رواية ثأر الشيخ مهران الفصل الثالث بقلم حوراء
_جان مضمون الرساله
_«حلو الماروني عليج بس بعد لا تلبسينه لان يجذب النظر والج وانه مااحب احد يباوع على املاكي، مفهوم»
_انصدمت واستغربت بنفس الوكت منو هذا وشلون عرف اني شنو لابسه وشنو املاكي هذا شجاي يخربط ماانكر خفت منه بس تجاهلت الموضوع وحظرته
_هاا صح قبل لا انام تعالو اعرفكم على نفسي وعلى عائلتي المتواضعه اني ايليا محسن ثاني بنت لابوي وامي وبز الكعدة عائلتي متكونه من اربع نفرات بابا، ماما، اختي الجبيره غسق، اني
ماعندي اخوان ولد لان ماما بعد ولادتهة الي حذرتهة الدكتورة من الحمل لان رحمهة كلش تضرر لمن حبلت بيه واصلا الدكتورة جانت مانعتهة من الحمل بس هي جانت تريد اخ لاختي غسق بس الله رزقهم بيه من انولدت زعلت ماما لان جانت تريد ولد حته تسكت عماتي وجدتي لان جانن دائما يعايرنهة بسبب خلفتهة ومن انولدت وعرفو ان امي ميصير تحبل بعد قررو يزوجون ابوي حته يصير عنده ولد بوكتهة من جدو حاجاه كلب البيت كلاب عليهم
يكللهم اني مرتي طلعت من الموت وانتم تردوني اتزوج عليهة مستحيل اتزوج عليهة احبهة واريدهة والخلفه مو مهمه الحمدلله عندي ثنين بنات منهة يسون ١٠ ولد من غيرهة
هنا جدو وجدتي وعماتي من سمعو كلام ابوي سكتو عن امي وفكو ياخه عنهة
كبرنه اني واختي غسق بين امي وابوي وحياتنه كلش حلوة شنو الي نريده بس انأشر عليه يصير يمنه بابا مامقصر ويانه بأي شي يحبنه ومدللنه دلال اختي غسق اكبر مني بأربع سنوات طفولتي عاديه حالهة حال اي طفوله كبرت ووعيت و صار عمري 15سنه
لحد هسة اتذكر هذا اليوم الي مستحيل امحيه من ذاكرتي اليوم الي كبرني عشر سنين فوك عمري جان يوم جمعه ومجتمعه العائله كلهة بالبيت لان جدو عزم عماتي وازواجهم على الغدة الكل اجه عدنه عمة اكبر وحده حته اكبر من عمي ابو يزن كلش مكروهة وخبيثه تكره ماما وتكرهني هم مااعرف ليش
كعدت من الصبح على صوت ماما وهي تكول
_ كومي ماما غسلي وجهج وتعالي تريكي حته تساعديني بالغدة ماضل شي ويجن عماتج واني بعدي ممكمله الغدة
حاجيته واني افرك بعيوني
_لعد وين عمه احلام ليش متساعدج
راحت لاهلهة من الصبح ويه الغده تجي وياهم
تأفأفت وكمت اغسل حته اساعد ماما لان عمه احلام الخبيثه كلعاده طفرت لاهلهة حته متساعد ماما بالعزيمه
نزلت اكلت شويه ونوب بديت اساعد ماما بالمطبخ وغسق وغيداء ينظفن البيت
غيداء تختلف عن امهة مو خبيثه مثلهة خلصت الاكل ويه ماما وصعدت اسبح لان ريحتي صارت عباره عن ريحه اكل ودخان
كملت سبح ولبست فستان تسعيني لونه بني وسرحت شعري وخليت طاك ابيض لان جنت ماالبس حجاب بوكتهة
نزلت شويه وبدن عماتي يجن للبيت بابا عنده بس اخ واحد الي هوة عمو حازم
وعنده خمس خوات
اكبر وحدة ام زين العابدين (ازهار) ونوب عمو حازم نوب بابا نوب عمه سحر ونوب عمه نجوم نوب عمه سندس واخر وحده عمه رجاء
كلهن متزوجات بعمر 17سنه وكلهن بغير محافظات عده عمه رجاء متزوجه ابن عمه وبيتهم يصير براس الفرع مالتنه
_بديت استقبلهن سلمت عليهن كلهن بس عمه ازهار اتعدتني وماقبلت اسلم عليهة حيل نقهرت بس مابينت شويه وجدو صاح عليه
_ تعاي جدو سلمي على ابن عمتج زيون (قصده على زين العابدين دلعه زيون)
رحت سلمت عليه بس نظراته جانن حيل جريئه وماارتاحيت بالكلام وياه بسرعه نهيت كلامي وياه ودخلت يم ماما اساعدهة بصب الغده
فرشنه سفرتين وحده بالاستقبال للزلم وحده بالصاله للنسوان
اجه زيون ويزن ينكلون الغده للاستقبال وزيون كل ما ياخذ صينيه يطخ ايده بيدي اني بالاول عبالي مامتقصد بس من عادهة مرة ثانيه وضغط حيل على ايدي عرفت هوة متقصد وكلت لماما
_ماما اني رايحه يم عمه رجاء
_تمام ماما روحي وصيحيلي غسق وين ولت خليهة تجي تساعدني شويه
_تمام ماما هسة اصيحهة الج
رحت كعدت يم عمه رجاء وحاجيت غسق حته تروح تساعد ماما وهي ماكالت شي وراحت لماما
ضليت كاعده والبنات نقلن الاكل للصاله تغدينه وكملنه وكمت اني وغيداء نشيل بالمواعين وبنات عماتي كاعدات وساكتات
دخلت للصاله حته اكمل نقل المواعين وصاحت عليه عمتي ازهار
_ها عمه
_روحي ودي المنشفه لزيون بالحمام الجوة
كالت هيج قبل لا اجواب سألتهة بيبيتي
_ليش ما دخل بالحمام البره؟؟
_يمه الحمام البره موجود بيه يزن وشبيه اذا دخل جوة
بيبي سكتت منهة واني ضليت صافنه عليهن صحاني من صفتني صوتها وهي تصيح عليه حته اروح اوديله المنشفه
رحت وبس شنو جسمي كله يرجف وصلت للحمام ودكيت الباب صاح هو
_منو
_اني، من سمع صوتي فتح الباب ومد ايدة واني مديت ايدي اله حته انطيه المنشفه مااحس اله سحبني من ايدي ودخلني للحمام وسد الباب من سد الباب من سوة هيج ضهري صار على الباب وهو محاوطني بيديه جسمي ضل يرجف مثل السعفه واحس كلبي يريد يطلع من مكانه
_ دخيل الله شكد حلوة
يحجي وانفاسه صارت تضرب بوجهي نزل وجه يقابل وجهي وحاول يبوسني من شفتي بس اني قويت نفسي وضربته على بطنه بسبب الضربه الرتد اليورة
اني من شفته هيج بسرعه فتحت الباب وطفرت للغرفه مالتي وسديت الباب ضليت هناك لحد ما راحو
من بعد هذا الحادثه الي صارت كمت اتخبل منه ومن يجون اسوي روحي نايمه لو مريضه اهم شي ما انزل وهو موجود
ومن بعدهة كرهت كل الولد
نفضت راسي ورجعت من ذاكرتي على صوت غيداء وهي تدخل للغرفه والضحكه شاكه حلكهة
_شبيج تضحكين ضحكيني وياج
_لجج وافقووو
_منو شنو شكو
_لج ثوله جدو وبابا وافقو على امير
_ تحجين صدكك
_لج والله حته هسه جدو حاجه ماما كلالهة خليهم يجون الجمعه يخطبونهة رسمي
_ الفففف مبروك حبيبتي تستاهلين
_حبيبتي انتي الله يبارك بعمرج ويوم الالج ونفرح بيج
_ اسم الله بيمن طالبتني
_هههاايي يجي يوم واشوفج بالبدله مال العرس واكلج هاا شكال البهلول
_الله كريم منا لهذاك الوكت
بس تعاي الجمعه بعدلهة خمس ايام شوكت نلحگ نسوي الترتيبات والبدله والصالون
_لج ايي هم اني كلت هيج بس امي كالت اني وياهة وامج نروح للسوگ ونجيب المستلزمات وانتي وغسق وبنت خالي لمياء وانفال هم وياجن ترتبن البيت والكوشه وهاي السوالف
_لاا والله ونوب مقسمه الشغل الخايسه
_اهووو ايلي هسة اني شرايدة منج غير انتي اختي الغالية
_ صبغي بعد صبغي
_تساعديني لو لا كولي
_ليش اني اكدر اكول لا
_______________________
ادم بعد ما وصلت فهد لبيتهم وفتريت شويه احس نفسي مخنوگ رجعت للبيت واستقبلتني الوالده كلعاده
_هلاا يمه وين جنت ليش تأخرت ضل بالي يمك
_ هلا بيج يمه انطيني مجال اخذ نفس واجوابج ترة مداخلين تحقيق
_يلا جاوب
_وصلت فهد لبيتهم وفتريت شويه ورجعت
_يمه
_حاجاج مهران موو
_هزت راسهة دلاله على الإيجاب
_يمه مااريدهة شنو حلتهة
_يمه فدوه اروحلك ارضه بلي كتبه الك رب العالمين ولاتكسر چلمه اخيك
_استغفر آلَلَهّ يمه اني باجر ان شاء الله بليل التحق قبل لا اروح راح اعقد عليهة سيد ومن ارجع اعقد عليهة محكمه وتصير زوجتي رسميأ مااريد اكسر بختهة وتصير خطيتهة بركبتي
_الله يوفقك يمه ويفتحهة بوجهك
_يلا يمه اروح انام محتاجه شي
_سلامتك يمه نوم العوافي
صعدت لغرفتي بدلت ملابسي وشمرت روحي على السرير اريد انام مااريد افكر بشي
صدكك شويه وماحسيت بروحي وغفيت
كعدت ثاني يوم الصبح على صوت اختي رياحين
_ادم كوم مهران يكول خلي يبدل بسرعه وينزل حته نحضر للعزيمه قبل لاتجي الهديه
_رديت واني جوة الحاف
_تمام اسبح وابدل وانزله
_اوكك
طلعت رياحين وكمت للحمام كملت وبدلت ونزلت لكيتهم متجمعين بالصاله جاي يتريكون صبحت عليهم
_ صباح النور
_مهران: تعال تريك لان الهديه تجي بالعشره ولازم تعقد عليهة ب12 لان راح يجون هواي ناس
_انت عزمتهم
_طبعا اني عزمت چا تريد عقد اخوي محد يحضر بيه ليش عمي ناهب البت انته
_سكتت مالي طاقه للحجي ابدد
خلصنه الريوك وكمنه نحضر بالغراض العزيمه شويه واجه فهد يساعدنه وصارت بلعشرة وجابو البت استقبلهة الشيخ وامي واني ضليت كاعد بالديوان ماكمت وياهم واجه الطباخ وانشغله بالتحضير وياه ومشه الوكت ماحسيت بيه غير من اجه فهد وكال تعال اجه السيد حته يعقدلك
رحت وياه ودخلت للديوان يم الباب الثاني اني والشيخ حته يسمع موافقه العروس كمل العقد وبدينه انصب الاكل هواي ناس اجت كملنه الصب وخلصت الوادم الاكل ونوب صبينه الچاي وشوي شوي فرغ الديوان واني ترخصت وطلعت ويه فهد قنعت الشيخ بحجه عندي كم شغله محتاجهة لان باجر الفجر التحاقي وكدرت اطلع مارجعت اله ساعه ب11بليل دخلت الغرفتي وجاي انزع بالدشداشه ودرت وجهي وجان اشوفهة طالعه من الحمام بس بالبرنص
_ادم بصدمه: هايي انتيي
