

هارون.. غصب عنى يا فردوس ابوى عايز يجوزنى زبيده بت شيخ البلد ولو قلت لاه هيتبرا منى و انا ماهضحيش بعيلتى وفلوسى واسمى عشان اتجوزك.. بس انا هفضل احبك حتى وانتى متجوزه غيرى 

فردوس بغضب.... اتفو بجد اتفو عليك يا هارون انا ما عوزاش اشوف وشك تانى... منك لله ربنا يهدك كيف ما هديتنى.. ربنا يكسرك كيف ما كسرتنى وكسرت فرحتى.. 

وسابته ورجعت تبكى.. بس فاقت من شرودها على دمعه نزلت على خدها مسحتها بسرعه وقالت... 

 معلش يابتى ده حق قديم وانتى لازمن تاخديه لازمن تعملى اللى انا ما قدرتش اعملو وتجيبى حق امك من عنيهم.. ده كلو كان لينا وزبيده سرقتو واحنا هنرجعو... بكره يبقى معاكي فلوس كتيره وتبقى مرت كبير البلد كلها والناس تشوف ان بنت المغسله دي بتلبس احسن لبس وتشرب احسن شرب... هتعيشى احسن عيشه كيف ما انا كنت هعيش... وزى ما زبيده خدت هارون منى انتى هتاخديه منها... وتجيبى حق امك كمان.. لما تبقى ست البلد كلها والناس تعملك الف حساب هتعرفي ان امك كان قلبها عليكى.. وهتعزرينى..  

بدور كانت استحمت وصلت وفضلت تقرا في القران ونامت.... بس بقت تفكر فى قرب هارون.. ضغطت باديها على البطانيه وسحبتها على وشها وغمضت عنيها بخوف

وتانى يوم الليل.. جات فردوس وقالت...

مسا الخير يا بدور 

بدور بخوف... مسا النور ياما 

فردوس... شفتي المره الناقصه عملت ايه.. مشت الحريم اللي كانوا في السرايا اللي كانوا بيرتبولك الاوضه ويجهزهو لك مكانك... وقالت انها لغت الفرح... قالت للناس انه ما فيش تجهيزات ولا فى فرح من الاساس..

بدور ببتسامه.. الحمد لله انا اصلا ما عايزاش حاجه احسن انها لغت كل حاجه ولغت الفرح كلو.. الله يستر عرضها ويوفقها دنيا واخره يا رب يا رب ينجح مقاصدها..

فردوس بغضب.. لا والله... فزى يا بت عند سيدك هارون قوليلو ان زبيده هى اللى خربت الدنيا.. قوليلو انك مش موافقه على المسخره دي وانك عايزه فرح كبير وتخليه يعملك فرح تشهد لك بيه كل اهل البلد... 

بدور.. لما انا مش هفرح.. الناس اللى في البلد هيفرحوا على ايه اصلا... الفرح يا اما معمول ليتنين عشاق عروسه وعريس بيحبوا بعض وفرحانين انهم بقوا سوا فعزمو الناس تفرح معاهم... انما انا مش فرحانه بيه ولا فرحانه بالفرح ولا عاوزه اتجوز عشان الناس تفرحلي ما حدش كان فرحان بيه غير انتى وصٌل الضلمه هارون 

فردوس حدفتلها كيسه كبيره وقالت... 

امم طب يلا البسى وبطلى عبط 

بدور بصت للكيسه وكان جواها عبايه بيضا وطرحه

فردوس.. يلا هاخدك ونروح سراية هارون بيه وتدخلو الليله

بدور بخوف.... لا ياما بلاش والنبي بلاش لجل خاطرى.. 

فردوس بزعيق... يلا يا بت البسي العبايه ما هناخدوش اليوم فى الحديت نفسو... واياكى تنكدى عليه وتقوليلو لاه اقصف رقبتك نصين... وهديكى حاجه اول ما تدخلو اوضتكم تلبسيها وانتى كيف الشبشب وتفردى خلقتك دى سمعتى واللى يقولك عليه كلو تعمليه وانتى ساكته.. 

بدور قعدت تحت رجلها وبقت تقول ببكى...

 كمان.. لاه يا اما بلاش ورحمة ابوي بلاش ورحمه ابوكى انتى بلاش... لجل خاطرى عندك بلاش بلاش وحياه سيدنا النبي بلاش 

فردوس قومتها بغضب وقالت... بسس اياكى حسك عينك اشوفك بتبكي بالذات قدام زبيده المخفيه.. انتى لازم تجمدى انتى بتى ما تشمتيهاش فيا عاد.. 

بدور.. لاه انا مش بتك.. ما فيش ام تبيع بتها لو ودتينى هناك اعتبرينى مت وما تاجيش تسالى عليا ولا تشوفينى تانى.. ولا تبقى امى ولا ابقى بتك يوم ما هتبيعينى ما تشوفينيش تانة.. 

فردوس قالت بضيق.. تمام بس البسى...

بدور... لاه ما لبساش...

فردوس... يعنى ما هتلبسيش

بدور ببكى.. لاه لاه ما هلبسش

فردوس.. ماشى براحتك 

وزقتها وبقت تلبسها بالعافيه وبدور كانت بتبكى جامد.. 

فردوس لبستها وشدتها من ايدها ومشيت بيها على دار العمده وقالت للغفير.. 

اطلع قول لهارون بيه مرتو وحماتو بره 

الغفير بصلها بقرف وطلع شويه ونزل هارون بسرعه وقال...

يا مراحب بعروستى الحلوه يا مراحب 

فردوس.. مرتك الاولى خربطت الدنيا بس انا جبتهالك لجل تكتب كتابكم الليله وتدخلو.. قولت ايه 

هارون.. وماله جبتيلي القمر لحد عندي معقول اقولك لا بس ليه حبيبتى زعلانه مالها

فردوس... زعلانه من اللي عملته مرتك خربت الفرح ومشت الناس وفركشته وانت حتى ما جبتلهاش دبله تلبسها فى يدها....

هارون.. بس كده.. ندخل دلوك واجيبلها كل اللي نفسها فيه هي بس تؤمر احنا عندنا كم بداره نجبلها الصاغه كلها. لحد عنديها.. تعالي اقعدي هنا جارى خمس دقايق والشيخ اللى هيقرا السنه ياجى..

فردوس.. انا اتصلت عليه وزمانه جاى لجل نخلصو بسرعه 

شويه وكان الراجل وصل عندهم. ومعاه اتنين شهود وقرو السنه ومشى.. وهارون همس لفردوس وقال....

  بتك يا فردوس بتنوح ليه ماعجبتهاش اياك 

فردوس.. ما تقلقش هى بقت مراتك خلاص عند ما دخلتو اوضتكم واخدتها في حضنك هتهدى تلاقيها خايفه بس البت لسه صغيره.. مش انا اللي هقولك يا هارون يعنى 

هارون.. ماشي سلام انتى دلوك.. 

فردوس لسه هتمشى بس بدور مسكت في امها وقالت.. 

بالله عليكى ما تسيبنيش هنن وتروحي يا اما خدينى وياكى...

فردوس.. بطلى بكى قلتلك ما عوزاش اشوفك بتنوحى هنه

وهارون شد بدور من ايدها جامد لحد ما وقعت عليه وقال..

 ايه مش هتهملي امك تمشي ولا ايه يا عروسه خلاص عايزين نكون لحلنا عاد..

واخدها وطلع بيها الاوضه وقفل الباب.. 

بدور.. انا ما عوزاكش خاف ربنا وهملنى امشى بالله عليك 

انا كد عيالك..

هارون بصلها بغل وووو 

الفصل الثالث من هنا