رواية مزيونة الشيخ الفصل الثاني والثلاثون بقلم شهناز العلالي
وبدت مراسم عقد القران .....طبعا بسيت النوم وخلت رجلها بنص الهيل ...قرأن ب ايده فتحته...صينيه٧بياضات....اختها كوثر وخالتها وكفو الها وراها راحت لبست فستان قصير تركوازي علطول اغينه يحليوه هلج وين يحليوه جانت طاشه بهذاك الوقت ههههه....ضلت كحلاء تركص كدام صكر وتتغنج...وهو يشتعل نار ...
طلعو المعازيم وبقو بس أهل صكر...
صكر اجه وحصرها ل كحلاء
_اريد بوسه
كحلا"هههه ضحكت كتله "
_تدري هسه اذا بستني وطفل شافك فضيحتنا تصير بجلاجل ههههه..
_معليج...معليج تعالي ....
سحبني من خصري قوي قرب شفايفه على شفايفي ...جان تنط طفله"
_شدتسوون ؟
_يله رد عليها شدنسوي؟
_ههه عمو سنونها تاذيها داشوفهم ...
_هيج فضحتنا ....
_ممكن احبج؟
_مممم افكر...
_هههه
*راحو صكر واهله ....ورة اسبوع اتصل كال "
_راح اجي اجهز البيت ...احنه شكو نتأخر كلشي متوفر ....
_حبيبي يعني راح نسكن ببغداد
_اي غير كليه راح تبدي عندج
_صح ....يله انتظرك باجر بس شرط اني اختار الأثاث وياك بالتحديد غرفه النوم..والمطبخ
_تدللين ياحلوه شعندي غيرج اني ...
وفعلا ثاني يوم اجه صكر وضل ايام ببغداد طلعنا واشترينا كل اللوازم الي ناقصنا خلال ١٠ايام كمل كلشي ..فستان الزفاف اشتريته أرقى موديل .....
اجه ليله الحنه حنه ايديناتي ...متت حتى يركض ويايه بس يستحي ...المهم اني شبعت ركص ...
خلصت الحنه ...طبعا مااحك يكعد يمي ....لان بنات خالاتي خبصوني دك سوالف وصور وبالصاله كلنا اتجمعنا فرشنا منادر سوة ....
ثاني يوم اجت كوثر ونورس الحربايه ههههه عود تريد تعلن هدنه هي ماتدري محصنه منها اني ...وراها ب٢ظهر ووصلت للبيت الهلاهل والمزيقة....ترست المكان واجه حبيبي طشو الجكليت ....
باسني من راسي وشويه دكو اهل الموسيقى وطلعنا للمصور ومناك للفندق ...بارق ماقصر ويانه....
وكفنا ..صكر ضلو يسلمون عليه ......وراها
دخلنا للغرفة...اني وبدلتي المنفوشة ...خالتي صعدت ويانه خلت غرامي على جهه لان زفتي بفندق ...كوثر تغمزلي
وصوه لصكر عليه ...
وراحو ...سد الباب ....فك الرباط من ركبته...اجه يباوع عليه"
_شلون جانت الحفلة اليوم
_حلوة ...
_والمعازيم ؟
_همهم بس.الاكل ...ويعيبون عليه....صدك كاي الفاكهه منين جايبها؟
_ليش شبيها ؟
_صطر نصف التفاح مضرب شنو متداين وجايبها ..
_شلون ويه لسانج شلوووون....
*غمزلي "
_يله
_اي....!
_متريدين اساعدج بنزعه البدله ....
*هنا وكحلاء رفعت اصابعها كالت"_هاي شنو
_ايد
_كم اصبع بيها
_١٠....
_لعد ماحاجه تكول اساعدج اني انزعها لوحدي...
_هنا بالحمام؟لوترديني اطلع برة
_والله ياريت لو تطلع شويه برة
_ههههه اوك
طلع صكر دقيقتين دك باب الغرفه '
_كملتي؟
_لا...
بعد٧دقايق دخل كال "
_شهالجمال ياحلوه الحلوات ،
_وشتريد
_افكفك الماسات........ممممم الله شكد حلو هذا السيت عليج ...طالعه كيكه ...
المهم تعشو وتمت مراسيم العشق والحب والليله المعروفه بليله الدخله ...
ايام العسل عدت ....وتعدت ماحاجه نحجي بهاي التفاصيل الممله الي اي بنت ممكن تمرها ...

بس بعد اسبوعين من زواج كحلاء وصكر ...ياسر جهز ملابسه حتى يسافر....
وفعلا بعد مشادات مانفعت ولاكان الها اي ايجابيه سافر ....طلع لتركيا وصل ونطى خبر ل كوثر...
كحلاء من عرفت تدمرت ونقهرت على ابوها ..صل وحدة خبرت صكر صكر حلف وتحلف يجي يعيش وياهم بالبيت ..البيت كبير ...وصكر
كال"
_ياسرخسر ...خسر استقرار اي شاب غيره يحلم بي ...
*ياسر سافر وصار موضوع غرق العديد من الباخرات الي تحمل عدد من المسافرين...والي من ضمنهم ياسر ...
والي بسبب عدم قناعته بحياته وعيشته مات .... والي وصل خبر وفاته بعد عده ايام...من الحادث الغرق ...
الاب فقد ابه الوحيد العزيز ونكسر ....
فرح...عرس كحلاء
حزن... موت ياسر الي عقب عرس كحلاء
فرح.....بعد شهر من زواجها حملت كحلاء ...
جانت فرحه كلش كبيرة لصكر الي واخيرا راح يصير اب.... اب من جديد بعد مرور سنوات من فقدانه لحياته وأسرته ...كحلاء بدت الجامعه دوام وامتحانات وانشغالات وكونت صديقات ...جان الكل يتعجب بيها رغم هي متزوجه واكو من ينجذب الها ويحترمها جانا كلش مهتمه بدراستها...
وصلت شهر ال٣من حملها وبيوم جانت راجعه من الجامعه الجادريه الطريق بعيد لمنطقتهم وكل مايفك الازدحام السايق يسرع والطسات تاذي الحامل ...
لحد ماحملها تهدد بالاسقاط الدكتوره كالت الها لازم ترتاحين ...
رجعت للبيت ...شوفت التحاليل لصكر تخبل كاللها ماكو دوام بطلي ..
_شنو ابطل؟والكليه اشلون ؟
_الكلية احسن لو الطفل الي ببطنج؟ها لو حياتنا والجنين لج انتي ماعايزج شي كلشي تردين تلكيه كبالج اطلبي واتمني .....كحلاء الطفل ...بالج على الطفل....تخسريه ..
هنا وابوها هم ايدها بهيج موضوع ...كوثر حجت وياها واقتنعت تكعد هالسنه من الجامعه .....
لحد ما تعدى شهر من هالموضوع و كحلاء راحت للدكتورة ...اخذت سونار ماتبين نوع الجنين ؟استغربت...
وره شهر هم رجعت اخذت سونار الدكتورة كالت حامل بتؤام....كلش فرحت وجهزت ل٢اطفال تمنيت امي عايشه وتجهزلي الطفل الأول مثل اي بنت وتكمل فرحتي بس ما صارت ...
بشهر الثامن اخذت سونار وهنا الصدمه الصدمه ان واحد من الأطفال متوفي نكسر كلبي بس الحمد لله على كل حال بحيث بنهايه الثامن ولدتني الدكتورة ولد سميناه (يزن)....
النهاية....
انتهت الرواية الي كانت عبارة عن نسمه وتعلقوا بيها العالم من الواتباد الى الفيس والكروبات والبيجات .....
والي هواي استغربوا من خيانه ايمان ؟
والطريقه الي التقت كحلاء بصكر
وغدر نور لياسر
وكوثر الي الحمدالله كانت تنعم بحياه كبيرة
وايمان وفؤاد والزنا الحرام
والنطفه الحرام مها مصيرها مجهول ؟
وقوه الاب خله بناته يحصلون على الشهادة وحياه كريمه
والي صار عبارة عن صديق قبل مايكون اب ونتمنى من كل اب مايقدر على بناته ...
وام نور الي طمعت بالمال ونست الستر وراحه البال
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
