رواية مزيونة الشيخ الفصل الثلاثون بقلم شهناز العلالي
الحزن بدة يخترق احساسي وكلبي وكلشي بيه ___
طلع استاذ عباس واهله ...جان كلش فرحان ...ابويه ودعهم وشكله مقتنع على الاخر ....
باوعت على بابا ....رد النظرة الي كال"
_ليش ضايجه ...؟مقتنعه انتي ؟
_بابا ...اني ضايعه والاحساس هذا مااحاسته من قبل بابا انت منحتني الثقه ...ومااخاف من احجي وياك انت ابويه وصديقي ونعم الاب ...بابا اول مره احس نفسي ضايعه هيج...
هو استاذ عباس مايتعوض وو...واني دراستي مهمه يعني لو ادرس لو اتزوج التهي
_روحي نامي هسه..خلي ببالج موكلشي نتمناه نناله ...
الرجال كال يخليج تكملين جامعه وهاي اهمشي...
روحي نامي هسه...
ههه
رحت لغرفتي..نمت بفراشي غمضت عيوني صكر يحبني ويغار من حجيه؟ بس وينه هففف شبيه مو الكل يحجي مو معناها يحب ...صكر مايحبني ...
لا يحبني اكو مقوله تكول اذا تفكر ب استمرار بشخص معناها هو هم يفكر بيك واني صكر من سنتين متت من التفكير يكلك الحب مرات يخلي الانسان عاجز مربط بس....بس اني وحد من افكر بصكر احس نفسي الي واهس اكل واشرب واسولف وادرس ...
ضليت اتقلب ....اشلون احاجيه ووين الكاه؟بس هاي حيرة نمت وكعدت من نومي لكيت بابا جاي يشرب شاي
وضايج"
_صباح النور بابا شبيك ضايج.....
_صباح النور وضع اخوج معاجبني وحتى مالحكت اكوله يروح يسئل عن استاذ عباس واني مفاصلي شيطلعني بهالحر ....
_زين بابا ليش ما تخلي صكر يسئل عنه اكيد يجيبلنا المضبوط الخبر الأكيد
_صكر زوجج جان
_اي بابا جان زوجي وانت كلتها هالموضوع اله سنتين منتهي يعني هو يفيدنا بهيج موضوع
_يلا اني شويه واتصل بي...
_ماشي بابا...
.......
صكر جنت كاعد اجي ويه صاحبي احمد اذا تذكروه احمد بغداد جان جاي للعمارة يمنا وجاي نحجي بموضوع عمل ودك ابو كحلاؤ اني هنا تدوهنت عفت احمد وكبل رديت لان توقعت كحلاء بيها شيء صاير "
_هلا وليدي اشلونك
_هلاعمي الحمد لله وانت .
_بخير وليدي بس قاصدك بموضوع يخص كحلاء
_كحيلة خيرها ؟
_وليدي جاي نصيب لكحلاء ونريد نسئل عن الولد هو خوش ولد عود ياسر يسئل عنه بس ياسر انشغل وقصدتك...
الو صكر تسمعني؟؟الو....
_اي عمي زين سويت ...
_اجيكم لبغداد
_اي وليدي شرط تبقى يمنا نضيفك انت وياسر واحد...
_منا لليل اني يمكم...
سديت الاتصال وبه ابو كحيلة واني احس شياطين الدنيا يغنون براسي طابخين النومي استغفر الله...
احمد جان كاعد يدخن كتله"
_احمد نازل وياك لبغداد يلا امشينا بس اجيب محفظتي
_خيرك
_امشي...
ابوي وامي تستغربوا من هاي روحتي لان خالي جان رايدني انزل بغداد قبل يومين عرس بنته المشيه ومااجيت.....
طلعت اني واحمد ....اسوق سريع....
_شجاك مستغني عن روحك خفف السرعه يمعود...
_احمد انت ماتفهم شجاي يصير .....
وبعد٥ساعات طريق وصلنا...رحت وصلت احمد لبيته وراها رحت لبيت خالي سلمت عليهم وسبحت ورتاحيت ....ومناك طلعت لبيت كحيلة وصلت هناك دكيت الباب فتحلي ابوها جانت الساعه ب٩ونص ....دخلت والله استقبلني الرجال ورحب بيه وجان محضر عشى ...دخلت كحلاء رفعت حاجبي واني امرر اصابعي على لحيتي....بينما ابوها يحجي هي كاشخه كشخه ....كعدت كبالي..
_اشلونج هم عروس وهم طالبه جامعه حتصيرين والله عمي سباعيه بنتك ....
_ألحمد الله بس وليدي خوب ما تزاحمك ونتعبك ...
_لاشهالحجي اني جاي خصيصا علمود هالموضوع بأحر من صباحية الله اطلع اسئل على الزلمه
_اي والله اني اخابر اخويه متواعد وياه على شغله ....
_ميسرة عمي...
ابو كحيله طلع بالحديقة يخابر اخوه....بينما صكر جاي يشرب جاي ويباوع على كحيلة .....
_اكلج شتكولين لو اوصلج للفندق انتي والعريس
_ياعريس ؟
_عبوسي ...
_عبوسييي اييييييه شرط توصلني بسيارتك تزفني
_قصدج ادفنج ها....
_اصبلك ستكان جاي بعد ...
_صبي ....صبي
رحت صبيت اله وجبته...ضل صافن عليه
_محلوه ولح صايره جنج العافية
_وشتريد ؟
_راسج اكسره ...
_بعدك ع طبعك ؟
_بعدج على خبالاتج.....
_اي ...
_وزقنبوت.....شنو رايج
_بشنو
رحت صبيت اله وجبته...ضل صافن عليه
_محلوه ولح صايره جنج العافية
_وشتريد ؟
_راسج اكسره ...
_بعدك ع طبعك ؟
_بعدج على خبالاتج.....
_اي ...
اجه بابا كعدو يسولفون وراها اجه وقت النوم صكر جان ديشرب ماي اني متعوده اشرب كهوة بالليل
ف هو اجه كاا"
_كجيلة
التفتت عليه كتله"
_نعم
_مخايفه ؟
وكفت وتخصرت عوجت خصري كتله "
_من شنو بله خايفه؟
_افترسج؟
_بله شووو عاى كوله السوريين؟ تفترسني بعد كلبي هو
اني ووياك جوه سكف واحد بالحلال مادبرتها تريد هسه
تدبرها؟ هههه روح عني صكر ....
_لحظه .....لاتخليني اصيح ...
التفتت اله كتله:شكو
_تحبيني ؟
_لا
_لعد تموتين عليه ...
عفته ومشيت ...
_كحيلة
رجع التفتت كتله"
_ها تشرب ...تشرب كهوة؟
_انتي مالتي
_ها.....
اني هم ذبيت كوب القهوه ورحت ... مدونه مبتسمه مشيت بهدوء عود اني ثكيله بس تعديت المطبخ صعدت اركض لغرفتي .....
صكر:لزمت الكوب اشتميته....رجعت اشتميته ...احبج....
هنا وياسر اجه رجع مسطور سلم عليه وحاول يتعداني بسرعه ....لمحت منه ريحه...ساعه٢بالليل ريحه شرب...
لزمته من ايده طلعت وياه بره للحديقة وسديت باب المطبخ ...
_شتريد ....
سحبته كتله"
_شارب؟
_لا شنو شارب وانت شجابك ؟
_انجب ....
لزمته ركعته ٢ راشديات ...
رجعت سحبته كتله"
_لك تعال خل اغسل راسك بالماي
_عوفني
_اصحى يلا.......،انت ماتخجل جاي تتطوطح عبالي رجال يعتمد عليك طلعت تريد تكسر ظهر ابوك وانت وحيده لك لو مبقيك بالسجن احسن جان تربيت...
_صكر عافتني....نور عافتني حبيبتي من هذاك اليوم واني تعبان ضايع احبها ماكدر انساها
_والشرب والعربدة تالي الليل ترجعها؟؟عجيب شباب هالوقت يغضب الله علمود وحده لك خليك رجال تدري شنو رجال.......اكو واحد مرته جابت واحد على فراشه وتصرف عليه من فلوس رجلها وخلفت بالحرام منه.....كل هذا والرجال مانهار ولاداس الحرام .... كوم استغفر ربك واحمد الله ابوك مالكفك جان كسرت ظهره
كوم وتوب ل الله عسى يغفرلك ......
صكر/تركته يروح لحال سبيله .....بس فرحت بشي كحيلة ماحجت ل اهلها بخصوص موضوعي....هيج المرة الحوك ماتحجي أسرار بيته ل اهلها حتى ماتنكسر وينزل من قيمه الرجال...وهواي بيوت نهجمت ....
نمت بالصاله ....ثاني يوم كعدنا على سفرة وحدة ...اني وياسر واحد يباوع للثاني.....
وراها تيسر لشغله....وابوها جان يسكي الزريعات بالحديقه واني تجهزت حتى اروح ل عباس ...كحيلة بالمطبخ جاي تلم ملاعيب الريوك ....
كتلها"
_راجعلج.....
طلعت بالسيارة...وصلت لمدرسه عباس ....حجيت ويه الإدارة وصاحوه الي....
وكفت اباوع عليه مهندم انيق ...كلي استريح ...
_كاصدك بموضوع بدون ما ادخل بالتفاصيل كحيلة تخصني
هذاك تكهرب "شنو؟
_مريتي جانت وجاي اردها....
_مرتك ؟انته
رفعت حاجبي كتله"
_شتقصد؟
_ليش ماكالولك متزوجه قبل؟________
