رواية رهينة الرافع الفصل الثاني 2 بقلم جيجي

 رواية رهينة الرافع الفصل الثاني بقلم جيجي 

...وطلعت فوق لقت شاب اربعينى قاعد على السرير وبيقول...

 اهلا يا مراحب بحبيبت قلبى... تصدقى شميت ريحتك من وانتى هاله ع اول السرايا 

اسرار.... اه اصدق ما طول عمرها الكلاب تشم ريحة اصحابها 

رافع.. ههه ماشى مقبوله منك.. ها وعمى عامل ايه 

اسرار... كويس قوى... مش ربنا وقفلو ناس ولاد حلال خلصوه من تحت ادين كلابك 

رافع وقف وراح عندها وشدها من وسطها وبقى يبعد شعرها وقال... تؤ تؤ هما لموه بعد ما كلابى سبوه اصل كلابى ما حدش يقدر يعارضهم ابدا يا اسرار الرافع 

اسرار زقتو وقالت.. بعد كده انا صايمه 

رافع بعد وقال... ماشى يلا تعالى ننزل سوا يا اسرارى الحلوه عشان نفطر 

اسرار... امك تحت هزئتنى ومش عاوزه انزل دلوك ما عوزاش اكل اصلا

رافع... انتى لسه ما تعودويش تؤ متاخره جدا هو انا مش قايل تنزلى معايا وتاكلى معايا وما تقوميش غير لما اقوم بلا امى بلا ابويا يلا 

ومسكها من ايدها ونزل بيها وقعدو على السفره مع امو واول ما المغرب اذن بدو فطار ورافع قال.. 

كمال فين يا اما

سنيه... راح يصلي على راي المثل.. وزعو الارزاق ما حدش رضا برزقه.. وزعوا العقول كل واحد رضاه عقله.. رايح الجامع يفطرله بلحه وميه وسايب السفره العمرانه دى على بال ما يصلي المغرب وياجي يلاقينا اكلنا.. وانت مهمل بنات الناس ورايح تجيب المقشفه دى 

اسرار... لازم يعمل كده يا حماتي ويلحقني من حته لحته اصل ولدك ده محدش يستحملو ولا يقعد في داره ثانيه واحده برضاه لازم اللى تعاشرو وتقعد وياه تكون مغصوبه عليه

سنيه... فشرتى مين فى رجال الدنيا احسن من ولدي 

اسرار.. بنسبالك لاه ما فيش اصل قالواها زمان في المثل القرد في عين امه غزال 

رافع.. ما تلمى لسانك لاقطعو واخلى امى تشوحهولك مع بصله تاكليه وانتى بتتفرجى ع القرد... 

اسرار بضيق... انا شبعت

رافع... ما تقوميش قبلي.. مش كل شويه هفكرك بالموضوع ده..  

بس دخل شاب فى ال30 وقال... 

السلام عليكم 

رافع.. ايه يا كمال كل ده بتصلي ده احنا اكلنا وخلاص هنشيل السفره 

كمال.. عادى كنت هاكل بعد التراويح بالهنا على قلبك

سنيه بسخريه.. طبعا مش في الجاريه اللي اشتراهالك ابوك اللي هتحضرلك..

كمال.. هحضر لوحدي يا ام رافع.. المغرب غريب ما بيستناش 

سنيه.. يا ولدى ما غريب الا الشيطان يعني انت لو اكلت وبعدين روحت صليت الدنيا هتقف.. 

كمال قال.. لا بس الصلاه الاول قبل اى حاجه.. 

واتنهد بحزن وقال... كيفك يا اسرار 

سنيه.. هه رجعت تاني طبعا وهي تقدر تقعد بعيد من ولدي لازم ترجعلو 

اسرار.. خلي ولدك يحل عني بس وان رجعتله ابقى توفي في وشي

كمال... النهارده اول يوم رمضان وربنا بيدى فرصه للناس علشان يغفرلها ما تهملو اللى فات وتستعيذو بالله من الشيطان الرجيم.. وتبدو صفحه جديده 

اسرار.. بيدى الفرصه دي للبني ادمين.. للبشر.. ما بيديهاش للحيوانات.. 

رافع رفع ايدو هيضربها وهو بيقول... ما تخرصى عاد 

بس كمال مسك ايدو وقال.... استهد بالله يا عم هتعمل ايه هتضربها واحنا واقفين ولا ايه...  

اسرار سابت السفره وطلعت لفوق بضيق.. ورافع قال بزعيق... 

انتى بتقومى من نفسك 

كمال مسكو وقال.. انت هتتحكم في مده اكلها كمان دى لو قتلتلك امك مش هتعمل كده

رافع... اوعى هطلع اموتها وانزل 

كمال.. رافع هو جد انت بعت رجالك يضربو ابوها 

رافع.. انت عرفت منين

كمال.. سمعت الناس بتتكلم قبل الصلاه 

رافع.. امم وانتو رايحين تصلو ولا تتكلمو على الخلق عموما.. اه انا بعتهم يضربوه عشلن تخاف وترجع حضرتها سابت البيت من غير ما تقولى.. ولا كانها متجوزه جلنف هنه.. قفص جوافه انا

كمال.... غلطت الراجل كد ابوك يا رافع حرام عليك... خلاص هملها اعتبرها جاريه حداك واعتقها لوجه الله 

بس دخل خيرى ابو اسرار وفى ايدو شنطه حطها على السفره وقال...

اتفضل فلوسك يا عمده 

رافع... فلوس.. فلوس ايه دى

خيرى... الفلوس اللي انا خدتها منك لجل عمليه مرتى الله يرحمها وقلتلك هسددهالك وانت ما رضيتش تستنانى وقلتلي اعتبرها مهر بنتك ولما تجبلى فلوسى هديك بتك اهى الفلوس وهات بتى 

رافع بتوتر.. انت جبتها من فين 

خيرى... مالكش صالح انت... انا عايز بنتى انت قولتلى كلمت رجاله ان انا يوم ما ارجعلك الفلوس هتديني بتى مع ان انا ما شفتش منك اي تصرف رجاله من ساعه ما اخدت الفلوس منك.. استرجل عاد وهات بتى... 

سنيه... يا الف بركه خدوا بنتكم وغورو فى داهيه المركب اللي تودي

رافع... بس يا اما.... بص يا خيرى انا مش هطلق ٠انا خلاص اتجوزتها هو لعب عيال

خيرى.. طلقها... انت وعدتني يوم ما جوزتهالك انك هترجعها لما اديك فلوسك... روحى يا حجه سنيه نديها... 

سنيه طلعت وهى بتقول.. اناديها ما انديهاش ليه ده انا هكسر وراكم قله.. 

ونادت اسرار اللى نزلت بسرعه وجريت على ابوها وقالت.. 

جبت الفلوس من فين يا ابوي 

خيرى.. بعدين بعدين يا بنتي

اسرار... اوعى تكون رميت نفسك مصيبه يا ابوى 

خيرى.... ما فيش مصيبه اكبر من اللي انتى فيها دى.. يلا ارمي عليها المين يا عمده 

رافع.... لما اروح عند الماذون هطلقها

خيرى.. بكره الصبح هنستناك في مكتب الماذون 

كمال.... طب طب يا جماعه بلاش في رمضان الطلاق خلوه بعد العيد.. 

اسرا... اكتر عيد يفرح اللى هقضيه بعد ما اتطلق من اخوك 

رافع قال بضيق.. كده طب يلا غوري في داهيه انتى وابوكى يلا اطلعي من هنه

خيرى خد اسرار ومشى.. ورافع قال بغضب.. 

اموت واعرف جاب الفلوس من فين ده امبارح ما كانش معاهم جنيه فى محفظته جاب نص مليون جنيه من فين 

كمال.. يلا سلام اما اروح الحق التراويح... 

ومشى بسرعه.. رافع قال بضيق... 

انا شامم ريحتك فى الموضوع يا ولد ابوى.. والله العظيم ما تطلع ورا الموضوع لا اعلقك على الباب اصبر عليا بس

اسرار كانت مع اختها فى الاوضه وبتقول... 

 ها بقى خلصينى ابوكى جاب الفلوس دي من فين نشفتو ريقى ابوكي ما رضاش يقول حاجه ومشى 

مها... اخوه جبلنا الفلوس بس حلف ابويا بايمانه الله كلها ما نقولش لجوزك ان هو اللي ساعد نا 

اسرار... يا حزني ما هو هيعرف اكيد ده هيموتو بيدو  

مها... عادى هو هيدبر روحو يعني مستحيل يفضل زعلان منه كتير ده اخوه.. بالك انتى... انتى كمان غلبانه زياده.. عارفه لو كان وقع مع واحده زى كنت لففتو حوالين روحو هو وامو بس انتى ماشيه كيف ما يقولك 

اسرار.. انا بديلو كل كلمه والتانيه تقصف العمر بس عايزه اللى يحس على دمو... بعدين هو كاسر ضهرى بيكم... لولا كده كنت وريتو نجوم الضهر.. 

مها... انا شاكه انو ما تجوزكش لجل الفلوس .. الفلوس دى حجه عشان يتجوزك 

اسرار.. ايه الكلام ده بتجيبيه من فين 

مها.. ايوه يا بتى فاكره اما روحنا نساعد ابوي فى مزرعتهم وشافك مشالش عينو من عليكى 

اسرار... ده كلام اهبل اول هام لو كان جيه اتقدم كيف الخلق مكناش هنرفضوه تانى هام انتى ما بتشوفيش بيعاملنى كيف دى ما بيقولش غير رهينه الرافع 

مها.. والله حلو الاسم على العموم خد الشر وغار.. نامى واحلمى احلام حلوه انتى هربتى من قلعة الشرير خلاص

اسرار حضنتها وقالت... صح هربت من هناك خلاص 

ونامو هما الاتنين وتانى يوم الصبح كانت اسرار وابوها قاعدين في الصاله مستنين رافع واسرار قالت.. 

متى هنطلع 

خيرى.. هو قال هيعدي علينا انا خايف ما يجيش ويستندل معانا 

بس الباب خبط.. اسرار قالت... اكيد هو ده هروح اهو 

وراحت فتحت بس لقت شاب تانى ده على ولد خالها وقال... 

اسرار ازيك اتوحشتك قوى يا اسرار 

اسرار لطمت وقالت بخوف.. على انت ايه اللي جابك هنه يا واكل ناسك 

على.. انا سمعت ان انتى هتطلقى من جوزك صوح 

اسرار... ايوه هتطلق ان شاء الله بس جيت ليه برضك

على.. انا هطلب يدك من ابوكى و 

اسرار قالت بردح.. ليه مالك بيها بقولك ايه يا على انت سبتنى وانا اللى يسيبنى ما اسالش فيه تانى 

على.. ما انا مكانش معايا المبلغ.. 

اسرار.. لا انت ما مكنتش عايز تقف فى وش رافع خوفت استخسرت الله اعلم بيك 

على.. انا رايدك يا اسرار انتى قولى اه بس وانا هعوضك عن كل اللى فات يا اسرار بس قولى...... اااااااه 

قالها لما رافع مسكو من قفاه وخبط دماغو فى الباب لحد ما نزف ووقع على الارض.. اسرار بصتله بصدمه وبلعت ريقها بخوف وقالت... 

الفصل الثالث من هنا