رواية الفصلية والضابط الفصل الثاني بقلم مجهول
ضرغام: وصلت للمستشفى واشوف عمي خابص المستشفى من الصايح ويكول اليوم احرك الدنيه راح الوليدي رافد وشفت زلم ثنين واكفين وعرفت هذولي الي دعمو رافد زنكت رجال جبير بالعمر وكتله اليوم موتك هنا
حسين : كاعدين متظرين الدكتور يطلع بشرنه وما اشوف الهً رجال اجه وزكن ابوي وكله اليوم موتك هنا اني ما تحملت من شفته لازم ابوي ضربته بوكس طيحته بالكاع كام راد يضربني وطلع الدكتور وكال منو اهل المريض رافد
ضرغام: احنه دكتور بشرنه رافد بيً شي
الدكتور : والله يا وليدي احنه البيدنه سوينا بس ما كدرنه ننقذ المريض رافد البقيه بحياتكم
ضرغام كال الدكتور البقيه بحياتك واني مدريً شصار بيه زنكت الولد وجيته بوكسات جوا رجليه والزلم تريد تبعده مني ماكو اخذته للسيارة وصعدته رحت حطيته بالسجن ودك كتل لحد ما راد يموت بيدي عفته وكتله مو هيج موتك يا مجرم عفته وطلعت رجعت للبيت لكيت الكل عندنه مسوين الفاتحه تلكني عمتي صرخ وتلطم وتكول راح اوليدي
اريج: نظفت وكملت وطبخت غداء دخلت صليت وبقينه منتظرين عمي وحسين اجو عباس وزينب من الدوام بقينه نتصل على عموو ماكو ما يرد قلقنه كلنه وراء اشويه اندك الباب طلع عباس دخل هو وعمي حالته حاله كلنه كمنه حتى نشوف شبي كعدنا بالكوه يحجي وحط اديه على راسه وكال راح حسين مرت عمي امال بقت تصيح وتبجي يمه وليدي شبي احجي ابو حسين شكو كال وسولف كلشي بقينه مصدومين
ضرغام:سوينه فاتحه واجونه هواي عالم خلصت الفاتحه وخلال الفاتحه اجو شيخ عشيره الولد الي دعم رافد وعمامهم وابوي كلهم من تخلص الفاتحه تعالو واليوم الكعده نزلت جنت لابس دهداشه سوده وجراويه سوده ولافها على راسي كعدنه كلنه بالديوان عمامي واجو شيخ عشيرت الولد وعمامهم وابو الولد
بدينه بالحجي وكالو اشكد ما اطلبون احنه حاضرين بس عوفو ابنه واتنلازلو عنه بعد هو قضاء وقدر والكاتبه ربكم يصير حجه ابوي
ابو ضرغام : احنه ما انريد يصير دم اريد انحلها انشاء الله بدون مشاكل نطلب فصل ٥٠ مليون وفصليه
ضرغام: اتفأجئت من ابوي طلب فصليه
شيخ عشيره ابو حسين : بس فصليه ماكو بزمنه هسه. بعد فصليات
ضرغام: احنه العدنه كلنا اذا ما تنطون فصليه حسبو ابنكم مات
ابو حسين: لا عمي كلشي ولا ابني خلص انا موافق على الي تردونه بس من انطيكم الي تردونه تعوفون ابني وتتنازلون عنه
ابو ضرغام: هذا هو
اريج: راحو عمي وعمامي وشيخ عشيرتنه الاهل الولد وبقينه احنه بقلق من الي راح يصير وراء كم ساعه دخلو عمي وعمامي كلنه رحنه يمهم عمتي امال هاا ابو حسين شكالو
ابو حسين: طلبو فصل ٥٠ مليون وو
امال: وشنو احجي ابو حسين شطلبو. بعد
ابو حسين : وطلبو فصليه
اريج: احنه بقينه مصدومين باوعتلي مرت عمي كالت ومنو راح تروح فصليه كال عمي زينب اتروح ماكو غيرها
امال: لا بنتي هاي وحيدتي ما تروح فصليه خلي تروح بنت اخوك اريج
اريج : ظليت ابجي وكلت لا اني ما الي دخل ليش اروح انا واتحمل ذنب اني ما سويته
امال: لا انتي ترحين
اريج: بقيت ابجي واعيط اني ما اروح وخليت وصعدت الغرفتي بقيت ابجي لحد ما نمت كعدت المغرب كمت راسي يوجعني اندك باب الغرفة كلت ادخل دخل عمي اجه كعدت بصفي وكال
ابو حسين: اريج انا ربيتج وتعبت عليج من مات اخوي ولسه انا ما نقصت عليج شي واليوم اريدج اتوافقين على الشي الي راح اكلج عليه وافقي ترحين فصليه اذا وافقتي ما راح يصير دم ومحد راح يتأذى
اريج: بس عموو اني الي راح اتأذه واشلون انت امضحي بيه اني ما اريد اروح فصليه
ابو حسين : اريج لا تصيرين انانيه وتفكرين بس مصلحتج فكري بينه احنه ربيناج وتعبنه عليج واليوم لازم توافقين
اريج: خلص عمو اني موافقه بس شرطي من راح اروح بعد لا انتو تعرفوني ولا اني اعرفكم لان بعد ما اريد اتلقي بناس ذبوني وما فكرو بيه
ابو حسين: خلص مثل ما تردين يصير حضري روحج باجر العصر ترحين خلي ام حسين تاخذج الصبح السوك شنو ناقصج اشتري
