رواية جبروت إبن عمي الفصل الثالث بقلم توتة
فتحت الباب وكانت الصدمه
وسام وجهه صاير ازرك واحمر وماعرف منو ضاربه هيج وحلكه ڱڵـه. دم
عزاااا وسام شبيك شنو هاذه شصاير وياك
مابيه شي وين عامر.
شنو مابيك شنو هاذه الدم ويه منو متعارك كولي شصار
كتلج ماكووو شي وين عامر فضيني اريد اروح
ماعرف عامر م̷ـــِْن صبح ماكو.
خوش اني رايح
لزمته م̷ـــِْن ايده. وسام. لحضه فدوه كولي شبيك ليش هيج متاذي حبيبي لاتضم علي
بعدين ورود بعدين ماكدر احجي هسه ادخلي للبيت
عافني وراح احس كلبي انمرد م̷ـــِْن شفت شكله هيج
ياربي شنو صار ويه منو متعارك وليش ميحجيلي شي
دخلت للبيت واني حسبه تجيبني وحسبه توديني
ها يمه منو
هاذه وسام يمه سالني علئ عامر كتله مموجود وراح
يمه كلبي راح وليدي وينه ولج يمه اتصلي عليه شوفي وينه شصار وياه
ماما اتصلت جهازه مغلق.
انطيني عبايتي اروح اسال اصدقائه ماضل ب بيت يمه وليدي وين راح
وين رايحه ماما هسه يجي هو رجال لاتخافين علي هسه يرجع
ماكدر يمه احس كلبي يوجعني اكيد صاير شي بيه خليني اروح.
اخذت عبايتها امي وطلعت
م̷ـــِْن جهه اخوي ومن جهه ثانيه وسام دايخه شديصير معقوله واخوي سوه شي وانهزم وسام تعارك وياه
لا لا ورود شدتحجين انشالله ماكو شي هسه يرجع عامر.
بقيت منتضرتهم اخواتي صغار وحده 10 سنوات ولثانيه 14.
ثنينهم ب مدرسه بقيت لوحدي ب بيت ياربي شسوي هسه ماما راحت ومرجعت بعد
خليني اتصل علئ وسام واساله شكوو
الووو وسام
الوو هلا ورود شكو صاير شي إنتــي بخير
الحمدالله مبيه شي انت كولي شونك مرحت للدكتور
علئ شنو اروح
علئ الجروح الي بوجهك.
ميحتاج مابيه شي
وسام منو سوه هيج بيك احجيلي فدوه م̷ـــِْن يمته انت تضم عني كولي. ويه منو متعارك قصص وروايات عراقية
ويه ثائر.
ثائر منو ?
ابن عمج ميثاق.
انصدمت م̷ـــِْن كلام وسام م̷ـــِْن كال ابن عمج بس ليش تعاركو ومنو هاذه ثائر
ورود بعدج وياي
اييي اسمعك ليش تعاركتو انت وثائر شصار
بعدين احجيلج
صدوك وسام نسيت اسالك عن امي طلعت دور علئ اخوي عامر ولاحد هسه مراجعه اني لوحدي ب بيت خايفه
لاتخافين يروحي امج يمنه واخوج عامر اتصل بيه وكال بليل يرجع عنده شغل ويه جماعته
متاكد عامر بخير
ايي حبيبي شبيج خايفه مو م̷ـــِْن عوايدج تخافين علئ اخوج
لا بس هاذي اول مره يغيب هل كد م̷ـــِْن البيت طلع م̷ـــِْن الصبح ولاحد لان مراجع.
لاتخافين حجيت وياه بليل يرجع محتاجه شي اجيبلج
لا سلامتك بس كول لماما تجي ماحب ابقه لوحدي ب بيت.
تمام.
وسام.
يروح وسام
احبك.
واني هم امووت عليج والله روحي انتي نفسي الي اتنفسه.
يعمري ربي لايحرمني منك.
ولايحرمني منج.
سديت الاتصال شويه اطمأنت م̷ـــِْن حجيت ويه وسام عرفت اخوي بخير وامي هم
اندك الباب رحت فتحته كانت امي هيه واخواتي دخلن سالتها عن عامر كالت شوي ويجي
...................................................
جلال.
بـعد ماصارت العركه. راحت فرصه انو تكون حبيبتي الي تعبت وحالتي. تاثرت
عفت الكل واختفيت م̷ـــِْن البيت كم يوم الكل يتصل بيه بس مارد عليهم.
بقيت اسبوع برا البيت قررت ليوم ارجع اخذ جواز سفري واسافر لغير دوله بلكي ترتاح نفسيتي.
رجعت لگيت الكل كاعد يتغده
سلام عليكم
هلا يمه جلال يبعد عمري وينك يمه ليش مترد علئ اتصلاتي.
ماما تُعباُنٌ اريد ارتاح
درت وجهي اريد اصعد لغرفتي ستوقفني صوت ثائر
جلال.
نعم.
تعال عندي موضوع وياك.
خليتي ارتاح ونحجي حالين ماكدر احجي كلمه
عفتهم وصعدت لغرفتي.
صارلي يومين اتصل بمريم وماكو شبيها ليش مترد
دزيتلها رساله. شافتها وماردت
دزيتلها بصمه صوت
مريم صدوك تحجين اني هنا مشلوع كلبي اتصل بيج بس اريدج تريحيني وتشوفين رسايلي ومتردين هوه هاذه حبج الي.
شافتها شويه واتصلت
الوو مريم
ماسمع بس شهكاتها وبجيها المسموع.
مريم. حبيبتي لاتبجين يروحي اخذج والله غصبن علئ كل واحد اخذج لاتبجين وتقهريني وياج
جءج ال.
مررريم احجي شبيج ليش هل بجي ڱڵـه. احجي
جلاااااال. هئ.. هئ ..هئ.
يروح جلال احجي شبيج شنو صار فهميني ضربوج اخوج اذاج مو احجي لاتعذبيني.
انخطبت جلال انطاني اخوي لصديقه ليوم عقد عليه وراح.
احس كلامها اجاني مثل الصعقه الكهربائيه جمدت واحس عيوني غوشت.
جلال تسمعني.
تشاقين موو ماحب مقالبج تعرفيني اكره هل شقه
بجت بصوت عالي.
سديت لاتصال. غمضت عيوني احس خلص حياتي انتهت اصعب لحضه مرت بحياتي. حب حياتي راح مني.
ااااااااخ. لااااا مستحيل بقيت افلش ب غرفه ماخليت شي ماكسرته
صعد الكل وصارو يدكون ب باب اني فاقد وماعرف اي شخص بهذيج الحضه
مستحييل ياربي اني طلبتها منك شلووون تحرمني منها. امووت والله امووت وماخلي غيري ياخذها
ضربت المرايه بأيدي وتفلشت كلها.
انكسر الباب واجاني ثائر يركض حضني وسحبني م̷ـــِْن الكزاز.
تخبلللت انته. شلووون تسوي هيج مجنووون
احاجيك جلال تسمعني رد جلال
يمممه ابني. جلال يمه شبيك ثائر يمه شبيه اخوك
راح ثائر يركض لزم كلاص مي وشمره علئ وجهي يلا صحيت علئ نفسي.
شهكت م̷ـــِْن برودت المي
اااااه. اااه
ماما جلال حبيبي شنو هاذه ليش هيج ماذي نفسك
كوووم خليني اخذك للدكتور
ماااريد عوفوني مابيه شي خلوني لوحدي واطلعو
يمه اطلعي انتي ولبنات خلونه لوحدنه
طلع الكل بقه بس ثائر يمي. لزم ايدي الي تنزف وضمدها.
ليش هيج جاي تسوي بنفسك ولك انت رجال عيب تاذي نفسك علمود بنت
كاااافي ثائر كافي رجاء ماريد اسمع شي منك انت ماتعرف شنو الحب فلاتجي تنطيني نصايح هسه
اني اعرفك مخبل بس موهيج
ثائر انطوها خلاص راح تزوج راحت مِڼـّي وكله بسبب اخوها النذل.
لاتضوج يخوي والله ماتستاهلك هيه لْـۆ تحبك جان عارضت الكل عليك بس هيه ضعيفه وماتكدر تصرف شي
انت تستاهل الاحسن منها اوعدك راح ازوجك تاج راسها.
ماريد ثائر. ماريد غيرها والله احبها ماتوقع حياتي بدونها.
زين هسه هيه تزوجت انت م̷ـــِْن تاذي نفسك وتسوي هيج شنو راح تستفاد.
ليش مانخلي يذوگ نفس العذاب ونشربه م̷ـــِْن نفس الكاس.
شلون يعني مافتهمت
شوف اني سمعت اخوها يريد يخطب بنت عمي ابو عامر. وهمه هم يحبون بعض مثلكم يعني.
شلون عرفت هل شي
هههه بعدك ماتعرف اخوك زين اني عرفت كل تفاصيل حياته. هسه هاذه مو موضوعنه.
ايي شنو.
شوف انت تريد تذل اخوها صح لْـۆ غلط
ايي طبعا واريده يحس نفس شعوري هسه
كلش زين تروح تنهي علئ مرته وتاخذها الك وتكسر خشمه.
شنوووو.
مثل ماسمعت تاخذها وتكسر خشمه
مستحيل ماخذها اني كلبي ملجوم ويني ﯙيـٰ̲ـــن الزواج
انت ليش تضل غبي بس هاذي الطريقه راح تخلي يتندم ويحس بنفس الشعور الي دتحس بيه انته هسه
لا ثائر اني ماخذها. اخذها انت. حته لْـۆ هيه تزوجت حالين اني ماكدر لاحد ماترتاح نفسيتي يلا افكر ارتبط
شفته صفن.
هاا شكلت
بس اني ماحب اخذ بنت م̷ـــِْن هيج مستوئ.
لعد سد الموضوع وخليهم الله ياخذ حقي منهم والله ينتقم م̷ـــِْن كل شخص كان السبب
لااا مو اني الي اسكت عن حقي راح اخذها الي حته لْـۆ ماحبها المهم اكسر كلبه مثل ماكسر كلبك
متاكد م̷ـــِْن قرارك
كل التاكيد.
زين وامي شلون.
امي عوفها علي اني اعرف شلون اقنعها بس اريدك تكون قوي ودوس علئ گلبك وتكفي طريقك
مو احنه الي تكسرنه بنت سمعت انت ابن ميثاق خليك قوي.
انشالله.
عافني وطلع احس كلامه ريحني راح اخذ حقي م̷ـــِْن اخوها العار
اله اذوكه م̷ـــِْن نفس الكاس بسيطه اني الي كنت انسان بسيط ونزلت نفسي لمستواهم هل مره لاا
راح اكون حالي حال اخوي ثائر لان هل نماذج مايمشون عدل لاه ب عين الحمره.
اااخ ينار كلبي شون راح اتحمل هل عذاب الله ينتقم م̷ـــِْن كل واحد كان السبب
لآزٍمٍ اسافر انسي نفسي الي صار.
......................................
مرت الايام طبيعيه وليوم موعد خطبتي اني وحبيبي وسام كلش فرحانه
گعدت صبح علئ صوت امي تكعد بيه
ورود كومي يمه يلا عدنه شغل ولازم تحضرين نفسج تروحين للصالون.
ايي ماما كعدت بس شويه.
ولج يمه كومي تاخرنه ماضل وكت
فتحت عيوني واني نعـٰ̲ـِـًسٳٲنـه. رحت غسلت اباوع علئ وجهي يضوي منور م̷ـــِْن الفرحه
ماما رايحه اغير ملابسي ونروح للصالون. ساره راح تجي ويايه
لاتبقين ساعه ب لبس حضري نفسج ع سريع.
اوك ماماتي.
لبست بنطرون اسود وقميص ابيض وبيه حزام علئ الخصر وحذاء بيضه بلون القميص
طلعت كيوته وكلش نازكه
شرئج ماماتي
حلوه حلوه يلا خلينه نروح.
دخل علينه اخوي عامر. وين رايحين ?
شنو وين رايحين يمه غير للصالون ليوم خطبت اختك لْـۆ ناسي
يمه تعالي عندي موضوع وياج
شنو لموضوع احجو كدامي ترا اني موصغيره وتضمون عني وهاذي حياتي لاتقررون شي عني
خزرني عامر بغصب نزلت عيوني بخوف ومانطقت كلمه بعد.
دخلو يحجون ب ديوانيه اندك الباب گلت يمكن ساره اجتي. رحت فتحته
كان شاب طويل وحلو كلش عيونه صفرر ولحيته وشواربه همات بيهم صفار. لبسه واناقته ورحيت عطره
هل لحضه مانساها ابد.
تلبگت م̷ـــِْن شفته نزلت عيوني وصرت ورا الباب لان كنت لابسه بنطرون وقميص قصير بدون لاعبايه ولاجبه
سلام عليكم
عليكم السلام.
مو هاذه بيت عمي ابو عامر.
اي تفضل.
منو حضرتج ?
امم... اني ورود بنت عمك
هاا انتي ورود. تشرفنه اني ثائر ابن عمج ميثاق
باوعت عليه بغضب هاذه نفسه الي ضرب وسام شعنده جاينه
اشو هاذه بقه صافن عليه وصار يباوعلي م̷ـــِْن فوك الي تحت بنضرات قذره
تفضل ادخل ليش واكف
شكرا
دخل واني بسرعه ركضت للصاله دخلت يالله هاذه شرايد وليش جاي بيوم خطبتي هفف
رحت اتسمع عليهم م̷ـــِْن ورا الباب اسمعهم يحجون باسمي بس ماعرف شنو لموضوع
كلبي وجعني وبطني لوتني يالله شديصير وليش هاذه ديحجي عني منين يعرفني
بقيت اتسمع لاحد ماسمعت امي تريد تطلع ركضت للصاله حته متحس عليه
هاا ماما شكو
هسه يجي اخوج ويفهمج شكوو.
بقينه منتضرين اخوي يطلع شفت ثائر طلع سلم علئ اخوي وهو يتبسم.
لخصني بنضره ماعرف شون افسرها احسها بيها معاني هواي.
اجه يمنه عامر.
ورود عندي موضوع وياج ولازم تتقبلينه وهل شي لمصلحتج ومصلحتنه
واذا موافقتي راح نوكع بمشكله كلش جبيره.
شنو لموضوع عامر شكوو.
ثائر نهئ عليج.
احس كلامه اجاني مثل الراجدي علئ وجهي لساني انربط وماعرفت شحجي وشكول
شنووو. نهي عليه وبأيا حق ينهئ عليه ماله حق ينها اصلا مو ابن عمي.
انجبي ابن عمج وغصبن عليج عمره الدم ماصار مي
ولاضفر طلع م̷ـــِْن الحم
ليوم انتي جايه تقررين أإأذأإأ ابن عمج او لاا.
وانت اكيد وافقت وراح تنطيني اله موووو لان غني وعنده. منصب
ايي انطيتج اله. هل انسان راح يخليج تكونين سعيده مو مثل وسام حته شغل مايشتغل. شون راح تعيشين وياه
ليووم عرفت وسام شنوو. ليوم بعد ماصار كلشي وراح ننخطب اني احب وسام حته لْـۆ معنده شي احبه
تهجم عليه وكان يريد يضربني ب كوه امي سحبتني م̷ـــِْن ايده.
ماكووو خطبه ليوم سمعتي وراح تزوجين ثائر غصبن عليج ان رضيتي او مارضيتي.
عافني وطلع.
وكعت علئ الارض وصرت اصرخ وابجي.
مستحيييل ماتزوج غير وسااام والله انتحر اموت نفسي وماخلي هاذه النذل يصير زوجي.
لييش يمه لييش هيج جاي تعذبوني ڱڵـه. علئ مود الفلوس. جاي تبيعوني وتبيعون سعادتي علئ مود الفلوس.
ماعدنه حل ثاني يمه تفهمي وضعنه
شنوو ماعدكم حل ثاااني. يمه هاذي حياتي لادمروها هل شكل فدوه احجي ويه عامر.
يمه اخوج مطلوب فلوس وبس ثائر يكدر يساعده ولاتنسين احنه عايشين بيت ايجار أإأذأإأ اخوج انسجن
منو راح يصرف علينه منو راح يهتم بينه اني وخواتج
وتبيعوني. يمه تبيعون بتكم علئ الفلوس
مانبيعج انتي راح تكونين مدللهه عدهم راح تعيشين بثراهم راح تصيرين مثلهم
ماااريد فلوسهم ماريد ثراهم كلشي ماريد منهم اني اريد وسام انتي تعرفيني احبه م̷ـــِْن احنه صغار.
ليش جاي تعذبوني هيج ليششش
عافتني وطلعت. بچيت وبچيت. وصلت لمرحله صرت ماشوف م̷ـــِْن كد الدموع واحس راسي راح ينفجر.
٠٠
