رواية نار الشيخ مهران الفصل الثاني بقلم حوراء
رجعت من الكليه لو لا
الطرف الثاني: يي طلعت ويه الخط مالتهة
منو صعد وياهة بالخط
الطرف الثاني: الابنيه جوارينهم
خوشش الحكهم لحد ماتدخل للبيت يلا تعوفهة مفهوم
الطرف الثاني: حاضر شيخ
سد التلفون من وصل لمسامعه صوت اخوه وهو يدخل للديوان
السلام عليكم شيخ
الشيخ مهران بضيقه: وعليكم السلام هلااا باخوي هلاا بحزام ضهري الي كل مااريده يمي الكاه (بستهزاء)
ادم: ءء هاا خويه شتقصد
الشيخ مهران: تعرف كلش زين شنو اقصد لكك سرسري ليش مااجيت البارحه من دزيت عليك علمود الطلابه الي صارت
ادم: خويه الطلابه تافه واصلا الغلطان ابو محمود منو ضربه على ايدة وخلا يداين من مرابين قابل اني وانت الله يخليك موجود وتحلهة
الشيخ مهران: الى متى اضل اني الي احل الطلايب وانت واخوك كاضينهة سربته هااا جاا المن اخوتي اذا ماتسندوني وتكعدون وياي بالديوان هااا
(بعصبيه)
ادم: الله يخليك النه شيخ لاتضوج ولاتعصب بس انت تعرف كلش زين ان اني اكره كعده الديوان لان احسهة مالهة داعي اكو قانون وشرطه وهي المسؤوله عن هذه الامور
الشيخ مهران: الناس لو شايفه القانون يكدر يحل مشاكلهم جان مالجؤ للديوان الي حضره جنابك مو عاجبك الديوان هو الي حل طلايب ومشاكل اكثر حته من القانون صح لو اني غلطان ياحضره النقيب ادم
ادم: صح خويه صح بس لازم تعرف ان اني هم عندي شغل والالتزامات يعني مااكدر كل مرة احضر الديوان واحل طلايب الناس الي عندك كافي عليه الطلايب الي اشوفهة بالمركز
الشيخ مهران: خوش ياابن امي وابوي اليوم عندك شي لو متفرغ لان ابو حسن عازمنه على عرس ابنه حته اذا ماتكدر تجي اروح اني ومهيمن
ادم: لاخويه ماعندي شي هسة بس ابدل واجيك وانت راح تبدل ولو انت ماتحتاج تبدل لان طالع صاكك عبالك انت العريس مو حسن
الشيخ مهران: هههه روح يلا سرسري بلا هاي سوالفك
ادم: رايح رايح والله يجيك يوم تتمنى تسمع صوتي وماتلكاه
الشيخ مهران: انجب وروح بدل بسرعه لانتأخر
ادم: حاضر شيخ
السلام عليكم اني الشيخ ادم ابن الشيخ چاسب اخ الشيخ مهران الوسطاني ابوي جان شيخ معروف واله كلمته بالديوان واخوي مهران ورث منه طلاقه اللسان والحكمه كلش يشبهة منو يشوفه بالديوان يكول اله تشبه ابوك الله يرحمه كلش حته نفس الشكل ابوي انكتل غدر بسبب طلابه صارت بينه وبين عشيره ثانيه وجان الغلط منه لان واحد من عشيرته معتدي على وحدة من عشيرتهم ومن درو اهلها اجو وكتلو الولد المعتدي واهل الولد اجو وزيفو الحقيقه ونكرو ان ابنهم هو العايل واجو توسلو بأبوي لانه هو الشيخ حته يهد وياهم على عشيره الابنيه صدك صارت وابوي لم زلمه والاسلحه وهدو على العشيرة الابنيه ورجعو بس من رجعو جانو شايلين جثث 3زلم وواحد منهم جان ابوي ايي ابوي مات على ايد الشيخ جابر ووراهة سوو كعده وفصلونه وجان الفصل لازم نجلي من منطقتنه فوك ماكاتلين ابونه طردونه من منطقتنه من هذاك اليوم لهذا اليوم اني اكره الديوان والفصول عكس اخوي الي من يوم وفاه ابوي هوة صار الشيخ لان جانن عمره17 سنه جان يروح للمدرسه الصبح ومن يرجع يروح للشغل مالته رفض المساعدة من عمامي وهو كام يشتغل ويصرف علينه اني واخوتي (نزار، ورياحين) اني بوكتهة جان عمري 15ردت اشتغل حته اساعدة بمصروف البيت بس هو مقبل كال معليك انته اهم بدراستك وبس كبرنه وربانه وعلمنه صار النه اب واخ وصديق وماخلانه نحتاج الاحد وهسة اني ضابط برتبه نقيب من ردت ادخل الكليه العسكرية كلهة وكفت ضدي اولهم امي لان تخاف عليه بس الوحيد الي وكف وياي هو مهران لان يعرف شكد احب هذا المجال وروحي بيه واخوي نزار هسة هاي اخر سنه اله بالكليه يدرس هندسه حاسوب واختي رياحين سنه اولى تحليلات شوفو هذا كله بفضل الله وبوكفه اخونه ويانه اتأخرت على الشيخ يلا مع السلامه خليني اروح قبل لا اترزل منه
ادم: يلا شيخ خلصت
الشيخ مهران: بعد وكت العروس خلصت وانت بعدك
ادم: غير ارتب روحي چا تريدني اروح مبهذل
الشيخ مهران: لو ماخذ مهيمن وياي مو احسلي
ادم: وتعوف اخوك
الشيخ مهران: امشي لكك اتأخرنه على الناس
ادم صعدنه بالسياره مالتي ومرينه على بيت ابن عمي مهيمن
ادم: خابره صاحبك شيخ شوف اني من شوكت مخلص لبس وهو بعده شلون واحد مستهتر
الشيخ مهران كفخه على راسه تأدب الزلمه مو بكدك
ادم: اهخخ شيخ شبيك خابرة يلا خلينه نروح لان نتأخر
الشيخ مهران: اتأدب واحجي عدل مفهوم
ادم: فهمت والله بس خابره خلينه نروح
الشيخ مهران: الو، هاا كملت، خوش، تعال بره منتظرينك، خوش حجي، لاتتأخر
ادم: ها شيخ
الشيخ مهران: هسة بس يلف الغتره ويجي
ادم: الك الله ياادم تأخرت خمس دقايق سواك عروس وصاحبه صارله فوك الساعتين وماحجه شي وياه اهخخخ اهخخ اني انسان مضطهد
الشيخ مهران: انجب
ادم: انجبيت شويه وطلع مهيمن نسخه مهران حته اذا انتبهتو اثنيناتهم يبدي اسمائهم ب ميم
مهيمن ركب ورة الشيخ مهران: السلام عليكم
الشيخ وادم: وعليكم السلام
مهيمن: يلا ادم حركك لا نتأخر على الناس
ادم: اصلا اتأخرنه وكله من وراك
مهيمن: تره انتي هم متأخر يلا اجيت تدري غيرت الدشداشة مرتين وانتم بعدكم ماجاين
الشيخ مهران: كافي هسة مو وكت حجي يلا حركك ادم
ادم: احركك ليش مااحركك
مشينه لبيت ابو حسن مو حيل بعيد علينه بالسياره ربع ساعه نوصل الهم وصلنا ونزلنه وعيني ادور عليه لان اذا هوة ماموجود انتحر مااكدر اكعد وياهم بدونه
الشيخ مهران: لاادور يجوز اليوم مايجي
ادم بصدمه: ليش مايجي
الشيخ مهران: دزيته بموضوع يحله هو ونزار
ادم: اهاا وشنو هو الموضوع
الشيخ مهران: بعدين تعرفه
دخلنه للبيت مال ابو حسن واخذونه للاستقبال لكينه ابوه كاعد ويه المعازيم وبيناتهم ابو محمود هم موجود رحنه كعدنه ببدايه الاستقبال كعدو يسولفون بلطلايب والمشاكل وشسوه فلان وشخذ فلان ويكلي ليش ماتكعد يمي علمود اسمع هلمغثه علموديش طلعت نقالي وضليت اكلب بيه اريد شي يلهيني منا لحد ما نروح للزفه رفعت راسي من وصلي لمسامعي صوت عضيدي وهو يسلم
فهد: السلام عليكم
الكل: وعليكم السلام والرحمه
اتخطه الكل واجه كعد يمي وكال بضحكه
فهد: شبيك جنك عجوز بايكين عشاهة
ادم: لو مو عيب من الوادم چان معطتك معطه ام الطكه
ضحك فهد: يلا تحمل شويه ونطلع
ادم: بس اريد اعرف الشيخ شلون متحملهم جان ارتاحيت
فهد: متعلم عليهم شبيك ولاتنسى وهو هم يمه عضيده فمايضوج
ادم: هم صح لكك اريدهم يوم يفتوقون ماكو
فهد: هسة الي يسمع حجيك يكول خطيه هذه محد وياه شحال لو مااني وياك مثلهم واضرب ولكك احنه حته نفس المكان نشتغل بيك يعني بختصار اني وياك مثل والمره ورجلهة مانفترق ابدد
ادم: اعوذ بالله ليش تريدنه نفترق شنو عندك وحده غيري (بتنعوص)
فهد: ههههههههههه خرب يومك لك اسكت راح يكتلنه الشيخ لك شوفه شلون يخزر بينه
ادم: احم احم كافي اسكت لك شوف اخوك شلون يخزر بينه ما شاء الله ثنينهم نفس النظرات
فهد: ايي والله مسوين تضامن سوة
ادم: سكتنه شويه وكالو يلا نروح نجيب العروس وتبدي الزفه
كمنه اني وفهد وطلعنه ردت اصعد للسياره بس وكفني صوت الشيخ مهران
الشيخ مهران:ادمم
ادم رحت للشيخ: أمر شيخ
تعال انت زف حسن
ادم: تأمر شيخ
صعدت للسياره مال حسن وهوه وياي فرحان
حسن: شلون ماافرح واليوم عرسي على حبيبتي واخيرا اخذته بعد تعب اربع سنوات
ادم: الله يهنيك ويسعدك ياخويه
حسن: بعد كلبي يوم الك وافرح بيك
ادم: الله كريم حبيبي
وصلنه للبيت مال العروسه ونزل حسن حته يجيبهة عطشت ونزلت اريد اشرب مي ردت اروح للسواق واجيب بس وكفني عماد
عماد: هاا وين رايح ادومي
ادم: انجب لك سرسري شنو ادومي صاحبتك اني وهيج تحجي وياي
عماد: ههههههه ها لك صاير تستحي
ادم: خره بيك اسكت لايسمعك الشيخ ويسويهة عزه على راسي
عماد: سكتت بس انته وين رايح
ادم: عطشان اريد مي اريد اروح اشتري عندك ماعنده حضرة الملازم اول عماد
عماد: لايابه ماعندي مانع اصلا تعال اني اشربك مي
ادم: اكلك
عماد: كول حبيبي
ادم: هوة اليوم مو عرس اختك
عماد: ايي
ادم: جا شعندك واكف هنا
عماد: وين تريدني اوكف
ادم: لك روح حاجي ابو حسن على وحده من بناته تخطبهن حته اذا حسن راح يفتح حلكه ويحجي وياك كلمه مايكدر لان انت ماخذ اخته
عماد: خرب عقلك لك انته شكد ذكي
ادم: لعد شعبالك اعيش وافيدكم بذكائي
عماد: ههههههه تعال اشربك مي من البيت
ادم: يلا يابه
رحنه اني وعماد للبيت قبل ودخلني للمطبخ يصير بمقدمه البيت
عماد: اشرب مي بين ماارد على هذه الحيوان
ادم: تمام
جنت جاي اشرب مي وداير وجهي على الشباك مااحس اله واحد واندعم بظهري
درت وجهي وريتني ماداير جانت بينه يجي عمرعة بين 18/20سنه بس شنو من وجه شايله دخيل الخلقهة سمره بس سمارهة يخبل وهي بس انتبهت الي طفرت
طلعت واني اضحك عليهة
شويه وزفينه حسن جانت الزفه حيل جبيره وفترينه المحافظه كلهة بس طول الزفه واني افكر بيهة منو هية وبنت منو معقوله اخت عماد بس الي اعرفه ان اخوات عماد 3 واثنين منهن مزوجات محافضات وهاي اخر وحده الي اليوم عرسه زين شلون راح اشوفهة بعد
صحيت من صفنتي على صوت حسن وهو يحجي وياي
حسن: ادم انته وياي
ادم: ايي حبيبي وياك
حسن وين وياي صارلي ساعه اكلك طلعنه البيت فر وارجع وانت ماكو
ادم: اعذرني خويه ماسمعتك
حسن: ماصار شي حبيبي
ادم فريت ورجعت للفرع ودخلنه للبيت
ادم بداخلي خرب يومج شسويتي بيه انتي
دخلنه للبيت لان همه عازمينه على عشه هم شويه وصبو العشه تعشينه وكملنه وردنه نطلع بس استوقفنه صوت ابو محمود وهو يكول
ابو محمود: من رخصتك شيخ ولو اعطلك
الشيخ مهران: كول ابو محمود
ابو محمود: تفضلوا استريحو قابل نحجي وكفه
كعدنه حته نسمع شيريد ابو محمود بس صدمنه طلبه
ابو محمود: شيخ اني اريد اهديك بنتي هديه شكر على الي سويته وياي
الشيخ مهران: هديتك مقبوله بس الي راح يعقد عليهة اخوي الشيخ ادم
الكل: مبروك شيخ ادم
ادم: صدمه ورة صدمه اول شي كلام ابو محمود ونوب قرار اخوي ردت احجي بس استوقفني فهد وهو يكول
فهد: لاتتهور احجي ويه الشيخ اول شي لاتسوي شي يزغرك كدام الناس
ادم: سكتت بس على اعصابي متاني هاي الكعده تخلص حته احجي ويه الشيخ وابلغه بالرفض
خلصو كلامهم واتفقو على ان باجر تجي الهديه ولازم اعقد عليهة
طلعنه واني افور من الاعصاب
ادم: خويه مااريدهة خلي غيري ياخذهة
شيخ مهران: تكسر كلمتي ياادم
ادم: شيخ مااكسر كلمتت بس
شيخ مهران: بدون بس باجر تجي الابنيه وتعقد عليه وبدون نقاش امشينه مهيمن
مهيمن: اجيت يابه
