 |
رواية شهد حياتي ( سيف و شهد) الفصل الثالث بقلم جمال المصري
تليفون شهد بيرن وبتلاقي رقم غريب وبترد علي طول
شهد .. السلام عليكم
ليلي .. وعليكم السلام عامله ايه يا شهد
شهد .. الحمد لله مين حضرتك
ليلي .. انا حبيبت سيف والمعيده في الجامعه معاه
شهد .. وخير يا حبيبت سيف عايزه ايه
ليلي .. ولا حاجه انا بس حبيت اتعرف عليكي مش اكتر
شهد .. اهلآ وسهلآ
ليلي .. حساكي مش مبسوطه
شهد .. وليه هكون مش مبسوطه بالعكس مبسوطه اووي
ليلي .. عشان سيف مش معبرك عشان بيحبني انا
شهد .. سيف ابن عمي وبس اشبعي بيه
ليلي .. هشبع بيه ويشبع بيا وانتي هتموتي بغيظك
شهد .. كويس اني عرفت ان سيف بيحب وحده زيك ما عندهاش دم ولا احساس وعلي فكره انتو لايقين اووي علي بعض
ليلي .. انا ما عنديش دم ليه هو انا الي عايزه اخد واحد مش بيحبني وبيحب وحده تانيه
شهد .. اتعصبت وبصوت عالي غوري في ستين داهيه انتي وسيف وبتقفل الخط
سيف .. بيسمع صوت شهد وهي بتقول غوري في ستين داهيه انتي وسيف وقام وطلع ناحيت اوضتها
شهد .. بتخبط ايدها في المرايا من الغيظ وايدها بتنجرح
سيف .. بيخبط علي الباب شهد انتي كويسه
شهد .. اه كويسه وامشي من قدام الاوضه
سيف .. سمع صوت المرايه وهي بتتكسر لا مش همشي انا هدخل
شهد .. قولت مش عايزه اشوفك
سيف .. دي كانت اول مره سيف يوصل الجناح الي عايشه فيه شهد وبحزم هدخل وبيفتح الباب وبيدخل وبيلاقي المرايه مكسوره والقزاز في كل حته وبيلاقي ايد شهد مجروحه وبتنزف ايه ده مالك يا شهد
شهد .. انا بجري وراك وبكلم عمي عشان حضرتك تتجوزني
سيف .. مين قال كده
شهد .. يعني مش عارف الست هانم اللي حضرتك اديتها رقمي ولا هتعمل مش عارف حاجه
سيف .. قصدك ليلي كلمتك
شهد .. ايوه زفته انا دلوقت مبسوطه عشان انتو شبه بعض
سيف .. بيقرب منها عشان يمسك ايدها
شهد .. بترجع لي وره انا قولت اطلع بدل ما ارتكب جريمه
سيف .. عمك نايم لو ما جتيش معايا دلوقت نروح المستشفي هروح اصحيه وانتي عارف انه مش هيستحمل يشوفك كده
شهد .. سكتت
سيف .. يلا يا هانم
شهد .. هغير لبسي
سيف .. مع ان لبسك كويس بس برحتك انا مستنيكي تحت
شهد .. بتلبس لبس خروج وتنزل له
زينب .. بتكون طالعه من المطبح وبتشوف ايد شهد وهي بتنزف يا لهووي في ايه يا شهد
شهد .. ما تقلقيش يا داده انا كويسه
سيف .. هنروح المستشفي يا داده معلش اطلعي اوضة شهد ونظفي الاوضه من القزاز عشان المرايا اتكسرت
زينب .. حاضر يا سيف بيه
سيف .. يلا يا هانم
شهد .. بتطلع معاه وبتركب العربيه جنبه
سيف .. اتجننتي ازاي تعملي كده في نفسك
شهد .. مش عايزك تكلمني خالص وإلا هنزل من العربيه
سيف .. والله ما ادتها رقمك ولا كنت اعرف انها هتكلمك
شهد .. امال هي جابت رقمي منين
سيف .. مش عارف وبيسكت شويه ويفكر لما خدت منه التليفون اه انا عرفت جابت رقمك ازاي
شهد .. ازاي
سيف .. الصبح قالتلي انها عايزه تعمل مكالمه واخدت تليفوني واكيد خدت رقمك من تليفوني
شهد .. وهي تكلمني ليه اصلآ دي وحده زباله
سيف .. شهد ما تنسيش انها هتبقا زوجتي
شهد .. اشبع بيها ولا يفرق معايا الي يهمني هي ليه تكلمني وتقولي اني عايزه اتجوزك وانت مش بتحبني
سيف .. حقك عليا وانا هعرف احاسبها علي الموقف ده
شهد .. بتبص من شباك العربيه ومش بترد
سيف .. شهد قلبك ابيض مش احنا اخوات
شهد .. بتبصله اه اخوات وبس ومش اكتر من كده
سيف .. خلاص سامحي اخوكي انتي عارفه غلاوتك عندي
شهد .. اه عارفه اووي كمان
سيف .. بطلي تريقه والله ما بكدب عليكي ولا كنت اعرف انها اخدت الرقم خلاص قلبك ابيض
شهد .. خلاص ما فيش حاجه
سيف .. يعني صافي يا لبن
شهد . ابتسمت حليب يا قشطه
سيف .. بيوقف قدام المستسفي يلا يا شهد وبينزله وبيدخل الاستقبال السلام عليكم
الممرضه .. وعليكم السلام ورحمة الله وبركاته
سيف .. لو سمحتي في دكتوره
الممرضه .. اه حضرتك في الدكتوره علياء والدكتور كامل
سيف .. لا انا عايز دكتوره عشان اختي ايدها انجرحت
الممرضه .. الف سلامه علي حضرتك
شهد .. الله يسلمك
الممرضه .. اتفضلي يا انسه في الغرفه دي وانا هكلم الدكتوره علياء
شهد .. ماشي وبتدخل الاوضه
سيف .. وريني ايدك كده
شهد .. انت هتعمل فيها دكتور
سيف .. بطلي لماضه بقا ووريني
شهد .. اهو
سيف .. اول ما بيشوف الجرح مش عارف اعمل فيكي ايه من امتي بتتعصبي لدرجه انك تاذي نفسك
شهد .. الي حصل حصل يا سيف خلاص
الدكتور .. علياء بتدخل الف سلامه عليكي
شهد .. الله يسلمك يادكتوره
علياء .. بتمسك ايدها ايه الي جرحك
سيف .. المرايا انكسرت ووقعت علي ايدها
علياء .. هتحتاج ٤ غرز
سيف .. ماشي يا دكتوره اعملي الازم
علياء .. بترش بنج موضعي وبتخيط الجرح انا كده خلصت والف سلامه عليكي
سيف .. الف شكر يا دكتوره
علياء .. الشكر لله
سيف .. يلا يا هانم وبيطلعوا وبيركبوا العربيه وبيتحركوا
شهد .. سيف ممكن توقف هنا شويه مخنوقه عايزه اقعد علي البحر
سيف .. بس كده من عنيه بس علي فكره ده نهر النيل مش بحر وبيوقف علي جنب
شهد .. ماشي يا متعلم ما انا جاهله
سيف .. مش خلاص اتصفينا
شهد .. ماشي خلاص
سيف .. في ست هناك بتشوي دره تعالي نجيب اتنين
شهد .. يلا انا نفسي فيها اوي
سيف .. اتنين يا حاجه
الست .. بتعملهم علي الفحم اتفضل يا بيه وربنا يسعدكم و يخليكم لبعض
سيف .. تسلمي و بياخد الدره وبيدي شهد واحده
شهد .. الله طعمه جميل
سيف .. تحبي اجبلك تاني
شهد .. لا شكرا واحد حلو و بتقعد علي الكورنيش
سيف .. بيقعد جنبها فاكره زمان لما كنتي في الاعدادي وكنت باخدلك مركب وفسحك في النيل ونزوغ من المدرسه
شهد .. كانت احلا ايام ووقتها عمي كان هيضربك لما عرف
سيف .. ضحك وانتي حشتي عني وقتها
وجه عمي الله يرحمه ولما عرف ضحك وخلي ابويا يسيبني وعرفت وقتها انك كنتي بتقوليله كل حاحه
شهد .. الدموع نزلت من عنيها
سيف .. مالك فيه ايه بس
شهد .. بابا وحشني اووي يا سيف
سيف .. الله يرحمه انا عارف ان ما فيش اي انسان هيعوضك عن عمي الله يرحمه بس ده قضاء ربنا وما لناش اننا نعترض
شهد .. استغفر الله العظيم الذي لا إله إلا هو الحي القيوم واتوب إليه انا مش بعترض بس الفراق صعب
سيف .. معاكي حق بس عشان خاطري امسحي دموعك
شهد .. حاضر
سيف .. يقوم و بيجيب اتنين ايس كريم شوكولاته
شهد .. تسلم ايدك بجد كان نفسي فيه
سيف .. انا تحت امرك يا برنسيسه
شهد .. ابتسمت واكلت الايس كريم وبعد كده روحو وطلعت نامت والصبح بعد الفطار وكانت مخبيه ايدها عشان عمها ما يشوفهاش وطلعت مع سيف
سيف .. وصلها المدرسه وطلع علي الجامعه
ليلي .. فضلت مستنيه و بترن عليه مش بيرد لحد ما راحت الجامعه مواصلات ولقيته قاعد في الكافتيريا وقربت منه
