رواية زواج ست أشهر الفصل الثالث بقلم جمانه السعيدي
سمر ثاني يوم كلعاده لبست بنطرون كابوي وقميص ابيض وستره قصيره اسود ورفعت شعري ونزلة كذله
ومكياج كلش هادء شي بسيط كلش
خلصت اول محاضره ورحت انتضر اصيل بلكافي
كعدت تقريبا عشر دقايق
اتاخر عليه حيل
حسيته مايحترم مواعيده اجيت اطلع دك التليفون
التفت شفت واحد لازم التليفون ويتصل لابس بنطرون ثلجي وبدي وردي فاتح وستره اسود واكف وكامش وحده بايده
شكله عبالك ببغاء
رشيقه وكصيره لابس قميص ابيض ضيك كلش تحسين الدكم راح تنفجر من ترفع راسه تطلع بطنه
وبنطلون مااعرف شلون لابسته كلش ضيك
شعرها صابغته اشكر ولابسه كمية اكسسوارات مو طبيعيه
رفعت ايدي اشرلتهم اجو باتجاهي ثنيبنهم
يمشي بسرعه وكامش ايده ويسحب بيه
سمر وكفت
اصيل انتي سمر
سمر اي اني سمر اصيل
اصيل اي اني اصيل احب اعرفج هاي حبيبتي لبنى
سمر اهلا وسهلا
رفعت اصابعه وكالت هلوووو
اصيل خل نكعد اريد احجي وياج بموضوع كلش مهم
سمر تفضل
اصيل خل نطلب شي
سمر اني مااريد اي شي ممكن تدخل بلموضوع لان ماعندي وقت عندي محاضره
اصيل تمام خير الكلام ماقل ودل
اني ابوي يريد يورطني بهاي الزواجه واني اصلا مرتبط وهاي حبيبتي متفقين نرتبط بعد التخرج
بس اتفاجئت ابوي يريد يفرضج عليه
اني بلنسبه اليه رافض هاي الزواجه نهائيا
سمر ياسبحان الله نفس احساسي ومشاعري اني هم ابوي
يريد يفرض هاي الزواجه علبه
واني مااريد ازوج ابد اريد اشوف مستقبلي
اصيل والحل
سمر انت الرجال وانت لازم تلكه الحل
اصيل اربدج ترفضين هذا الزواج
سمر وتعتقد اني ماحاولت ماخليت طريقه ماجربته
اريد بس اخلص من هاي الزواجه ماكووو
اصيل شلون اني هم ابوي قافل على هاي الزواجه املي الوحيد انتي ترفضبن حتى ابوي يحل عني
ويعوفني لحالي
سمر اتصدك اني جان عندي امل بيك تسمع اني مااريد ازوجك
و تنسحب من هاي الزواجه
اصيل نفس تفكيري
سمر انت الرجال وموقفك احسن من موقفي تكدر اتصمم على الرفض منا لمن يقتنع ابوك
اصيل حقج ماتعرفين ابوي زين اذا قفل على شغله لازم تصير ولو عاند محد يكدر بوكف بطريقه
سمر ابوي اضرب منه واني ماليه سند ولا عندي احد يساعدني زوجة ابوي تريد بس تخلص مني
اصيل انتي امج متوفيه
سمر اي صار خمس سنوات
اصيل البقيه بحباتج
سمر حياتك الباقيه
لبنى شلون حبيبي شنو الحل اني مستحيل اعوفك تزوج وحده غيري
اصيل اني مااريد ازوج وحده غيرج
زين خل نقنعهم هسه خطوبه وبعد سنه الزواج من تخلص هاي السنه اني اخلص كليه
وبعد مااحتاج ابوي ادور شغل بشهادتي
سمر انت شوف الحل الي يناسبك اني ماعندي اي حل
ومحد راح يسمعني اذا حجيت ابد
اصيل اني راح اطلب من ابوي هسه بس خطوبه
لبنى شنو خطوبه راح تخطب هاي وتعوفني
سمر شنو هاي مااسمحلج هذا حبيبج واشبعي بي
لا هو ولا انتي تعنولي شي قصص وروايات عراقية كرار صلاح
واذا اخلص من هاي الزواجه يوم عيد بلنسبه اليه
كمت وعفتهم كاعدين ثنيينهم
يالله يالله ماعوزي بس هاي الببغاء تحجي عليه
اصيل رجعت للببت وبقيت انتضر بابا
اصيل اني موافق بس بشرط هسه الخطوبه وبعد التخرج الزواج
ابو اصيل ماكو بعد التخرج هاي سوالفك عبرهن على غيري بعطلة نص السنه الزواج فهمت لو لا
اصيل ليش مستعجل قابل راح اطير سمر
اريد اطلع وياها واتعرف عليه
اعرف اطباعها تعرف أطباعي شلون اني اليوم شفته
وبعد اسبوعبن الزواج
ابو اصيل اي نحدد تاريخ ٢٠٢٠/٢/٢ يوم زواجكم
وهسه تعقدون عقد شيخ وعقد محكمه
اصيل ولله مايصير هيج يعني شنو تخليني كدام الامر الواقع
ابو اصيل اني راح اتصل بلكليه بعد زواجك ندفع القسط
هااا شكلت
اصيل افكر وارجعلك خبر
صعدت الغرفتي واني انفخ نار اني ازوج هيج زواجه
دك التليفون
اصيل هلو لبنى
لبنى هلو حبيبي هاا شصار
اصيل ابو ي قافل على هاي الزواجه ولا مايدفع قسط الكليه وبجهولني
وشغله الخطوبه وبعد سنه زواج انسيه مايقبل
يكول تزوج تاخذ كلشي تريده
لبنى وهسه شلون
اصيل ولله مااعرف هسه اني الي مريحني البنيه هم رافضه هاي الزواجه يعني مامتمسكه بيه ابد
لبنى شلفايده وابوك معاند
اصيل خل افكر زين واشوف حل مناسب الهاي المصيبه
سمر رجعت فرحانه اصيل مايريد هذا الزواج
بلكت يكدر يقنع ابووو ويخرب العرس
كعدنا نتغدا
ابو سمر هااا شصار اليوم اتفقتو انتي واصيل
سمر طلع يحب وحده ويااا بلكليه واليوم جابه تتعرف عليه ويكول اني رافض هاي الزواجه
اريدج تنسحبين من هذا إلا رتباط
ابو سمر هاي سوالف تعبانه وطيش شباب كل الولد يحبون البنات الي بلكليه
بس من يزوجون يدورون غير البنات الي يعرفوهن
بعد الزواج راح يحبج ويتمسك ببج
هذا السبب بسيط ومو مقنع ابد
سمر شلون ازوج واحد مايحبني ويحب وحده غيري
لا وجايبه تتعرف عليه
ابو سمر كلشي يتغير بعد الزواج الحياة عباره عن تعود
والحب هذا شي رمزي يتغير بعد الزواج
سمر بابا ترا انت مابقيتلي كرامه ابد
تريد بس تشمرني عليهم حتلو ماأحب الولد
ولا هو يحبني
ولا يربد يزوجني يعني هو اليوم جاي يريدني انسحب من هذا الزواج لان ابو فارضه علي
ويهدده مايسد قسط الكليه ويحرمه من كلشي اذا ماينفذ اومره
اني الهلدرجه رخيصه عندك اني بنتك المفروض
اني اعز ماتملك وسعادتي تعنيلك هواي
ابو سمر اكيد احبج وافكر بسعادتج لو ماافكر بسعادتج
ما قبلت بهاي الزواجه الي راح تبقين مرتاحه طول العمر بسببه
كلشي راح يتوفرلج ومراح تحتاجين شي ابد
سمر بابا مايريدني جاي تفهم مايريدني
...اي بس يتعود عليج راح يحبج ويتعلق بيج
سمر استغفر الله ربي واتوب اليه الكلام مايفيد وباك ابد
بعد يومين اتصل بيه اصيل
اصيل هلو سمر
...هلو اصيل مالكيت حل لان اني طاح الساني واني احاول اقنع بابا ان الزواج هذا كله غلط
ومايقبل يسمعني ابد
اصيل واني حاولت اقنع ابوي بس خطوبه والزواج بعد سنه رفض يكول هسه خطبه وعقد وبعطلة نص السنه
الزواج بعد الزواج يله يسد القسط مال الكليه
سمر والحل شنووو برائيك
اصيل مااعرف اني جربت كلشي ويه ابوي بس مايقبل يقتنع ابد
سمر اني هم احتاريت حتى مااكدر اقرا بالي مشوش
منيين طلعت هاي المصببه
اصيل اني اكول نزوج شكليا لمدت ست اشهر
لمن اني اخلص كليه واشوفلي شغله اصرف منه على نفسي
وبعدين ننفصل وكلمن يروح بطريقه
سمر ولله مو عداله اني راح اتسمى مطلقه ويضيع مستقبلي بسبب تهور ابوي
اصيل واني اذا رفضت كل سنيبن الكليه تروح عليه
ويضيع مستقبلي
سمر ليش لازم نتحمل هيج اهل يفرضون علينا حياة مانريده ولا نحبه
اصيل ماكو حل ثاني لازم نوافق ونسايسهم
اني مرحله اخيره مااكدر ارفض
راح يضيع تعبي كله عليه
سمر فوضت أمري إلى الله
