رواية الطالبه والضابط الفصل الثاني بقلم توتة
كانت امي كاعده ع ارض وتبچي.
رحت بسرعه عليها.
خيرر يووم شصااير.
ماكوو رد بس كاعده وتبچي
كعدت يم رجليها ومسحت دموعها بأيدي.
احجي ليششش تبجين لبناات بيهم شي.
يمه راح منيي راااح
يااستار شنووو لراح يمممه احجي وگفتي كلبي ولله
اجت سهئ تركض علئ صوتي
هاا ضرغام رجعت
شبيهاااا امي وليشش تبجين شنوو الراح فهموني
اهدئ اهدئ ماما تبجي علئ گلادتها ضاعت هاي مالت بيبي الي عدها قديمه
كعدت ع غنفه وخليت ايدي ع راسي سحبت نفس بصعوبه
خررب نشفتو دم بجسمي ولله.
راحت. ذكرئ الاخيره م̷ـــِْن امي
يووم لاتبجين هسه اخلي سهئ دورلج عليها وتلگيها الج ولله خوفتيني عبالي صايرلج شي للبنات.
صفنت شويه وتذكرت خواتي ماكوو ب بيت
سهئ وين البنات ?
هااا. هوه اليوم عدهم دورس اضافيه وراحو يدرسون ويه صديقاتهم بيت ابو محمد
ومنووووو سحملهم يطلعوووون انييي شنوو هنااا كوا.....
كم مرره نبهتكم متخلوووهن يطلعن اله بعلمي. ااااخ ياربي انتو ناووين تخبلووني ولله
هسه ع شنوو تعيط عليه عمه هيه الي خلتهن يروحن اني مالي علاقه
استغفرر لله يارربي
عفتهم وطلعت بسررعه م̷ـــِْن البيت ميعرفون مترقبين مكانه وبأيئ لحضه تنخطف وحده م̷ـــِْن خواتي
رحت علئ بيت ابو محمد جيرانه ودكيت الباب طلع ابوهم سلمت عليه وكتله يناديلهم.
طلعت سحرر وراها منار خايفات
امشووو حسابكم ب بيت
سحر \ ولله خويه اجيت ويه منار لان عدها دورس واخذت اذن م̷ـــِْن امي
اششش انتي ب اخص صوتج ماسمعه يلا گدامي.
بعدنه نمشي ب طريق للبيت اتصل جهازي وكان العميد حسين. باوعت عليهن وگلت
ادخلن للبيت. اني طالع بشغل م̷ـــِْن ارجع اعرف شون اتصرف
راحو دخلو للبيت اني اخذت سيارتي ورحت فتحت خط علئ العميد
الوو.
هاا ضرغام وينك
موجود سيدي. ليش صاير شي ?
ايي صاير صاير هوايه امور ولازم تجيني باجر عندي موضوع وياك كلش ضروري
انشالله باجر اني يمك بس كولي شنو الموضوع عرفت مكان سلمان او شخص م̷ـــِْن جماعته
نقيب فلاح عرفلي معلومات عن الطرق الي تتسرب منهاا الممنوعات.
وباجرر صبح راح تروح دوريه بس ب سر ويتأكدون م̷ـــِْن المكان واذا طلع كلامه صح انته تاخذ دوريه وتطوقون كل المكان
حاضر سيدي.
عرفت شي عن الاشخاص الي يسربون معلومات.
ولله سيدي حالين معرفت شي بس انشالله اعرف لان خليت شخص يراقبهم ويتابع كل تحركاتهم.
تمام اني انتضرك باجر الموضوع كلش ضروري.
حاضر سيدي.
سديت م̷ـــِْن عنده واتصلت علئ صديقي الي طلبت م̷ـــِْن عنده يراقبلي ملازم فهد.
الوو.
نعم سيدي.
عرفت شي.
سيدي ليوم ملازم فهد طلع م̷ـــِْن المركز وراح علئ منطقه شبه الخاليه ومابيها بيوت دخل بدربونه وبعدها كمل مشي
رحت اتمشئ وراه بدون ماحس اتصل جهازي رفعته ودرت وجهي مالگيت فهد
خررررب اني شنوو گتلك كتلك هااذه فهد نغلل يعرف شووون يخليكم تيهون عنه هسه عرفنه نراقبه وراح ياخذ حذر منه.
اسف سيدي ولله مانتبهت
سديت جهاز بوجهه واني احس الدم تجمد براسي
اذا ماطلع الك ايد بكلشي ديصير يافهد اني كلشي ماعررف
درت سيارتي ورجعت للبيت كان الكل موجود عدا ابويه.
سلام عليكم
الكل وعليكم سلام
سحر. منار.
هاا.
بعد اليوم ماااكو لامدرسه ولاطلعه
سحر \ شنوو ليش شسوينه ولله خويه بعد منطلع الباب رحنه بس حته ندرس ولله
منارر \ ليش تمنعنه هو منوو الي گلك احنه طالعين غيرر مرتك سهئ
منااااار. انتي لساااانج طولان هل فترا وترادديني ب كلام.
منار \ اعتذر بس ليش تمنعنه م̷ـــِْن المدرسه ماما احجي شي ليش ساكته
ماما ضرغام اهدئ شويه اني سمحت الهم يطلعون بعدين بيت ابو محمد ناس محترمين وقريبين علينه
ييييمه اني ماعندي مشكله ويه الناااس اني عندي عداوه ويه هووايه نااس وبأي لحضه انغدر وتروح وحده م̷ـــِْن خواتي ليشش مجاي تفهمون عليه
ضربت علئ صدرها وگالت
يمممه بناتي يعني مهددينك
لا يووم. شحدهم يهددون بس. الحضر واجب
ولله يمه م̷ـــِْن اليوم اني اخذهن بأيدي ورجعنهن بس خليهن يخلصن هل سنه
استغفرر لله ياررربي
عفتهم وصعدت لغرفتي شويه واجت روايه سهئ
سمعت اختك شون تحجي عليه
ماكالت شي
شنوو ماگالت ترا اني سكتت احتراما الك لان اعرفك متقبل احجي ولاه اني اعرف شون اردها
سسسهئ اسكتي ترا روحي طالعه واحس راسي راح ينفجر وفري كلامج لغير يوووم رجاء
ايي يعني حقك بس سهئ م̷ـــِْن تحجي انت تسكتها شاطر بس عليه تعلي صوتك وتغلط
كان يمي كلاص مي ع ميز شلته وركعته ب ارض
كاااافي. صوووتج ماسسمعه كتلج راسي يوجعني اسكتي.
عافتني وطلعت م̷ـــِْن الغرفه. غمضت عيوني واني اتنفس بصعوبه
___________________________________
نارين.
صعد للغرفه مالتي بقيت العب ويه كاتي شويه واتصلت عليه صديقتي منارس
الوو هاا منارس رجعتي م̷ـــِْن دوام
منارس / ايي حبي قبل شويه رجعت لْـۆ شايفه انسه سعاد م̷ـــِْن رحتي شسوت بيها المديره
حلل تستاهل الحقيرره خلتني اطلع م̷ـــِْن الصف
_يمعود ختولي كتلج تعاالي نرجع بس انتي ماقبلتي ولله لْـۆ باقيه عناد وياها.
لا ماحب اصلا حجيت لبابا كلشي صاار وكال معليج بيها اني اتصرف وياها.
_هاا اوك
عوفج م̷ـــِْن هاذه كوله. تعالي عليه اريد افهم م̷ـــِْن عندج دروس الفيزياء تعرفيني كلشي ماكوو بيها
_موو گلتي راح اروح لأستاذ عصام اخلي يشرحلي الماده
لج رحت بس استحيت الح عليه فهمني هوايه فصول بقه كم درس محافضتهم
_ تمام شويه واجي عليج.
سديت م̷ـــِْن عدها اخذت كاتي ونزلنه كعدنه ب حديقه ماعندي هوايه صديقات بس منارس وكاتي اصلا احس نفسي وحيده
حته بنات عمي وخالو ميحبوني معرف ليش ولاحته يراسلوني مرات تصير مناسبات اروح مثل الغريبه بينهم.
قليل م̷ـــِْن عدهم يحبوني دائما يكولولي متكبره ومغروره واني ولله ممغروره اني هاذه اسلوبي وطريقتي.
بقيت كاعده ب حديقه واني ضايجه
اكلج كاتي ليش هيج حياتي تعيسه وممله ليش ميحبني شخص حته استاذ عصام ميباوع عليه شناقصني انيي
احجي ويه بزونتي وهيه مترد بس تباوعلي بعيونها البريئات.
حسيت حركه ورايه درت وجهي كان ضابط لابس ملابس عسكريه اول مادرت وجهي هو طلع م̷ـــِْن البيت اعتقد كان كاعد ويه بابا
بقيت كاعده بمكاني شويه وطلع بابا اجه يمي
هاا باباتي كاعده لوحدج
ع اساس لبيت مليان بنات وشباب حته اكعد وياهم هو اني متعوده ع وحده
لا نارين تريدين تزعليني منج بابا لعد اني ويين رحت
بابا ليش ماتزوج
شهل كلام بابا ويني وين زواج
بعدك شباب ولله ع اقل تجي وحده تسكن ويانه حته لْـۆ مرتك اني قابله تزوج شكوو بيها ترا ماما ماتت م̷ـــِْن زمان ولله يرحمها
اكيد متقبل تشوفك وحيد.
بابا اني موقصت باقي ع ذكره امج بس اني ابد ممفكر اتزوج بعد عندي انتي ب دنيا وهاذه كلش كافي عليه
إهوو باباتي فدووه فكرر ب موضوع ولله انت تستاهل مَـرّھٌ تحبك وتهتم بيك
لله كريم بابا لله كريم
ايي. منو كان عدنه قبل شويه
منو قصدج ?
رجال طلع م̷ـــِْن البيت كان لابس ملابس عسكريه
هاا هاذه ضابط ضرغام.
ها. اوك.
بقه بابا كاعد يمي ونسولف سويه دائما م̷ـــِْن اكعد لوحدي يجي يكعد ويايه ويحجي حته ماضوج وانقهر لوحدي.
احن وانضف كلب عنده يحبني ويهتم بيه لخاطري ماتزوج مره ثانيه خلص شبابه يربيني وهو موو كلش جبير ب عمرر
وحالين يكدر يتزوج واني دائما اشوفه وحيد وماعنده مَـرّھٌ تهتمله بس اني وياه واني اغلب وقتي ب مدرسه
دائما افتح وياه موضوع زواج بس هو رافض الموضوع بابا تزوج م̷ـــِْن ماما عن حب اخذها وماتهنو سويه وره ولادتي بسنه توفت ماما
ومن هذاك الوقت رباني ع عز ودلال. منقص شي عليه خلاني اعيش مثل الملكه.
صعدت لغرفتي بدلت ملابسي وتمددت ع سرير بقيت اكلب بجهازي اندك باب غرفتي. ودخلت صديقتي منارس.
بقت كاعده يمي وتشرحلي درس الي ماكدرت احضره بسبب المدرسه
تعالي احجيلي شوون كان يومج رحتي شفتي الحب
لج يااحب هو اصلا ممباوع بوجهي
ههههه ولله اكص ايدي اذا ماطلع استاذ عصام يحبج بس يستحي يكول
شوف هاذي شتحجي اكلها ميباوع بوجهي شون يحبني الي يحب ع اقل يبادل النضرات اهتمام دلال طيحان حض امداني
اكلج يمكن يطلع مرتبط
ايي حبي واضح مرتبط.
يلا تلگين الاحسن منه اصلا هو الخسران منوو بجمالج بس غمازاتج تسواه
يعمري فدوه بس انتي ترفعين معنوياتي
شعندي غيرج نونه
اهوو لاتكوليلي نونه ولله احس نفسي. طفله.
غيرر ندلعج مثل الاستاذ عصام ههههههه
حضي واعرفه شسوي
ههههههه شبيج ترا حلوو اسم نونه ولله
كافي تتمضحكين وتعالي ننزل نشرب شي ناكل
ههه يلا
ونزلنه ثنينه تحت خليت الخادمه تسويلنه عصير ومعجنات وكذا
بقت يمي لليل خليت عمو صلاح يوصلها لبيتهم واني رجعت صعدت لغرفتي غيرت ملابسي لبست ملابس نوم ونمت بدون ماحس ع شي
حسيت شخص يمسح ت راسي فتحت عيوني بنعاس
بابا هاذه انته ?
ايي بنيتي شنوو اليوم نايمه م̷ـــِْن وكت حته متعشيتي ويايه
ولله شويه تعبانه اعذرني انته تعشيت
اي الحمدلله بس ضل بالي يمج گلت اصعد واطمأن عليج
لاتخاف حبيبي مابيه شي بس شويه تعبانه ونمت
نامي باباتي ورتاحي اني طالع بشغل
ماشي دير بالك ع نفسك
باس راسي وهمس انشالله.
طفه الاضويه وطلع رجعت غطيت راسي ونمت
كعدت صبح علئ صوت المنبه فتحت عيوني بصعوبه
شفت ساعه ب 7 ونص
كمت بسرعه. غسلت وغيرت ملابسي ولبست ملابس المدرسه مشطت شعري وربطه خليت شويه حمره ع شفايفي رشيت عطرر.
بقيت اباوع علئ نفسي واني اضحك
وااي تخبلين فدييت هل جمال ههههه
نزلت واني ادندن لگيت الريوك حاضر اخذت لفه وطلعت لعمو صلاح
صباح الخيرر عموو
صباح النور بنيتي. يلا اصعدي تاخرنه
صعدت ب سياره واني اكل ب لفه
ساق وصلني للمدرسه
يلا مع سلامه عموو م̷ـــِْن يخلص دوام اتصل عليك
ماشي بنيتي ديري بالج ع نفسج
انشالله.
عفته ودخلت للمدرسه. مرر الًيَوُمًِ عادي دروس وكان عندي امتحان جدا صعب جاوبت علئ بعض الاساله وقسم ماكدرت اجاوبهم
دخلت علينه انسه سعاد واحنه نمتحن
اجت قريب مِڼـّي وگالت
نارين م̷ـــِْن تخلصين امتحان تعالي الاداره.
هزيت راسي بمعنئ ايي.
عافتني وطلعت بقيت امتحن كملت وطلعنه اني ومنارس
هاا جاوبتي
يعني موو كل الاساله جاوبتهم
ليش ولج سهلات
وين سهلات ولله كلهم صعبات بعدين انتي لبارحه ماشرحتيلي هل ماده
يلا المهم جاوبتي ع بعض الاساله
ايي يلا اني رايحه اشوف انسه سعاد شنوو تريد م̷ـــِْن عندي
لـٰٕـيش هيه كلتلج تروحين عليها
ايي مشفتيها م̷ـــِْن كنه دنمتحن اجتي للرحله وكالت م̷ـــِْن تخلصين امتحان تعالي الاداره
ايي شفتها بس معبالي تحجي وياج عبالي تفتر علينه وتتاكد انو ماكوو غش
خليني اشوفها ورجعلج
رحت الاداره دكيت الباب ودخلت كانت انسه سعاد كاعده وياها المديره
حجت المديره وكالت
تعالي نارين
نعم انسه
لبارحه شنوو صاار بينج وبين الاستاذه سعاد ب صف وطردتج
ولله انسه اني مفتهمت درس زين وطلبت م̷ـــِْن عدها تعيدلي الدرس وهيه عصبت علي وطردتني بس هيج
سعاد \ اسلوبج وطريقت كلامج ويايه غيرر مهذبه انتي طالبه حالج حال زميلاتج لآزٍمٍ تنتبهين للدرس
اني اشرح وعيني عليج انتي ابدد ممنتبهه للدرس ومن كتلج كومي واشرحي ماشرحتي شي الي وهل شي خلاني اضوج منج
ولله منتبهه بس كنت شويه تعبانه بوقتها
المديره \ ميخالف ماما لآزٍمٍ تنتبهين نحجي ونغلط بحقج بس هل شي لمصلحتج ترا هل خمول وعدم الانتباه راح يطلعون عليج بايام الامتحانات
لاحسن تركزين ع دروسج وتهتمين بدراستج
هزيت راسي بأيي وسكتت
هسه تكدرين ترجعين للصف
تمام.
عفتهم وطلعت م̷ـــِْن الصف تلاكت ويايه منارس
هاا شصاار
مصاار شي بس تنصحني مثل كل مَـرّھٌ انو انتبه ع دروسي.
الحمدلله عبالي تريد تفصلج
شنوو وليش عيني تفصلني شمسويه
اشش ولج صوتج لاتسمعج. داكلج تفكيري اني موو هيه
انتي افكارج بايخه مثلج
خلف لله عليج
تعالي نروح نشرب شي متت م̷ـــِْن الحرر
اخذتها ورحنه نشرب عصير خلص الدوام طلعت باب المدرسه. اتصلت ب سايق ماكوو جهازه مغلق
بقيت اتمشئ ب شارع شويه واجت يمي سياره عاليه لونها اسود م̷ـــِْن هاذي الي جامعها مضلل
نزل م̷ـــِْن عدها ضابط. واجه نحوي ............
