رواية عيون المها الفصل الثالث 3 بقلم ظل الياسمين

بيبي صفيه اشلونج عيوني ام صلاح 

-كل الهله حجيه اشلونج ماكو اخبار عن الحجي 

-لا والله ماكو 

_اكول حجيه ما تمشيلنه 

 لام الخيره نشوفه ميت عدل بلكي يبرد كلبج 

-اخخخ يم صلاح ليل نهار ابجي وادعي ولو ما امن بهيج شغلات بس الغركان يجلب بكشايه نمشي وامر لله 

راحن وارحت ويه بيبي الي ما تفاركني ابددد 

_ام الخيره/خلي بياضج وانوي 

-فدوه اروحلج الحجي ميت عدل وين صفه بيه الدهر 😭

-والله يا حجيه جاي اشةف انهار واشجار وفاكهه وعايش بنعيم 

اتصدكين اذ اكلج عدل وما بيه شي 

-بيبي طلعت ابشاره لام الخيره وانطتهه 

وطلعنه 

صار خمس تشهر على غياب جدي والي لزمت البيت والشغل بيبي جابت قفص دجاج وكامت تكفف واني اتعلم منهه وتزرع خضره وكل يوم تنزل لسوك مخضر لو فاكهه بس تبقه مره وما تكدر وحدهه كانت تستعين باخوهه وتنطيه لقاسمه الله 

للامانه خوش زلمه معدل رغم الضروف الي نمر بيهه بس ما عافنه 

-مهاوي بيبي اكعدي روحي للمدرسه 

_بيبي نعسانه والله اشويه شبيج 

-فدوه بيبي كعدي الله يرضه عليج وكومي خلي اوصلج بطريقي ومناك اروح اسال على جدج اعيوني انعمن من البجي عليه 

-كايمه كايمه اريد حليبه وبيض 

_روحي لكن الدجاج وجيبلج بيض خلي اطكه الج يلله يبعد رويحتي 

_بجيت ومسحت دموعي برداني واني امشي للكن هاي كلمه جدو بعد رويحتي اخخخخ وين صرت ليش ما وديت نشد اشلون بينه اني وبيبي بدونك 

رحت للمدرسه واجيت لصف لكيت بت جيرانه بسمه كعدت يمهه وكمنه نسولف 

كالت لا ترحين لسعاد تره متحلفه بيج كتله ليش بلله متحلفه شتريد 

_سعاد /بصوت عالي اشلونج مها 

-هله بيج ليش اصيحين 

_اكول جدج صدك طلع غوغائي 

_هاي انتي عليمن تحجين ولج ما تستحين هيج تكولين على جدي يسواج ويسوه عشيرتج وتكافشنه الحقيره اطول مني ومحرضهه ابوهه البعثي ملخت شعري واجت المدرسه اخذتنه للاداره 

_ست والله اتهمت جدو غوغائي 😭

_المديره بخوف شلجن بهذا الحجي انتن جايات ادرسن لو تتعاركن 

_سعاد ست هيه هجمت عليه 

_اطلعن انتن ما مربايات باجر كل وحده اجيب ولي امرهه 

_والله ست هيه العالت واحنه البينه مكفينه بيبي مريضه وجدو طلع وما رجع 😭 والله هيه الي تهجمت عليه وعلى جدي 

_باجر اريد بيبيتج خووووش 

_صار ست 

_رجعت للبيت وحدي وما لكيت بيبي وراسي من البجي والقهر ما اكدر اشيله 

اجت بيبي وصايره نار 🔥 

_مها وينج بخوف وعصبيه ليش اطلعين من المدرسه ها غير اتفقت وياج نرجع سوه بس ابيع الزرعات ها ليش بيبي متت خوف عليج طلعت الطالبات وانتي ماكو _سوالفتلله كل الصار 

_كامت تنحب وتبجي من خاطرهه وتنعه 

ردتك ما ررررردت دنيا ولا مال 

ولغيرك ما يحن كلبي ولا مال 

تحضرني لو وكع حملي واذ مال 

تعال وشوف شنهو الصار بيه 

ثاني يوم رحنه للمديره وبيبي تتوسل بيهه تنقلني بغير صف لان هاي بت البعثي امخليتني اباله 

_حجيه هنه طالبات ثالث متوسط يعني مو زغار يتكافشن مو عيب 

_وداعتج بتي واني مربيته ما تعيل بوحده بس تقبلين تحجي على جدهه 

_المديره هو صدك الحجي مشترك 

_والله وداعتج طلع من البيت وبعد ما رجع 😭 واحتاريت وين اسال وين اروح 

_خلص حجيه روحي ماما على صفج انشالله ما تنعاد 

_رجعت وبالفرصه شفت نسمه كالت سعاد اجه ابوهه والمديره كامت تتلوك لابس زيتوني ومسدسه همزين ما اجيتي البارحه 

_بيبي مريضه واني مالي خلك 

_خلي اكمل ادروسي عفيه بس انطيني الواجبات 

_تعال وياي اليوم اشبعج واجبات 

_ههه خلي نشوف اصلا انتي كسولي 

_عمي دررروحي اريد اشوف منو ينطيج واجبات وحلهن هههههه 

_لا عفيه بسومتي حبيبه كلبي ❤️ 

خلصناهه شقه وسعاد تخزر بينه 

رغم كلبي ملجوم على جدي صار 8تشهر ماكو وبيبي ما خلت واحد ما راحتله وكله تاكد هو بسجن 

وفد يوم كاعدين نسكي الزرع ونشتل اني وبيبي واندكت الباب 

احنه متعودين اذ مره من جيرانه تدفع الباب وتدخل بس هلمره الباب يندك يعني رجال وكفت بيبي على حيلهه وطلعت 

واني وكفت وره الباب اسمع 

_اشلونج حجيه. 

_هله يمه ميه هله تفضل 

_زاد فضلج اني جيت عليكم من طرف حجي فلاح وكام يتلفتت وبصوت ناصي 

جان وياي برضوانيه وكال مر على اهلي واني طلعت قبل اربع اشهر عبالي الكاه طالع 

_يمه فدوه اروحلك الحجي زين 😭 يمه ادخل جوه خلي نحجي عليك بداعت الحسين عليه السلام 

_صار حجيه سويلي مجال 

_هله بيك يبعد امك خلي اجيبلك اميه واستكين اجوي 

_والله حجيه مستعجل اجيت من مكان بعيد وهم يلله الحك شوفي حجيه الحجي تمرض بسجن واني جنت اداريه ومن جانو يعذبونه يكلوله كاتبين عليك من اهل المنطقه انته مشارك 

_يمه الحجي رجال جبير وينه وين هاي السوالف واحنه مالنه غيره بس همه مخلينه بعقلهم يمن الله لا يوفقهم بس بشرني هو ززززين يمته يطلع 

_والله مدري شكلج بس هو من عفته مريض وكوه يحجي ومن طلعت كلت اكيد الكاه طالع هسه تفاجىت ما طالع 

_يمه بس ارد اسالك ليش ما جيت من طلعت مناك 

_جنت مريض وصار عدي تدرن لان احنه اربع اشهر بمكان مرطوب واحنه هواي صار عدي هذا المرض والحمد لله صرت زين وسالت على بيت حجي فلاح وصلت 

_يعني الحجي عايش وبسجن 

هز راسه بقهر وكام يلله حجيه اترخص انشالله يرجعلكم بسلامه 

_هله بيك يمه بس ردت منك تحجيلي هو اشلونه شنو ياكل 

_حجيه الله يصبركم على فراكه اترخص مع السلامه 

وهنا بيبي نصبت مناحه وبجي ونعاوي 

مشت الايام ومرت سنه ونص على غياب جدو وبيبي متكفله كلشي تشتغل بلمزرعه ليل نهار حتى تنسه القهر 

وبعد مرور سنتين على غياب جدو اندك الباب وطلعت اني افتحه لان بيبي مريضه ونايمه واجت مره عمرهه منتصف الثلاثين دفعتني وفاتت,,,,,

الهنا وانشالله باجر نكمل تتوقعون منو الي اجت ؟؟؟؟؟